റോമി കുര്യാക്കോസ്

യു കെ: സമരനായകനും യുവ എം എൽ യുമായ രാഹുൽ മാങ്കൂട്ടത്തിൽ ഫെബ്രുവരി 13ന് യു കെയിൽ എത്തും. രാഹുലിന്റെ ആദ്യ വിദേശരാജ്യ യാത്ര എന്ന പ്രത്യേകതയും യു കെ യാത്രയ്ക്കുണ്ട്. തന്റെ ഹ്രസ്വ സന്ദർശനത്തിൽ രാഹുൽ യു കെയിൽ മൂന്ന് പൊതു ചടങ്ങുകളിൽ പങ്കെടുക്കും.

13ന് കവൻട്രിയിലെ ടിഫിൻ ബോക്സ്‌ റെസ്റ്റോറന്റിൽ വച്ച് സംഘടിപ്പിക്കുന്ന മീറ്റ് & ഗ്രീറ്റ് വിത്ത് രാഹുൽ മാങ്കൂട്ടത്തിൽ എം എൽ എ ആണ് യു കെയിലെ അദ്ദേഹത്തിന്റെ ആദ്യ പൊതു ചടങ്ങ്. വൈകിട്ട് 7 മണി മുതൽ 10 മണി വരെ ക്രമീകരിച്ചിരിക്കുന്ന ചടങ്ങിൽ രാഹുലുമായി നേരിട്ട് സംവേദിക്കുന്നതിനും ഒരുമിച്ചു ഭക്ഷണം കഴിക്കുന്നതിനുമുള്ള അവസരം സംഘാടകർ ഒരുക്കും. സുരക്ഷയും തിരക്കും പരിഗണിച്ച് മുൻകൂട്ടി രജിസ്റ്റർ ചെയ്യുന്നവർക്ക് മാത്രമായിരിക്കും പരിപാടിയിൽ പങ്കെടുക്കുവാനുള്ള അവസരം. +447436514048 എന്ന നമ്പറിൽ വിളിച്ച് പരിമിതമായ സീറ്റുകൾ
മുൻകൂട്ടി രജിസ്റ്റർ ചെയ്യാവുന്നതാണ്.

13/02/25, 7PM – 10PM
Venue:
The Tiffin Box Restaurant
7-9 The Butts, Coventry
CV1 3GJ

ഫെബ്രുവരി 14, വെള്ളിയാഴ്ച വൈകിട്ട് 6 മണിക്ക് ബോൾട്ടനിൽ ഒ ഐ സി സി (യു കെ) ഓഫീസ് കെട്ടിടത്തിന്റെയും പ്രിയദർശിനി ലൈബ്രറിയുടെയും ഉദ്ഘാടനം രാഹുൽ മാങ്കൂട്ടത്തിൽ എം എൽ എ നിർവഹിക്കും. കെ പി സി സി വൈസ് പ്രസിഡന്റ്‌ വി പി സജീന്ദ്രൻ, കെ പി സി സി ജനറൽ സെക്രട്ടറി എം എം നസീർ, ഇൻകാസ് മുൻ പ്രസിഡന്റ്‌ മഹാദേവൻ വാഴശ്ശേരിൽ എന്നിവർ മുഖ്യാതിഥികൾ ആയി ചടങ്ങിൽ പങ്കെടുക്കും.

ഒ ഐ സി സിക്ക്‌ സ്വന്തമായി ഒരു ഓഫീസ് കെട്ടിടം എന്ന ചിരകാലസ്വപ്നമാണ് ബോൾട്ടനിൽ ഓഫീസ് തുറക്കുന്നതോടുകൂടി യാഥാർഥ്യമാകുന്നത്. ഓഫീസിനോടനുബന്ധിച്ച് ഒരുക്കുന്ന പ്രിയദർശിനി ലൈബ്രറിയിൽ ചരിത്രം, പഠനം, മഹാന്മാരുടെ ജീവചരിത്രം, ആത്മകഥ, പ്രഭാഷണങ്ങൾ, ലേഖനങ്ങൾ, ചെറുകഥ, നോവൽ, കവിതാ സമാഹാരങ്ങൾ, കുട്ടികൾക്കായുള്ള രചനകൾ എന്നിങ്ങനെ വിവിധ ശ്രേണിയിലുള്ള പുസ്തകങ്ങൾ ഒരിക്കിയിട്ടുണ്ട്. കുട്ടികൾക്കായുള്ള പ്ലേ സ്റ്റേഷൻ ആണ് മറ്റൊരു ആകർഷണം. പുതുതായി രൂപീകരിച്ച ഒ ഐ സി സി (യു കെ) ബോൾട്ടൻ, അക്രിങ്ട്ടൻ, ഓൾഡ്ഹം യൂണിറ്റുകളുടെ മെമ്പർഷിപ്പ് ക്യാമ്പയിൻ, പ്രിയദർശിനി ലൈബ്രറിയുടെ ആദ്യ മെമ്പർഷിപ്പ്‌ വിതരണവും ചടങ്ങിൽ വച്ച് നിർവഹിക്കപ്പെടും.

