ഉണ്ണികൃഷ്ണൻ ബാലൻ

സമീക്ഷ യു.കെ യുടെ ആറാം ദേശീയ സമ്മേളനത്തിന്റെ ഭാഗമായി യു.കെ യിലുടനീളം പ്രാദേശികമായി നടന്നു വന്ന ബാഡ്മിന്റൺ ടൂർണമെന്റ്, മാർച്ച് 12 ഞായറാഴ്ച രാത്രി 9 മണിക്ക്, കോവെൻട്രി റീജിയണിൽ നടന്ന മത്സരത്തോടെ അവസാനിച്ചു. ഈ വർഷത്തെ നാഷണൽ മത്സരം മാർച്ച്‌ 25 ന്, മാഞ്ചസ്റ്ററിൽ വച്ച് നടക്കും. കോവെന്ററി എക്സൽ സെന്ററിൽ ഞായറാഴ്ച ഉച്ചക്ക് 3 മണിയോടെ മത്സരങ്ങൾ ആരംഭിച്ചു.

സമീക്ഷ യുകെ നാഷണൽ പ്രസിഡന്റ്‌ ശ്രീ. ശ്രീകുമാർ ഉള്ളാപ്പിള്ളിൽ ഉദ്ഘാടനം ചെയ്തു. നാഷണൽ സെക്രട്ടറിയേറ്റ് മെമ്പർ ശ്രീ. ശ്രീജിത്ത്‌ സ്വാഗതവും നാഷണൽ കമ്മിറ്റി അംഗം ശ്രീമതി. സ്വപന പ്രവീൺ നന്ദിയും പറഞ്ഞു. ഒന്നും രണ്ടും മൂന്നും സ്ഥാനങ്ങളിലെത്തിയ വിജയികൾക്ക് യഥാക്രമം 201 പൗണ്ടും ട്രോഫികളും, 101 പൗണ്ടും ട്രോഫികളും, 51 പൗണ്ടും ട്രോഫികളുമാണ് സമീക്ഷ കോവെൻട്രി ബ്രാഞ്ച് ഒരുക്കിയിരുന്നത്. ഇരുപതോളം ടീമുകൾ മാറ്റുരച്ച വാശിയേറിയ മത്സരങ്ങൾക്കൊടുവിൽ ജോബി – ജിസ്‌മോൻ സഖ്യം ഒന്നാം സ്ഥാനവും, ആകാശ്‌ – ഈശ്വർ സഖ്യം രണ്ടാം സ്ഥാനവും, ധീരു – ഇമ്മാനുവേൽ സഖ്യം മൂന്നാം സ്ഥാനവും കരസ്ഥമാക്കി.

മെയിൻ അമ്പയർമാരായി കെറ്ററിംഗിൽ നിന്നും എത്തിയ അരുൺ, നോബിൻ എന്നിവരും, മിൽട്ടൻ കിംഗ്സിൽ നിന്നും എത്തിയ നൗഫൽ, കോവന്ററിയിലെ വിഘ്നേഷ് എന്നിവരും, ലൈൻ അമ്പയർമാരായി കോവെൻട്രി ബ്രാഞ്ച് പ്രസിഡന്റ്‌ ശ്രീ. ജൂബിനും, ജോയിന്റ് സെക്രട്ടറി ശ്രീ. ക്ലിന്റും മറ്റു ബ്രാഞ്ച് അംഗങ്ങളും, മഞ്ചേസ്റ്ററിൽ നിന്നും എത്തിയ ഷിബിൻ, സുജേഷ്, സിറിൽ എന്നിവരും ചേർന്ന് മത്സരങ്ങൾ നിയന്ത്രിച്ചു.

മൂന്നാം സ്ഥാനം നേടിയവർക്ക്‌ സമീക്ഷ യുകെ നാഷണൽ സെക്രട്ടറിയേറ്റ് അംഗം ശ്രീ. ശ്രീജിത്തും, രണ്ടാം സ്ഥാനം നേടിയവർക്ക്‌ നാഷണൽ ബാഡ്മിന്റൺ ടൂർണമെന്റ് കോർഡിനേറ്റർ ശ്രീ. ജിജു ഫിലിപ്പ് സൈമണും, ഒന്നാം സ്ഥാനം നേടിയവർക്ക്‌ കോവെൻട്രി ബ്രാഞ്ച് സെക്രട്ടറിയും വെസ്റ്റ് മിഡ്ലാൻഡ്സ് ഏരിയ സെക്രട്ടറിയും റീജിയണൽ ബാഡ്മിന്റൺ ടൂർണമെന്റ് കോർഡിനേറ്ററും ആയ ശ്രീ. പ്രവീണും, മറ്റൊരു കോർഡിനേറ്റർ ആയ അർജുനും ചേർന്നു സമ്മാനങ്ങൾ വിതരണം ചെയ്തു. മത്സരത്തിന്റെ വിജയകരമായ നടത്തിപ്പിന് എല്ലാവിധ സഹായങ്ങളും നൽകിയ അമ്പയർമാർക്കും വളണ്ടിയർമാർക്കും കോവെൻട്രി ബ്രാഞ്ച് മെഡലുകൾ നൽകി ആദരിച്ചു.

2012 ൽ മർഡോണ കേരളത്തിൽ വന്നപ്പോൾ ക്യൂബൻ, ഇറ്റാലിയൻ, സ്പാനിഷ് പാട്ടുകൾ കൊണ്ട് ഫുട്ബോൾ ഇതിഹാസം ഡിഗോ മാർഡോണയെപ്പോലും വിസ്മയിപ്പിച്ച 18 ഭാഷയിൽ പാടുന്ന മലയാളി ഗായകൻ ശ്രീമാൻ ചാൾസ് ആന്റണി ലിവർപൂളിൽ എത്തുന്നു മാർച്ച്‌ 31ന്. 2017 ലും കൊൽക്കത്തയിൽ എത്തിയപ്പോൾ മർഡോണ ക്ക് വേണ്ടി ചാൾസ് പാടിയിരുന്നു.

മാർച്ച്‌ 31ന് ചാൾസ് ആന്റണി, യുകെയിലെ പ്രശസ്ഥ കുടിലിൽ സ്റ്റുഡിയോയുടെ ചാരിറ്റി ഇവന്റ്ൽ യുകെയിൽ ആദjമായി ലൈവ് പെർഫോമൻസ് നടത്തുന്നു.ലിവർപൂളിലെ ക്രോസ്സ് കി പബിൽ വച്ചാണ് പെർഫോമൻസ് നടത്തപ്പെടുന്നത്.
10 പൗണ് ആണ് പ്രേവശന ഫീസ്. ഈ പരിപാടിയിൽ നിന്ന് കിട്ടുന്ന തുക മുഴുവൻ ചാരിറ്റിക്കാണ് വിനിയോഗിക്കുന്നത് എന്ന് കുടിലിൽ സ്റ്റുഡിയോ ഉടമയും, യുകെയിലെ പ്രേശസ്ത ഗായകൻ കൂടി ആയ ശ്രീ ഷാജു ഉതുപ്പ് അറിയിച്ചു.
പരിപാടിയിലേക്ക് കുടിലിൽ സ്റ്റുഡിയോ ഏവരെയും സ്വാഗതം ചെയ്യുന്നു.

