ന്യൂഡൽഹി: യുപിഐ (UPI) വഴി നടത്തുന്ന ഇടപാടുകൾക്ക് ഉപഭോക്താക്കളിൽ നിന്ന് യാതൊരു ഫീസും ഈടാക്കില്ലെന്ന് കേന്ദ്ര ധനമന്ത്രി നിർമല സീതാരാമൻ വ്യക്തമാക്കി. യുപിഐ ഇടപാടുകൾക്ക് ചാർജ് ഏർപ്പെടുത്തുമെന്ന ആശങ്കകൾക്കിടെയാണ് പാർലമെന്റിൽ മന്ത്രി ഇക്കാര്യം വ്യക്തമാക്കിയത്. നികുതി നിയമ ഭേദഗതി ബില്ലിൽ യുപിഐ ഇടപാടുകൾക്ക് പുതിയ നികുതിയോ ട്രാൻസാക്ഷൻ ചാർജോ നിർദേശിക്കുന്നില്ലെന്നും അവർ പറഞ്ഞു.
യുപിഐ ഇടപാടുകൾ സൗജന്യമായി തുടരുമെന്നും സാധാരണ ഉപഭോക്താക്കൾക്ക് അധിക സാമ്പത്തിക ബാധ്യത ഉണ്ടാകില്ലെന്നും മന്ത്രി ഉറപ്പുനൽകി. ഡിജിറ്റൽ പേയ്മെന്റുകൾ പ്രോത്സാഹിപ്പിക്കുന്ന സർക്കാരിന്റെ നയത്തിൽ മാറ്റമില്ലെന്നും സാമ്പത്തിക ഉൾക്കൊള്ളൽ ശക്തിപ്പെടുത്തുന്നതിന്റെ ഭാഗമായാണ് ഈ നിലപാടെന്നും അവർ വ്യക്തമാക്കി.
അതേസമയം, വ്യാപാര സ്ഥാപനങ്ങളിൽ നിന്ന് ഈടാക്കുന്ന മർച്ചന്റ് ഡിസ്കൗണ്ട് റേറ്റ് (MDR) സംബന്ധിച്ച് ഭാവിയിൽ നിയമപരമായ ചട്ടക്കൂട് ഒരുക്കുന്നതിനാണ് ഭേദഗതിയെന്നാണ് സർക്കാർ വിശദീകരണം. എന്നാൽ ഉപഭോക്താക്കൾ നടത്തുന്ന വ്യക്തിഗത യുപിഐ ഇടപാടുകൾക്ക് നിലവിൽ ഫീസ് ഏർപ്പെടുത്തുന്നില്ലെന്നും അത്തരം നിർദേശം ബില്ലിലില്ലെന്നും ധനമന്ത്രി ആവർത്തിച്ചു.
Leave a Reply