യു.കെ മലയാളികളെ ദുഖത്തിലാഴ്ത്തി മറ്റൊരു മരണം കൂടി. ടെല്‍ഫോര്‍ഡില്‍ താമസിച്ചിരുന്ന മലയാളി നഴ്സ് ഉഷാ മേനോന്‍ (53) ആണ് കാന്‍സര്‍ രോഗം ബാധിച്ച് ചികിത്സയിലായിരിക്കെ മരണമടഞ്ഞത്.
ടെല്‍ഫോര്‍ഡിലെ പ്രിന്‍സസ് റോയല്‍ ആശുപത്രിയില്‍ നഴ്‌സായി ജോലി ചെയ്തിരുന്ന ഉഷ കഴിഞ്ഞ ആറു വര്‍ഷത്തോളമായി കാന്‍സര്‍ രോഗത്തിന് ചികിത്സയിലായിരുന്നു.
നാട്ടില്‍ കൂത്താട്ടുകുളം സ്വദേശിനിയായ ഉഷാ മേനോന്‍ യു.കെയിലും നാട്ടിലുമായി മാറി മാറി ചികിത്സതേടി വരുകയായിരുന്നു.
രണ്ട് ദിവസം മുമ്പ് അസുഖം കലശലായതിനെ തുടര്‍ന്ന് മാഞ്ചസ്റ്റര്‍ സിറ്റി ആശുപത്രിയില്‍ പ്രവേശിപ്പിക്കുകയായിരുന്നു. പിന്നീട് ടെല്‍ഫോര്‍ഡിലെ സതേണ്‍ ഹോസ്‌പൈസ് ആശുപത്രിയില്‍ എത്തിക്കുകയും അവിടെ വെച്ച് ജീവന്‍ നഷ്ടമാവുകയുമായിരുന്നു.
സംസ്‌കാരം യു.കെയില്‍ തന്നെ നടത്താനാണ് ബന്ധുക്കള്‍ തീരുമാനിച്ചിരിക്കുന്നത്. പത്തനംതിട്ട സ്വദേശിയായ സജിയാണ് ഭര്‍ത്താവ്. എ ലെവല്‍ വിദ്യാര്‍ത്ഥിനിയായ ശ്രീലക്ഷ്മി മകള്‍.