സമീക്ഷ യുകെ യുടെ ആറാം ദേശീയ സമ്മേളനത്തിന്റെ മുന്നോടിയായി ബോസ്റ്റൺ ബ്രാഞ്ച് സമ്മേളനം വിജയകരമായി നടന്നു. മാർച്ച് 12 ഞായറാഴ്ച്ച നടന്ന സമ്മേളനം സമീക്ഷ യുകെ നാഷണൽ ജോ. സെക്രട്ടറി ശ്രീമതി ചിഞ്ചു സണ്ണി ഉദ്ഘാടനം ചെയ്തു.

മുമ്പ് പീറ്റർബറോ ബ്രാഞ്ചിന്റെ ഭാഗമായിരുന്ന ബോസ്റ്റൺ ബ്രാഞ്ച് സ്വന്തംനിലക്ക് പ്രവർത്തനം തുടങ്ങിയിട്ട് ഒരു വർഷം പിന്നിടുന്നു. ഈ കാലയളവിനുളളിൽ മികച്ച പ്രവർത്തനം കാഴ്ച വയ്ക്കുന്ന ബ്രാഞ്ചുകളിലൊന്നായി മാറാൻ ബോസ്റ്റൺ ബ്രാഞ്ചിനു കഴിഞ്ഞതിലുള്ള സന്തേഷവും, സംതൃപ്തിയും ശ്രീമതി ചിഞ്ചു തന്റെ ഉദ്ഘാടന പ്രസംഗത്തിൽ പ്രകടിപ്പിച്ചു.

ബ്രാഞ്ച് പ്രസിഡന്റ് ശ്രീ. ഷാജി.പി മത്തായി യുടെ അദ്ധ്യക്ഷതയിൽ നടന്ന ചേർന്ന യോഗത്തിൽ സെക്രട്ടറി സന്തോഷ് ദേവസ്സി സ്വാഗതമാശംസിച്ചു. ജോ. സെക്രട്ടറി മജോ വെരനാനി നന്ദി പ്രകാശിപ്പിച്ചു. മേൽക്കമ്മറ്റി തീരുമാനങ്ങൾ ശ്രീ ഭാസ്കർ പുരയിൽ വിശദീകരിച്ചു.

ദേശീയ സമ്മേളനം വിജയിപ്പിക്കാൻ ഒരോരുത്തരും മുന്നിട്ടറങ്ങണമെന്ന ആഹ്വാനത്തോടെ യോഗനടപടികൾ പര്യവസാനിച്ചു. ബ്രാഞ്ചു സമ്മേളന ദിവസം രാവിലെ സമീക്ഷ യു.കെ യുടെ ആറാം ദേശീയ സമ്മേളനത്തിന്റെ ഭാഗമായി യു.കെ യിലുടനീളം പ്രാദേശികമായി നടക്കുന്ന ബാഡ്മിന്റൺ മത്സരത്തിന്റെ ബോസ്റ്റൺ റീജണൽ മത്സരം പീറ്റർ പൈൻ പെർഫോമൻ സെന്ററിൽ വച്ചു നടന്നു. ഇത് ബ്രാഞ്ച് സമ്മേളനത്തിന്റെ ആവേശം വാനോളമുയർത്തി. ഒന്നും രണ്ടും സ്ഥാനങ്ങളിലെത്തുന്ന വിജയികൾക്ക് യഥാക്രമം 151 പൗണ്ടും ട്രോഫിയും, 101 പൗണ്ടും ട്രോഫിയുമാണ് സമീക്ഷ ബോസ്റ്റൺ ബ്രാഞ്ച് ഒരുക്കിയിരുന്നത്. ഏഴോളം ടീമുകൾ മാറ്റുരച്ച വാശിയേറിയ മത്സരങ്ങൾക്കൊടുവിൽ കെവിൻ, കെൻലി സഖ്യം (ഹണ്ടിംഗ്ടൺ) ഒന്നാം സ്ഥാനവും, കൃസ്റ്റി, ജസ്റ്റിൻ സഖ്യം രണ്ടാം സ്ഥാനവും കരസ്ഥമാക്കി.

വിജയികൾക്കുള്ള സമ്മാനദാനം റോയൽ ബോസ്റ്റൺ ക്രിക്കറ്റ് ക്ലബ്ബ് വൈസ് ക്യാപ്റ്റൻ ശ്രീ നവീനും, ബാഡ്മിന്റൺ ടൂർണമെന്റ് കോർഡിനേറ്റർ ശ്രീ ആഷിഷും ചേർന്നു നിർവ്വഹിച്ചു. മത്സരത്തിന്റെ വിജയകരമായ നടത്തിപ്പിന് മുൻകൈയ്യെടുത്ത ശ്രീ ആഷിഷ്, ശ്രീ ബെനോയ്, നാഷണൽ കോർഡിനേഷൻ കമ്മറ്റി അംഗങ്ങളായ ശ്രീ നിധീഷ് പാലക്കൽ, ശ്രീ ജിതിൻ തുളസി എന്നിവരെ സമീക്ഷയുകെ പ്രത്യേകം അഭിനന്ദിച്ചു.

യുകെ മലയാളി സമൂഹം അകാംക്ഷയോടെ കാത്തിരിക്കുന്ന ഷട്ടിൽ ബാഡ്മിന്റൺ ടൂർണമെന്റിന് മേഴ്‌സിനദിയുടെ തീരത്തു അരങ്ങുണരുന്നു. ലിവർപൂളിലെ ഊർജസ്വലരായ ഒരു കൂട്ടം ബാഡ്മിന്റൺ പ്രേമികളുടെ ചിരകാലഭിലാഷമായ നെറ്റ് ബ്ലാസ്റ്റേഴ്സ് ലിവർപൂളിന്റെ ആഭിമുഖ്യത്തിൽ 2023 മാർച്ച്‌ മാസം 18-ാം തീയതി രാവിലെ 9 മണി മുതൽ വൈകിട്ട് 6 മണി വരെ യുകെയിലെ പ്രഗത്ഭരായ 32 ടീമുകൾ പങ്കെടുക്കുന്ന ആവേശോജ്വലമായ രണ്ടാമത് എൻ ബി എൽ കപ്പ് ബാഡ്മിന്റൺ ടൂർണമെന്റ് ലിവർപൂൾ കെൻസിങ്ടണിലുള്ള ജൂബിലി സ്പോർട്സ് ബാങ്കിൽ വച്ച് നടത്തപെടുന്നു. രാവിലെ 9 മണിക്ക് രജിസ്ട്രേഷൻ ആരംഭിക്കും. കൃത്യം 9.15 നു തന്നെ ഗ്രൂപ്പ്‌തല മത്സരങ്ങൾക്കു തുടക്കം കുറിക്കും.