14/02/25, 6PM
Venue
No. 4, Beech Avenue
Farnworth Bolton
BL4 0AT

ഫെബ്രുവരി 15ന് രാവിലെ 9മണിക്ക്, ഉമ്മൻ‌ചാണ്ടി മെമ്മോറിയൽ ട്രോഫി / പി റ്റി തോമസ് മെമ്മോറിയൽ ട്രോഫിക്കും ക്യാഷ് പ്രൈസിനും വേണ്ടിയുള്ള മെൻസ് ഡബിൾസ് / 40 വയസ്സിന് മുകളിൽ പ്രായമുള്ള മെൻസ് ഡബിൾസ് ബാഡ്മിന്റൻ ടൂർണമെന്റിന്റെ ഉദ്ഘാടനം രാഹുൽ നിർവഹിക്കും. കെ പി സി സി വൈസ് പ്രസിഡന്റ്‌ വി പി സജീന്ദ്രൻ, കെ പി സി സി ജനറൽ സെക്രട്ടറി എം എം നസീർ, ഇൻകാസ് മുൻ പ്രസിഡന്റ്‌ മഹാദേവൻ വാഴശ്ശേരിൽ എന്നിവർ മുഖ്യാതിഥികൾ ആയി ചടങ്ങിൽ പങ്കെടുക്കുകയും സമാപന സമ്മേളനത്തിൽ സമ്മാനദാനം നിർവഹിക്കുകയും ചെയ്യും.

15/02/25, 9 AM
Venue
St Peter’s CofE Academy, Fenton Manor, Fenton, Stoke-on-Trent, Staffordshire ST4 2RR

അപ്പച്ചൻ കണ്ണഞ്ചിറ

സ്റ്റീവനേജ്: ഹർട്ഫോർഡ്‌ഷെയറിലെ പ്രമുഖ മലയാളി സംഘടനയായ ‘സർഗ്ഗം സ്റ്റീവനേജ് മലയാളി അസ്സോസ്സിയേഷൻ’ 2025 -2026 വർഷത്തേക്കുള്ള പുതിയ ഭരണസമിതിയെ തെരഞ്ഞെടുത്തു. സർഗ്ഗം സ്റ്റീവനേജിന്റെ ക്രിസ്തുമസ്സ് പുതുവത്സര ആഘോഷത്തിനിടയിൽ നടത്തിയ ജനറൽ ബോഡി യോഗത്തിൽ നിന്നും നോമിനേറ്റ് ചെയ്യപ്പെട്ട കമ്മിറ്റി മെംബർമാരിൽ നിന്നും മനോജ് ജോണിനെ പ്രസിഡണ്ടായും, അനൂപ് എം പി യെ സെക്രട്ടറിയായും, ജോർജ്ജ് റപ്പായിയെ ഖജാൻജിയായും തെരഞ്ഞെടുക്കുകയായിരുന്നു. പുതിയ ഭരണ സമിതിയിൽ ടെസ്സി ജെയിംസ് വൈസ് പ്രസിഡണ്ടും, ആതിര മോഹൻ ജോ. സെക്രട്ടറിയുമാണ്. ഡാനിയേൽ മാത്യു, ടിന്റു മെൽവിൻ, ജിനേഷ് ജോർജ്ജ്, പ്രീതി മണി, പ്രിൻസൺ പാലാട്ടി, എബ്രഹാം വർഗ്ഗീസ്, ദീപു ജോർജ്ജ് എന്നിവർ കമ്മിറ്റി മെംബർമാരായി സേവനം ചെയ്യുന്നതോടൊപ്പം, വിവിധ ഉപ കമ്മിറ്റിൾക്ക് നേതൃത്വം നൽകുകയും ചെയ്യും.

കഴിഞ്ഞ ഇരുപതു വർഷത്തോളമായി സാമൂഹിക, സാംസ്കാരിക, കായിക, ജീവ കാരുണ്യ മേഖലകളിൽ ശ്രദ്ധേയമായ പ്രവർത്തനങ്ങളും, മലയാള ഭാഷക്കും,കേരളീയ പൈതൃകത്വത്തിനും മുൻതൂക്കം നൽകിയും പ്രവർത്തിച്ചു വരുന്ന സംഘടന എന്ന നിലയിൽ, യു കെ യിൽ പ്രശസ്തമായ മലയാളി അസോസിയേഷനാണ് സർഗ്ഗം സ്റ്റീവനേജ്.

സെന്റ് നിക്കോളാസ് കമ്മ്യുണിറ്റി സെന്ററിൽ വിളിച്ചു കൂട്ടിയ ജനറൽ ബോഡി യോഗത്തിൽ അപ്പച്ചൻ കണ്ണഞ്ചിറ അദ്ധ്യക്ഷത വഹിച്ചു. ജെയിംസ് മുണ്ടാട്ട് വാർഷീക കണക്കും, സജീവ് ദിവാകരൻ വാർഷിക റിപ്പോർട്ടും അവതരിപ്പിക്കുകയും, പൊതുയോഗത്തിൽ അംഗീകാരം നേടുകയും ചെയ്തു. 2024-2025 കമ്മിറ്റി, സർഗ്ഗം മെംബർമാരിൽ നിന്നും ലഭിച്ച സഹകരണത്തിനും, പ്രോത്സാഹനത്തിനും നന്ദി രേഖപ്പെടുത്തുകയും, പുതിയ ഭരണ സമിതിക്കു വിജയാശംസകൾ നേരുകയും ചെയ്തു.

തുടർന്ന് സർഗ്ഗം സ്റ്റീവനേജ് സംഘടനയുടെ 2025 -2026 വർഷത്തേക്കുള്ള പുതിയ ഭരണസമിതിയുടെ ഔദ്യോഗിക ഇൻസ്റ്റലേഷൻ നടന്നു. മനോജ് ജോണിന്റെ അധ്യക്ഷതയിൽ കൂടിയ പുതിയ ഭരണ സമിതി തങ്ങളുടെ നയപ്രഖ്യാപനം നടത്തുകയും ചെയ്തു. മുൻ കാലങ്ങളിൽ തുടങ്ങി വെച്ചിട്ടുള്ള കർമ്മ പദ്ധതികൾ തുടർന്ന് കൊണ്ടുപോകുന്നതിനും, സാമൂഹ്യ പ്രതിബദ്ധതയും, സാംസ്ക്കാരിക പൈതൃകവും, കായിക-മാനസ്സിക ക്ഷമതാ സംരക്ഷണവും, കലാ-കായിക പ്രതിഭകൾക്ക് കൂടുതൽ അവസരങ്ങൾ ലഭ്യമാക്കലും തുടങ്ങിയ കർമ്മപദ്ധതികൾക്കു മുൻ‌തൂക്കം നൽകുവാൻ നവ നേതൃത്വം പ്രതിജ്ഞാബദ്ധമെന്ന് മനോജ് ജോൺ പറഞ്ഞു.

പ്രഥമ പരിപാടിയെന്ന നിലയിൽ ഈസ്റ്റർ- വിഷു- ഈദ് സംയുക്ത ആഘോഷത്തിനുള്ള തയ്യാറെടുപ്പുകളിലാണ് പുതിയ കമ്മിറ്റി. നെബ്വർത്ത് കമ്മ്യൂണിറ്റി ഹാളിൽ ഏപ്രിൽ 27 ന് ഞയറാഴ്ച ഈസ്റ്റർ ആഘോഷത്തിന് വേദിയൊരുങ്ങുമെന്നും സർഗ്ഗം കുടുംബാംഗങ്ങളുടെ സഹകരണവും പങ്കാളിത്തവും അഭ്യർത്ഥിക്കുകയും ചെയ്തു.

സ്നേഹവിരുന്നോടെ വാർഷിക ജനറൽ ബോഡി യോഗം സമാപിച്ചു. സർഗ്ഗത്തിന്റെ നേതൃത്വത്തിൽ ചെണ്ട ക്‌ളാസ്സുകളും ഊർജ്ജസ്വലമായി നടക്കുന്നുണ്ട്. സർഗ്ഗം സ്റ്റീവനേജിൽ നിലവിൽ അറുന്നൂറിൽ പരം മെംബർമാർ ഉണ്ട്.

മനോജ് ജോസഫ്

ലിവർപൂളിലെ മലയാളികളുടെ പ്രിയപ്പെട്ട സംഘടനയായ ലിവർപൂൾ മലയാളി അസോസിയേഷൻ (ലിമ) രജതജൂബിലി ആഘോഷങ്ങളിലേയ്ക്ക് കടക്കുന്നതിന്റെ ഭാഗമായി 2025-2026 വർഷത്തേക്കുള്ള പുതിയ നേതൃത്വത്തെ തെരഞ്ഞെടുത്തു.

മലയാളികള്‍ക്ക് സാംസ്‌കാരിക കൂടിച്ചേരലുകൾക്ക് വേദിയൊരുക്കുന്നതിനൊപ്പം, ഇന്ത്യൻ സമൂഹം നേരിടുന്ന പ്രശ്‌നങ്ങളില്‍ ശക്തമായി ഇടപെട്ടുകൊണ്ടും, സർവോപരി ഇന്ത്യൻ സമൂഹത്തിൻ്റെ സർവ്വോന്മുഖമായ ഉന്നമനം മാത്രം ലക്ഷ്യമാക്കി ലിമ പ്രവർത്തിക്കുന്നു.

26/01/2025ന് നടന്ന വാർഷിക പൊതുയോഗത്തിൽ വച്ച് കഴിഞ്ഞ ഒരു വർഷത്തിലെ പ്രവർത്തന റിപ്പോർട്ടും, സാമ്പത്തിക റിപ്പോർട്ടും അവതരിപ്പിച്ചു. കഴിഞ്ഞ വർഷം ലിമ നടത്തിയ വിവിധ സാംസ്കാരിക പരിപാടികളും സാമൂഹ്യസേവന പ്രവർത്തനങ്ങളും സമ്മേളനം വിലയിരുത്തി. വരും വർഷങ്ങളിൽ ലിമ നടത്തേണ്ട പ്രവർത്തനങ്ങളെ കുറിച്ച് വിപുലമായ ചർച്ചകളും നടന്നു.

കഴിഞ്ഞ ഇരുപത്തഞ്ചു വർഷത്തോളമായി ലിവർപൂൾ മലയാളി സമൂഹത്തെ പ്രതിനിധാനം ചെയ്യുന്ന ലിമയുടെ 2025-2026 വർഷത്തേക്കുള്ള ഭാരവാഹികളെ ഐകകണ്ഠേനയാണ് തിരഞ്ഞെടുത്തത്.

ഈ വർഷത്തേക്കുള്ള പുതിയ ഭാരവാഹികളായി പ്രസിഡന്‍റ് സോജൻ തോമസ്, സെക്രട്ടറി ആതിര ശ്രീജിത്ത്, വൈസ് പ്രസിഡന്റ് ഹരികുമാർ ഗോപാലൻ, ജോയിന്റ് സെക്രട്ടറി ബ്ലെസ്സൻ രാജൻ, ട്രഷറർ ജോസ് മാത്യു, പി. ആർ. ഒ. മനോജ് ജോസഫ്, ഓഡിറ്റർ ജോയ്മോൻ തോമസ് എന്നിവർ തിരഞ്ഞെടുക്കപ്പെട്ടു.

ആർട്സ് ക്ലബ്‌ കോഓഡിനേറ്റേഴ്‌സായി ജിജോ വർഗീസ്, പൊന്നു രാഹുൽ, രജിത് രാജൻ, രാഖി സേനൻ എന്നിവരെയും, സോഷ്യൽ മീഡിയ മാനേജരായി ജിജോ കുരുവിളയെയും , സ്പോർട്സ് കോഓഡിനേറ്ററായി അരുൺ ഗോകുലിനെയും തിരഞ്ഞെടുത്തു.

