ലണ്ടനിലെ ഈസ്റ്റ് ഹാം, ഹൈ സ്ട്രീറ്റിലെ ശ്രീ മഹാലക്ഷ്മീ ക്ഷേത്രത്തിലും ഈ വര്‍ഷം ആറ്റുകാല്‍ പൊങ്കാല ആഘോഷിച്ചു. ഒരു സംഘം സ്ത്രീകളാണ് പൂജ സംഘടിപ്പിച്ചത്. ഈസ്റ്റ് ഹാമിലും പരിസര പ്രദേശത്തുമുള്ളവരും ലണ്ടന്റെ തെക്കന്‍ ഭാഗത്ത് ക്രോയ്ടനില്‍ നിന്നും വന്നവരും പൂജയില്‍ പങ്കെടുത്തു.

രാവിലെ 9.30 ഓടു കൂടി തുടങ്ങിയ പൂജ തന്ത്രിമാര്‍ നടത്തുകയും എല്ലാപേരും ഭക്തി പുര്‍വ്വം പൊങ്കാലയില്‍ പങ്കെടുക്കുകയും ചെയ്തു. ഉച്ച കഴിയുന്നത് വരെ പൂജാ കര്‍മ്മങ്ങള്‍ തുടര്‍ന്നു.