ഒന്നാം സ്ഥാനത്തെത്തുന്ന ടീമിന് 351 പൗണ്ടും ട്രോഫിയും രണ്ടാം സ്ഥാനത്തെത്തുന്ന ടീമിന് 201 പൗണ്ടും ട്രോഫിയും മൂന്നാം സ്ഥാനത്തെത്തുന്ന ടീമിന് 101 പൗണ്ടും ട്രോഫിയും നാലാം സ്ഥാനത്തെത്തുന്ന ടീമിന് 51 പൗണ്ടും മെഡലും ക്വാർട്ടർ ഫൈനലിൽ പ്രവേശിക്കുന്ന ടീമുകൾക്ക് മെഡലുകളും ആണ് ലഭിക്കുക. മത്സരത്തിൽ പങ്കെടുക്കേണ്ടതിനുള്ള രജിസ്ട്രേഷൻ പൂർത്തിയായി. യുകെയിൽ 32 ടീമുകൾ 4 ഗ്രൂപ്പുകളിൽ ആയി മത്സരിക്കും.

ടൂർണമെന്റ് കോർഡിനേറ്റഴ്സ് ആൻഡ് ഫിനാൻസ് ആയി ജിജോ ജോർജും, ബിനു വർക്കിയും സെക്രട്ടറി ആയി ബോബി അയിക്കരയും അമ്പയർ ആൻഡ് ലൈൻസ്‌മാൻമാരുടെ മേൽനോട്ടം ടൈറ്റസ് ജോസഫും, ഡൂയി ഫിലിപ്പും ലിബി തോമസും അഡ്മിനിസ്ട്രേഷൻ ആൻഡ് സ്കോറിങ് നോബിൾ ജോസും, ടോം ഫിലിപ്പും ടൈം മാനേജ്മെന്റ് അഡ്മിനിസ്‌ട്രേഷൻ ആയി സച്ചിൻ പാട്ടിൽ, അനീഷ്‌ തോമസും അടങ്ങുന്ന കമ്മിറ്റിയുടെ കീഴിൽ ടൂർണമെന്റിനുള്ള ഒരുക്കങ്ങൾ പൂർത്തിയായി വരുന്നു.

Mortgage Advisor Eldho Oscar Newcastle, Wyse Care Liverpool, Positive Progress Tution Liverpool, Green Chillies Liverpool, Idiculla Solicitors, Mayil (Home Foods Asia) Liverpool എന്നിവരാണ് ഈ ടൂർണമെന്റിനെ സ്പോൺസർ ചെയ്യുന്നത്.

മത്സരത്തിന് എത്തുന്നവർക്ക് കാർ പാർക്കിംഗ് സൗകര്യം ഉണ്ടായിരിക്കും. ടൂർണമെന്റിന് വരുന്നവർക്ക് മിതമായ നിരക്കിൽ ഗ്രീൻ ചില്ലിസ് ലിവർപൂൾ ഒരുക്കുന്ന ഭക്ഷണം ഉണ്ടായിരിക്കുന്നതാണ്.

വിശദവിവരങ്ങൾക്ക്

Gijo George 07525 268337
Binu Varkey 07846443318
എന്നിവരെ ബന്ധപെടുക.

നെറ്റ് ബ്ലാസ്റ്റേഴ്സ് ലിവർപൂളിന്റെ ആഭിമുഖ്യത്തിൽ 2023 മാർച്ച്‌ മാസം 18 ആം തിയതി രാവിലെ 9 മണി മുതൽ വൈകീട്ട് 6 മണി വരെ യുകെയിലെ പ്രഗത്ഭരായ 32 ടീമുകൾ പങ്കെടുക്കുന്ന ആവേശോജ്വലമായ രണ്ടാമത് എൻ ബി എൽ കപ്പ് ബാഡ്മിന്റൺ ടൂർണമെന്റ് ലിവർപൂൾ കെൻസിങ്ടണിൽ ഉള്ള ജൂബിലി സ്പോർട്സ് ബാങ്കിൽ വച്ച് നടത്തപെടുന്നു. രാവിലേ 9 മണിക്ക് രെജിസ്ട്രേഷൻ ആരംഭിക്കും. കൃത്യം 9.15 നു തന്നെ ഗ്രൂപ്പ്‌തല മത്സരങ്ങൾക്കു തുടക്കം കുറിക്കും.

ഒന്നാം സ്ഥാനത്തു എത്തുന്ന ടീമിന് 351 പൗണ്ടും ട്രോഫിയും രണ്ടാം സ്ഥാനത്തു എത്തുന്ന ടീമിന് 201 പൗണ്ടും ട്രോഫിയും മൂന്നാം സ്ഥാനത്തു എത്തുന്ന ടീമിന് 101 പൗണ്ടും ട്രോഫിയും നാലാം സ്ഥാനത്തു എത്തുന്ന ടീമിന് 51 പൗണ്ടും മെഡലും ക്വാർട്ടർ ഫൈനലിൽ പ്രവേശിക്കുന്ന ടീമുകൾക്ക് മെഡലുകളും ആണ് ലഭിക്കുക. മത്സരത്തിൽ പങ്കെടുക്കേണ്ടതിനുള്ള രെജിസ്ട്രേഷൻ പൂർത്തിയായി. യുകെയിൽ 32 ടീമുകൾ 4 ഗ്രൂപ്പുകളിൽ ആയി മത്സരിക്കും.

ടൂർണമെന്റ് കോർഡിനേറ്റർസ് ആൻഡ് ഫിനാൻസ് ആയി ജിജോ ജോർജും, ബിനു വർക്കിയും സെക്രട്ടറി ആയി ബോബി അയിക്കരയും അമ്പയർ ആൻഡ് ലൈൻസ്‌മാൻമാരുടെ മേൽനോട്ടം ടൈറ്റസ് ജോസഫും, ഡൂയി ഫിലിപ്പും ലിബി തോമസും അഡ്മിനിസ്ട്രേഷൻ ആൻഡ് സ്കോറിങ് നോബിൾ ജോസും, ടോം ഫിലിപ്പും ടൈം മാനേജ്മെന്റ് അഡ്മിനിസ്‌ട്രേഷൻ ആയി സച്ചിൻ പാട്ടിൽ, അനീഷ്‌ തോമസും അടങ്ങുന്ന കമ്മിറ്റിയുടെ കീഴിൽ ടൂർണമെന്റിനുള്ള ഒരുക്കങ്ങൾ പൂർത്തിയായി വരുന്നു.

വിശദവിവരങ്ങൾക്ക് Gijo George 07525 268337, Binu Varkey 07846443318 എന്നിവരെ ബന്ധപെടുക.

