ന്യൂസ് ഡെസ്ക് മലയാളം യുകെ
‘ ക്ഷമിക്കണം പൊന്നേ, ഞാൻ നിന്റെ ഭക്ഷണം കഴിച്ചു തീർത്തു ‘ ബർഗറും ചിപ് സും ഓർഡർ ചെയ്ത് കാത്തിരുന്ന 21 കാരിക്ക് യൂബർ ഈറ്റ്സ് ഡ്രൈവർ നൽകിയ സന്ദേശമാണിത്. ഇല്ലി ഇല്ലിയാസ് 14.71 പൗണ്ടിന് രണ്ട് ബർഗറും ചിപ്സും ചിക്കൻ റാപ്പുമാണ് ഓർഡർ ചെയ്തത്. ശനിയാഴ്ച യൂബർ ഈറ്റ്സ് ആപ്പ് ഉപയോഗിച്ച് ഭക്ഷണം ഓർഡർ ചെയ്ത് കാത്തിരുന്ന പെൺകുട്ടിക്ക് , ആദ്യം ഭക്ഷണം എത്തി കൊണ്ടിരിക്കുകയാണെന്നും, പിന്നീട് ഡ്രൈവർ തൊട്ടടുത്തുണ്ട് എന്നും നോട്ടിഫിക്കേഷൻ വന്നിരുന്നു. ഭക്ഷണം കയ്യിൽ എത്തുന്നതിന് പകരം ഡെലിവറി ഡ്രൈവർ കഴിച്ചു തീർത്തു എന്ന സന്ദേശമാണ് ഫോണിൽ എത്തിയത്. ഒരിക്കൽ കൂടി ആപ്പ് തുറന്നപ്പോൾ ഭക്ഷണം ഡെലിവറി ചെയ്തിട്ടുണ്ടെന്നും ഡ്രൈവർക്ക് മികച്ച റേറ്റിംഗ് നൽകണമെന്നും സന്ദേശം കണ്ടു. യൂബർ ഈറ്റ്സുമായി ബന്ധപ്പെട്ടപ്പോൾ സൗജന്യമായി ഒരിക്കൽ കൂടി ഭക്ഷണം ഓർഡർ ചെയ്യാൻ കഴിഞ്ഞു.
പെൺകുട്ടി ഡ്രൈവറെ കുറ്റം പറയാൻ തയ്യാറല്ലായിരുന്നു.” ചിലപ്പോൾ അദ്ദേഹത്തിന് ഒരുപാട് വിശന്നിട്ടുണ്ടാവാം. ഈ മഹാമാരിക്കിടയിൽ ഒരു പാവം മനുഷ്യന് ജോലി നഷ്ടപ്പെടുത്താൻ മാത്രം മണ്ടത്തരം എനിക്കില്ല. എനിക്ക് ഇതൊരു തമാശ ആയിട്ടാണ് തോന്നുന്നത്, എന്റെ ഭക്ഷണം അദ്ദേഹം കഴിച്ചു എന്നെങ്കിലും പറഞ്ഞല്ലോ. ഒടുവിൽ എനിക്ക് ഓർഡർ ചെയ്ത ഭക്ഷണവും കിട്ടി. അതിൽ എനിക്ക് ഒരു പ്രശ്നവുമില്ല.” എന്നാണ് അവൾ പ്രതികരിച്ചത്.
Leave a Reply