ബേസില്‍ ജോസഫ്
ചേരുവകള്‍
ചിക്കന്‍-1 കിലോ
സവാള-2
തേങ്ങ ചിരകിയത്-6 ടേബിള്‍ സ്പൂണ്‍
ഇഞ്ചി-വെളുത്തുള്ളി പേസ്റ്റ്-1 ടീസ്പൂണ്‍
പച്ചമുളക്-2
ഉണക്കമുളക്-2
ജീരകം-അര ടീസ്പൂണ്‍
കുരുമുളക്-അര ടീസ്പൂണ്‍
മഞ്ഞള്‍പ്പൊടി-അര ടീസ്പൂണ്‍
ഏലയ്ക്ക-5
കറുവാപ്പട്ട-ഒരു കഷ്ണം
പുതിനയില അരിഞ്ഞത്-1 കപ്പ്
മല്ലിയില അരിഞ്ഞത്-1 കപ്പ്
പഞ്ചസാര-1 ടീസ്പൂണ്‍
ഓയില്‍-50 ml
പാകംചെയ്യുന്ന വിധം
തേങ്ങ, മല്ലിയില, പുതിനയില, പകുതി സവാള, പച്ചമുളക്, ജീരകം, മഞ്ഞള്‍പ്പൊടി, കുരുമുളക് , പഞ്ചസാര എന്നിവ അല്‍പം വെള്ളം ചേര്‍ത്ത് മയത്തില്‍ അരയ്ക്കുക. ഒരു പാനില്‍ ഓയില്‍ ചൂടാക്കുക. ബാക്കിയുള്ള സവാള, ഇഞ്ചി-വെളുത്തുള്ളി പേസ്റ്റ്, ചുവന്ന മുളക്, കറുവാപ്പട്ട, ഏലയ്ക്ക എന്നിവ ചേര്‍ത്തു വഴറ്റുക. പാകത്തിന് ഉപ്പും ചേര്‍ക്കണം. ഇതിലേയ്ക്ക് അരച്ച മസാല ചേര്‍ത്തിളക്കണം. അത് അല്‍പനേരം വഴറ്റുക. ഇതിലേയ്ക്കു ചിക്കന്‍ കഷണങ്ങള്‍ ചേര്‍ത്തിളക്കണം. പാകത്തിന് ഉപ്പും വെള്ളവും ചേര്‍ത്തിളക്കി അടച്ചു വച്ചു വേവിയക്കുക. ചാറ് കുറുകി ചിക്കന്‍ വെന്തുകഴിയുമ്പോള്‍ ചൂടോടെ റൈസിനൊപ്പം വിളമ്പുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
Leave a Reply