ന്യൂസ് ഡെസ്ക്, മലയാളം യുകെ
പ്രായപൂർത്തിയാകാത്ത പെൺകുട്ടികളെ ലൈംഗികമായി പീഡിപ്പിച്ച കുറ്റത്തിന് 6 പുരുഷന്മാർക്കെതിരെ കേസെടുത്തു. പ്രതികൾ എല്ലാവരും 21നും 43 നും ഇടയിൽ പ്രായമുള്ളവരാണ്. 6 പെൺകുട്ടികൾ ആണ് ലൈംഗിക അതിക്രമത്തിന് ഇരയായത്. പെൺകുട്ടികൾ എല്ലാവരും 18 വയസ്സിന് താഴെ പ്രായമുള്ളവരാണ്.
കോഡ്രിൻ ദുര( 25), ലിയോനാർഡ് പോൺ ( 22), സ്റ്റെഫാൻ സിയുരാരു( 21), ബോഗ്ദാൻ ഗുഗിയുമാൻ ( 43), ക്ലൗഡിയോ അലക്സിയു (27), ഇയോനട്ട് മിഹായ് ( 27) എന്നിവരാണ് പ്രതി പട്ടികയിൽ ഉള്ളത്. ബലാത്സംഗം, പ്രായപൂർത്തിയാകാത്തവരുമായുള്ള ലൈംഗിക പ്രവർത്തനങ്ങൾ, ഒരു കുട്ടിയുടെ ഫോട്ടോകൾ വിതരണം ചെയ്യൽ, എ ക്ലാസ് മയക്കുമരുന്ന് വിതരണം എന്നിവ ഉൾപ്പെടെയുള്ള കുറ്റകൃത്യങ്ങൾ ആണ് പ്രതികൾ നടത്തിയതായി കുറ്റപത്രത്തിലുള്ളത്. കോഡ്രിൻ ദുരയ്ക്ക് എതിരെ 8 ബലാൽസംഗം ഉൾപ്പെടെ 17 കുറ്റങ്ങളാണ് ചുമത്തിയിരിക്കുന്നത്. മറ്റ് പ്രതികൾക്കെതിരെയും ലൈംഗിക കുറ്റങ്ങൾ കൂടാതെ മയക്കുമരുന്ന് വിതരണം തുടങ്ങിയ കുറ്റങ്ങളും ഉൾപ്പെടുത്തിയിട്ടുണ്ട്’.
കഴിഞ്ഞയാഴ്ച ന്യൂകാസിൽ മജിസ്ട്രേറ്റ് കോടതിയിൽ ഹാജരാക്കിയപ്പോൾ ആറ് പ്രതികളെയും കുറ്റം ചുമത്തി സോപാധിക ജാമ്യത്തിൽ വിട്ടയച്ചു. ഇവരെ അടുത്തമാസം മജിസ്ട്രേറ്റ് കോടതിയിൽ ഹാജരാക്കും എന്നാണ് അറിയിച്ചിരിക്കുന്നത്. ആരോപണങ്ങൾ റിപ്പോർട്ട് ചെയ്യാൻ മുന്നോട്ടു വന്ന പെൺകുട്ടികൾക്കും അവരുടെ കുടുംബങ്ങൾക്കും എല്ലാവിധ പിന്തുണയും നൽകുമെന്ന് കേസിലെ മുതിർന്ന അന്വേഷണ ഉദ്യോഗസ്ഥനായ ഡിറ്റക്ടീവ് ചീഫ് ഇൻസ്‌പെക്ടർ ഗ്രേം ബാർ പറഞ്ഞു. കേസ് ഇപ്പോൾ കോടതിയിൽ ആണെന്നും ഇത് സംബന്ധിച്ച് അനാവശ്യ ഊഹാപോഹങ്ങൾ പ്രചരിപ്പിക്കുന്നത് അവസാനിപ്പിക്കണമെന്നും പോലീസ് ആവശ്യപ്പെട്ടിട്ടുണ്ട്.
Leave a Reply