ന്യൂസ് ഡെസ്ക്, മലയാളം യുകെ
വിലക്കയറ്റവും പണപ്പെരുപ്പവും മൂലം ബുദ്ധിമുട്ടുന്ന ജനങ്ങൾക്ക് വാട്ടർ ബില്ലിന്റെ പേരിൽ ഇരുട്ടടി വരുമെന്ന റിപ്പോർട്ടുകൾ പുറത്തുവന്നു. ഉപഭോക്താക്കൾക്ക് ഇതിൻറെ ഫലമായി പ്രതിവർഷം ശരാശരി 31 പൗണ്ട് അധികമായി ഒരു കുടുംബത്തിന് ചിലവഴിക്കേണ്ടതായി വരും . വാട്ടർ കമ്പനികൾ ശരാശരി 40 ശതമാനം വർദ്ധനവാണ് ആവശ്യപ്പെട്ടിരുന്നത്.
2030 വരെ വാട്ടർ ബില്ലുകളിൽ വർദ്ധനവ് ഉണ്ടാകുമെന്ന് ജൂലൈയിൽ പുറത്തിറക്കിയ റെഗുലേഷന്റെ കരട് രൂപ രേഖയിൽ വ്യക്തമാക്കിയിരുന്നു. പല വാട്ടർ കമ്പനികളുടെയും ബില്ലിലെ വർദ്ധനവിൽ വ്യത്യാസം ഉണ്ടാകുമെന്ന റിപ്പോർട്ടുകൾ ആണ് പുറത്തു വന്നിരിക്കുന്നത്. സൗത്ത് വാട്ടർ കമ്പനിയുടെ ഉപഭോക്താക്കൾക്ക് 53 ശതമാനം വർദ്ധനവ് ആണ് ഉണ്ടാവുക. 83 ശതമാനം വർദ്ധനവ് ആണ് കമ്പനി ആവശ്യപ്പെട്ടിരുന്നത്. ഏറ്റവും കുറവ് വർദ്ധനവ് വെസെക്‌സ് വാട്ടറിൻ്റെ ഉപഭോക്താക്കൾക്ക് ആണ് ഉള്ളത്. 21 ശതമാനം മാത്രമാണ് വെസെക്‌സ് വാട്ടർ ബില്ലുകളിൽ ഉണ്ടാകുന്ന വർദ്ധനവ്.
യുകെയിലെ ഏറ്റവും വലിയ വാട്ടർ കമ്പനിയായ തേംസ് വാട്ടറിൻ്റെ 16 ദശലക്ഷം ഉപഭോക്താക്കൾക്ക് 35 ശതമാനം വർദ്ധനവ് ആണ് അടയ്‌ക്കേണ്ടതായി വരുക. കമ്പനി ആവശ്യപ്പെട്ടത് 53 ശതമാനം വർദ്ധനവ് ആണ് വിവിധ ജല കമ്പനികളുടെ നിക്ഷേപ പദ്ധതികൾക്ക് സർക്കാർ തലത്തിൽ അനുവാദം കൊടുത്തിട്ടുണ്ട്. ഇതും ബില്ലുകളിൽ വർദ്ധനവ് ഉണ്ടാകാനുള്ള ഒരു കാരണമായി ചൂണ്ടി കാണിക്കപ്പെടുന്നു. ബില്ലുകൾ വർധിപ്പിക്കുന്നത് ഒരിക്കലും സ്വാഗതാർഹമല്ലെന്ന് മനസ്സിലാക്കുന്നതായും ബില്ലുകളിൽ ബുദ്ധിമുട്ടുന്ന കുടുംബങ്ങളെ സംരക്ഷിക്കുമെന്നും വാട്ടർ കമ്പനികളുടെ പ്രതിനിധി പറഞ്ഞു. ഈ വിഭാഗത്തിൽ ഏകദേശം 3 ദശലക്ഷം കുടുംബങ്ങൾക്ക് സഹായം നൽകുമെന്നാണ് പുറത്തു വരുന്ന വിവരങ്ങൾ സൂചിപ്പിക്കുന്നത്.
Leave a Reply