അശ്വിൻ ശശികുമാർ

ബെൽഫാസ്റ്റ് മലയാളി അസോ സിയേഷന്റെ ആഭിമുഖ്യത്തിൽ വിഷു & ഈസ്റ്റർ ആഘോഷ പരിപാടികൾ സംഘടിപ്പിച്ചു. സ്പെക്ട്രം സെന്ററിൽ നടന്ന പരിപാടി സംഘാടന മികവ് കൊണ്ടും, ജന പങ്കാളിത്തം കൊണ്ടും ശ്രദ്ധേയമായി.

പ്രസ്തുത ചടങ്ങിൽ വെച്ച് ബെൽഫാസ്റ്റ് മലയാളി അസോസിയേഷന്റെ വെബ്സൈസ്റ്റ് ലോഞ്ച് ചെയ്തു.ബെൽഫാസ്റ്റ് മലയാളി അസോസിയേഷൻ്റെ PRO ആയ അശ്വിൻ ശശികുമാർ ( AAKAS മീഡിയ ) രൂപകല്പന ചെയ്ത വെബ്സൈറ്റിൻ്റെ (https://bma.uk.com) ലോഞ്ചിങ്ങ് ബി എം എ സെക്രട്ടറി ജയൻ മലയിൽ, പ്രസിഡൻ്റ് സന്തോഷ് ജോർജ്ജ്വ്, വൈസ് പ്രസിഡൻ്റ് റെജി കെ സാമുവൽ, ട്രഷറർ അഭിലാഷ്, എക്സിക്യൂട്ടീവ് കമ്മിറ്റി അംഗങ്ങളായ സൈജു, കെവിൻ, ജേക്കബ് എന്നിവർ ചേർന്ന് സംയുക്തമായിട്ടാണ് നിർവ്വഹിച്ചത്.

വർത്തമാന കാലത്ത് ഏതൊരു സംഘടനയ്ക്കും വെബ്‌സൈറ്റ് മുഖേനയുള്ള ഓൺലൈൻ സാന്നിധ്യം വളരെ പ്രധാനപ്പെട്ട ഒന്നാണ് എന്ന് ഭാരവാഹികൾ പറഞ്ഞു.

ബെൽഫാസ്റ്റ് മലയാളി അസോസിയേഷന്റെ അംഗങ്ങൾ അവതരിപ്പിച്ച കലാപരിപാടികൾ ചടങ്ങിന് കൂടുതൽ മിഴിവേകി. അഹാന മജോവ്, ട്രിയ റോജിവ്, ഇവ ട്രീസ ജെബിൻ , ലയാൻ മാർക്‌സൺ അബ്രഹാം , ജൂലി മരിയ, രെഞ്ചു , ഹബീബ് തുടങ്ങിയവർ അവതരിപ്പിച്ച നൃത്തങ്ങളും, ശരത്, സൈജു, സുനിൽ, രതീഷ് എന്നിവരുടെ നേതൃത്വത്തിൽ നടന്ന കരോക്കെ ഗാനമേളയും ആസ്വാദക മനസ്സുകളിൽ ഇടം നേടുന്നവയായിരുന്നു. കർമ്മാ കലാകേന്ദ്രത്തിലെ അനുശ്രീ ഷിബു അവതരിപിച്ച ക്ലാസ്സിക്കൽ നൃത്തത്തോട് കൂടിയായിരുന്നു ബി.എം.എയുടെ വിഷു ഈസ്റ്റർ പരിപാടിയ്ക്ക് ഔദ്യോഗിക തുടക്കമായത്.മഹാഭാതത്തിലെ കാളിയ മർദ്ധനത്തിന്റെ നൃത്തരൂപം പുതുതലമുറയിൽ പെട്ട മലയാളി സമൂഹത്തിന്റെ ആസ്വാദക ഹൃദയത്തിൽ ഇടം നേടി.ഷാരോൺ ബെന്നി ആയിരുന്നു പരിപാടിയുടെ അവതാരക.

