ന്യൂസ് ഡെസ്ക്, മലയാളം യുകെ
ഹാംഷെയറിൽ വിദ്യാർത്ഥികളുമായി പോയ ഡബിൾ ഡെക്കർ ബസ് നദിയിലേക്ക് ഇടിച്ചുകയറി ഏഴ് പേരെ ആശുപത്രിയിൽ പ്രവേശിപ്പിച്ചു . സിക്സ്‌ത് ഫോം കോളേജ് സ്റ്റുഡന്റൻസുമായി പോയ ബസ് ആണ് അപകടത്തിൽ പെട്ടത്. ബസ് നദിയിലേക്ക് മറിഞ്ഞാണ് അപകടം സംഭവിച്ചത്. പരുക്കു തിൽ പറ്റിയവരെ സതാംപ്ടൺ യൂണിവേഴ്സിറ്റി ഹോസ്പിറ്റലിൽ പ്രവേശിപ്പിച്ചിരിക്കുകയാണ്.
ആശുപത്രിയിലുള്ളവരിൽ രണ്ടുപേരുടെ നില ഗുരുതരമാണെന്നാണ് പുറത്തുവരുന്നു വിവരങ്ങൾ സൂചിപ്പിക്കുന്നത്. അപകടം നടന്ന ഉടനെ ആരോ ചിത്രീകരിച്ചതിൽ കുട്ടികൾ പേടിച്ച് നിലവിളിക്കുന്ന വിഡിയോ പുറത്തുവന്നിരുന്നു. സംഭവം നടന്ന ഉടനെ തന്നെ അടിയന്തിര സേവനങ്ങൾ എത്തി രക്ഷാപ്രവർത്തനം നടത്തി. വിദ്യാർത്ഥികളെ രക്ഷിക്കാൻ പൊതുജനങ്ങളും രക്ഷാപ്രവർത്തകരെ സഹായിച്ചു. ബസിന്റെ മുൻവശത്തെ ഗ്ലാസ്സുകൾ പൂർണ്ണമായും തകർന്നിട്ടുണ്ട്. ഡ്രൈവറുടെ ക്യാബിൻ പൂർണ്ണമായും ചെളി നിറഞ്ഞ അവസ്ഥയിലാണ്. ഒരു ബോംബ് സ്ഫോടനം പോലെ ഭയാനകമായ ശബ്ദം കേട്ടെന്നാണ് അപകടം നടന്ന സ്ഥലത്തിന് സമീപം താമസിക്കുന്ന വ്യക്തി വെളിപ്പെടുത്തിയത്. ബസ് റോഡിൽ നിന്ന് തെന്നി മാറി നദിയിൽ വീണതിന്റെ കാരണങ്ങളെ കുറിച്ച് അന്വേഷണം നടത്തുമെന്ന് ഹാംഷെയർ പോലീസിലെ ഇൻസ്‌പെക്ടർ ആൻഡി ടെസ്റ്റർ പറഞ്ഞു.
Leave a Reply