ന്യൂസ് ഡെസ്ക്, മലയാളം യുകെ
യുണീക്ക് ഐഡൻ്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ) ആധാർ (എൻറോൾമെൻ്റ് ആൻഡ് അപ്ഡേറ്റ്) നിയമങ്ങളിൽ മാറ്റം. സ്ഥിരതാമസക്കാർക്കും പ്രവാസി ഇന്ത്യക്കാർക്കും വെവ്വേറെ ഫോമുകൾ അവതരിപ്പിക്കുന്ന തരത്തിലുള്ള മാറ്റങ്ങളാണ് കൊണ്ടുവരുന്നത്. യുഐഡിഎഐ പറയുന്നതനുസരിച്ച്, ആധാർ കാർഡ് അപ്ഡേറ്റ് ചെയ്യുന്നതിനും എൻറോൾ ചെയ്യുന്നതിനുമുള്ള മുഴുവൻ പ്രക്രിയയും എളുപ്പമാക്കുക എന്ന ലക്ഷ്യത്തോടെയാണ് പുതിയ മാർഗ്ഗനിർദ്ദേശങ്ങൾ തയ്യാറാക്കിയിരിക്കുന്നത്.
നേരത്തെ വിദേശ ഇന്ത്യക്കാർക്ക് ആധാർ ഫോമിന് അപേക്ഷിക്കാൻ അർഹതയില്ലായിരുന്നു. എന്നാൽ ഇനി ഇവർക്ക് ആധാർ കാർഡിന് അപേക്ഷിക്കാൻ അർഹതയുണ്ട്. പഴയ 2016 നിയമം അനുസരിച്ച്, ഒരു ആധാർ കാർഡ് ഉടമയ്ക്ക് അവരുടെ വിലാസം ഓൺലൈൻ മോഡ് വഴി മാത്രമേ അപ്ഡേറ്റ് ചെയ്യാൻ കഴിയൂ, മറ്റേതെങ്കിലും വിശദമായ അപ്‌ഡേറ്റിന്, അവർ അടുത്തുള്ള എൻറോൾമെൻ്റ് കേന്ദ്രം സന്ദർശിക്കേണ്ടതായി വന്നിരുന്നു.
പുതിയ നിയമങ്ങൾ അനുസരിച്ച്, ഏറ്റവും അടുത്തുള്ള ആധാർ സേവാ കേന്ദ്രം സന്ദർശിച്ചോ അല്ലെങ്കിൽ മൊബൈൽ ആപ്ലിക്കേഷൻ വഴിയോ യുഐഡിഎഐ വെബ്സൈറ്റ് വഴിയോ ആധാർ കാർഡ് വിവരങ്ങൾ സെൻട്രൽ ഐഡൻ്റിറ്റി ഡാറ്റ റിപ്പോസിറ്ററിയിൽ (സിഐഡിആർ) അപ്ഡേറ്റ് ചെയ്യാം. ആധാർ എൻറോൾമെൻ്റിനും ആധാർ വിശദാംശങ്ങൾ അപ്ഡേറ്റ് ചെയ്യുന്നതിനുമായുള്ള പുതിയ ഫോമുകൾ പ്രാബല്യത്തിൽ വന്നിട്ടുണ്ട്. കൂടുതൽ വിവരങ്ങൾക്കായി https://resident.uidai.gov.in/check-aadhaar എന്ന ലിങ്ക് സന്ദർശിക്കുക
Leave a Reply