നേട്ടം അവസാനിക്കുന്നില്ല. 100 കോടി കാഴ്ചക്കാരുമായി പുതിയ ചരിത്രം കുറിച്ച് ധനുഷും സായി പല്ലവിയും. റൗഡി ബേബി പാട്ടുണ്ടാക്കിയ തരംഗം ഇപ്പോൾ യൂട്യൂബിൽ തെന്നിന്ത്യൻ ഭാഷയിൽ 1 ബില്യൺ വ്യൂസ് നേടുന്ന വിഡിയോ എന്ന റെക്കോർഡ് സ്വന്തമാക്കുകയാണ്. ധനുഷിന്റെ െകാലവെറി പാട്ട് പുറത്തെത്തി 9–ാം വർഷം പിന്നിടുന്ന ദിവസമാണ് ഈ പുതിയ നേട്ടം എന്നതും ശ്രദ്ധേയം. 1 ബില്യൺ വ്യൂസ് നേടിയതിന്റെ സന്തോഷം ധനുഷും സായ് പല്ലവിയും ട്വിറ്ററിലൂടെ പങ്കുവെച്ചു.

2018 ലാണ് മാരി 2 പുറത്തിറങ്ങിയത്. ധനുഷിന്റേയും സായ് പല്ലവിയുടേയും നൃത്ത രംഗങ്ങളായിരുന്നു പാട്ടിനെ വൈറലാക്കിയത്. പ്രഭുദേവയാണ് പാട്ടിന് കൊറിയോഗ്രഫി നിർവഹിച്ചത്. യുവാൻ ശങ്കർ രാജയാണ് സംഗീത സംവിധാനം. ധനുഷും ദീയും ചേർന്നാണ് ഗാനം ആലപിച്ചത്.