വിമാനയാത്രക്കിടെ മദ്യപിച്ച്​ വനിതകളോട്​ മോശമായി പെരുമാറുകയും മർദിക്കുകയും ചെയ്​ത യാ​ത്രക്കാരൻ അറസ്​റ്റിൽ. ഒഹിയോയിൽനിന്നുള്ള യാത്രക്കാരനാണ്​ അറസ്​റ്റിലായത്​. ഫിലാഡൽഫിയയിൽനിന്ന്​ മിയാമിയി​േലക്കുള്ള​ ഫ്രൻറിയർ എയർലൈൻ വിമാനത്തിലായിരുന്നു അതിക്രമം.

ഒഹി​േയാ സ്വദേശിയായ മാക്​സ്​വെൽ ബെറി വിമാനത്തിന്​ അകത്ത്​ നടന്നു. പിന്നീട്​ സീറ്റിൽ ഇരിക്കുകയും മദ്യപിക്കുകയും ചെയ്​തു. ഇതോടെ വിമാനത്തിനുള്ളിൽ അതിക്രമം ആരംഭിക്കുകയായിരുന്നു യുവാവ്​. ഒരു വനിത ജീവനക്കാരിയോട്​ അപമര്യാദയായി പെരുമാറി. പിന്നീട്​ അയാൾ ബാത്ത്​റൂമിൽ പോകുകയും ഷർട്ട്​ അഴിച്ച്​ വരികയുമായിരുന്നു. ലഗേജിൽനിന്ന്​ പുതിയ ഷർട്ട്​ എടുക്കാൻ ശ്രമിക്കുന്നതിനിടെ നിരവധി സ്​ത്രീകളെ കടന്നുപിടിച്ചു.

  പിണങ്ങി കഴിയുന്ന ഭാര്യയ്ക്കിട്ട് പാര വയ്ക്കാൻ വിവാഹ പരസ്യം നൽകിയ ഭർത്താവ് അറസ്റ്റിൽ . സോഫ്റ്റ്‌വെയർ എൻജിനീയർ ആയ യുവാവ് അറസ്റ്റിലായത് ഭാര്യാ പിതാവ് നൽകിയ പരാതിയെ തുടർന്ന്

രംഗം ശാന്തമാക്കാൻ എത്തിയ പുരുഷ ജീവനക്കാര​െൻറ മുഖത്ത്​ ഇയാൾ ഇടിക്കുകയും ചെയ്​തു. പിന്നീട്​ മറ്റു ജീവനക്കാരെയും മർദിച്ചതോടെ സീറ്റിൽ ഇയാളെ കെട്ടിയിടുകയായിരുന്നു. അതിക്രമത്തി​െൻറ വിഡിയോ ദൃശ്യങ്ങൾ ട്വിറ്ററിൽ വ്യാപകമായി പ്രചരിച്ചു. വിമാന ജീവനക്കാരനെ മർദിച്ചതിന്​ ശേഷം ത​െൻറ പിതാവ്​ കോടീശ്വരനാണെന്ന്​ മാക്​സ്​വെൽ വിളിച്ചു പറയുന്നത്​ ​വിഡിയോയിൽ കാണാം.

22കാരനെ പിന്നീട്​ പൊലീസിന്​ കൈമാറി. മിയാമിയിൽ എത്തിയതിന്​ ശേഷമായിരുന്നു അറസ്​റ്റ്​. സംഭവത്തിൽ ഒരു ജീവനക്കാരനെയും അന്വേഷണ വിധേയമായി സസ്​പെൻഡ്​ ചെയ്​തു.