യുകെയിലെ കലാസാംസ്കാരിക നഗരം എന്നറിയപ്പെടുന്ന ലിവർപൂളിൽ ആദ്യമായി ഒരു നൃത്തസംഗീത നിശ ഒരുങ്ങുന്നു. യുകെയിലെ സംഗീത വേദികളിലെ നിറസാന്നിദ്ധ്യങ്ങളും മ്യൂസിക് ബാൻഡ് അംഗങ്ങളുമായ ശ്രീ രഞ്ജിത്ത് ഗണേഷ് ( Liverpool) , ശ്രീ റോയ് മാത്യു (Manchester), ശ്രീ.ഷിബു പോൾ ( Manchester), ശ്രീ.ജിനിഷ് സുകുമാരൻ ( Manchester ) എന്നിവരാണ് ഈ വരുന്ന മെയ് 31 – ന് നടക്കുന്ന കലാ സന്ധ്യയ്ക്ക് ചുക്കാൻ പിടിക്കുന്നത്.
നോർത്ത് വെസ്റ്റിലെയും അതുപോലെതന്നെ യുകെയിലെ വിവിധ ഭാഗങ്ങളിൽ നിന്നും എത്തുന്ന കലാകാരികളും കലാകാരന്മാരും ലിവർപൂളിലെ കാർഡിനൻ ഹീനൻ സ്കൂളിലെ വമ്പൻ സ്റ്റേജിലായിരിക്കും തങ്ങളുടെ കലാപ്രകടനങ്ങൾ കാഴ്ചവയ്ക്കുക.
മലയാളത്തിലും ബോളിവുഡിലും ശ്രദ്ധേയമായ വേഷങ്ങൾ കൈകാര്യം ചെയ്ത് തന്റേതായ വ്യക്തി മുദ്ര പതിപ്പിച്ച സിനിമാ താരം ശ്രീ. ഡിസ്നി ജെയിംസ് മുഖ്യാഥിതിയായെത്തുന്ന വേദിയിൽ യുകെയിലെ കലാസാംസ്കാരിക രംഗത്തെ പ്രമുഖ വ്യക്തിത്വങ്ങളും അതിഥികളായെത്തും. ഈ കലാമാമാങ്കത്തിലേക്ക് ഏവരെയും സ്വാഗതം ചെയ്യുന്നതായി സംഘാടകർ അറിയിച്ചു.
Leave a Reply