സംഘടനയുടെ ഭാവി പരിപാടികളുടെ ഡയറി വെബ്സൈറ്റിൽ അധികം വൈകാതെ തന്നെ പ്രസിദ്ധപ്പെടുത്തും.ഇതിന് ആവശ്യമായ ചർച്ചകൾ പുരോഗമിച്ചുകൊണ്ടിരിക്കുകയാണ്.സംഘടനയിലെ അംഗങ്ങളുടെ ഹെൽത് & വെൽ ബിയിങ്ങിനും സാമൂഹിക ജീവിതത്തിലെ സന്തോഷങ്ങൾ മൂല്യ ബോധം കൈ വിടാതെ പ്രോത്സാഹിപ്പിക്കുക എന്നതുമാണ് ഈ വർഷത്തെ പരിപാടികൾ കൊണ്ട് ബി.എം.എ ലക്ഷ്യം വെയ്ക്കുന്നത് എന്ന് ഭാരവാഹികൾ കൂട്ടിച്ചേർത്തു.

ബി.എം.എ അംഗങ്ങൾ ആകാൻ ആഗ്രഹിക്കുന്നവർ വെബ്‌സൈറ്റ് ഉപയോഗിച്ച് https://bma.uk.com/contact/
അംഗങ്ങൾ ആകാൻ ഭാരവാഹികൾ ബെൽഫാസ്റ്റ് മലയാളി സമൂഹത്തോട് അഭ്യർത്ഥിച്ചു.

ഷ്രോപ്ഷ്യർ മലയാളി കൾച്ചറൽ അസ്സോസിയേഷന്റെ ഈസ്റ്റർ വിഷു ആഘോഷങ്ങൾ ആർട്സ് ഡേ ആയിട്ട് 2023 ഏപ്രിൽ 22ന് ശനിയാഴ്ച്ച രാവിലെ മുതൽ വൈകിട്ട് വരെ ആഘോഷിക്കുക ഉണ്ടായി .അസോസിയേഷൻ അംഗങ്ങളുടെ വൈവിധ്യങ്ങളായ കലാപരിപാടികളും,വിനോദപ്രദമായ മത്സരങ്ങളും അതോടൊപ്പം രുചികരമായ വിഭവങ്ങൾ ലഭിക്കുന്ന രീതിയിൽ ക്രമീകരിച്ച നാടൻ തട്ടുകടയും ശ്രദ്ധേയമായിരുന്നു .അന്നേ ദിവസം അസോസിയേഷൻ ബാഡ്മിന്റൺ വിജയികൾക്ക് അസോസിയേഷൻ ഭാരവാഹികൾ സമ്മാനങ്ങൾ കൈമാറുകയും ചെയ്തു .

വൈകുന്നേരം അസോസിയേഷൻ അംഗങ്ങൾ തുടങ്ങിയ ഷ്രോപ്ഷിർ ബീറ്റ്‌സ് എന്ന ഗാനമേള ട്രൂപ് ഉദ്ഘാടനം ചെയ്യുകയും തുടർന്ന് അവർ നയിച്ച ഗാനമേളയും ഡിജെയും ഉണ്ടായിരുന്നു .

നിങ്ങളുടെ ഏത് ആഘോഷങ്ങൾളുടെയും പൊലിമ ഒരുപടി കൂട്ടുവാൻ ഷ്രോപ്ഷ്യർ ബീറ്റ്സിന്റെ ഗാനമേള ബുക്ക് ചെയ്യുവാൻ ആഗ്രഹിക്കുന്നവർ ഈ നമ്പറിൽ കോൺടാക്ട് ചെയ്യുക
07795972440, 07587360646.

ഈസ്റ്റ് ആംഗ്ലിയ റീജിയനിലെ പ്രമുഖ അസ്സോസിയേഷനലുകളിൽ ഒന്നായ ബെഡ്ഫോർഡ് മാസ്റ്റൻ കേരള അസോസിയേഷൻ ഈസ്റ്റർ വിഷു സെലിബ്രേഷൻ ഇന്ന് വൈകുന്നേരം 5 മണിമുതൽ രാത്രി 11 വരെ നടക്കുമെന്ന് അസോസിയേഷൻ പ്രസിഡന്റ് യൂജിൻ തോമസ് , സെക്രട്ടറി മിഥുൻ എന്നിവർ അറിയിച്ചു ….

അസോസിയേഷനിലെ വിവിധ കലാകാരൻമാർ അവതരിപ്പിക്കുന്ന കലാപരിപാടികൾക്കൊപ്പം പ്രമുഖ മ്യൂസിക് ബാൻഡ് ഗ്രൂപ്പ് ആയ ഹെവൻസ് യുകെയും ,ബോളിവുഡ് ഡാൻസ് ഗ്രൂപ്പ് ആയ 4 all 2 ENVY ENTERTAINMENTS അവതരിപ്പിക്കുന്ന സിനിമാറ്റിക് ഡാൻസും ഉണ്ടായിരിക്കുന്നതാണ് ….

