ആശയം. ഷിബു മാത്യൂ
അവതരണം. ആന്റണി ജോസഫ്
വോട്ട് കുത്താന്‍ ഇനി ദിവസങ്ങള്‍ മാത്രം. കോവിഡിനെ നാണിപ്പിച്ച് നടക്കാതെപോയ ഉത്സവങ്ങള്‍ ഒരുമിച്ചാഘോഷിക്കാനൊരുങ്ങുകയാണ് മല്ലൂസ്. ഇടത്തോട്ടും വലത്തോട്ടുമായി ആടിയും കുണുങ്ങിയും വിരിയാന്‍ പോകുന്ന താമര കാണാന്‍ വെമ്പല്‍ കൊള്ളുകയാണ് പ്രവാസി സമൂഹം. പ്രവാസി മലയാളികള്‍ക്കായി മലയാളം യുകെ ന്യൂസ് ടീം ഒരുക്കുന്ന പ്രത്യേക പംക്തിയാണ് ഇലക്ഷന്‍ ട്രോളും തള്ളും.
വോട്ടവകാശമില്ലാത്ത പ്രവാസി മലയാളികള്‍ ഇരു കൈയ്യും നീട്ടി സ്വീകരിച്ച് മലയാളം യുകെ ന്യൂസിന്റെ ഇലക്ഷന്‍ ട്രോളും.. തള്ളും.. എന്ന ആക്ഷേപഹാസ്യ പംക്തി മുന്നേറുകയാണ്. ലോകത്തെമ്പാടുമുള്ള നിരവധി വായനക്കാര്‍ ആസ്വാദന രസമുള്ള നിരവധി ട്രോളുകള്‍ പ്രസിദ്ധീകരിക്കുന്നതിനായി മലയാളം യുകെ ന്യൂസിന് ആയ്ച്ചുകൊണ്ടിരിക്കുകയാണ്.

ഇന്നത്തെ പ്രധാന ട്രോളിലോട്ടും തള്ളിലോട്ടും..
ഏറ്റവും ആഴമുള്ള കടല്‍ അറബിക്കടലാണെന്ന് കേരളം അമേരിക്കയോട്.. അമേരിക്കന്‍ മല്ലൂസ് തിരിച്ചടിച്ചു. പ്രഷര്‍ കൂടിയ കുട്ടിയമ്മ മാധ്യമങ്ങളോട് രണ്ടെണ്ണം പറഞ്ഞ് നോമ്പുകാലത്തെ ഇടയന്റെ ലേഖനം വലിച്ച് കീറി ആഴക്കടലില്‍ തള്ളി. തള്ളിയ ലേഖനം വലയില്‍ പിടിക്കുമെന്ന് കൊല്ലം രൂപതാധ്യക്ഷന്‍.
ഇതിനിടയില്‍ ക്രൈം ബ്രാഞ്ച് കയ്യാലപ്പുറത്തിരിക്കുന്ന പാവം പി സിക്കിട്ട് നൈസായി ഒരു പണി കൊടുത്തു. പണ്ടെവിടെയോ എന്തോ കണ്ടു എന്ന് അബദ്ധത്തിലൊന്നു പറഞ്ഞു പോയീ പാവം പി സി!! ഉമ്മച്ചന് പ്രായമായതുകൊണ്ട് വേറെ തെളിവുകളുടെ ആവശ്യമില്ല, സോറി.. തെളിവുകള്‍ ഒന്നും ഇല്ല. അതുകൊണ്ട് ഉമ്മനെ വെറുതെ വിട്ടിരിക്കുന്നു എന്ന്. കേട്ടപാതി കേള്‍ക്കാത്ത പാതി, നടക്കാതെ പോയ ആറ്റുകാല്‍ പൊങ്കാലയ്ക്ക് പൂഞ്ഞാറ്റില്‍ ഒരു തീരുമാനമായി. ഇതു കണ്ട ജോസ്‌മോന്‍ ആദ്യമൊന്നുഞെട്ടിയെങ്കിലും പുത്തൂരന്‍ വീട്ടിലെ ഇരട്ടച്ചങ്കില്‍ ധൈര്യം കൈവരിച്ചു. പക്ഷേ, വേണുഗീതം പാടിയവര്‍ക്കെല്ലാം ഞെട്ടലുണ്ടായെന്നാണ് പിന്നീട് അറിയാന്‍ കഴിഞ്ഞത്.
അബദ്ധത്തിലാണെങ്കിലും അധികാരം കൈയ്യില്‍ കിട്ടുന്ന(ശിങ്കാരി ശംബുവിനെ ഓര്‍മ്മയില്ലേ???)കുമ്മനത്തിനും കണക്കിനു കിട്ടി. അല്ലേലും നല്ല വസ്ത്രം അഴിച്ചു വെക്കുന്നതാണല്ലോ കുമ്മന്‍ജിയുടെ ശീലം! ഗവര്‍ണ്ണറുടെ കുപ്പായം തെളിവാണ് താനും.
കുമ്മനം ആഗ്രഹിച്ച വസ്ത്രധാരണം നമ്മുടെ ട്രോളര്‍മാര്‍ പങ്കുവെച്ചു.
അട്ടയേ പിടിച്ച് മെത്തയില്‍ കിടത്തിയാല്‍…
പോത്തിന് ഏത്തവാഴയുടെ ഗുണം അറിയുമോ..?.
ഈ പഴംചൊല്ലുകള്‍ എല്ലാം ഈ കാലഘട്ടത്തില്‍ പ്രവര്‍ത്തിക്കുന്നു.

  ബ്രിട്ടനിൽ വാക്സിനേഷൻെറ അടുത്തഘട്ടം ഈ ആഴ്ച അവസാനം. 18 വയസ്സ് കഴിഞ്ഞവർക്ക് പ്രതിരോധകുത്തിവെയ്പ്പ്

ഇന്നത്തെ പ്രധാന ട്രോളുകള്‍..