ലണ്ടൻ:യുകെ മലയാളികളുടെയിടയിൽ ജനശ്രദ്ധ നേടിയ 7 ബീറ്റ്‌സ് സംഗീതോത്സവം സീസൺ -6 & ചാരിറ്റി ഈവെന്റ്റ് കഴിഞ്ഞ അഞ്ചുവർഷത്തെ വൻ വിജയത്തിനുശേഷം ഇതാ മൂന്നാം തവണയും കേരളാ കമ്മ്യൂണിറ്റി ഫൌണ്ടേഷൻ ചാരിറ്റി ട്രസ്റ്റ് (KC F) വാട്ട്ഫോർഡിന്റെ പരിപൂർണ്ണ സഹകരണത്തോടെ ലണ്ടനോടടുത്ത പ്രധാന നഗരങ്ങളിലൊന്നായ വാട്ട് ഫോർഡിൽ സീസൺ 6- വിപുലമായ ഒരുക്കങ്ങളോടെ മാർച്ച് 18 ശനി 3 മണിമുതൽ രാത്രി 10 വരെ വീണ്ടും എത്തുന്നു.

കഴിഞ്ഞ അഞ്ച് വർഷമായി യൂകെയിൽ നിരവധി സംഗീത നൃത്ത പ്രതിഭകൾക്കു തങ്ങളുടെ കഴിവുതെളിയിക്കാൻ വേദി ഒരുക്കിയ സംഗീതോത്സവം ചാരിറ്റി ഇവന്റ് മൂലം കേരളത്തിലെ നിരവധി നിർദ്ധരരായ കുടുംങ്ങളെ സഹായിക്കുവാൻ സാധിച്ചു എന്നതിൽ സംഘാടകർക്ക്‌ വളരെയധികംഅഭിമാനമുണ്ട്. സംഗീതത്തിനും നൃത്തത്തിനും ഒരുപോലെ പ്രാധാന്യം നൽകുന്ന സംഗീതോത്സവത്തിൽ യൂകെയിലെ യുവതലമുറയിലെ 15 ൽ അധികം യുവ പ്രതിഭകൾ ഓ.എൻ.വി സംഗീതവുമായിയെത്തുന്നതിനു പുറമേ 15 ൽ പരം യുകെയിലെ അറിയപ്പെടുന്ന മുതിർന്ന ഗായികാ ഗായകന്മാരും സംഗീതോത്സവം സീസൺ 6 -ൽ അണിനിരക്കുന്നു.
കൂടാതെ കാതിനും കണ്ണിനും കുളിർമ പകരുന്ന സിനിമാറ്റിക്,സെമി ക്ലാസിക്കൽ നൃത്തങ്ങളുമായി യൂകെയുടെ വിവിധയിടങ്ങളിൽ നിന്നുള്ള നാട്യ മയൂരങ്ങൾ അണിനിരക്കുന്നു.ഓ എൻ വി കുറുപ്പ് മാഷിന്റെ ചെറു മക്കളായ ആമി ജയകൃഷ്‌ണൻ, സുമിത ജയകൃഷ്ണൻ & ടീം നയിക്കുന്ന മായലോക ലണ്ടൻ അവതരിപ്പിക്കുന്ന ഓ എൻ വി മെഡ്‌ലി, മഞ്ജു സുനിൽ ലക്ഷ്മി എസ് പിള്ളൈ ചേർന്നവതരിപ്പിക്കുന്ന ലാസ്യ രസ റെഡ്‌ഡിങ് ടീമിന്റെ സെമി ക്ലാസിക്കൽ നൃത്തം,ടീം ജതി ഈസ്റ്റ് ലണ്ടനിലെ കൃഷ്ണ പ്രീതി , അഞ്ജലി നായർ , ആരതി എസ് നായർ അവതരിപ്പിക്കുന്ന ബോളിവുഡ് ഡാൻസ് ,മുൻ യുക്മ കലാതിലകം മിന്ന ജോസ് സാലിസ്ബറി അവതരിപ്പിക്കുന്ന സെമി ക്ലാസിക്കൽ ഡാൻസ്, കഴിഞ്ഞ വർഷത്തെ യുക്മ കലാ പ്രതിഭ ടോണി അലോഷ്യസ് അവതരിപ്പിക്കുന്ന സിനിമാറ്റിക് ഡാൻസ്, വാറ്റ്‌ഫോർഡ് KCF ലെ ദൃതി,ജിയാന,അനാമിക & നിയാ എന്നീ കുട്ടികൾ ചേർന്നവതരിപ്പിക്കുന്ന സെമിക്ലാസിക്കൽ ഫ്യൂഷൻ ഡാൻസ്,ത്രിനേത്ര നടനം വാറ്റ്‌ഫോർഡിലെ ജയശ്രീ,ഷെല്ലി & ഗ്രീഷ്‌മ ചേർന്നവതരിപ്പിക്കുന്ന സെമി ക്ലാസിക്കൽ നൃത്തം,ക്രോയിഡോണിലെ സുജാത മേനോൻ കൊറിയോഗ്രാഫി ചെയ്തു സൻവി ധരനൊപ്പം ചേർന്നവതരിപ്പിക്കുന്ന സെമി ക്ലാസിക്കൽ നൃത്തം, പീറ്റർബോറോയിലെ ഭരതം ഡാൻസ് സ്കൂളിലെ നന്ദിത ജയൻ & അലീന ജോസഫ് എന്നിവർ ചേർന്നവതരിപ്പിക്കുന്ന സെമി ക്ലാസിക്കൽ നൃത്തം,ക്രോയിഡോണിലെ സുജാത മേനോൻ കൊറിയോഗ്രാഫി ചെയ്ത ബോളിവുഡ് ഡാൻസ് പാർവതി മധുപിള്ളൈ, സൻവി ധരൻ,സൻസിതാ ധരൻ എന്നിവർ ചേർന്നവതരിപ്പിക്കുന്നു, ശ്രീജ മധു & പാർവതി മധുപിള്ളൈ ക്രോയ്ഡോൺ അവതരിപ്പിക്കുന്ന ഭരത നാട്യം, ബെഡ്ഫോർഡിലെ റോസിറ്റ് സാവിയോ ,നികിത ലെൻ , അനൈനാ ജീവൻ , & ഡെന്ന ആൻ ജോമോൻ അവതരിപ്പിക്കുന്ന സെമി ക്ലാസിക്കൽ ഡാൻസ് ,ബെഡ്ഫോർഡ് ബ്ലാസ്റ്റേഴ്‌സ് എഡ്വിൻ വിലാസ് , കരൺ ജയശങ്കർ ഷെല്ലിൻ, ജ്യൂവൽ ജിനേഷ്‌ , അന്ന വിലാസ് , എലിസബത്ത് ജോസ് , ലെന എലിസബത്ത് അനീഷ് എന്നീ കുട്ടികൾ അവതരിപ്പിക്കുന്ന ബോളിവുഡ് ഡാൻസ്, ബെഡ്ഫോർഡിലെ അന്ന മാത്യു അവതരിപ്പിക്കുന്ന ക്ലാസിക്കൽ നൃത്തം, ശ്രെയ & എൽസ വാട്ഫോർഡിന്റെ സെമിക്ലാസ്സിക്കൽ ഡാൻസ്, ശ്രെയ സജീവ് എഡ്മണ്ടൻ അവതരിപ്പിക്കുന്ന സിനിമാറ്റിക് ഡാൻസ്, മേബൽ ബിജു, ക്രോളി അവതരിപ്പിക്കുന്ന ഭരതനാട്യം, വാട്ട്ഫോർഡിലെ സണ്ണി ജോസഫ് അവതരിപ്പിക്കുന്ന നൃത്തം എന്നിങ്ങനെ നിരവധി വൈവിധ്യമാർന്ന പരിപാടികൾ സംഗീതോത്സവം സീസൺ 6 ന് മാറ്റേകും.

