പതിനഞ്ചുകാരനെ തട്ടിക്കൊണ്ട് പോയി കണ്ണുകള്‍ ചൂഴ്ന്നെടുത്തു, ലൈംഗികാവയവം മുറിച്ചു മാറ്റി
16 April, 2017, 7:26 am by News Desk 1

ലാഹോര്‍: മകളെ ലൈംഗികമായി ഉപയോഗിച്ച 15കാരനെ തട്ടിക്കൊണ്ട് പോയി ലൈംഗികാവയവം മുറിച്ചെടുത്തും കണ്ണുകൾ ചൂഴ്ന്നെടുത്തും പിതാവിന്‍റെ പ്രതികാരം. പാകിസ്താനിലെ ലാഹോറിലാണ് സംഭവം. സംഭവുമായി ബന്ധപ്പെട്ട് പെണ്‍കുട്ടിയുടെ പിതാവിനേയും മൂന്ന് സുഹൃത്തുക്കളേയും പൊലീസ് അറസ്റ്റ് ചെയ്തു.

പതിനഞ്ചു വയസ്സുള്ള ആണ്‍കുട്ടി തന്റെ മകളെ ലൈംഗീകപീഡനത്തിനിരയാക്കിയെന്നാരോപിച്ചാണ് പെണ്‍കുട്ടിയുടെ പിതാവ് ഇത്തരത്തിലൊരു കൃത്യത്തിന് മുതിര്‍ന്നത്. പതിനഞ്ചുകാരന്റെ കാഴ്ച പൂര്‍ണമായും നഷ്ടപ്പെട്ടിട്ടുണ്ട്. സംഭവത്തിനു പിന്നില്‍ പെണ്‍കുട്ടിയുടെ പിതാവാണെന്നും ഇവര്‍ക്കെതിരെ നടപടിയെടുക്കണമെന്നും ആവശ്യപ്പെട്ട് പതിനഞ്ചുകാരന്റെ കുടുംബം രംഗത്തെത്തിയതോടെയാണ് സംഭവം പുറത്തറിഞ്ഞത്.

തങ്ങളുടെ മകനെ സ്‌കൂളില്‍ നിന്നും തിരിച്ചുവരുന്നതിനിടെ തട്ടിക്കൊണ്ടു പോയി ലൈംഗീകാവയവം ഛേദിച്ചെന്നും കണ്ണുകള്‍ ചൂഴ്‌ന്നെടുത്തെന്നും ഇവര്‍ ആരോപിക്കുന്നു. ലാഹോറിലെ വിജനമായ റാവി നദിയുടെ ഭാഗത്തു നിന്നാണ് കുട്ടിയെ പിതാവും മൂന്നോളം പേരടങ്ങുന്ന സംഘവും ചേര്‍ന്ന് ആക്രമിച്ചതെന്നും ഇവര്‍ പൊലീസിന് മൊഴി നല്‍കി. പെണ്‍കുട്ടിയുമായി അടുപ്പത്തിലായതിന്റെ പ്രതികാരമായിരുന്നു ഇതെന്നും ഇവര്‍ പൊലീസിനെ അറിയിച്ചു.

മാരകമായ മുറിവുകളേറ്റ ആണ്‍കുട്ടിയെ ഉടന്‍ ആശുപത്രിയെലെത്തിച്ചതു കൊണ്ടാണ് ജീവന്‍ രക്ഷിക്കാന്‍ സാധിച്ചതെന്നാണ് കുട്ടിയെ പ്രവേശിപ്പിച്ച ആശുപത്രിയിലെ ഡോക്ടര്‍മാര്‍ പറയുന്നത്. സംഭവത്തില്‍ പെണ്‍കുട്ടിയുടെ പിതാവിനേയും സംഭവത്തില്‍ ഉള്‍പ്പെട്ടെന്നു കരുതുന്ന മൂന്നു പേരേയും ലാഹോര്‍ പൊലീസ് അറസ്റ്റ് ചെയ്തു.

വാർത്തകളോട് പ്രതികരിക്കുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹമാണ് . വായനക്കാരുടെ അഭിപ്രായങ്ങൾ വായനകാരുടേതു മാത്രമാണ്, മലയാളം യുകെ യുടേത് അല്ല .

Comments

Leave a Reply

Your email address will not be published. Required fields are marked *

RELATED NEWS
RECENT POSTS
Copyright © . All rights reserved