തിരുവനന്തപുരം: പ്രതിപക്ഷ നേതാവ് വി.ഡി. സതീശനെതിരെ വീണ്ടും കടുത്ത വിമർശനവുമായി എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ. സതീശൻ എസ്എൻഡിപി യോഗത്തെ പൊതുവേദികളിൽ അവഹേളിക്കുകയാണെന്ന് വെള്ളാപ്പള്ളി ആരോപിച്ചു. സവർണ ഫ്യൂഡൽ മാടമ്പി മനോഭാവമാണ് സതീശന്റേതെന്നും അദ്ദേഹം പറഞ്ഞു.
എല്ലാ മത–സാമുദായിക സംഘടനകളെയും നേരിട്ടും അല്ലാതെയും ആക്ഷേപിക്കുന്ന സമീപനമാണ് സതീശൻ സ്വീകരിക്കുന്നതെന്ന് വെള്ളാപ്പള്ളി ഫേസ്ബുക്ക് പോസ്റ്റിൽ വിമർശിച്ചു. പ്രീണന നയവും ഇരട്ടത്താപ്പും ഒരുമിച്ച് കൊണ്ടുപോകുകയാണ് സതീശൻ ചെയ്യുന്നതെന്നും, ഇതിൽ കോൺഗ്രസ് നിലപാട് വ്യക്തമാക്കണമെന്നും അദ്ദേഹം ആവശ്യപ്പെട്ടു.
പിന്നാക്ക വിഭാഗങ്ങൾക്ക് നീതി ഉറപ്പാക്കുമെന്ന് പറഞ്ഞ് പ്രചാരണം നടത്തുന്ന രാഹുൽ ഗാന്ധിയുടെ നിലപാടുകളെ തന്നെ സതീശൻ ചോദ്യം ചെയ്യുകയാണോ ഇതിലൂടെ ചെയ്യുന്നതെന്നും വെള്ളാപ്പള്ളി ചോദിച്ചു. സമുദായ നേതാക്കളുടെ പിന്നാലെ പോകില്ലെന്ന് പറയുന്ന സതീശൻ എൻ.എസ്.എസ് ആസ്ഥാനത്ത് സമയം ചെലവിട്ട സംഭവവും, സീറോ മലബാർ സഭാ സിനഡ് നടന്നപ്പോൾ രഹസ്യമായി എത്തിയതും വിശദീകരിക്കണമെന്നും അദ്ദേഹം ആവശ്യപ്പെട്ടു.
Leave a Reply