സംഗീതോത്സവം സീസൺ 6 ൽ ഓ എൻ വി സംഗീതവുമായി എത്തുന്നത് ദൃഷ്ടി പ്രവീൺ (സൗത്തെൻഡ്),ജൊഹാന ജേക്കബ് (ലിവർപൂൾ) ഡെന്ന ആൻ ജോമോൻ (ബെഡ്ഫോർഡ്),ആനി അലോഷ്യസ് (ല്യൂട്ടൻ) സൈറ മരിയ ജിജോ (ബെർമിംഗ്ഹാം) ഹെയ്‌സൽ ജിബി (ലിവർപൂൾ) നേഹ ദിനു (വൂസ്റ്റർ) കെറിൻ സന്തോഷ് (നോർത്താംപ്ടൺ) പാർവതി മധു പിള്ളൈ (ക്രോയ്ടോൻ) കരൺ ജയശങ്കർ ഷെലിൻ (ബെഡ്ഫോർഡ്) ആലിയ സിറിയക് (മെയ്ഡ് സ്റ്റോൺ) കരുണ ജോൺ (വാറ്റ്‌ഫോർഡ്) ക്രിസ്താനിയോ ജിബി (ലിവർപൂൾ ) റെബേക്ക ആൻ ജിജോ (ബെർമിംഗ്ഹാം) ഇമ്മാനുവൽ തോമസ് (വാറ്റ്‌ഫോർഡ്) പാർവതി ജയകൃഷ്ണൻ (ക്രോയ്ടോൻ) എന്നിവരാണ്

കൂടാതെ 7 ബീറ്റ്‌സ് മ്യൂസിക് ബാൻഡിന്റെ അമരക്കാരൻ മനോജ് തോമസ് (കെറ്ററിംഗ്‌) ലിൻഡ ബെന്നി (കെറ്ററിംഗ്‌) ജോൺസൻ ജോൺ (ഹോർഷം) അനീഷ് & ടെസ്സമോൾ (ബോൺമൗത്) പ്രതീക് ദേവീപ്രസാദ്‌ (വോക്കിങ്ഹാം) സാജു വർഗീസ് (ബെർമിങ്ഹാം)നികിത ലെൻ (ബെഡ്ഫോർഡ്) മഹേഷ് ദാമോദരൻ (സന്ദർലാൻഡ്) അർച്ചന മനോജ് (വാറ്റ്‌ഫോർഡ് )Dr സുനിൽ കൃഷ്ണൻ (ബെഡ്ഫോർഡ്) ശ്രീ രാജ് (വാറ്റ്‌ഫോർഡ്)ഉല്ലാസ് ശങ്കരൻ (പൂൾ)ജിൻറ്റോ മാത്യു (ഡാർട്ടഫോർഡ് )ആൻറ്റോ ബാബു(ബെഡ്ഫോർഡ്) സെബാസ്റ്റ്യൻ വര്ഗീസ് (വൂസ്റ്റർ) സജി ജോൺ (ലിവർപൂൾ)

7 ബീറ്റ്‌സ് സംഗീതോത്സവം സീസൺ -6 നു മുഖ്യാതിഥിയായെത്തുന്നത് വാട്ട്ഫോർഡ് MP ഡീൻ റസ്സൽ.മറ്റു അതിഥികൾ യുക്മ നാഷണൽ ജോയിന്റ്റ് സെക്രട്ടറി പീറ്റർ താണോലിയും, ONV കുറിപ്പിന്റെ ചെറുമകളും
പ്രശസ്ത നർത്തകിയുമായ അമൃത ജയകൃഷ്ണനുമാണ് .

മലയാള സിനിമയ്ക്ക് ഒട്ടനവധി നിത്യ ഹരിത ഗാനങ്ങൾ സമ്മാനിച്ച പ്രശസ്ത കവി പത്മഭൂഷൻ ONV കുറിപ്പിന്റെ അനുസ്‌മരണവും ഇതേ വേദിയിൽ നടത്തപ്പെടുന്നു.യൂകെയിലെ പ്രമുഖ മോർട്ടഗേജ് & ഇൻഷുറൻസ് സ്ഥാപനമായ അലൈഡ് ഫൈനാൻഷ്യൽ സർവീസസ് ആണ് ഇത്തവണയും 7Beats സംഗീതോത്സവത്തിന്റെ ടൈറ്റിൽ സ്പോൺസർ,കൂടാതെ മറ്റു സ്പോൺസേർസ്: പോൾ ജോൺ സോളിസിറ്റേഴ്‌സ് ,ദി ഗ്ലോബൽ സ്റ്റഡി ലിങ്ക്,LGR അക്കാഡമി ,ട്യൂട്ടേഴ്‌സ് വാലി മ്യൂസിക് അക്കാദമി,ഫോർട്ടിസ് ഹെൽത്ത് കെയർ ലിമിറ്റഡ്,മലബാർ ഫുഡ്‌സ് ലിമിറ്റഡ്, ഡ്യൂ ഡ്രോപ്‌സ് കെയർ സൊല്യൂഷൻസ് , യൂണിസെൻ പബ്ലിക് സർവീസ് യൂണിയൻ,തട്ടുകട റെസ്റ്റോറെന്റ്‌ ലണ്ടൻ,കെയ്ക്ക് ആർട് വാറ്റ്‌ഫോർഡ്, വൺ ആർക് യുകെ എന്നിവരുടെ പരിപൂർണ്ണ പിന്തുണയോടെയാണ് സംഗീതോത്സവം സീസൺ- 6 അരങ്ങേറുക.റേഡിയോ പാർട്ണറായി റേഡിയോ ലയിനം. ഫോട്ടോഗ്രാഫി, വീഡിയോ & ലൈവ് സ്ട്രീം ചെയ്യുന്നത് സ്റ്റാൻസ് ക്ലിക്ക് ഫോട്ടോസ് & വീഡിയോഗ്രാഫി,എന്നിവരാണ്.

കൂടാതെ Dr അജിമോൾ പ്രദീപ് ടീം നയിക്കുന്ന ‘ഉപഹാർ’ ടീമിന്റെ സ്റ്റം സെൽ കാമ്പയിൻ സംഗീതോത്സവ വേദിയോട് ചേർന്ന് നടക്കുന്നതായിരിക്കും.

