ന്യൂസ് ഡെസ്ക്, മലയാളം യുകെ
നോർത്ത് യോർക്ക് ഷെയർ റിച്ച് മണ്ട് നദിയിൽ കാണാതായ കുട്ടിയുടെ മൃതദേഹം കണ്ടെത്തിയതായി പോലീസ് അറിയിച്ചു. 12 വയസ്സുകാരനായ ആൺകുട്ടിക്ക് വേണ്ടി നദിയിൽ വ്യാപകമായ തിരച്ചിൽ നടത്തിയിരുന്നു. ഇന്നലെ ശനിയാഴ്ച വൈകിട്ട് 5 മണിയോടെയാണ് കുട്ടി അപകടത്തിൽപ്പെട്ടതായി പോലീസിന് വിവരം ലഭിച്ചത്.
ഫയർ ആൻഡ് റെസ്ക്യൂ ഉദ്യോഗസ്ഥരുടെയും സ്പെഷ്യലിസ്റ്റ് സെർച്ച് ടീമുകളുടെയും സഹായത്തോടെ നോർത്ത് യോർക്ക്ഷയർ പോലീസ് വിപുലമായ തിരച്ചിൽ നടത്തിയാണ് മൃതദേഹം കണ്ടെത്തിയത്. കുട്ടിയെ ഇതുവരെ ഔദ്യോഗികമായി തിരിച്ചറിഞ്ഞിട്ടില്ല. പക്ഷേ കുടുംബത്തെ അറിയിച്ചിട്ടുണ്ടെന്നും പ്രത്യേക പരിശീലനം ലഭിച്ച ഉദ്യോഗസ്ഥരിൽ നിന്ന് പിന്തുണ നൽകുന്നുണ്ടെന്നും പോലീസ് പറഞ്ഞു. മരണം സംശയാസ്പദമായി കണക്കാക്കുന്നില്ലെന്ന് പോലീസ് അറിയിച്ചിട്ടുണ്ട്.
Leave a Reply