ന്യൂസ് ഡെസ്ക്, മലയാളം യുകെ
യുകെയിൽ അടുത്തിടെയായി ഇ- ബൈക്കുകളും സ്കൂട്ടറുകളും വ്യാപകമായി തീപിടുത്തത്തിന് വിധേയമാകുന്നതായുള്ള റിപ്പോർട്ടുകൾ പുറത്തുവന്നു. 2024 ൽ മാത്രം ഇത്തരം ഇരുനൂറിൽപരം അപകടങ്ങളിലാണ് അഗ്നിശമനസേന ഇടപെടേണ്ടതായി വന്നത് . ഇത്തരം വാഹനങ്ങളിൽ ഉപയോഗിക്കുന്ന ലിഥിയം – അയൺ ബാറ്ററികൾ ഉണ്ടാക്കുന്ന അപകടങ്ങൾ കടുത്ത സുരക്ഷാ വീഴ്ചയിലേയ്ക്കാണ് വിരൽ ചൂണ്ടുന്നത്.
2023 -ൽ ഇത്തരം അപകടങ്ങളുടെ എണ്ണം 207 ആയിരുന്നെങ്കിൽ 2024 ൽ അത് 211 ആയി ഉയർന്നു. എന്നാൽ 2017 -ൽ ഇത് വെറും രണ്ട് എണ്ണം മാത്രമായിരുന്നു. ഇ-ബൈക്കുകളും ഇ-സ്കൂട്ടറുകളും പ്രകൃതി സൗഹൃദ ജനപ്രിയ ഗതാഗത മാർഗ്ഗമാണെങ്കിലും അവമൂലം ഉണ്ടാക്കുന്ന തീപിടുത്ത സാധ്യതയെ കുറിച്ച് ലണ്ടൻ അഗ്നിശമന സേന മുന്നറിയിപ്പ് നൽകിയിട്ടുണ്ട്. നിലവിലെ സ്കൂട്ടറുകളും ബൈക്കുകളും മാറ്റം വരുത്തി നിരത്തിലിറക്കുന്ന ഇലക്ട്രിക് വാഹനങ്ങളാണ് പ്രധാനമായും അപകടം ഉണ്ടാക്കുന്നതെന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത്.
Leave a Reply