ദോഹ : പ്രവാസി മലയാളിയായ യുവ വ്യവസായിയെ ഹിലാലിലെ താമസ സ്ഥലത്ത് മരിച്ച നിലയില്‍ കണ്ടെത്തി . തിരുവല്ല സ്വദേശി അനില്‍ തോമസ്‌ ജേക്കബ് -40 ആണ് മരിച്ചത് . ദോഹയില്‍ ലെവല്‍ എഞ്ചീനിയര്‍ ഡബ്ല്യു എല്‍ എല്‍ എന്ന കമ്പനിയുടെ ജനറല്‍ മാനേജറായിരുന്നു . ഭാര്യയും 3 മക്കളുണ്ട് .
ആത്മഹത്യയാണെന്ന് സംശയിക്കുന്നു . ഹിലാലില്‍ കുടുംബത്തോടൊപ്പമായിരുന്നു താമസം . താമസിക്കുന്ന വീടിന്‍റെ മുകളിലത്തെ നിലയില്‍ ആണ് അനിലിനെ മരിച്ച നിലയില്‍ കണ്ടത് . ഭാര്യയും മക്കളും താഴത്തെ നിലയിലായിരുന്നു .ബിസിനസ് പരാജയം മൂലമുണ്ടായ സാമ്പത്തിക ബാധ്യതയാണ് കാരണമായി സംശയിക്കുന്നത് . ഇന്ന് ഉച്ചകഴിഞ്ഞായിരുന്നു സംഭവം . മൃതദേഹം ഹമാദ് മെഡിക്കല്‍ കോര്‍പ്പറേഷന്‍ മോര്‍ച്ചറിയില്‍ സൂക്ഷിച്ചിരിക്കുകയാണ് . ഖത്തര്‍ ഇമ്മാനുവേല്‍ മാര്‍ത്തോമാ പള്ളി ഇടവകാംഗമാണ് അനില്‍ . ബഹറിനിലെ മനാമയില്‍ പ്രവാസി ജീവിതം നയിച്ച ശേഷമാണ് അനില്‍ ഖത്തറില്‍ എത്തിയത്