Venue Address : Addison centre Kempston Bedford MK42 8PN

ഏപ്രിൽ 22-ാം തീയതി ശനിയാഴ്ച പൂളിൽ വച്ച് നടന്ന ഡോർസെറ്റ് കേരള കമ്മിറ്റി (DKC ) യുടെ വർണ്ണാഭമായ ഈസ്റ്റർ,വിഷു, ഈദ് ആഘോഷങ്ങളെ തുടർന്ന് ഷാജി തോമസിന്റെ നേതൃത്വത്തിൽ നിന്ന് ജിജോ പൊന്നാട്ടിന്റെ നേതൃത്വത്തിലേക്കുള്ള പുതിയ കമ്മിറ്റി സാരഥ്യം ഏറ്റെടുത്തു.

മുന്നോട്ടുള്ള ഒരു വർഷം ഡികെസിയെ നയിക്കാൻ ജിജോ പൊന്നാട്ട് പ്രസിഡണ്ടും, ജിൻസ് വർഗീസ് സെക്രട്ടറിയും, റോൾഡിൻ ജോർജ് ട്രഷററും ആയ കമ്മിറ്റിയിൽ വൈസ് പ്രസിഡണ്ടായി ജോസ്മി ജോസഫിനെയും, ജോയിൻ സെക്രട്ടറിയായി ശാലിനി രാജീവിനെയും തെരഞ്ഞെടുത്തു. ഷാലു ചാക്കോ, മനോജ് പിള്ള, സോണി കുര്യൻ,വർഗീസ് സൈമൺ, എന്നിവരെ കമ്മിറ്റി അംഗങ്ങളായും ഷാജി തോമസ്, അഭിലാഷ് പി എ എന്നിവർ എക്സ് ഒഫീഷ്യസുമാരായി കമ്മിറ്റിയിലേക്ക് എത്തിച്ചേർന്നു.

ഡോർസെറ്റിലെ മലയാളി സമൂഹത്തിന് എന്നും താങ്ങും തണലുമായി നിലകൊണ്ടിട്ടുള്ള യുകെയിൽ മലയാളി സംഘടനകൾക്ക് തന്നെ മാതൃകയായി വർത്തിക്കുന്ന ഡികെസി തുടർന്നും സമൂഹനന്മയ്ക്കും അംഗങ്ങളുടെ ഉന്നമനത്തിനുള്ള പ്രവർത്തനങ്ങൾക്കും ആയി ഊന്നൽ കൊടുത്തുകൊണ്ട് മുന്നോട്ടുപോകുമെന്ന് പുതിയ പ്രസിഡണ്ട ജിജോ പൊന്നാട്ട് അറിയിച്ചു .

ഷിബു മാത്യൂ. മലയാളം യുകെ ന്യൂസ്

പുതുമകൾ തേടുന്ന യോർക്ഷയറിലെ കീത്തിലി മലയാളി അസ്സോസിയേഷൻ്റെ (KMA) ഈസ്റ്റർ വിഷു ആഘോഷങ്ങളുടെ ഭാഗമായി അവതരിപ്പിച്ച ഈസ്റ്റർ സ്കിറ്റ് “അമ്മ വിലാപം” ജനശ്രദ്ധ നേടുന്നു. ഈസ്റ്ററുമായി ബന്ധപ്പെട്ട് സാധാരണ അവതരിപ്പിക്കുന്ന സ്കിറ്റുകളിലധികവും കർത്താവിൻ്റെ ഉയിർപ്പാണ് ആധാരം. എന്നാൽ അതിൽ നിന്നൊക്കെ വിഭിന്നമായി മിശിഹാ ഉയിർക്കുന്നതിന് മുമ്പ് കാൽവരിയുടെ നെറുകയിൽ നടന്ന സംഭവ കഥയുടെ ദൃശ്യാവിഷ്കാരമാണ് സിമ്പോളിക്കായി കീത്തിലി മലയാളി അസ്സോസിയേഷൻ അവതരിപ്പിച്ചത്.