കമ്മിറ്റി മെംബേർസ് ആയി അനിൽ ഹരി, സെബാസ്റ്റ്യൻ ജോസഫ്, മാത്യു അലക്സാണ്ടർ, ബാബു ജോസഫ്, സൈബുമോൻ സണ്ണി, റ്റിജു ഫിലിപ്പ്, അലൻ ജേക്കബ്, കുര്യാക്കോസ് ഇ ജെ, ജോബി ദേവസ്യ, ബിജു ജോർജ്, സിൻഷോ മാത്യു, ജനീഷ് ജോഷി, റോണി വര്‍ഗീസ്‌ എന്നിവരും തിരഞ്ഞെടുക്കപ്പെട്ടു.

സമൂഹത്തിന്റെ വിവിധ മേഖലകളിലുള്ളവരെ കോർത്തിണക്കിക്കൊണ്ട് രൂപീകരിക്കപ്പെട്ട കമ്മിറ്റിയാണ് 2025-2026 ലെ പ്രവർത്തനങ്ങൾക്ക് നേതൃത്വം നൽകുക. ലിമയുടെ ഈ പുതിയ നേതൃത്വം മലയാളി സമൂഹത്തിന് കൂടുതൽ സേവനം ചെയ്യുമെന്ന പ്രതീക്ഷയിൽ നമുക്ക് അവരെ അഭിനന്ദിക്കാം.

ബ്രിസ്റ്റോൾ:- യുകെ, സൗത്ത് വെസ്റ്റ് മേഖലയിലെ മലയാളി സമൂഹത്തിന്റെ ഏറ്റവും വലിയ കൂട്ടായ്മയായ ബ്രിസ്റ്റൽ മലയാളി അസോസിയേഷന്റെ ആഭിമുഖ്യത്തിൽ ഈസ്റ്റർ, വിഷു, ഈദിനോട് അനുബന്ധിച്ചുള്ള ആഘോഷ പരിപാടികൾ ഉത്സവമേളം എന്ന പേരിൽ ഏപ്രിൽ മാസം 27 – ന് ട്രിനിറ്റി അക്കാദമിയിൽ വെച്ച് നടത്താൻ തീരുമാനിച്ചിരിക്കുന്നു

ദൈവത്തിന്റെ സ്വന്തം നാട്ടിലെ സുന്ദരിയെ കണ്ടെത്തുവാനുള്ള MARQUITA 2025, എന്ന സൗന്ദര്യ മത്സരമാണ് ഉത്സവമേളത്തിലെ പ്രധാന ആകർഷണം.

MARQUITA 2025 ആയി തിരഞ്ഞെടുക്കപ്പെടുന്ന വിജയിക്ക് £1500 ക്യാഷ് പ്രൈസും സൗന്ദര്യ റാണി പട്ടവും സമ്മാനമായി നല്കും.കൂടാതെ രണ്ടും, മൂന്നും സ്ഥാനത്തിന് അർഹരാകുന്നവർക്ക് യഥാക്രമം £1000 ഉം,£500 ക്യാഷ് പ്രൈസും പ്രശസ്തിപത്രവും നൽകും. യുകെയിൽ നടത്തപെട്ടിട്ടുള്ള മലയാളി സൗന്ദര്യ മത്സരങ്ങളിൽവെച്ച് ഏറ്റവും മികച്ച ഒരു മത്സരമായിരിക്കും MARQUITA 2025 എന്നാണ് ഇതിന്റെ സംഘാടകർ അറിയിച്ചിരിക്കുന്നത്.

MARQUITA 2025 നോടൊപ്പം പ്രേക്ഷക മനസ്സുകളിൽ ആസ്വാദനത്തിന്റെ അലയടികൾ തീർക്കുവാനുതകുന്നതും, കേരള തനിമ തുളുമ്പുന്നതുമായ വൈവിധ്യമാർന്ന കലാപരിപാടികളാണ് അണിയിച്ചൊരുക്കിയിരിക്കുന്നത്.

MARQUITA 2025 ൽ പങ്കെടുക്കുവാൻ താല്പര്യമുള്ള മത്സരാർത്ഥികൾ ബ്രിസ്റ്റോൾ മലയാളി അസോസിയേഷൻ്റെ വെബ്സൈറ്റ് ആയ www.bma-bristol.uk എന്ന പോർട്ടൽ വഴിയാണ് രജിസ്ട്രേഷൻ പൂർത്തിയാക്കേണ്ടത്.

പരിപാടിയുടെ കൂടുതൽ വിശദദാംശങ്ങളെ കുറിച്ചറിയാൻ താഴെ പറയുന്നവരുമായി ബന്ധപ്പെടണമെന്ന് സംഘാടക സമിതി അറിയിച്ചു.

BRISTOL MALAYALI ASSOCIATION
Programme Coordinator&Arts Secretary TIJO GEORGE NADUCHIRA
+44 782 404 5695
Chairman NOYCHEN AUGUSTINE
+44 788 689 4388
President
SEN KURIAKOSE
+44 746 793 0377
Secretary
CHACKO VARGHESE
+44 792 069 3900
Treasurer
REX PHILP
+44 742 672 3976
Vice President
LNSON THEYOPHIN
+44 750 377 2801
Vice President JOSHMA REX
+44 755 338 7654

റോയ് തോമസ്

എക്സിറ്റർ: ഇൻഡ്യയിൽ ആയിരുന്നപ്പോൾ ഡ്രൈവിങ് തീർത്തും ഒരു നിസ്സാരമായ സംഗതിയായി കണ്ടിരുന്നെങ്കിൽ ഇംഗ്ലണ്ടിലെത്തിയപ്പോഴാണ് ഡ്രൈവിങ്ങും ഡ്രൈവിങ് പഠനവും എത്രയധികം ഗൗരവകരമാണെന്ന് നമുക്ക് പലർക്കും മനസ്സിലായത്. പലരുടെയും അനുഭവത്തിൽ അവരുടെ ജീവിതത്തിലെ ഏറ്റവും വിഷമകരമായ ടെസ്റ്റ് ഏത് എന്നു ചോദിച്ചാൽ ഇംഗ്ലണ്ടിലെ ഡ്രൈവിങ് ടെസ്റ്റ് എന്ന കടമ്പ കടന്നു കൂടിയാതാണെന്ന് അവർ ഉറപ്പായും പറയും.

