സമീക്ഷ യുകെ സംഘടിപ്പിക്കുന്ന സാംസ്‌കാരിക സദസ്സിന്റെ ഉത്‌ഘാടനം മാർച്ച് 7 ഞായറാഴ്ച

സമീക്ഷ യുകെ സംഘടിപ്പിക്കുന്ന സാംസ്‌കാരിക സദസ്സിന്റെ ഉത്‌ഘാടനം മാർച്ച് 7 ഞായറാഴ്ച
March 02 06:36 2021 Print This Article

ഇബ്രാഹിം വാക്കുളങ്ങര

കേരളത്തിൽ സമാഗതമായിരിക്കുന്ന നിയമസഭാ തിരഞ്ഞെടുപ്പിന്റെ പ്രചരണാർത്ഥം സമീക്ഷ യുകെ സംഘടിപ്പിക്കുന്ന സാംസ്‌കാരിക സദസ്സിന്റെ ഉത്‌ഘാടനം ഈ വരുന്ന ഞായർ മാർച്ച് 7 യുകെ സമയം ഉച്ചക്ക് ഒരുമണിക്ക് ബഹുമാനപെട്ട സിപിഐഎം കേന്ദ്ര കമ്മറ്റി അംഗം ശ്രീ ഇപി ജയരാജൻ നിർവഹിക്കും . പ്രസ്തുത ചടങ്ങിൽ മുഖ്യ പ്രഭാഷകരായി ഡോ. രാജ എൻ ഹരിപ്രസാദ് (റിസേർച്ചർ, സോഷ്യൽ ആക്ടിവിസ്റ്റ്, ഒറേറ്റർ ), സ്വാമി സന്ദീപാനന്ദഗിരി (ഫൗണ്ടർ & ഡയറക്ടർ ഓഫ് ദി “സലഗ്രാം പബ്ലിക് ചാരിറ്റബിൾ ട്രസ്റ്റ്”) എന്നിവർ പങ്കെടുക്കുന്നു. സൂമിലൂടെയും ഫെയ്‌സ്ബുക്കിലൂടെയും ആകും പരുപാടി നടത്തപ്പെടുക.

ഈ സർക്കാർ അധികാരത്തിൽ വരുന്നതിനു മുമ്പ് പുറത്തിറക്കിയ പ്രകടനപത്രികയിൽ പറഞ്ഞ മുഴുവൻ കാര്യങ്ങളും അതിൽ ഒരുപാട് കൂടുതലും നടപ്പിലാക്കി കഴിഞ്ഞിരിക്കുകയാണ്. അതെല്ലാം തന്നെ നേരിൽ കാണാൻ കഴിയുന്ന തെളിവുകളായി നമുക്കു മുന്നിൽ തെളിമയോടെ തിളങ്ങി നിൽക്കുന്നു. പ്രകടന പത്രികകൾ വെറും വാഗ്‌ദാനങ്ങൾ മാത്രമല്ല പാലിക്കപ്പെടാനുള്ളതാണ് എന്ന് കേരളത്തിലെ ജനങ്ങൾക്ക് മനസിലാക്കി കൊടുത്ത ഒരു സർക്കാർ ആണ് ഇത്. ഇന്ത്യയുടെ സാമൂഹിക സാംസ്‌കാരിക മേഖലകളിൽ സംഘപരിവാർ അജണ്ടകൾ അടിച്ചേൽപ്പിക്കുമ്പോൾ, ഇന്ത്യൻ ചരിത്രത്തെ തന്നെ തിരുത്തി എഴുതുവാൻ ശ്രമിക്കുമ്പോൾ അതിനെതിരെ ഒരു ജനതയക്ക് വേണ്ടി മുൻപിൽ നിന്ന് പോരാടിയ ഒരു ഗവണ്മെന്റ് ആണ് കേരളത്തിലെ എൽഡിഫ് ഗവണ്മെന്റ് . അതുകൊണ്ടുതന്നെ ഈ ഗവണ്മെന്റിന്റെ തുടർഭരണം കേരളത്തിന്റെ മാത്രം അല്ല ഇന്ത്യയുടെ തന്നെ മത നിരപേക്ഷമനസ്സുകളുടെ ആവശ്യമാണ് എന്ന് സമീക്ഷ യുകെ വിലയിരുത്തുന്നു.

മാർച്ച് 7 നു നടക്കുന്ന പ്രസ്തുത പരുപാടിയിൽ നിങ്ങൾ ഓരോരുത്തരുടെയും പങ്കാളിത്തം ഉറപ്പുവരുത്തി പരിപാടി വിജയിപ്പിക്കണം എന്ന് സമീക്ഷ യുകെ നാഷണൽ കമ്മറ്റി അഭ്യർത്ഥിച്ചു .

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles