ന്യൂസ് ഡെസ്ക് മലയാളം യുകെ
ജനിതക മാറ്റം വന്ന കൊറോണ വൈറസ് ലോകത്തിനു തന്നെ ഏറ്റവും വലിയ ഭീഷണിയാകുമെന്ന് യുകെയുടെ ജനറ്റിക് സർവീലൻസ് പ്രോഗ്രാമിൻ്റെ ഡയറക്ടർ മുന്നറിയിപ്പ് നൽകി . ഏകദേശം അമ്പതിലധികം രാജ്യങ്ങിൽ ഇതിനോടകം ജനിതക മാറ്റം വന്ന കൊറോണ വൈറസിനെ കണ്ടെത്തിയ സാഹചര്യത്തിലാണ് ഈ പ്രസ്താവന പുറത്തു വന്നത്. ഈ വൈറസ് വകഭേദം യത്ഥാർത്ഥ വൈറസിനേക്കാൾ വേഗതയിൽ പടരുന്നു എന്ന് പഠനങ്ങൾ കാണിക്കുന്നു .
യുകെയിലെ കോവിഡ്- 19 ജീനോ മിക്സിൻെറ ഹെഡ് ആയ പ്രൊഫസർ ശാരോൺ പീക്കോക്കാണ് കൊറോണ വൈറസിൻ്റെ പുതിയ വകഭേദം ലോകത്തെ തന്നെ തകർക്കും എന്ന് പറഞ്ഞത്. ഇതിനോടകം ജനിതകമാറ്റം വന്ന കോവിഡ്- 19 യുകെയിൽ നിരവധി പേർക്കാണ് റിപ്പോർട്ട് ചെയ്തിരിക്കുന്നത്, എന്നാൽ നിലവിലെ വാക്സിൻ ഇതിനെതിരെ പ്രവർത്തിക്കുന്നുണ്ടെന്നാണ് കണ്ടെത്തലുകൾ സൂചിപ്പിക്കുന്നത്.
സൗത്ത് ആഫ്രിക്കയിൽ കണ്ടെത്തിയ വകഭേദത്തിലേയ്ക്ക് ഈ വൈറസ് രൂപാന്തരപ്പെടാൻ തുടങ്ങി എന്നതാണ് ആശങ്കയിലേക്ക് നയിക്കുന്നത്. ഈ വകഭേദമാകട്ടെ വാക്സിനുകളിൽ നിന്ന് ലഭിക്കുന്ന പ്രതിരോധ ശേഷിയെ ചെറുക്കാൻ കഴിവുള്ളവയാണ്.
കെൻ്റ് വേരിയന്റ് 2020 സെപ്തംബറിലാണ് രാജ്യത്ത് ആദ്യമായി കണ്ടെത്തിയത്. പിന്നീട് വളരെ പെട്ടെന്ന് തന്നെ ഇത് രാജ്യമാകെ ബാധിക്കുകയായിരുന്നു . കണക്കുകൾപ്രകാരം കോവിഡ് 19 വൈറസ് ബാധയെക്കാൾ ഏകദേശം 70 ശതമാനം വേഗതയിൽ ഈ വൈറസ് വേരിയന്റിന് പകരാൻ സാധിക്കും . വൈറസ് വേരിയന്റിൻെറ പകരാനുള്ള ഈ കഴിവ് വരുംവർഷങ്ങളിൽ ശാസ്ത്രജ്ഞർ നേരിടുന്ന വലിയൊരു വെല്ലുവിളിയാണെന്നും പ്രൊഫസർ ശാരോൺ പീക്കോക്ക് കൂട്ടിച്ചേർത്തു
Leave a Reply