തിരുവനന്തപുരം കോവളം പോറോട് പാലത്തിനു സമീപo നിയന്ത്രണം വിട്ട ലോറി സ്കൂട്ടറുകളിലിടിച്ച് മൂന്നാം ക്ലാസ് വിദ്യാർഥിനി മരിച്ചു. സഹോദരിയും മുത്തച്ഛനുമടക്കം ഒന്‍പത് പേര്‍ക്ക് പരുക്കേറ്റു. ലോറി അമിത വേഗതിയിലായിരുന്നുവെന്നും റോഡിന്റെ അശാസ്ത്രീയ നിര്‍മാണമാണ് തുടർച്ചയായ അപകടങ്ങൾക്ക് കാരണമെന്നും നാട്ടുകാർ പറയുന്നു. ആഴാകുളം ബദ് ലഹേo സ്കൂൾ വിദ്യാർഥിനി ചന്ദന ഷിബുവാണ് മരിച്ചത് . കുട്ടിയുടെ സഹോദരി നന്ദനയും മുത്തച്ഛൻ സുകുമാരനുമടക്കം ഒൻപത് പേർക്ക് പരുക്കേറ്റു. തമിഴ്നാട്ടിലേയ്ക്ക് പോകുകയായിരുന്ന ലോറി രണ്ട് സ്കൂട്ടറുകളിലും ഒരു ബൈക്കിലുമിടിച്ചാണ് അപകടം. നിർമ്മാണത്തിലിരിക്കുന്ന കഴക്കൂട്ടം കാരോട് ബൈപ്പാസിലാണ് അപകടമുണ്ടായത്. ട്യൂഷന്‍ കഴിഞ്ഞ് പേരക്കുട്ടികളുമായി വീട്ടിലേയ്ക്കു പോകുകയായിരുന്ന സുകുമാരന്റെ സ്കൂട്ടര്‍ പ്രധാന റോഡിലേയ്ക്ക് ഇടിക്കാതിരിക്കാനായി ലോറി വെട്ടിക്കുകയായിരുന്നു. ലോറി ഡ്രൈവര്‍ക്ക് പകരം ഉടമയാണ് ഒാടിച്ചിരുന്നതെന്നും ആരോപണമുണ്ട്….
Leave a Reply