സഖറിയാ പുത്തന്‍കളം
യുകെയിലെ ക്‌നാനായ സമൂഹം ആവേശപൂര്‍വം കാത്തിരിക്കുന്ന 16 -ാ0 യുകെകെസിഎ കണ്വെന്ഷന് കുര്‍ബാനയെ ഭക്തി സാന്ദ്രമാക്കുവാന്‍ ലൈവ് ഓര്‍ക്കസ്ട്രയും. അഭിവന്ദ്യ മാര്‍ ജോസഫ് പണ്ടാരശേരി കാര്‍മികത്വം വഹിക്കുന്ന പരിശുദ്ധമായ ദിവ്യബലി വിവിധ വാദ്യോപകരണങ്ങള്‍ ചേര്‍ത്തിണക്കിയ ഗായക സംഘം കുര്‍ബാനയെ കൂടുതല്‍ പരിശുദ്ധമാക്കും. ജൂലൈ 8നു രാവിലെ 9നു പ്രസിഡന്റ് ബിജു മടക്കക്കുഴി, കത്തിച്ച മെഴുകുതിരി നല്‍കി മാര്‍ പണ്ടാരശേരിനെ സ്വീകരിക്കും. തുടര്‍ന്നു കണ്വെന്ഷന് തുടക്കമായി പതാക ഉയര്‍ത്തും.
മാര്‍ ജോസഫ് പണ്ടാരശേരിയുടെ കാര്‍മികത്വത്തില്‍ നിരവധി വൈദികര്‍ ബലി അര്‍പ്പണത്തില്‍ പങ്കുചേരും. ഗ്രേറ്റ് ബ്രിട്ടന്‍ സീറോ മലബാര്‍ രൂപത അധ്യക്ഷന്‍ മാര്‍ ജോസഫ് സ്രാമ്പിക്കല്‍ വചന സന്ദേശം നല്‍കും. കര്‍ദിനാളിന്റെ പ്രതിനിധിയായി എത്തുന്ന മാര്‍ പോള്‍ മക്കലിന്‍ അനുഗ്രഹ പ്രഭാഷണം നടത്തും. ഇത്തവണ റാലി മത്സരം കടുപ്പമേറും. ല്ലാ യൂണിറ്റുകളും റാലിയില്‍ സമ്മാനം നേടുന്നതിനായി തിരക്കേറിയ ഒരുക്കത്തിലാണ്. മൂന്ന് വിഭാഗാങ്ങളിലായിട്ടാണ് റാലി മത്സരം നടക്കുന്നത്. ഓരോ യൂണിറ്റിന്റെയും ശക്തി പ്രകടനം കൂടിയായിരിക്കും റാലി മത്സരം.
കണ്വെന്ഷന് വിജയത്തിന് പ്രസിഡന്റ് ബിജു മടക്കക്കുഴി, ജനറല്‍ സെക്രട്ടറി ജോസി നെടുംതുരുത്തിപുത്തന്‍പുര, ട്രഷറര്‍ ബാബു തോട്ടം, വൈസ് പ്രസിഡന്റ് ജോസ് മുഖച്ചിറ, ജോയിന്റ് സെക്രട്ടറി സഖറിയാ പുത്തന്‍കളം, ജോയിന്റ് ട്രഷറര്‍ ഫിനില്‍ കളത്തില്‍കോട്ട്, ഉപേദേശക സമിതി അംഗങ്ങളായ ബെന്നി മാവേലി, റോയി സ്റ്റീഫന്‍ എന്നിവരുടെ നേതൃത്വത്തില്‍ പ്രവര്‍ത്തനങ്ങള്‍ നടന്നുവരുന്നു
Leave a Reply