തിരുവല്ല: തിരുവല്ല താലൂക്ക് ആശുപത്രിയുടെ ശോച്യാവസ്ഥ പരിഹരിക്കണമെന്നും സ്കാനിങ് യന്ത്രം സ്ഥാപിക്കണമെന്നും മോർച്ചറിയുടെ പിന്നിലുള്ള മതിൽ പണിയണമെന്നും ആവശ്യപ്പെട്ടുകൊണ്ട് തിരുവല്ലായിലെ വിവിധ സംഘടനകളുടെ ഭാരവാഹികൾ ആശുപത്രി പടിക്കൽ നടത്തിയ ധർണ തിരുവല്ലാ വിജിലൻസ്‌കൗൺസിൽ പ്രസിഡന്റ് അഡ്വ. പ്രകാശ് പി.തോമസ് ഉദ്ഘാടനം ചെയ്തു. അഡ്വ.തോമസ് മാത്യു, തോമസ് കുരുവിള, സി.പി.ജോണ്, കെ.വിജയകുമാർ, രാജി. കെ.കോശി, ഡി.ബാബു എന്നിവർ പ്രസംഗിച്ചു.