ലോകത്തെ ഏറ്റവും വലിയ അന്താരാഷ്ട്ര എയര്‍ലൈന്‍ കമ്പനികളിലൊന്നായ എമിറേറ്റ്‌സ് നിയമനം നടത്തുന്നു. ക്യാബിന്‍ ക്രൂ റിക്രൂട്ട്‌മെന്റാണ് നാളെ നടക്കുന്നത്. യുകെയിലെ 11 സിറ്റികളിലായി നടക്കുന്ന ഓപ്പണ്‍ ഡേ റിക്രൂട്ട്‌മെന്റുകളിലൊന്നാണ് സ്റ്റോക്ക്-ഓണ്‍- ട്രെന്റില്‍ നാളെ നടത്തുന്നതെന്ന് എമിറേറ്റ്‌സ് അറിയിച്ചു. വിവിധ രാജ്യങ്ങളില്‍ നിന്നുള്ളവരാണ് എമിറേറ്റ്‌സിന്റെ ക്യാബിന്‍ ക്രൂവില്‍ ഉള്ളത്. അവര്‍ക്കൊപ്പം ചേരാന്‍ ഉദ്യോഗാര്‍ത്ഥികളെ ക്ഷണിക്കുകയാണെന്ന് എമിറേറ്റ്‌സ് വക്താവ് അറിയിച്ചു. എയര്‍ലൈന്റെ വളര്‍ച്ചക്കനുസരിച്ച് ജീവനക്കാരുടെ എണ്ണം വര്‍ദ്ധിപ്പിക്കുന്നതിന്റെ ഭാഗമായാണ് റിക്രൂട്ട്‌മെന്റ്. അടുത്തിടെ പുതിയ റൂട്ടുകളിലേക്ക് സര്‍വീസുകള്‍ ആരംഭിച്ച എമിറേറ്റ്‌സ് പുതിയ വിമാനങ്ങളും തങ്ങളുടെ ഫ്‌ളീറ്റിന്റെ ഭാഗമാക്കിയിരുന്നു.
വളരെ ആകര്‍ഷകമായ എംപ്ലോയ്‌മെന്റ് പാക്കേജുകളാണ് കമ്പനി ജീവനക്കാര്‍ക്ക് നല്‍കുന്നത്. നികുതി രഹിത വരുമാനം, ദുബായില്‍ ഉന്നത നിലവാരത്തിലുള്ള ഷെയേര്‍ഡ് അക്കോമഡേഷന്‍, ജോലിക്കും തിരിച്ചും സൗജന്യ യാത്ര, മെഡിക്കല്‍, ഡെന്റല്‍ കവര്‍, ദുബായിലെ ഷോപ്പിംഗിനും ഉല്ലാസ യാത്രക്കും എക്‌സ്‌ക്ലൂസീവ് ഡിസ്‌കൗണ്ടുകള്‍ എന്നിവ ലഭിക്കും. കുടുംബാംഗങ്ങള്‍ക്കും സുഹൃത്തുക്കള്‍ക്കും യാത്രാ കണ്‍സെഷനുകളും കമ്പനി നല്‍കുന്നുണ്ട്. തുറന്ന മനസും സഹായ മനസ്‌കരും സേവന സന്നദ്ധരുമായ ആളുകളെയാണ് തങ്ങള്‍ ജീവനക്കാരായി പ്രതീക്ഷിക്കുന്നതെന്ന് എമിറേറ്റ്‌സ് യുകെ ഡിവിഷണല്‍ വൈസ് പ്രസിഡന്റ് റിച്ചാര്‍ഡ് ജ്യൂസ്ബറി പറഞ്ഞു. യാത്രക്കാര്‍ക്ക് ഏറ്റവും മികച്ച സേവനം നല്‍കുന്നതിനായാണ് ഇത്.
ഉദ്യോഗാര്‍ത്ഥികള്‍ക്ക് തങ്ങളുടെ കരിയര്‍ തുടങ്ങാന്‍ ഏറ്റവും നല്ല അവസരമാണ് ഈ ഓപ്പണ്‍ ഡേയെന്ന് അദ്ദേഹം വ്യക്തമാക്കി. ഒരു പുതിയ ഫോട്ടോഗ്രാഫും സിവിയുമായി എത്തിയാല്‍ മാത്രം മതിയാകുമെന്നും അദ്ദേഹം പറഞ്ഞു. ദിവസം മുഴുവന്‍ ചെലവഴിക്കാന്‍ തയ്യാറായി വേണം എത്താന്‍. ഷോര്‍ട്ട്‌ലിസ്റ്റ് ചെയ്യപ്പെടുന്നവരുടെ അടുത്ത ഘട്ട ഇന്റര്‍വ്യൂ, അസസ്‌മെന്റ് എന്നിവയ്ക്കായുള്ള സമയവും നാളെത്തന്നെ അറിയിക്കുമെന്നും ജ്യൂസ്ബറി വ്യക്തമാക്കി. കൂടുതല്‍ വിവരങ്ങള്‍ അറിയാന്‍ ക്ലിക്ക് ചെയ്യുക
Leave a Reply