ന്യൂസ് ഡെസ്ക്, മലയാളം യുകെ
ബഹുനില കെട്ടിടത്തിൻ്റെ കാർ പാർക്കിങ്ങിൽ വച്ചുണ്ടായ അപകടത്തിൽ ആറുമാസം പ്രായമുള്ള പെൺകുട്ടി കൊല്ലപ്പെട്ടു. ജനുവരി 2-ന് പെംബ്രോക്‌ഷെയറിലെ ടെൻബിയിലുണ്ടായ അപകടത്തെ തുടർന്ന് ഗ്രേറ്റർ മാഞ്ചസ്റ്ററിലെ ലീയിൽ നിന്നുള്ള സോഫിയ കെലെമെനെ ആശുപത്രിയിൽ പ്രവേശിപ്പിച്ചെങ്കിലും അടുത്ത ദിവസം മരിച്ചു. കടൽത്തീര നഗരമായ ടെന്‍ബിയിലെ കാർപാർക്കിങ്ങിലെ ഏറ്റവും താഴത്തെ നിലയിലായിരുന്നു അപകടം നടന്നത്.
സംഭവത്തെ തുടർന്ന് ലൈസൻസില്ലാതെ അപകടകരമായി വാഹനം ഓടിച്ചതിന് ഒരാളെ പോലീസ് അറസ്റ്റ് ചെയ്തിരുന്നു. വിഗനിൽ നിന്നുള്ള 33 കാരനായ ഫ്ലാവിയു നാഗിവിനെയാണ് പോലീസ് കസ്റ്റഡിയിൽ എടുത്തത്. ഇയാളെ ഫെബ്രുവരി 7 ന് സ്വാൻസി ക്രൗൺ കോടതിയിൽ ഹാജരാക്കും. ഇയാൾ മദ്യപിച്ചിരുന്നെന്നും മയക്കുമരുന്ന് ഉപയോഗിക്കുന്ന ആളാണെന്നുമാണ് പുറത്തുവരുന്ന വിവരങ്ങൾ സൂചിപ്പിക്കുന്നത്. ഈ ദുഷ്കരമായ സമയത്ത് പിഞ്ചുകുഞ്ഞിന്റെ കുടുംബത്തിന് ആവശ്യമായ പിന്തുണ നൽകുമെന്ന് പോലീസ് പറഞ്ഞു.
Leave a Reply