ഫിലിപ്പീൻസ് തലസ്ഥാനമായ മനിലയിലെ കാസിനോ ഹോട്ടലിൽ തോക്കുധാരി നടത്തിയ വെടിവയ്പിനിടെ 34 പേര് മരിച്ചതായി റോയിറ്റേഴ്സ് റിപ്പോര്‍ട്ട് ചെയ്യുന്നു. മുഖംമൂടി ധരിച്ച തോക്കുധാരിയാണ് വെടിവയ്പ് നടത്തിയത്. വെടി കൊണ്ടല്ല ഇത്രയും ആളുകള്‍ മരിച്ചതെന്നും ശ്വാസം മുട്ടിയാണെന്നും അധികൃതര്‍ വ്യക്തമാക്കി.
ന്യൂപോർട്ട് സിറ്റിയിലെ റിസോർട്ട് വേൾഡ് മനിലയിൽ വെള്ളിയാഴ്ച രാത്രിയാണ് ആക്രമണമുണ്ടായത്. ഹോട്ടലിന്റെ ഗെയിമിംഗ് ഏരിയയിൽ കടന്ന തോക്കുധാരി തുടർച്ചയായി വെടിയുതിർക്കുകയായിരുന്നു. ചൂതാട്ടം കളിക്കുന്ന ഉപകരണങ്ങള്‍ക്ക് നേരെയാണ് ഇയാള്‍ വെടിവെച്ചത്.
ഹോട്ടലിലെ മേശകളും മറ്റും അഗ്നിക്കിരയാക്കുകയും ചെയ്തു. ആക്രമണത്തിൽ ഹോട്ടലിന്റെ ചില ഭാഗങ്ങൾക്ക് തീപിടിക്കുകയും തുടര്‍ന്നാണ് ഇവര്‍ ശ്വാസം മുട്ടി മരിച്ചതെന്നുമാണ് വിവരം.
Leave a Reply