ന്യൂസ് ഡെസ്ക് , മലയാളം യുകെ
ലണ്ടൻ : യുകെയിലുടനീളം വർദ്ധിച്ചുവരുന്ന കോവിഡ് 19 തടയുന്നതിനായി ബോറിസ് ജോൺസൺ കൂടുതൽ നിയന്ത്രണങ്ങൾ പ്രഖ്യാപിച്ചു. രോഗവ്യാപനത്തിൽ കാര്യമായ മാറ്റങ്ങൾ ഉണ്ടാകുന്നില്ലെങ്കിൽ നിയന്ത്രണങ്ങൾ ആറു മാസം വരെ നീണ്ടുനിൽക്കും. സ്കോട്ടിഷ് ഫസ്റ്റ് മിനിസ്റ്റർ നിക്കോള സ്റ്റർജിയനും സ്കോട്ട്ലൻഡിനായി പുതിയ നടപടികൾ പ്രഖ്യാപിച്ചു.
ഇംഗ്ലണ്ടിൽ നടപ്പിലാക്കുന്ന പുതിയ നിയന്ത്രണങ്ങൾ എന്തൊക്കെ?
• സെപ്റ്റംബർ 24 വ്യാഴാഴ്ച മുതൽ പബ്ബുകൾക്കും ബാറുകൾക്കും റെസ്റ്റോറന്റുകൾക്കും രാത്രി 10 മണി വരെ മാത്രം പ്രവർത്തിക്കാം.
• വീട്ടിൽ നിന്ന് ജോലി ചെയ്യാൻ പരമാവധി ശ്രമിക്കുക.
•യാത്രക്കാർ ടാക് സികളിൽ ഫെയ് സ് മാസ്ക് ധരിക്കേണ്ടത് നിർബന്ധമാണ്. അതുപോലെ ഷോപ്പ് സ്റ്റാഫുകളും.
•ഇൻഡോർ ഹോസ്പിറ്റാലിറ്റി വേദികളിലെ സ്റ്റാഫും ഉപഭോക്താക്കളും മാസ് ക് ധരിക്കണം.
• സെപ്റ്റംബർ 28 തിങ്കളാഴ്ച മുതൽ 15 പേർക്ക് മാത്രമേ വിവാഹത്തിലും വിവാഹാസൽക്കാരത്തിലും പങ്കെടുക്കാൻ കഴിയൂ. ശവസംസ്കാര ചടങ്ങിൽ 30 പേർക്ക് വരെ പങ്കെടുക്കാം.
• ഇൻഡോർ ടീം സ്പോർട് സിൽ പരമാവധി ആറ് പേർക്ക് പങ്കെടുക്കാം.
• നേരത്തെ ആസൂത്രണം ചെയ് തതുപോലെ വലിയ കായിക മത്സരങ്ങളും സമ്മേളനങ്ങളും ഒക്ടോബർ 1 മുതൽ നടക്കില്ല.
നിയന്ത്രണങ്ങൾ ലംഘിക്കുകയാണെങ്കിൽ ബിസിനസുകൾക്ക് 10,000 പൗണ്ട് പിഴ ഈടാക്കുകയും അവ അടപ്പിക്കുകയും ചെയ്യും. ഷോപ്പുകൾ, സൂപ്പർമാർക്കറ്റുകൾ, പൊതുഗതാഗതം, ടാക് സികൾ, ഇൻഡോർ ഹോസ്പിറ്റാലിറ്റി എന്നിവയിൽ മാസ് ക് ധരിക്കാത്ത ആളുകൾക്കുള്ള പിഴ 100 പൗണ്ടിൽ നിന്നും 200 പൗണ്ട് ആയി ഉയർത്തി.
സ്കോട് ലൻഡിലെ പുതിയ നിയന്ത്രണങ്ങൾ എന്തൊക്കെ?
• സെപ്റ്റംബർ 23 ബുധനാഴ്ച മുതൽ സ്കോട്ട്‌ലൻഡിൽ മറ്റ് വീടുകൾ സന്ദർശിക്കുന്നത് നിരോധിച്ചിരിക്കുന്നു.
