ജോസ്‌ന സാബു സെബാസ്റ്റ്യൻ
പെണ്ണ് കുനിയുന്നതിന്റെയും നിവരുന്നതിന്റെയുമൊക്കെ അളവു നോക്കി നിന്ന ഇവനയൊക്കെ പണ്ടേ ആരോ ഒതുക്കിട്ടുണ്ട് . അതാണ് പെണ്ണെന്നു കേൾക്കുന്നതേ ഇവനൊക്കെ പേടി.
മഞ്ഞപ്പിത്തമുള്ളവൻ നോക്കുന്നതൊക്കെ മഞ്ഞയായി മാത്രം കാണുന്നവനേക്കാൾ താൻ കാണുന്ന കളറിന് പല ഷേഡുകൾ കൂടെ ഉണ്ടെന്നു മനസിലാക്കാൻ കഴിയുന്നവനാകണം ഒരു ജനനേതാവ് . അല്ലാതെ പെണ്ണുങ്ങളെ ഒരു ആണു നോക്കുമ്പോഴേ ഗർഭമുണ്ടകുമെന്നു കരുതി തലകുനിച്ചു നിക്കുന്നവനെയോ, ഭാരതീയ സ്ത്രീകളോട് സൂര്യാസ്തമയം വരെ ഭവ്യതയും അസ്തമയം കഴിയുമ്പോൾ തനികോണവും കാണിക്കുന്ന ചില വെള്ളയടിച്ച കുഴിമാടങ്ങളെയോ അല്ല നമുക്കിന്നാവശ്യം. അതുമല്ലെങ്കിൽ ആരൊക്കെയോ പലവട്ടി ശർദ്ദിച്ചു കുന്നുകൂട്ടിയ പല പഴയ ആശയങ്ങളുടെയും മറവിൽ അവനവന്റെ മാത്രം കുംഭനിറച്ചിട്ടും മതിയാവാതെ ജനങ്ങൾ കേട്ടുമടുത്ത ചില പഴങ്കടകഥകൾ പിന്നെയും പിന്നെയും പറഞ്ഞു അങ്ങാടിയിൽ ചുറ്റിക്കറങ്ങുന്നവനൊക്കെ ജോലി രാജി വച്ചു ചുരുണ്ടു കൂടാൻ നേരമായിട്ടും വീടണയാതെ തന്റെ പൊട്ടത്തരങ്ങളൊക്കെ വമ്പൻ ആശയങ്ങളാക്കി വിളമ്പുന്നവനെയല്ലിന്നാവശ്യം.
മറിച്ച് ആണിനേം പെണ്ണിനേം കണ്ടും കേട്ടും അറപ്പു മാറിയ, അവരുടെ മുമ്പിൽ കൈ വിറയ്ക്കാതെ സംസാരിക്കാനറിയാവുന്നൊരു ജനനേതാവിനെയാണ് നമുക്ക് വേണ്ടത് . അല്ലാതെ പെണ്ണൊന്നു നോക്കിയാൽ ചഞ്ചലിച്ചു പോവുമെന്നു ഭയന്നും കപടസദാചാര മുഖം മൂടി അഴിഞ്ഞു വീഴുമെന്നുമൊക്കെ കരുതി പെണ്ണുങ്ങൾ കൂടുന്നോടത്തു പോവാതെ പരിശുദ്ധത ചമയുന്നവനും എന്നാൽ നേരമിരുട്ടിയാൽ. സോഷ്യൽ മീഡിയയിൽ കത്തുന്ന പച്ച ലൈറ്റിൽ മാത്രം പെണ്ണുങ്ങളെ പെണ്ണുങ്ങളാണെന്ന് മനസിലാക്കുന്നവനെ നമുക്കിന്നാവശ്യമില്ല .
ആൺ പെൺ വ്യത്യാസമില്ലാതെ എല്ലാവരും ഒരേ പ്ലാനെറ്റിലുള്ള ജീവജാലങ്ങളാണെന്നു മനസിലാക്കി അവരുടെ ഇടയിലേക്ക് രാവെന്നും പകലെന്നും വ്യത്യാസമില്ലാതെ ഇറങ്ങി ചെല്ലാനും ഹസ്തദാനം നൽകാനും അവരോടൊത്തു ആടാനും പാടാനുമൊക്കെ തക്ക മനക്കരുത്തുള്ളവനേയാണ് ഇന്നാവശ്യം . അല്ലാതെ പെണ്ണിനെ വേറെയേതോ പ്ലാനെറ്റിൽ നിന്നും വന്നൊരു ജീവിമാതിരി ഒളിഞ്ഞും പാത്തും നോക്കിയും, പതുങ്ങിയിരുന്നാക്രമിച്ചു കീഴടക്കാൻ വെമ്പൽ കൊള്ളുന്നവനൊക്കെ താനാശിച്ച ഇരുട്ടുകളികൾ മറ്റൊരാൾ ഒട്ടും പതറാതെ പൊളിച്ചെഴുതി അവരുടെ ഉന്നമനത്തിനായി ചെയ്യുന്നതുകാണുമ്പോൾ പലർക്കും കുരുപൊട്ടുന്നതിൽ എന്തതിശയം ?
ശർദിച്ചാകെ മിനകെടാക്കിയിട്ടു സോറി പറഞ്ഞാൽ മണം പോകുമോ ? കൈവിട്ട ആയുധവും വാവിട്ട വാക്കും തിരിച്ചു കിട്ടില്ല എന്ന് ഓർക്കുക . ഇതൊക്കെ മനസിലായ സ്ഥിതിക്ക് നോക്കീം കണ്ടുമൊക്കെ ഇനി എന്ത് ചെയ്യണമെന്നു ജനങ്ങൾ തീരുമാനിക്കുക …
Leave a Reply