പെമ്പിളൈ ഒരുമയുടെ നിരാഹാര സമരത്തിന് പിന്തുണ നല്‍കുമെന്ന് ആം ആദ്മി പാര്‍ട്ടി സംസ്ഥാന കണ്‍വീനര്‍ സിആര്‍ നീലകണ്ഠന്‍ അറിയിച്ചു. ആം ആദ്മി പാര്‍ട്ടി കണ്‍വീനര്‍ എന്ന നിലയില്‍ പെമ്പിളൈ ഒരുമയുടെ ധീരോധാത്തമായ ഈ സമരത്തില്‍ താനും പങ്ക് ചേരുകയാണെന്നും അദ്ദേഹം പറഞ്ഞു.
പെമ്പിളൈ ഒരുമ എന്ന വിപ്ലവ സമര നേതാക്കളെ ഹീനമായ ഭാഷയില്‍ ആക്ഷേപിച്ച മലയാളികള്‍ക്കെല്ലാം നാണക്കേട് വരുത്തി വെച്ച മന്ത്രി എംഎം മണി ഉടന്‍ രാജി വെയ്ക്കണം. ഇത്തരം തരംതാണ പ്രസ്താവന വഴി മന്ത്രിയും സര്‍ക്കാരും സ്ത്രീത്വത്തെ അപമാനിക്കുകയാണ് ചെയ്തതെന്നും പെമ്പിളൈ ഒരുമയോട് മന്ത്രി മാപ്പ് പറയാന്‍ തയ്യാറാകണമെന്നും ആം ആദ്മി പാര്‍ട്ടി ആവശ്യപ്പെട്ടു.
Leave a Reply