• മറ്റു വീടുകളിൽ നിന്നുള്ളവരുമായി കാർ യാത്രകൾ പാടില്ല.
•സെപ്റ്റംബർ 25 വെള്ളിയാഴ്ച മുതൽ പബ്ബുകൾക്കും ബാറുകൾക്കും റെസ്റ്റോറന്റുകൾക്കും രാത്രി 10 മണി വരെ മാത്രം പ്രവർത്തിക്കാം.
• വീട്ടിൽ നിന്ന് ജോലി തുടരാൻ പരമാവധി ശ്രമിക്കുക.
ആറിലധികം ആളുകളുടെ ഒത്തുകൂടൽ ഇംഗ്ലണ്ടിൽ നേരത്തെ നിരോധിച്ചിരുന്നു. പബ്ബുകളും റെസ്റ്റോറന്റുകളും ഉൾപ്പെടെയുള്ള വേദികൾ ഉപഭോക്താക്കളുടെ വിശദാംശങ്ങൾ ശേഖരിക്കുകയും 21 ദിവസത്തേക്ക് സൂക്ഷിക്കുകയും വേണം. കോവിഡ് സുരക്ഷാ നിർദേശങ്ങൾ പാലിച്ചു നടത്തുന്ന കായിക മത്സരത്തിൽ ആറിലധികം ആളുകൾക്ക് പങ്കെടുക്കാവുന്നതാണ്.
ഇംഗ്ലണ്ടിലെ സാമൂഹിക ഒത്തുചേരലുകൾ സംബന്ധിച്ച നിയമങ്ങൾ ലംഘിക്കുന്ന ആർക്കും 200 പൗണ്ട് പിഴ ഈടാക്കും. കുറ്റം ആവർത്തിച്ചാൽ പിഴത്തുക 3,200 പൗണ്ട് ആയി ഉയരും. നഗരത്തിലും നഗര കേന്ദ്രങ്ങളിലും സാമൂഹിക വിദൂര നിയമങ്ങൾ നടപ്പാക്കുമെന്ന് പ്രധാനമന്ത്രി അറിയിച്ചു. നിയമങ്ങൾ പാലിക്കുന്നുണ്ടെന്ന് ഉറപ്പാക്കാൻ തെരുവുകളിൽ കൂടുതൽ പോലീസ് സേനയെ വിന്യസിപ്പിക്കും. ഇംഗ്ലണ്ടിലെ പല പ്രദേശങ്ങളും പ്രാദേശിക ലോക്ക്ഡൗണിന് കീഴിലാണ്. അതിന് പുറമെയാണ് ഈ പുതിയ നിയന്ത്രണങ്ങൾ.
2020 മാർച്ച് മുതൽ 2021 മാർച്ച് വരെയുള്ള ജീവിതകാലം ഒരു തരത്തിലുള്ള അല്ലെങ്കിൽ മറ്റൊരു തരത്തിലുള്ള നിയന്ത്രണങ്ങൾക്ക് വിധേയമാകുമെന്നാണ് ഈ നിയന്ത്രണങ്ങളിൽ നിന്നും വ്യക്തമാകുന്നത്. പഴയ ജീവിതരീതിയിലേക്കുള്ള തിരിച്ചുപോക്ക് ഇപ്പോഴും സങ്കല് പിക്കാൻ പ്രയാസമാണ്. ഇന്നലെ പ്രഖ്യാപിച്ച നിയന്ത്രണങ്ങൾ സാമ്പത്തിക വീണ്ടെടുക്കൽ കൂടുതൽ ദുഷ്കരമാക്കുകയാണ്. കൊറോണ വൈറസ് നിറഞ്ഞാടിയ രാജ്യത്ത് ലോക്ക്ഡൗൺ കൊണ്ടുവന്നിട്ട് ഇന്ന് കൃത്യം ആറു മാസം തികയുകയാണ്.
Leave a Reply