സ്ത്രീയേ, ഇതാ നിൻ്റെ മകൻ എന്ന് മറിയത്തോടും, ഇതാ നിൻ്റെ അമ്മയെന്ന് യോഹന്നാനോടും ജീവൻ വെടിയുന്നതിന് തൊട്ട്മുമ്പുള്ള കർത്താവിൻ്റെ വാക്കുകൾ. അനന്തരം പടയാളികൾ ഈശോയുടെ തിരുശരീരം കുരിശ്ശിൽ നിന്നിറക്കി മാതാവിൻ്റെ മടിയിൽ കിടത്തി. ഈ രണ്ട് സംഭവങ്ങളെയും കോർത്തിണക്കി സംസാരമില്ലാതെ അവതരിപ്പിച്ച സ്കിറ്റാണ് ജനശ്രദ്ധ നേടുന്നത്. കർത്താവിനെ കുരിശിൽ നിന്നിറക്കുന്ന, അധികമാരും കാണാത്ത രംഗമായിരുന്നു സ്കിറ്റിന്റെ കാതലായ ഭാഗം. ആണികളിൽ നിന്നും കൈകൾ വേർപെടുത്തിയ കർത്താവിൻ്റെ തിരുശരീരം പടയാളികളിലൊരുവൻ്റെ തോളിലേയ്ക്ക് വീണത് ഞെട്ടലോടെയാണ് പ്രേക്ഷകർ കണ്ടത്. തുടർന്ന് പടയാളികൾ ചേതനയറ്റ മകനെ മാതാവിൻ്റെ മടിയിൽ കിടത്തി. മടിയിൽ കിടക്കുന്ന മകനെ മൗന ഭാഷയിൽ തലോടുമ്പോൾ മാതാവിൻ്റെ കണ്ണ് നിറഞ്ഞൊഴുകുന്നുണ്ടായിരുന്നു. ഇത് കണ്ടു നിന്ന പ്രേക്ഷകരുടെ കണ്ണുകളും നിറഞ്ഞൊഴുകി. മാതാവിൻ്റെ മടിയിൽ നിന്നും പടയാളികൾ കർത്താവിനെയെടുത്ത് വെള്ളക്കച്ചയിൽ പൊതിഞ്ഞ് കല്ലറയിലേയ്ക്ക് കൊണ്ടു പോകുന്ന രംഗം ഏതൊരു അമ്മമാരുടെയും ഹൃദയം നുറുങ്ങുന്നതായിരുന്നു.

കേവലം വെറുമൊരു സ്കിറ്റായിരുന്നെങ്കിലും അവതരണ ശൈലി കൊണ്ട് കാണികളും അഭിനേതാക്കളും അഭിനയത്തേക്കാളുപരി, നടന്ന ഒരു സംഭവത്തോടൊപ്പം ജീവിക്കുകയായിരുന്നു. കർത്താവ് ഉയിർത്തു എന്ന നഗ്ന സത്യം ലോകത്തിലുള്ള എല്ലാവർക്കുമറിയാം. എന്നാൽ കർത്താവിൻ്റെ അമ്മയുടെ ദു:ഖം എത്രമാത്രമെന്ന് ലോകത്തെയറിയ്ക്കാനാണ് ഇങ്ങനെയൊരു ശ്രമം നടത്തിയതെന്ന് സ്കിറ്റിൻ്റെ സംവിധായകൻ സോജൻ മാത്യൂ മലയാളം യുകെ ന്യൂസിനോട് പറഞ്ഞു. ലോക പ്രശസ്തനായ മൈക്കളാഞ്ചലോയുടെ “പിയാത്ത” എന്ന അത്ഭുതകരമായ കലാസൃഷ്ടിയിൽ നിന്ന് പ്രജോദനം ഉൾക്കൊണ്ടു കൊണ്ടാണ് ഇങ്ങനെയൊരു സൃഷ്ടി രൂപപ്പെട്ടതെന്ന് സോജൻ മാത്യൂ കൂട്ടിച്ചേർത്തു.