ഒരു കാർ ഡ്രൈവിങ് ടെസ്റ്റ് കടന്നുകൂടുവാൻ ബുദ്ധിമുട്ടിയവരോട് ട്രെക്ക് ഡ്രൈവർ ആകുക എന്നതിനെ എങ്ങനെ നോക്കി കാണും. സംശയമില്ല അതു അഭ്ഭുതം തന്നെയായിരിക്കും. എന്നാൽ ഇംഗ്ലണ്ടിൽ ട്രക്ക് ഡ്രൈവിങ് ടെസ്റ്റ് പാസ്സായി യൂറോപ്യൻ നിരത്തുകളിലുടെ പായുന്ന മലയാളി ഡ്രൈവന്മാരുടെ എണ്ണം ഇന്ന് ഇരുന്നൂറിലധികമായി കഴിഞ്ഞു. റോഡിലെ രാജാക്കന്മാർ എന്നു വിശേഷിപ്പിക്കാവുന്ന ഡ്രക്കുകളുടെ ഡ്രൈവന്മാരായ ഈ മലയാളികൾ നമുക്ക് അഭിമാനം തന്നെ.

ഏതു നാട്ടിലെത്തിയാലും അവിടുത്തെ സംസ്കാരത്തെ ബഹുമാനിച്ച് ആ നാട്ടുകാരുടെ പ്രിയപ്പെട്ടവരാകുന്ന മലയാളി കുടിയേറ്റ മാതൃകയെന്നപ്പോലെ അവിടുത്തെ ഏതു തൊഴിൽ മേഖലയിലും കടന്നു കയറി വെന്നിക്കൊടി പാറിക്കുന്ന മലയാളിയുടെ സ്വന്തസിദ്ധമായ കഴിവ് തന്നെയാണ് ഇവിടെയും നമ്മൾ കാണുന്നത്.

അസ്സോസ്സിയേഷനും കൂട്ടായ്മയും ഇല്ലാത്ത മലയാളിയെ നമുക്ക് ഒരു പ്രവാസ നാട്ടിലും കണ്ടെത്തുക പ്രയാസമായിരിക്കും. ഇംഗ്ലണ്ടിലും മലയാളി ട്രക്ക് ഡ്രൈവറന്മാരും അത് തിരുത്തുവാൻ തയ്യാറല്ല. അവരുടെ കൂട്ടായ്മയായ Malayali Truck Drivers United Kingdom അംഗങ്ങൾ ഈ മാസം 7, 8, 9 തീയതികളിൽ പീക്ക് ഡിസ്ട്രിക്ടിലെ തോര്‍ഗ്ബ്രിഡ്ജ് ഔട്ട്ഡോര്‍ സെന്ററില്‍ ഒത്തു ചേരുകയാണ്.

ഇംഗ്ലണ്ടിലെത്തിയ മലയാളികളെ കൂടുതലായി ഈ തൊഴിൽ മേഖലയിലേക്ക് കടന്നു വരുവാൻ വേണ്ട സഹായങ്ങൾ ചെയ്യുവാനുള്ള പദ്ധതികൾ അസൂത്രണം ചെയ്യുന്നതിനുള്ള ചർച്ചകളും സംഘടിപ്പിക്കുന്നതാണ്.
വാരാന്ത്യത്തിൽ നടക്കുന്ന ത്രിദിന മൂന്നാമത് മലയാളി ട്രക്ക് ഡ്രൈവേഴ്സ് കൂടംബ കൂട്ടായ്മ വിജയകരമായിരിക്കുമെന്ന് ഭാരവാഹികൾ പ്രതീക്ഷിക്കുന്നു.

റോമി കുര്യാക്കോസ്

കവൻട്രി: സംഘടനയുടെ പ്രവർത്തന അടിത്തറ വിപുലപ്പെടുത്തി ഒ ഐ സി സി (യു കെ) – യുടെ കവൻട്രി യൂണിറ്റ് രൂപീകരിച്ചു. ഞായറാഴ്ച കവൻട്രിയിൽ വച്ച് ചേർന്ന രൂപീകരണം യോഗം നാഷണൽ പ്രസിഡന്റ്‌ ഷൈനു ക്ലെയർ മാത്യൂസ് ഉദ്ഘാടനം ചെയ്തു. നാഷണൽ വക്താവ് റോമി കുര്യാക്കോസ് യോഗനടപടികൾക്ക് നേതൃത്വം നൽകി.

ശനിയാഴ്ച ഒ ഐ സി സി (യു കെ) – യുടെ ലിവർപൂൾ യൂണിറ്റ് രൂപീകൃതമായി 24 മണിക്കൂർ തികയും മുൻപ് കവൻട്രിയിൽ യൂണിറ്റ് രൂപീകരിക്കാൻ സാധിച്ചത് സംഘടന യു കെയിൽ ജനകീയമാകുന്നതിന്റെ മകുടോദാഹരണമായി.