സംഗീതോത്സവം സീസൺ-6 നു അവതാരകരായെത്തുന്നത് പ്രശസ്ത നർത്തകിയും, ടെലിവിഷൻ അവതാരകയുമായ അനുശ്രീ നായരും,റേഡിയോ ജോക്കി R J ബ്രൈറ്റ്,ജോൺ തോമസ്,ഷീബാ സുജു എന്നിവരാണ്.,സൗണ്ട് & ലൈറ്റ്‌സ് കൈകാര്യം ചെയ്യുന്നത് ‘ബീറ്റ്‌സ് യുകെ” നോർത്താംപ്ടണും ,’കളർ മീഡിയ’ ലണ്ടൻറെ ഫുൾ HD LED സ്ക്രീനും 7 ബീറ്റ്‌സ് സംഗീതോത്സവം സീസൺ -6 നു നിറപ്പകിട്ടേകും.നാവിൽ രുചിയേറും വിവിധയിനം കേരളാ വിഭവങ്ങളുമായി മിതമായ നിരക്കിൽ ഭക്ഷണം ലഭിക്കുന്ന വാട്ട്ഫോർഡിലെ ‘KCF KITCHEN ‘ ഒരുക്കുന്ന സ്വാദിഷ്ടമായ ഭക്ഷണശാല വേദിയോട് ചേർന്ന് പ്രവർത്തിക്കുന്നതായിരിക്കും. തികച്ചും സൗജന്യമായി പ്രവേശനം ഒരുക്കുന്ന ഈ കലാവിരുന്നിലേക്ക് നിങ്ങളെ ഏവരേയും കുടുംബമായി ഹൃദയപൂർവം സ്വാഗതം ചെയ്യുന്നതായി സംഘാടകർ അറിയിക്കുന്നു.

Venue:
Holywell Community Centre
Watford
WD18 9QD

For More details please contact our team:

Sunnymon Mathai:07727 993229
Jomon Mammoottil:07930431445
Cllr Dr Sivakumar :07474 269097
Manoj Thomas:07846 475589

ഉണ്ണികൃഷ്ണൻ ബാലൻ

ഫെബ്രുവരി നാലാം തീയതി ശനിയാഴ്ച്ച കെറ്ററിംഗിൽ ആരംഭിച്ച സമീക്ഷ യുകെ യുടെ ആറാമത് ദേശീയ സമ്മേളനത്തോടനുബന്ധിച്ച് നടത്തുന്ന നാഷ്ണൽ ബാഡ്മിന്റൺ ടൂർണമെന്റിന്റെ റീജിയണൽ മത്സരങ്ങൾ ഈ വാരാന്ത്യത്തോടെ സമാപിച്ചു. ബെൽഫാസ്റ്റ്, എഡിൻബൊറോ, ബോസ്റ്റൺ , ഈസ്റ്റ്ഹാം, കൊവൺട്രി എന്നീ അഞ്ച് റീജണൽ മത്സരങ്ങൾ ആണ് ഈ വാരാന്ത്യത്തിൽ നടന്നത് .

യുകെയിൽ 12 റീജിയണുകളിലായി നടന്ന മത്സരങ്ങളിൽ 210 ടീമുകളാണ് മറ്റുരച്ചത്. ഒരോ റീജിയണിൽ നിന്നും പങ്കെടുത്ത ടീമുകളുടെ എണ്ണത്തിനനുസരിച്ച് ഒന്നും രണ്ടും മൂന്നും സ്ഥാനക്കാർ ഗ്രാൻറ് ഫിനാലയിൽ മത്സരിക്കും. മാർച്ച് 25 – ന് മാഞ്ചസ്റ്ററിലാണ് ഫൈനൽ മത്സരങ്ങൾ നടക്കുക. മാഞ്ചസ്റ്റർ സെന്റ്. പോൾസ് കാത്തലിക് ഹൈസ്കൂളിൽ വച്ചു നടക്കുന്ന ഫൈനൽ മത്സരങ്ങൾക്കുള്ള ഒരുക്കങ്ങൾ സമീക്ഷ യുകെ മാഞ്ചസ്റ്റർ ബ്രാഞ്ചിന്റെ നേതൃത്വത്തിൽ പുരോഗമിക്കുന്നതായി ഭാരവാഹികൾ അറിയിച്ചു.

ഫൈനലിൽ വിജയികൾക്ക് യഥാക്രമം £1001ഉം എവറോളിങ്ങ് ട്രോഫിയും (ഒന്നാം സ്ഥാനം), £501ഉം ട്രോഫി (രണ്ടാം സ്ഥാനം) , £251ഉം ട്രോഫി (മൂന്നാം സ്ഥാനം), £101ഉം ട്രോഫി (നാലാം സ്ഥാനം) എന്നീ സമ്മാനങ്ങളാകും ലഭിക്കുക. സമ്മാനങ്ങൾ സ്പോൺസർ ചെയ്തിരിക്കുന്നത് ഗുഡീസ്, ഇൻഫിനിറ്റി മോർട്ട്ഗേജ്, കിയാൻ ലോജിസ്റ്റിക്സ് ലിമിറ്റഡ്, ആദീസ് എച്ച് ആർ ആൻഡ് അക്കൗണ്ടൻസി സൊല്യൂഷൻ തുടങ്ങിയവരാണ്.

സമീക്ഷ യുകെ നാഷ്ണൽ ബാഡ്മിന്റൺ ടൂർണമെൻറിന്റെ റീജണൽ മത്സരങ്ങൾക്ക് നൽകിയ പിന്തുണക്ക് യുകെയിലെ എല്ലാ വിഭാഗത്തിൽപ്പെട്ട ജനങ്ങളോടും പ്രത്യേകിച്ച് മത്സരിച്ച മുഴുവൻ ടീമുകൾക്കും നന്ദി അറിയിക്കുന്നതായും ഒപ്പം തന്നെ ഗ്രാന്റ് ഫിനാലെ ഒരു വൻ വിജയമാക്കിത്തീർക്കുവാൻ ഏവരുടേയും സഹകരണം പ്രതീക്ഷിക്കുന്നതായും ടൂർണമെന്റ് കോർഡിനേറ്റേഴ്സായ ജിജു സൈമൺ, ജോമിൻ ജോ എന്നിവർ അറിയിച്ചു.

യൂറോപ്പിലെ ഏറ്റവും വലിയ ശ്രീനാരായണ പ്രസ്ഥാനമായ സേവനം യുകെ നോറ്റിങ്ഹാമിന്റെ വിവിധ പ്രദേശങ്ങളിൽ നിന്നുമുള്ള ശ്രീനാരായണ വിശ്വാസികളെ ഉൾപ്പെടുത്തി പുതിയ യൂണിറ്റിന് രൂപം നൽകി. മാർച്ച്‌ 11 ശനിയാഴ്ച നോറ്റിങ്ഹാമിൽ ടർണർ ഗ്രോവ്, ഹക്ക്നാൽ വച്ച് നടന്ന ചടങ്ങിൽ സേവനം യു കെ യുടെ കുടുംബ യൂണിറ്റ് കോർഡിനേറ്റർ ശ്രീ ഗണേഷ് ശിവന്റെ അധ്യക്ഷതയിൽ കൂടിയ യോഗത്തിൽ സേവനം യു കെ യുടെ ചെയർമാൻ ശ്രീ ബൈജു പാലയ്ക്കൽ യൂണിറ്റിന്റെ ഉദ്ഘാടനം നിർവഹിച്ചു . സേവനം യു കെ ഗുരുമിത്ര കോർഡിനേറ്റർ ശ്രീമതി കല ജയൻ, സേവനം യു കെ ട്രഷറർ ശ്രീ അനിൽകുമാർ രാഘവൻ നാഷണൽ എക്സിക്യൂട്ടീവ് അംഗം ശ്രീ രാജേഷ് തങ്കപ്പൻ , വെയിൽസ് യൂണിറ്റിനെ പ്രതിനിധീകരിച്ചു ശ്രീ ബിനു ദാമോദരൻ, തുടങ്ങിയവർ ആശംസകൾ അറിയിച്ചു.

