ഭാര്യയോടും മക്കളോടുമൊപ്പം അമേരിക്കയിലേയ്ക്ക് പോകാനുള്ള ഒരുക്കത്തിനിടെ മലയാളി യുവാവ് ദുബായിൽ കുഴഞ്ഞുവീണ് മരിച്ചു. ദുബായ് രാജ്യാന്തര വിമാനത്താവളം കേന്ദ്രീകരിച്ചുള്ള കമ്പനിയിൽ എൻജിനീയറായ പത്തനംതിട്ട സ്വദേശി ടിലു മാമ്മൻ തോമസ്(33) ആണ് ഹൃദയാഘാതം മൂലം പോസ്റ്റ് ഒാഫീസിൽ മരിച്ചത്.
ഭാര്യ സെബിയുടെ കുടുംബം അമേരിക്കയിൽ സ്ഥിര താമസമാക്കിയതിനാൽ അവരുടെ അടുത്തേയ്ക്ക് പോകാനുള്ള തയ്യാറെടുപ്പിലായിരുന്നു ടിലു. തിങ്കളാഴ്ച വയറുവേദന കാരണം ജോലിക്ക് പോയിരുന്നില്ല. പിന്നീട്, അമേരിക്കയിലേയ്ക്ക് പോകാനുള്ള വീസ സ്റ്റാംപ് ചെയ്ത പാസ്പോർട് ശേഖരിക്കാനായി പോസ്റ്റാഫീസിലേയ്ക്ക് പോകുമ്പോൾ നെഞ്ച് വേദന അനുഭവപ്പെടുകയും രാവിലെ 11.30ന്പോസ്റ്റാഫീസിലെത്തിയ ഉടൻ കുഴഞ്ഞുവീഴുകയുമായിരുന്നു. എലിസബത്, ഗബ്രിയേൽ എന്നിവരാണ് ടിലു–സെബി ദമ്പതികളുടെ മക്കൾ.
Leave a Reply