യുകെയിലെ റെഡ്ഡിച്ചിൽ അകാലത്തിൽ മരണമടഞ്ഞ ഷീജ കൃഷ്ണൻറെ ശവസംസ്കാര ചടങ്ങുകൾ യുകെയിൽ നടത്താൻ തീരുമാനമായി. ലഭ്യമായ വിവരങ്ങൾ അനുസരിച്ച് ജൂൺ പത്താം തീയതി വ്യാഴാഴ്ച ചടങ്ങുകൾ നടത്താനാണ് ബന്ധുക്കൾ തീരുമാനമെടുത്തിരിക്കുന്നത്.

ഷീജയുടെ വീട്ടുകാർക്ക് മൃതദേഹം നാട്ടിൽ എത്തിച്ച് അന്തിമ ചടങ്ങുകൾ നടത്താനായിരുന്നു താത്പര്യം. എന്നാൽ ഭർത്താവ് ബിജുവിന് ഭാര്യയുടെ ശവസംസ്കാര ചടങ്ങുകൾ യുകെയിൽ തന്നെ നടത്താനായിരുന്നു ആഗ്രഹം. ശവസംസ്കാര ചടങ്ങുകൾക്ക് എല്ലാ നടപടികളും പൂർത്തിയായതായി കുടുംബത്തോട് അടുത്ത സുഹൃത്തുക്കൾ വ്യക്തമാക്കി. കോവിഡ് പ്രോട്ടോകോൾ നിലനിൽക്കുന്നതിനാൽ 30 പേർക്ക് മാത്രമേ ചടങ്ങുകളിൽ പങ്കെടുക്കാൻ സാധിക്കുകയുള്ളൂ.