സേവനം യുകെ യുടെ ഉദ്ദേശ ലക്ഷ്യങ്ങളിൽ അടിയുറച്ചു പ്രവർത്തിക്കുവാനും, ശിവഗിരി ആശ്രമം യുകെ യുടെ പദ്ധതികൾക്ക് പിന്തുണ നൽകുവാനും യുണിറ്റ് തീരുമാനമെടുത്തു. യൂണിറ്റിന്റെ മുന്നോട്ടുള്ള പ്രവർത്തനങ്ങൾക്ക് പ്രസിഡന്റായി ശ്രീ അജികുമാർ ബാഹുലേയൻ, സെക്രട്ടറിയായി ശ്രീ വിഷ്ണു വിജയകുമാർ ട്രഷറർ ആയി ശ്രീ പ്രമോദ് വിശ്വവം വനിതാ പ്രധിനിധിയായി ശ്രീമതി സൗമ്യ രാജേഷ് എന്നിവർ തെരഞ്ഞെടുത്തു. . യോഗത്തിൽ ശ്രീ. ശ്രീകാന്ത് കൃഷ്ണൻ സ്വാഗതവും ശ്രീ വിഷ്ണു വിജയകുമാർ കൃതഞതയും രേഖപ്പെടുത്തി.

സ്ത്രീ ശാക്തീകരണത്തെ പറ്റി മാത്രമല്ല സ്ത്രീകളു നേരിടുന്ന ചൂഷണങ്ങളെ പറ്റിയും ഈ അന്താരാഷ്ട്ര വനിതാ ദിനം ചർച്ച ചെയ്തു. വിൽഷെയർ മലയാളി അസോസിയേഷൻ വുമൺ ഫോറം വനിതാ ദിനത്തില് സംഘടിപ്പിച്ച പരിപാടിയിൽ നിരവധി സ്ത്രീകളും കുട്ടികളും പങ്കെടുത്തു.

പരിപാടിയിൽ പ്രധാന അതിഥികളായി രണ്ടു പ്രമുഖ സ്ത്രീകളാണ് പങ്കെടുത്തത്.സിഇഒ ഓഫ് സിൻഡൻ ചാരിറ്റി, ഡൊമസ്റ്റിക് അബ്യൂസ് സപ്പോർട്ട് സർവ്വീസ് ചീഫായ ജോവാന എമി, കൗൺസലറും സ്പിരിച്വൽ കോച്ചും ആ്ഞ്ചലിക് ഹീലറുമായ നീതു ഭരദ്വാജ് എന്നിവരായിരുന്നു ചീഫ് ഗസ്റ്റ്.

സിൻഡൻ വുമൺസ് ഫോറത്തിന്റെ അംഗങ്ങളും ചീഫ് ഗസ്റ്റുകളും ചേര്ന്ന് ഭദ്രദീപം കൊളുത്തി വനിതാ ദിനം ഉത്ഘാടനം ചെയ്തു. പാർക്ക് സൗത്ത് കമ്യൂണിറ്റി സെന്ററിൽ മാർച്ച് 10 വൈകീട്ട് ആറു മണിക്കാണ് പരിപാടി ആരംഭിച്ചത്. അധ്യക്ഷത വഹിച്ച സിസി ആന്റണി വുമൺസ് ഡെവലപ്മെന്റിനെ കുറിച്ചും വിൽഷെയർ മലയാളി അസോസിയേഷന് കീഴില് വുമൺസ് ഫോറത്തിന് ചെയ്യാൻ കഴിയുന്ന കാര്യങ്ങളെ കുറിച്ചും സംസാരിച്ചു.

ടോക്ക്, ആസ്ക് ആന്ഡ് ബിലീവ് … എന്നാണ് ചീഫ് ഗസ്റ്റായ ജോവാന വനിതകളോട് ആഹ്വാനം ചെയ്തത്. എന്തെങ്കിലും ഗാർഹിക പീഡനങ്ങൾ അനുഭവിച്ചാൽ അത് ചോദ്യം ചെയ്യണമെന്നും പരിചയത്തിൽ ആരെങ്കിലും സമാന അവസ്ഥയിലൂടെ കടന്നുപോയാൽ അവരെ പിന്തുണയ്ക്കുകയും അവർക്ക് നിയമ സഹായം ചെയ്യുകയും ചെയ്യണമെന്ന് ജൊവാന ഓർമ്മിപ്പിച്ചു.പേടിക്കരുത്, വ്യത്യസ്തമായി പെരുമാറുന്നവരെ ചോദ്യം ചെയ്യണം, ആത്മവിശ്വാസത്തോടെ ജീവിക്കണമെന്നും ജൊവാന പറഞ്ഞു. വിൽഷെയർ മലയാളി അസോസിയേഷന് ജൊവാനയെ തന്നെ തങ്ങളുടെ വിശിഷ്ട അതിഥിയായി ലഭിച്ചതിൽ പ്രത്യേകം നന്ദി പറഞ്ഞു.

പ്രചോദനകരമായ വാക്കുകളായിരുന്നു മറ്റൊരു ചീഫ് ഗസ്റ്റായ നീതു ഭരദ്വാജിന്റേത്. സമൂഹത്തിൽ വനിതകളെ പിന്തുണയ്ക്കുന്ന നിരവധി സർവീസുകളെ അവർ പരിചയപ്പെടുത്തി. ഹെൽപ്പ് ലൈനുകളുടെ സേവനത്തെ പറ്റിയും കൂടുൽ പിന്തുണ വേണ്ടവർക്ക് സഹായ വാഗ്ദാനവും അവർ നല്കി. പിന്നീട് സംസാരിച്ച റെയ്മോള് നിധിരി വിൽഷെയർ മലയാളി അസോസിയേഷന്റെ കോഫൗണ്ടറാണ്. കൺസൾട്ടന്റും 20 വർഷമായി യുകെയിൽ സേവനം അനുഷ്ഠിക്കുന്ന വ്യക്തിയുമാണ്. കോഫൗണ്ടറുമാണ് എഞ്ചിനീയറിങ് സൗത്ത് വെസ്റ്റ്, മ്യൂസിക്, ഡാൻസ്, ആങ്കർ , സ്പോർട്സ് പേഴ്ൺ എന്നിങ്ങനെ ബഹുമുഖ പ്രതിഭയാണ് റെയ്മോള് നിഥിലി. വിൽഷെയർ മലയാളി അസോസിയേഷന്റെ അഭിമാന വ്യക്തിത്വം കൂടിയാണ്.

