ന്യൂസ് ഡെസ്ക്, മലയാളം യുകെ
വെസ്റ്റ് മിഡ് ലാൻഡിൽ 10 വയസ്സുകാരിയായ പെൺകുട്ടിയെ മരിച്ച നിലയിൽ കണ്ടെത്തിയ സംഭവത്തിൽ ഒരു സ്ത്രീയെ അറസ്റ്റ് ചെയ്തതായി പോലീസ് അറിയിച്ചു . ഇന്നലെ ഉച്ചയ്ക്ക് 12 . 10 – നാണ് പോലീസ് പെൺകുട്ടിയെ പരിക്കുകളോടെ കണ്ടെത്തിയത്. പെൺകുട്ടി സംഭവ സ്ഥലത്തു വച്ചു തന്നെ മരണമടഞ്ഞിരുന്നു.
സംശയത്തെ തുടർന്ന് മരണമടഞ്ഞ പെൺകുട്ടിയുമായി പരിചയമുള്ള 33 വയസ്സുകാരിയായ ഒരു സ്ത്രീയെ പോലീസ് കസ്റ്റഡിയിൽ എടുത്തിരുന്നു. അറസ്റ്റിലായ സ്ത്രീയ്ക്ക് പെൺകുട്ടിയുമായുള്ള ബന്ധം ഏത് രീതിയിലാണെന്നതിനെ കുറിച്ച് കൂടുതൽ വിവരങ്ങൾ പോലീസ് പുറത്തു വിട്ടിട്ടില്ല. അന്വേഷണം അതിന്റെ പ്രാരംഭഘട്ടത്തിലാണെന്നും കൂടുതൽ വിവരങ്ങൾ ഇപ്പോൾ പറയാറായിട്ടില്ലെന്നും വെസ്റ്റ് മിഡ് ലാൻഡ് പോലീസ് അറിയിച്ചു.
Leave a Reply