നർത്തനമാടുന്നൊരാ ചെഞ്ചേറ്റിൽ നിൻ തംബുരു നാദം.

ചാഞ്ചാടും ചില്ലയിൽ പാതിയൊടിച്ചോരു മർത്ത്യനു നീ നൽകും ആനന്ദമോ?

വരുംകാല ഭൂവിൻ അവകാശികൾക്കു അന്യമാമീ ഭൂമി.

മർത്ത്യാ നിൻ ചെയ്തികളോരോന്നും എണ്ണിപറഞ്ഞീടും നിന്നുടെ പിന്മുറക്കാർ.

യാന്ത്രികമായതൊക്കെയും യാന്ത്രികംതന്നെ.

തരില്ല നിനക്കൊരിക്കലും ആത്മസുഖങ്ങളൊന്നും.

അകലെയല്ലൊരു കാലം നിൻ കുഞ്ഞിനു താരാട്ടു പാടീടും റോബോട്ടുകൾ.

നഷ്ടമാണാ പൈതലിനു വാൽസല്യമൊക്കെയും.

താരാട്ടു നൽകാനേ റോബോട്ടിനാവൂ.

ഇല്ല തരില്ലൊരിക്കലും അമ്മതൻ ദുഗ്ധവും മുത്തങ്ങളും.

ഐശ്വര്യ ലക്ഷ്മി.എസ്സ്.

സ്വദേശം പത്തനംതിട്ട ജില്ലയിലെ കുന്നന്താനം. തിരുവല്ലമാക്ഫാസ്റ്റ് കോളേജിലെ അവസാനവർഷ എം.സി.എ വിദ്യാർഥിനി ആണ് .അച്ഛൻ ശശിധരകൈമൾ.അമ്മ ഇന്ദു കുമാരി. ഇമെയിൽ: [email protected]