ന്യൂസ് ഡെസ്ക് മലയാളം യുകെ ന്യൂസ്
എൻഎച്ച്എസ്സിന്റെ പ്രവർത്തനങ്ങൾ ആകെ താളം തെറ്റിയിരിക്കുകയാണ്. കോവിഡ് മഹാമാരിയും നേഴ്സുമാരുടെ സമരവും ആവശ്യം വേണ്ട ജീവനക്കാരുടെ അഭാവവും എല്ലാം എൻഎച്ച്എസിന്റെ പ്രവർത്തനങ്ങളെ പ്രശ്നത്തിലാക്കിയിരിക്കുകയാണ്. മെച്ചപ്പെട്ട സേവനങ്ങൾ എൻഎച്ച്എസിൽ നിന്ന് ലഭിക്കാത്തതിന്റെ സംഭവങ്ങൾ ദിനംപ്രതി മാധ്യമങ്ങളിൽ വൻ തലക്കെട്ടുകൾ സൃഷ്ടിക്കുന്നു.
അർബുദ രോഗബാധിതയായിരുന്ന 79 കാരിയായ ബെറിൽ ഹാൻകിൻ ഡാർലിംഗ്ടണിന് മെമ്മോറിയൽ ഹോസ്പിറ്റലിൽ മണിക്കൂറുകളോളം ആണ് കാത്തിരിക്കേണ്ടി വന്നത്. കടുത്ത നെഞ്ചുവേദനയെ തുടർന്നാണ് അവർക്ക് അടിയന്തര വൈദ്യസഹായത്തിന്റെ ആവശ്യം നേരിട്ടത്. ഡോക്ടറെ കാണാൻ അവർക്ക് 11 മണിക്കൂർ കാത്തിരിക്കേണ്ടി വന്നു. അവധി ദിവസങ്ങളിൽ മതിയായ ജീവനക്കാരുടെ അഭാവത്തിൽ ഡോക്ടറെ കാണാൻ കാത്തിരിക്കേണ്ടി വരുന്നതിൽ അസ്വാഭാവികതയില്ലെങ്കിലും പ്രവർത്തി ദിവസങ്ങളിൽ ഇങ്ങനെ സംഭവിക്കുമെന്ന് ഒരിക്കലും കരുതിയില്ലെന്നാണ് തന്റെ ദുരവസ്ഥ വെളിപ്പെടുത്തിക്കൊണ്ട് ബെറിൽ ഹാൻകിൻ പറഞ്ഞത്.
നിലവിൽ രോഗികളുടെ എണ്ണത്തിലെ കൂടുതലും ജീവനക്കാരുടെ കുറവും മൂലം ശരിയായ സേവനം ജനങ്ങൾക്ക് നൽകാൻ വളരെയേറെ ബുദ്ധിമുട്ടുന്നതായി നോർത്ത് ഈസ്റ്റ് ആൻഡ് നോർത്ത് കംബ്രിയ ഇന്റഗ്രേറ്റഡ് കെയർ ബോർഡിന്റെ (ഐ സി ബി ) എക്സിക്യൂട്ടീവ് മെഡിക്കൽ ഡയറക്ടർ ഡോ. നീൽ ഒബ്രിയൻ പറഞ്ഞു. 2021 ഡിസംബറുമായി താരതമ്യം ചെയ്യുമ്പോൾ നിലവിൽ അത്യാഹിത വിഭാഗത്തിൽ സഹായം ആവശ്യപ്പെടുന്നവരുടെ എണ്ണം 30 ശതമാനം വർദ്ധിച്ചതായി അദ്ദേഹം അറിയിച്ചു.
Leave a Reply