ന്യൂസ് ഡെസ്ക്, മലയാളം യുകെ

ബെല്‍ഫാസ്റ്റില്‍ മലയാളി യുവാവിനെ മരിച്ച നിലയില്‍ കണ്ടെത്തി. കഴിഞ്ഞ കുറച്ച് നാളുകളായി ഉദര സംബന്ധ രോഗങ്ങൾ മൂലം ചികിത്സയില്‍ ആയിരുന്നു ബിനോയ് അഗസ്റ്റിന്‍ (49). മൂലമറ്റം സ്വദേശിയായ ബിനോയ് അഗസ്റ്റിനെ ഇന്നലെ വ്യാഴാഴ്ച രാവിലെയാണ് മരിച്ച നിലയിൽ കണ്ടെത്തിയത്. രോഗം സ്ഥിരീകരിച്ചതിന് പിന്നാലെ ചികിത്സയിലായിരുന്നു ബിനോയ്.

ബിനോയിയുടെ ഭാര്യ ഷൈനി ജോണ്‍ മറ്റെര്‍ ഹോസ്പിറ്റലില്‍ നേഴ്സ് ആണ്. ബിയോണ്‍, ഷന, ഫ്രയ എന്നിവരാണ് മക്കള്‍. ബിനോയിയുടെ സഹോദരിയും കുടുംബവും യുകെ മലയാളികളാണ്. ബിനോയിയുടെ മൃതദേഹം ബെല്‍ഫാസ്റ്റില്‍ തന്നെ സംസ്‌കരിക്കും. പൊതു രംഗത്ത് നിറ സാന്നിധ്യമായിരുന്ന ബിനോയിയുടെ അപ്രതീക്ഷിത വേർപാടിൻെറ ഞെട്ടലിലാണ് ബന്ധുക്കളും സുഹൃത്തുക്കളും.

ബിനോയ് അഗസ്റ്റിൻെറ നിര്യാണത്തിൽ മലയാളം യുകെ ന്യൂസിന്റെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.