ന്യൂസ് ഡെസ്ക്, മലയാളം യുകെ
ബ്രിട്ടനിലെ രാജകുടുംബാംഗമായിരുന്ന ആൻഡ്രൂ മൗണ്ട്ബാറ്റൺ – വിൻഡ്സർയെ അറസ്റ്റ് ചെയ്ത സംഭവത്തിൽ മനുഷ്യക്കടത്ത് ഇരകൾക്ക് യഥാർത്ഥ നീതി ലഭിക്കുമെന്ന കാര്യത്തിൽ സംശയമുണ്ടെന്ന് പ്രമുഖ അമേരിക്കൻ വനിതാവകാശ അഭിഭാഷക ഗ്ലോറിയ അല്രെഡ് അഭിപ്രായപ്പെട്ടു. ലൈംഗിക കുറ്റാരോപണങ്ങളുമായി ബന്ധപ്പെട്ട കേസുകളിൽ നീണ്ട താമസവും നടപടിയില്ലായ്മയും തുടരുമ്പോൾ, മുൻ വ്യാപാര ദൂതനായിരിക്കെ ട്രേഡ് എൻവോയിയായിരിക്കെ രേഖകൾ പങ്കുവച്ചെന്നാരോപിച്ച കേസിൽ വേഗത്തിൽ നടപടി എടുത്തത് ഇരട്ടത്താപ്പാണെന്നു അവർ വിമർശിച്ചു. സ്ത്രീകളുടെയും കുട്ടികളുടെയും ലൈംഗിക പീഡനവുമായി ബന്ധപ്പെട്ട കേസുകൾക്ക് ആവശ്യമായ പ്രാധാന്യം ലഭിക്കുന്നില്ലെന്നും അവർ പറഞ്ഞു.
അമേരിക്കൻ ധനകാര്യപ്രഭുവും കുറ്റവാളിയുമായിരുന്ന ജെഫ്രി എപ്സ്റ്റീൻയുമായി ബന്ധപ്പെട്ട കേസുകളിൽ ആൻഡ്രൂവിനെതിരെ യാതൊരു ഗൗരവമായ നടപടിയും ഉണ്ടായിട്ടില്ലെന്ന് അല്രെഡ് ആരോപിച്ചു. അമേരിക്കൻ നീതിവ്യവസ്ഥ മുൻപ് പ്രസിഡന്റിൽ നിന്ന് സ്വതന്ത്രമായി പ്രവർത്തിച്ചിരുന്നുവെങ്കിലും ഇപ്പോൾ അതിൽ രാഷ്ട്രീയ സ്വാധീനം വർധിച്ചിരിക്കുകയാണെന്നും അവർ ചൂണ്ടിക്കാട്ടി. ആരോപണങ്ങൾ ഉന്നയിച്ചിരുന്ന വിർജീനിയ ജിയുഫ്രെയുടെ മരണവും കേസിന്റെ ഗൗരവം വർധിപ്പിച്ചതായും, കുറ്റാരോപണങ്ങൾ നിഷേധിച്ച ആൻഡ്രു മുമ്പ് കോടതിക്ക് പുറത്തുള്ള ധാരണയിൽ എത്തിയിരുന്നുവെന്നും റിപ്പോർട്ടുകൾ വ്യക്തമാക്കുന്നു.
അറസ്റ്റിലൂടെ അമേരിക്കയിൽ പുതിയ കേസുകൾ രജിസ്റ്റർ ചെയ്യപ്പെടുമെന്നുറപ്പില്ലെന്നും അല്രെഡ് പറഞ്ഞു. അന്വേഷണ രേഖകളുടെ മുഴുവൻ വിവരങ്ങളും ഇതുവരെ പുറത്തു വിട്ടിട്ടില്ലെന്നും, ചില ഇരകളുടെ പേരുകൾ വെളിപ്പെടുത്തുമ്പോൾ ശക്തനായ പ്രതികളുടെ പേരുകൾ മറച്ചുവെക്കപ്പെടുന്ന സാഹചര്യമുണ്ടെന്നും അവർ ആരോപിച്ചു. ചില കാര്യങ്ങളിൽ ബ്രിട്ടൻ മുന്നിലായിരുന്നാലും, ഇരകൾക്ക് യഥാർത്ഥ ഉത്തരവാദിത്വവും നീതിയും ഉറപ്പാക്കുന്ന ശക്തമായ നടപടികളാണ് ഇപ്പോൾ ആവശ്യമെന്ന് അവർ കൂട്ടിച്ചേർത്തു.
Leave a Reply