ന്യൂസ് ഡെസ്ക് മലയാളം യുകെ ന്യൂസ്
പ്രശസ്ത യൂട്യൂബ് ചാനലായ ബാൾഡ് ആന്റ് ബാങ്ക് റപ്‌റ്റിൻെറ ഉടമയായ ബെഞ്ചമിൻ റിച്ചിനെ ബൈക്കോനൂർ കോസ്‌മോഡ്രോമിലെ ലോഞ്ച് പാഡിന് സമീപം അറസ്റ്റ് ചെയ്‌തതായി റഷ്യൻ ബഹിരാകാശ ഏജൻസി റോസ്‌കോസ്‌മോസ് പറഞ്ഞു. റിച്ചിനെതിരെ നിയമവിരുദ്ധമായ പ്രവർത്തികൾ അന്വേഷിക്കുക ആണെന്ന് ദിമിത്രി റോഗോസിൻ പറഞ്ഞു. ഇദ്ദേഹത്തിൻറെ റിപ്പോർട്ടുകൾ പരിശോധിച്ച് വരികയാണെന്ന് യുകെ ഫോറിൻ, കോമൺവെൽത്ത് ആൻഡ് ഡെവലപ്‌മെന്റ് ഓഫീസ് അറിയിച്ചു. യൂട്യൂബറോടൊപ്പം ബെലാറസിൽ നിന്നുള്ള അലീന സെലിയുപ എന്ന സ്ത്രീയും പിടിയിലായതായി റോഗോസിൻ പറഞ്ഞു. കസാഖ് തലസ്ഥാനമായ നൂർ-സുൽത്താനിൽ നിന്ന് 1,100 കിലോമീറ്റർ (680 മൈൽ) തെക്കുപടിഞ്ഞാറായി ബൈക്കോനൂരിലെ ആഭ്യന്തര വകുപ്പിലാണ് ഇരുവരേയും പാർപ്പിച്ചിരിക്കുന്നതെന്നും അദ്ദേഹം കൂട്ടിച്ചേർത്തു.
റിച്ചിൻെറ യൂട്യൂബ് ചാനലിൽ 3.5 ദശലക്ഷത്തിലധികം സബ്സ്ക്രൈബേഴ്സ് ഉണ്ട്. ഏപ്രിൽ 24ന് പോസ്റ്റ് ചെയ്ത ഏറ്റവും പുതിയ വീഡിയോ സിറിയയിൽ വച്ച് ചിത്രീകരിച്ചതാണ്. റഷ്യൻ റോക്കറ്റുകൾ ഉപയോഗിക്കുന്ന എല്ലാ ബഹിരാകാശനിലയം ഫ്ലൈറ്റുകളും വിനോദസഞ്ചാരികൾക്കായി തുറന്നിരിക്കുന്ന ബൈകോണൂർ കോസ്‌മോഡ്രോമിൽ നിന്നാണ് വിക്ഷേപിക്കുന്നത്. 1957-ൽ ആദ്യ കൃത്രിമ ഉപഗ്രഹമായ സ്പുട്നിക് 1 വിക്ഷേപിച്ച സ്ഥലത്താണ് വിക്ഷേപണ സമുച്ചയം.
Leave a Reply