ന്യൂസ് ഡെസ്ക് മലയാളം യുകെ ന്യൂസ്
രാജ്ഞി ഒരു പക്ഷേ ചരിത്രത്തിൽ തന്നെ ഏറ്റവും കൂടുതൽ ചിത്രീകരിക്കപ്പെട്ടതും ഫോട്ടോ എടുക്കപ്പെട്ടതുമായ ആളുകളിൽ ഒരാൾ ആയിരിക്കാം. എന്നാൽ രാജ്ഞിയുടെ ഇതുവരെ കാണാത്ത ചിത്രങ്ങൾ പുറത്തുവന്നു. രാജ്ഞിയുടെ പ്ലാറ്റിനം ജൂബിലിയോടനുബന്ധിച്ച് ടിവി ഡോക്യുമെൻററിക്കായി ബിബിസി റിലീസ് ചെയ്ത നൂറുകണക്കിന് സ്വകാര്യ റെക്കോർഡിങ്ങുകളിൽ നിന്നാണ് ഇവ എടുത്തിരിക്കുന്നത്. എലിസബത്ത് രാജ്ഞി തൻെറ സ്ഥാനം ഏറ്റെടുക്കുന്നതിനു മുമ്പുള്ള രാജ്ഞിയുടെ ജീവിതത്തിൻറെ കഥ രാജ്ഞി തൻെറ സ്വന്തം വാക്കുകളിൽ പറയുന്ന പ്രോഗ്രാമാണിത്. അക്കാലങ്ങളിൽ ബന്ധുജനങ്ങൾ രാജ്ഞിയോട് എപ്രകാരമാണ് പെരുമാറിയിരുന്നത് എന്ന് നമുക്ക് മനസ്സിലാക്കാൻ സാധിക്കും. ഇങ്ങനെ എടുത്ത ഒരു ഫോട്ടോയിൽ എലിസബത്ത് രാജകുമാരി തൻറെ സഹോദരി മാർഗരറ്റ് രാജകുമാരിക്കും പിതാവ് ജോർജ് ആറാമൻ രാജാവിനുമൊപ്പം നിൽക്കുന്നത് കാണാം. 1947ലെ ദക്ഷിണാഫ്രിക്കൻ പര്യടനത്തിനായി എച്ച്എംഎസ് വാൻഗാർഡിൽ അവർ ഒരുമിച്ച് യാത്ര ചെയ്തപ്പോൾ എടുത്ത ചിത്രമാണിത്. എലിസബത്ത് രാജകുമാരിക്ക് 21 വയസ്സ് തികയുകയും തൻറെ ഭാവി ഭാവി പ്രജകളോടുള്ള കടമയുടെ ചരിത്രപരമായ പ്രതിജ്ഞയെടുക്കുകയും ചെയ്ത യാത്രയാണിത്.
56-ാം വയസ്സിൽ സാൻഡ്രിംഗ്ഹാമിൽ ഉറക്കത്തിൽ മരിച്ച പിതാവിന്റെ പാരമ്പര്യം ഏറ്റെടുത്ത് കിരീടം അവകാശമാക്കി 70 വർഷം പിന്നിടുമ്പോൾ ഇത്തരം ഓർമ്മകൾക്ക് പ്രത്യേക അർത്ഥമുണ്ട്. ഫെബ്രുവരിയിൽ അദ്ദേഹത്തിൻറെ ചരമവാർഷികത്തിൽ ആദരാഞ്ജലികൾ അർപ്പിച്ചുകൊണ്ട് രാജ്ഞി ദക്ഷിണാഫ്രിക്കയിൽ താൻ നടത്തിയ “എൻറെ ജീവിതം കാലം മുഴുവനും നിങ്ങളുടെ സേവനത്തിനായി സമർപ്പിക്കും” എന്ന പ്രതിജ്ഞ പുതുക്കുകയുണ്ടായി. തൻറെ മാതാപിതാക്കളോടൊപ്പവും ഫിലിപ്പ് രാജകുമാരനോടപ്പവുമുള്ള രാജ്ഞിയുടെ ചിത്രങ്ങൾ ബ്രിട്ടീഷ് ഫിലിം ഇൻസ്റ്റ്യൂട്ട് റോയൽ കളക്ഷനിൽ സൂക്ഷിച്ചിരിക്കുകയാണ്.
Leave a Reply