സ്ത്രീ ശാക്തീകരണത്തിന് ആഹ്വാനം ചെയ്താണ് റെയ്മോള് സംസാരിച്ചത്. പിന്നീട് പ്രതിനിധി ബിൻസി ജിജി വിക്ടർ വനിതാ ദിനത്തിൽ വളരെ പ്രചോദനകരമായ പ്രസംഗമാണ് കാഴ്ചവച്ചത്. വിൽഷെയർ മലയാളി അസോസിയേഷന്റെ പ്രസിഡന്റ് പ്രിൻസ് മാത്യു എല്ലാ വനിതാ പ്രതിനിധികളെയും ആശംസിച്ചു. വുമൺസ് ഫോറത്തിന് വേണ്ടി എല്ലാ സഹായവും പ്രസിഡന്റ് എന്ന നിലയിൽ അദ്ദേഹം വാഗ്ദാനം ചെയ്തു.യോഗയെ പറ്റിയും ആരോഗ്യത്തിന്റെ പ്രസക്തിയെപറ്റിയും പ്രോഗ്രാമിൽ സന്ദേശങ്ങൾ പങ്കുവച്ചു. സിൻഡൻ എൻഎച്ച്എസ് ട്രസ്റ്റിന്റെ കീഴിൽ നടന്ന ബ്രസ്റ്റ് സ്ക്രീനിങ് വർക്ക് ഷോപ്പും ഏവർക്കും പ്രയോജനകരമായി. പിന്നീട് പാട്ടും ഡാൻസും ഡിജെയും ഒക്കെയായി വേദി മനോഹരമാക്കി. വിഭവ സമൃദ്ധമായ ഡിന്നറും ഒരുക്കിയിരുന്നു.

ഫെബ്രുവരി 26 ഞായറാഴ്ച വൈകുന്നേരം വിസ്‌റ്റോൺ ടൗൺ ഹാളിൽ വച്ച് നടന്ന പൊതു യോഗത്തിൽ ലിവർപൂൾ മലയാളി അസോസിയേഷൻ ലിമയുടെ 2023 -2024 വർഷത്തേക്കുള്ള പുതിയ ഭാരവാഹികളെ പൊതുയോഗം തെരഞ്ഞെടുത്തു.

യുകെയിലെ അറിയപ്പെടുന്ന കലാകാരൻ ശ്രീ ജോയി അഗസ്തി ആണ് ലിമയുടെ പുതിയ പ്രസിഡന്റ്. ലിവർപൂളിൽ കലാ സാംസ്കാരിക രംഗത്തെ സജീവ സാന്നിധ്യമായ ശ്രീ ജോയ് അഗസ്തിയുടെ നേതൃത്വം സേവനത്തിന്റെ 23 വർഷം പിന്നിടുന്ന ലിമക്ക് ഒരു പുത്തൻ ഉണർവ്വ് നൽകും എന്നതിൽ സംശയമില്ല.

അദ്ദേഹത്തോടൊപ്പം ‌ശ്രീമതി അശ്വതി അജയ് വൈസ് പ്രസിഡന്റ്, ജിനോയ് മാടൻ സെക്രട്ടറി, ശ്രീമതി ആതിര ശ്രീജിത്ത് ജോയിന്റ് സെക്രട്ടറി, ശ്രീ ജോയ്‌മോൻ തോമസ് ട്രഷർ , ശ്രീ എൽദോസ് സണ്ണി പി ആർ ഒ , ശ്രീ. അനിൽ ഹരി, ആതിര കെ .ആർ ആർട്സ് കോ ഓഡിനേറ്റർസ്, ശ്രീ ബ്ലെസൻ രാജൻ സ്പോർട്സ് കോ ഓഡിനേറ്റർ, ശ്രീ . ജോസ് മാത്യു ഇന്റേണൽ ഓഡിറ്റർ എന്നിവരെയും പൊതുയോഗത്തിൽ തെരഞ്ഞെടുത്തു.

കൂടാതെ , ശ്രീ ആഷിഷ് പീറ്റർ, ശ്രീ ആഷിഷ് ജോസഫ്, ശ്രീ ബ്രിജിത്ത് ബേബി, ശ്രീ ബിനോയ്‌ ജോർജ്, ശ്രീ ബിജു ജോർജ്, ശ്രീ ബിനു വർക്കി, ശ്രീ ബോബി ആയ്ക്കര, ശ്രീ ലിതിഷ് രാജ് തോമസ്,ശ്രീ റോണി അലക്സാണ്ടർ, ശ്രീ മാത്യു അലക്സാണ്ടർ, ശ്രീ സെബാസ്റ്റ്യൻ ജോസഫ്, ശ്രീ സോജൻ തോമസ്, ശ്രീ കുര്യാക്കോസ് ഇ. ജെ, ശ്രീ ഹരികുമാർ ഗോപാലൻ എന്നിവരെയും പുതിയ കമ്മറ്റിയിലേക്ക് തെരഞ്ഞടുത്തു.

കഴിഞ്ഞ വർഷം സ്തുത്യർഹമായ സേവനം അനുഷ്ടിച്ച ലിമയുടെ മുൻ ഭാരവാഹികളെയും കമ്മറ്റി അംഗങ്ങളെയും പൊതുയോഗത്തിൽ പ്രശംസിച്ചു.

ലിമയുടെ ഈ വർഷത്തെ ആദ്യ പ്രോഗ്രാം ഈസ്റ്റർ-വിഷു ആഘോഷം ഏപ്രിൽ 15ന് വിസ്റ്റൺ ടൗൺ ഹാളിൽ വച്ച് നടക്കും. വൈകിട്ട് അഞ്ച് മുപ്പതിന് ആരംഭിക്കുന്ന ഈസ്റ്റർ വിഷു സന്ധ്യയിൽ നടത്തപ്പെടുന്ന കണ്ണൻ-രാധാ മത്സരത്തിലെ വിജയികൾക്ക് 101 പൗണ്ട് വീതം ക്യാഷ് പ്രൈസ് നൽകുന്നതായിരിക്കും. കൂടാതെ പതിവ് പോലെ പങ്കെടുക്കുന്ന എല്ലാ 10 വയസ്സ് വരെ ഉള്ള കുട്ടികൾക്ക് വിഷു കെനിട്ടവും ലിമ നൽകുന്നു.

ലിമയുടെ ഈസ്റ്റർ, വിഷു പ്രോഗ്രാം നടക്കുന്ന ഹാളിന്റെ അഡ്രസ്സ്‌ :
വിസ്റ്റൺ ടൗൺ ഹാൾ
ഓൾഡ് കോളിനറി റോഡ്,
L35 3QX.