അടുത്ത മൂന്ന് മാസം യൂണിറ്റ് / റീജിയനുകളുടെ രൂപീകരണത്തിന് പ്രാധാന്യം കൊടുത്തുകൊണ്ടുള്ള പ്രവർത്തനങ്ങളിൽ ശ്രദ്ധ കേന്ദ്രീകരിച്ചു കൊണ്ട് മുന്നോട്ട് പോകുന്നതിനുള്ള നിർദേശമാണ് ഓ ഐ സി സി (യു കെ) – യുടെ ചുമതലയുള്ള കെ പി സി സി ഭാരവാഹികൾ ഒ ഐ സി സി (യു കെ) നേതൃത്വത്തിന് നൽകിയിരിക്കുന്നത്.

സംഘടനാ പ്രവർത്തനത്തിൽ പരിചയസമ്പന്നരായവരെയും യുവാക്കളെയും ഉൾപ്പെടുത്തി ശക്തമായ ടീം ഇനി കവൻട്രിയിലെ ഒ ഐ സി സി സംഘടനാ പ്രവർത്തനങ്ങൾക്ക് നേതൃത്വം നൽകും.

പുതിയ ഭാരവാഹികൾ:

പ്രസിഡന്റ്‌
ജോബിൻ സെബാസ്റ്റ്യൻ

വൈസ് പ്രസിഡന്റ്‌
ജോപോൾ വർഗീസ്

ജനറൽ സെക്രട്ടറി
അശ്വിൻ രാജ്

ട്രഷറർ
ജയ്മോൻ മാത്യു

ജോയിന്റ് സെക്രട്ടറി
സുമ സാജൻ

എക്സിക്യൂട്ടീവ് കമ്മിറ്റി അംഗങ്ങൾ:

ദീപേഷ് സ്കറിയ
ജിക്കു സണ്ണി
മനോജ്‌ അഗസ്റ്റിൻ
രേവതി നായർ
ലാലു സ്കറിയ

റോമി കുര്യാക്കോസ്

ലിവർപൂൾ: യു കെയിലുടനീളം പ്രവർത്തന അടിത്തറ വിപുലപ്പെടുത്തി ഒ ഐ സി സി (യു കെ). ശനിയാഴ്ച സംഘടനയുടെ ലിവർപൂൾ യൂണിറ്റിന്റെ രൂപീകരണത്തോടെ യു കെയിലെ പ്രവർത്തന കുതിപ്പിൽ ഒരു പടികൂടി മുന്നോട്ട് പോയിരിക്കയാണ്‌ ഒ ഐ സി സിയുടെ യു കെ ഘടകം.

അടുത്ത മൂന്ന് മാസം കൊണ്ട് യു കെയിലുടനീളം ചെറുതും വലുതുമായ യൂണിറ്റുകൾ രൂപീകരിച്ചും ഇപ്പോഴുള്ളവ പുനസംഘടിപ്പിച്ചുകൊണ്ടും ഒ ഐ സി സി (യു കെ)യുടെ പ്രവർത്തനം രാജ്യമാകെ വ്യാപിപ്പിക്കുക എന്ന ചരിത്രപ്രധാനമായ ദൗത്യമാണ് കെ പി സി സി നേതൃത്വം ഒ ഐ സി സി (യു കെ)യുടെ പുതിയ നാഷണൽ കമ്മിറ്റിയെ ഏൽപ്പിച്ചിരിക്കുന്നത്.

കലാ – കായിക – സാംസ്കാരിക മേഖലകളിൽ നിറസാന്നിധ്യമായ ലിവർപൂൾ മലയാളി സമൂഹത്തെ പ്രതിനിധീകരിച്ച് ഒ ഐ സി സി (യു കെ)യുടേതായി ഒരു യൂണിറ്റ് രൂപീകരിക്കാനായത് സംഘടനയോട് മലയാളി സമൂഹത്തിന്റെ വിശ്വാസ്യതയ്ക്ക് മറ്റൊരു ഉദാഹരണമായി. കൊച്ചി – യു കെ എയർ ഇന്ത്യ വിമാന സർവീസുകൾ നിർത്തലാക്കുന്നു എന്ന വാർത്ത പരന്ന ഉടൻ, ഒ ഐ സി സി (യു കെ) വിഷയത്തിൽ ഇടപെട്ടതും മലയാളി സമൂഹത്തിന്റെ ഇടയിൽ സംഘടനയുടെ പേരും വിശ്വാസ്യതയും ഉയർത്തിയിരുന്നു.

ശനിയാഴ്ച സംഘടിപ്പിച്ച ലീവർപൂൾ യൂണിറ്റിന്റെ രൂപീകരണ സമ്മേളനം ഒ ഐ സി സി (യു കെ) നാഷണൽ പ്രസിഡന്റ്‌ ഷൈനു ക്ലെയർ മാത്യൂസ് ഉദ്ഘാടനം ചെയ്തു. നാഷണൽ വക്താവ് റോമി കുര്യാക്കോസ് യോഗ നടപടികൾക്ക് നേതൃത്വം നൽകി.

ലിവർപൂൾ യൂണിറ്റിനെ പ്രതിനിധീകരിച്ചു പീറ്റർ പൈനാടത്ത്, ജിറിൽ ജോർജ്, ബ്ലസ്സൻ രാജൻ തുടങ്ങിയവർ സംസാരിച്ചു.

തുടർന്ന്, പുതിയ ഭാരവാഹികളുടെ തെരഞ്ഞെടുപ്പ് നടന്നു. എല്ലാ ഭാരവാഹികളും ഐക്യകണ്ഠമായാണ് തെരഞ്ഞെടുക്കപ്പെട്ടത്.

