ടോം ജോസ് തടിയംപാട്
അധ്വാനിക്കാനുള്ള മനസും ആത്മവിശ്വാസവും കൈമുതലാക്കി ബ്രിട്ടനിൽ നേട്ടങ്ങളുടെ കൊടുമുടി കയറുകയാണ് ഒരു തോപ്രംകുടിക്കാരൻ സുന്ദർലാന്റിലെ കെയർ ഹോം മാനേജർ ആയി ബിജുമോൻ ജോസഫ് കൈവരിച്ച നേട്ടങ്ങൾ ബിട്ടനിലെ ആരോഗ്യ മേഖലയിൽ ജോലിചെയ്യുന്നു. മലയാളികൾക്ക് ആകെ അഭിമാനമാകുകയാണ്. സുന്ദർലാൻഡ് ലിച്ചുമീർ റോഡിലുള്ള നേഴ്സിംഗ് ഹോം ആണ് ബിജുമോൻ ജോസഫിന്റെ നേതൃത്വത്തിൽ സമസ്ത മേഖലയിലിയിലും മികവിന്റെ പര്യയമായി മാറിയത്. ഇംഗ്ലീഷ് മാധ്യമങ്ങൾ ഓരോന്നായി ഈ നേട്ടങ്ങളുടെ പട്ടിക നിരത്തുമ്പോൾ ബിജുവിന്റെ ഹോമിന് ഇന്നു സൂര്യതേജസാണ് .
ഇന്ത്യ , സ്പെയിൻ ,നൈജീരിയ ജെമെയ്ക്ക ,സൗത്ത് ആഫ്രിക്ക ,ഇസ്രേൽ ,ഫിലിപ്പെൻസ് , അങ്കോള ,തുടങ്ങിയ രാജ്യങ്ങളിൽ നിന്നുള്ള സ്റ്റാഫിനെ പങ്കെടുപ്പിച്ചുകൊണ്ട് ബിജു കെയർ ഹോമിൽ വിവിധ രാജ്യങ്ങളിൽ നിന്നുള്ള ഭക്ഷണപദാർത്ഥങ്ങൾ ഉണ്ടാക്കി എല്ലാവർക്കും നൽകിയതാണ് സുന്ദർലാന്റിലെ പത്രങ്ങൾ വർത്തയാക്കിയതും, ബിജുവിനെ ശ്രദ്ധിക്കാനും ഇപ്പോൾ കാരണമായത്.
യു കെയിലെ സോഷ്യൽ കെയർ സെക്ടറിൽ ഇൻഡിപെൻഡന്റ് റെഗുലേറ്റർ കെയർ ക്വാളിറ്റി കമ്മീഷന്റെ റൈറ്റനിങ് പ്രകാരം നോർത്ത് ഈസ്റ്റ് ഇംഗ്ളണ്ടിലെ ഏറ്റവും പ്രസിസിദ്ധമായ നേഴ്സിംഗ് ഹോം ആണ് മേരി ഗോൾഡ് … ഹെൽത്ത് കെയർ രംഗത്ത് ഒട്ടേറെ അവാർഡുകൾ ഇതിനോടകം ബിജുവിനെ തേടിയെത്തിയിട്ടുണ്ട് .
ഇടുക്കി തോപ്രാംകുടി ഇലവുങ്കൽ വീട്ടിൽ ജോസഫിന്റെയും മേരിയുടെയും മകനാണ് നേഴ്സ് ആയ ബിജുമോൻ.. കോട്ടയം തിരുവന്തപുരം മെഡിക്കൽ കോളേജുകളിൽ ജോലി ചെയ്ത് കിട്ടിയ പരിചയമാണ് ബ്രിട്ടനിലെ ഹെൽത്ത് സെക്ടറിൽ വിപ്ലവകരമായ മാറ്റങ്ങൾക്കു നേതൃത്വം കൊടുക്കാൻ ബിജുവിനെ സഹായിച്ചത്.
Leave a Reply