ഒ ഐ സി സി (യു കെ) ലിവർപൂൾ യൂണിറ്റ് ഭാരവാഹികൾ:

പ്രസിഡന്റ്‌:
പീറ്റർ പൈനാടത്ത്

വൈസ് പ്രസിഡന്റുമാർ:
ജിറിൽ ജോർജ്,
ഡെയ്സി ഡാനിയൽ

ജനറൽ സെക്രട്ടറി:
ബ്ലസ്സൻ രാജൻ

ജോയിന്റ് സെക്രട്ടറി
റോഷൻ മാത്യു

ട്രഷറർ:
ജോഷി ജോസഫ്

കൈരളി യുകെയുടെ സതാംപ്ടൺ പോർട്സ് മൗത് യൂണിറ്റിന്റെ മൂന്നാമത് സംഗീത നൃത്ത സന്ധ്യ സതാംപ്ടൺ വിക്ക്ഹാം കമ്യൂണിറ്റി സെന്റർ (Wickham Community Center) ഹാളിൽ വെച്ച് മാർച്ച്‌ 22 ന് നടത്തപ്പെടുന്നു. മുൻ വർഷങ്ങളിൽ യുകെയിലെ മലയാളി സമൂഹത്തിൽ നിന്ന് ലഭിച്ച അകമഴിഞ്ഞ പ്രോത്സാഹനമാണ് 600 ൽ പരം ആളുകളെ ഉൾകൊള്ളുവാൻ കഴിയുന്ന ഒരു വിപുലമായ വേദി തെരഞ്ഞെടുത്തത്.

യുകെയുടെ വിവിധ ഭാഗങ്ങളിൽ നിന്ന് എത്തുന്ന 200 ൽ പരം കലാപ്രതിഭകൾ അണിയിച്ചൊരുക്കുന്ന ദൃശ്യ വിസ്മയങ്ങൾ ആണ് ഈ പരിപാടിയുടെ പ്രധാന ആകർഷണം. വൈകുന്നേരം 3 മണിക്ക് ആരംഭിക്കുന്ന കലാപരിപാടികൾ ഗാനസന്ധ്യയോടെ രാത്രി 10 മണിക്ക് അവസാനിക്കും. പരിപാടിയിൽ യുകെയുടെ വിവിധ പ്രദേശങ്ങളിൽ നിന്നുള്ള കലാ സാംസ്‌കാരിക പ്രവർത്തകർ പങ്കെടുക്കും. പരിപാടിയുടെ വിജയത്തിനായി ബിനു, ജോസഫ്, പ്രസാദ് എന്നിവരുടെ നേതൃത്വത്തിൽ വിപുലമായ സഘാടക സമിതി രൂപീകരിച്ചു പ്രവർത്തനം നടത്തി വരുന്നു. ഈ മനോഹരമായ കലാ വിരുന്ന് ആസ്വദിക്കുന്നതിന് യുകെയിലെ മുഴുവൻ കലാ ആസ്വാദകരേയും ഹാർദവമായി സ്വാഗതം ചെയ്യുന്നതായി സംഘാടകർ അറിയിച്ചു.

ലണ്ടൻ∙ മാഞ്ചസ്റ്ററിലെ ട്രാഫോർഡിനു ചുറ്റുമുള്ള മലയാളി കുടുംബങ്ങളെ ഒന്നിപ്പിക്കുന്ന ഒരു ഔദ്യോഗിക ട്രാഫോർഡ് മലയാളി അസോസിയേഷൻ (TMA) ആയി ഒരു കൂട്ടം വ്യക്തികൾ തങ്ങളുടെ പൊതുവായ താൽപ്പര്യങ്ങൾ പങ്കുവെക്കാൻ തീരുമാനിച്ചതിനെത്തുടർന്ന് 2005-ൽ ട്രാഫോർഡ് മലയാളി അസോസിയേഷൻ സ്ഥാപിതമായി. ട്രാഫോർഡ് പ്രദേശത്തെ മലയാളി പ്രവാസികൾക്കിടയിൽ സാമൂഹിക, സാംസ്കാരിക, കായിക പ്രവർത്തനങ്ങൾക്ക് സഹായകമായ സൗകര്യങ്ങൾ നൽകുകയും പ്രോത്സാഹിപ്പിക്കുകയും ചെയ്യുക എന്നതാണ് അസോസിയേഷന്റെ ലക്ഷ്യം. അതിനുശേഷം ഞങ്ങൾ ഒരു സമൂഹമായി വളർന്നു, ഇപ്പോൾ 100-ലധികം കുടുംബങ്ങൾ അസോസിയേഷന്റെ ഭാഗമാണ്, ഇരുപതാം വർഷത്തിന്റെ നിറവിൽ ഉദിച്ചു നിൽക്കുന്ന സൂര്യ രശ്മി പോലെ ട്രാഫോർഡ് മലയാളി അസോസിയേഷൻ പുതിയ ഭാരവാഹികളെ തിരഞ്ഞെടുത്തു. പുതിയ വർഷത്തെ അസോസിയേഷന്റെ കർമപരിപാടികൾക്കും രൂപം നൽകി. ഷിജു ചാക്കോ (പ്രസിഡന്റ്), ലിബിൻ കെ തോമസ് (സെക്രട്ടറി), രാഹുൽ ശിവൻ (ട്രഷറർ), ഡോളി സിബി (വൈസ് പ്രസിഡന്റ്), സ്റ്റാനി ഇമ്മാനുവേൽ (ജോയിന്റ് സെക്രട്ടറി), ശ്രീകാന്ത് ശിവരാജൻ ( പബ്ലിക് റിലേഷൻസ് ഓഫിസർ), അനു ജോഷി, ഡൽഫിയാ ജോസ്, സോണിയ ദീപക് (പ്രോഗ്രാം കോ- ഓർഡിനേറ്റേഴ്സ്) ഡിയോണ സ്റ്റാൻലി, സോനാ ബിജു, ജോയൽ ജോർജ്, അഷോൺ സിബി (യൂത്ത്-പ്രോഗ്രാം കോ- ഓർഡിനേറ്റേഴ്സ്) എന്നിവരാണ് പുതിയ ഭാരവാഹികൾ.

കഴിഞ്ഞദിവസം നടന്ന ചടങ്ങിൽ നിലവിലെ ഭാരവാഹികൾ കമ്മിറ്റി രേഖകളും അക്കൗണ്ടും നൽകി പുതിയ ഭാരവാഹികൾക്ക് ചുമതലകൾ കൈമാറി.കേക്ക് മുറിച്ചു പരിപാടികൾക്ക് തുടക്കം കുറിച്ചു. കഴിഞ്ഞ നീണ്ട പത്തൊമ്പതു വർഷകാലം എല്ലാ തലത്തിലും TMA യെ വളർത്തി വലുതാക്കിയ എല്ലാ TMA അഗങ്ങളെയും അതിന് മുന്നിൽ നിന്ന് പ്രവർത്തിച്ച കഴിഞ്ഞകാല പ്രവർത്തന സമതി അഗങ്ങളോടും ഉള്ള നന്ദി TMA 2025 പ്രവർത്തനസമതി അറിയിച്ചു .

മെമ്പർഷിപ്പ് ദിനം, TMA 2025- 20-ാം വാർഷികം ഉദ്ഘാടനം, എഗ്ഗ് ഹംന്റിങ്, വേനൽക്കാല ഉത്സവം , ലേഡീസ് നൈറ്റ് ഔട്ട് & മെൻസ് നൈറ്റ് ഔട്ട് , TMA ഫാമിലി ടൂർ, ബ്രിംഗ് ആൻഡ് ഷെയർ, ഗസൽ സന്ധ്യ, കുട്ടികൾക്ക് ക്ലാസ്സ്, സ്‌പോർട്‌സ് ഡേ(ഇൻഡോർ ഗെയിംസ് & ഔട്ട്‌ഡോർ ഗെയിംസ്), ഓണം പ്രോഗ്രാം-2025, കുട്ടികളുടെ ഔട്ടിംഗ്,പുരുഷന്മാരുടെയും സ്ത്രീകളുടെയും ടൂർ ഔട്ട് ഓഫ് UK , ക്രിസ്മസ് കരോൾ, ക്രിസ്മസ് & ന്യൂഇയർ ആഘോഷങ്ങൾ. ഈ വർഷംനടത്താനുദ്ദേശിക്കുന്ന കാര്യ പരിപാടികൾആസൂത്രണം ചെയ്തതായി പ്രസിഡന്റ് ഷിജു ചാക്കോ അറിയിച്ചു.

ന്യൂസ് ഡെസ്ക് . മലയാളം യുകെ

അമേരിക്കയിലെ ടെക്സസ് സ്റ്റേറ്റിലെ ഹൂസ്റ്റണിലും പരിസരപ്രദേശങ്ങളിലുമുള്ള കുറവിലങ്ങാട് നിവാസികൾ ഒത്തുചേർന്ന് രൂപം നൽകിയിട്ടുള്ള കുറവിലങ്ങാട് അസ്സോസിയേഷൻ ഓഫ് ഗ്രേറ്റർ ഹൂസ്റ്റൺ എന്ന സംഘടനയുടെ ഔദ്യോഗിക ഉദ്ഘാടനം ജനുവരി 26നു ഡിസ്ട്രിക്ട് ജഡ്ജ് സുരേന്ദ്രൻ പട്ടേൽ നിർവഹിച്ചു. പ്രസിഡണ്ട്‌ ഷാജി ജോസിന്റെ അദ്ധ്യക്ഷതയിൽ നടന്ന ചടങ്ങിൽ സെക്രട്ടറി ടാസ്‌മോൻ ജോസ്സഫ് സ്വാഗതം അർപ്പിച്ചു. സ്റ്റാഫോഡ് സിറ്റി മേയർ കെൻ മാത്യു ലോഗോ പ്രകാശനം നടത്തി. റവ ഫാ ജോസഫ് പൊറ്റമ്മേൽ ആശംസകൾ അർപ്പിച്ച ചടങ്ങിൽ കുറവിലങ്ങാട്ടെ കലാ -സാംസ്‌കാരിക നേതാക്കളുടെ ആശംസാ വീഡിയോ പ്രദർശനവും നടത്തപ്പെട്ടു. കുറവിലങ്ങാട് നിവാസികൾക്ക് അഭിമാനിക്കുവാനും സന്തോഷിക്കുവാനുമുള്ള ഒരു പ്രസ്ഥാനത്തിന്റെ പിറവിയാണിതെന്ന് മുഖ്യാതിഥികൾ അഭിപ്രായപ്പെട്ടു. സണ്ണി ടോം മുഖ്യ അതിഥികൾക്കും എത്തിച്ചേർന്ന മെമ്പേഴ്സിനും നന്ദി രേഖപ്പെടുത്തി. ട്രഷറർ സിനു സെബാസ്റ്റ്യൻ പരിപാടിയുടെ സ്പോൺസർമാരായിരുന്ന ആൻസ് ഗ്രോസെർസിനും JJB cpa ഗ്രൂപ്പ് ചെയർമാൻ ജോൺ ബാബുവിനും മോർട്ഗേജ് ലോൺ ഒറിജിനേറ്റർ ജോസ് മാത്യുവിനും നന്ദി പറഞ്ഞു. തുടർന്ന് വിവിധ കലാപരിപാടികളും ഡിന്നറും നടത്തി.