ഡോ. അഞ്ചു ഡാനിയേൽ, ഗോഡ്സൺ ആൻ്റോ, ജോയൽ ജേക്കബ്, തോമസ്സ് മാത്യൂ, നേഥൻ ജോസഫ് എന്നിവർ പ്രധാന വേഷമണിഞ്ഞു. രംഗപടം ഫെർണാണ്ടെസ് വർഗ്ഗീസും, റോബി ജോൺ, ബാബു സെബാസ്റ്റ്യൻ, പൊന്നച്ചൻ തോമസ്സ്, ടോം ജോസഫ് എന്നിവർ സാങ്കേതിക നിയന്ത്രണം നിർവ്വഹിച്ചു. നൂതന സാങ്കേതിക വിദ്യകളൊന്നുമില്ലാതെ രണ്ടായിരം വർഷങ്ങൾക്ക് മുമ്പ് നടന്ന സംഭവ കഥയുടെ ദൃശ്യാവിഷ്ക്കാരമാണ് സംവിധായകൻ സോജൻ മാത്യുവും ടീമും അമ്മ വിലാപമെന്ന സ്കിറ്റിലൂടെ അവതരിപ്പിച്ചിരിക്കുന്നത്.

അമ്മ വിലാപം സ്ക്കിറ്റിൻ്റെ പൂർണ്ണരൂപം കാണാൻ താഴെയുള്ള ലിങ്കിൽ ക്ലിക് ചെയ്യുക.

ലണ്ടൻ : ചാലക്കുടി മേഖലയിൽ നിന്നും യു കെ യിൽ കുടിയേറിയ എല്ലാവരും 2023 ജൂൺ 24 ന് ശനിയാഴ്ച ബർമിങ്ങ്ഹാം അടുത്തുള്ള വാൾസാളിൽ സംഗമിക്കുന്നു. നാടിന്റെ, നൊമ്പരങ്ങളും, സ്മരണകളും, പങ്കുവെക്കാനും, സൗഹൃദം പുതുക്കാനും ഈ കൂട്ടായ്‌മ ഹേതുവാകുന്നു. കഴിഞ്ഞ ജനുവരി 14ന് കൂടിയ ക്രിസ്മസ്, ന്യൂ ഇയർ കൂട്ടായ്‌മയിൽ 2023ജൂൺ 24ന് ശനിയാഴ്ച ബിർമിങ്ങാമിൽ വച്ചു വാർഷികസമ്മേളനം നടത്താൻ തീരുമാനിച്ചു.ഈ വാർഷികസമ്മേളനത്തിന്റെ വിജത്തിനായി വിവിധ കമ്മറ്റികൾ നിലവിൽവന്നു.ഏരിയ കോഓർഡിനേറ്റേഴ്സായി നോട്ടിൻഹാമിൽ നിന്നും ബാബു ഔസേപ്പും, ലണ്ടനിൽ നിന്നു ഷീജോ മൽപ്പാനും, മാഞ്ചസ്റ്ററിൽ നിന്നു ഷൈജി ജോയും, ടെൽഫോഡിൽ നിന്നു ഷാജു മാടപ്പിള്ളിയും,വാൾസാളിൽ നിന്നു സൈബിൻ പാലാട്ടിയും, ബിർമിങ്ങാമിൽ നിന്നു ഷാജു ഔസേപ്പിനെയും ചുമതലപ്പെടുത്തി. ഈ വർഷത്തെ പ്രോഗ്രാം കോ ഓർഡിനേറ്റഴ്സായി ടാൻസി പാലാട്ടി, ഷൈബി ബാബു, സിനി ബിജു എന്നിവരെ ചുമതലപ്പെടുത്തി. വിഭവസമൃദ്ധമായ നാടൻ സദ്യ ഒരുക്കുന്നുണ്ട്. ഈ സമ്മേളനത്തിലേക്ക് ഏവരെയും ഹാർദ്ദമായി ഭാരവാഹികൾ സ്വാഗതം ചെയ്യുന്നു. കൂടുതൽ വിവരങ്ങൾക്ക് ഭാരവാഹികളുമായി ബന്ധപ്പെടുക.

Hall Address
24 JUNE 2023 10 am to 7 pm
Aldridge Community Centre,
Walsall,
WS9 8AN.

പ്രസിഡന്റ്‌ ഷീജോ മൽപ്പാൻ, ലണ്ടൻ-07421264097.
സെക്രട്ടറി ഷാജു മാടപ്പിള്ളി, ടെൽഫോഡ് -07456417678.
ട്രഷറർ ദീപ ഷാജു, ബിർമിങ്ങ്ഹാം -07896553923.

സുജു ജോസഫ്

സാലിസ്ബറി: സാലിസ്ബറി മലയാളി അസ്സോസിയഷൻ ഈസ്റ്റർ വിഷു ആഘോഷം ഏപ്രിൽ 22 ശനിയാഴ്ച നടന്നു. യുക്മ ദേശീയ ജനറൽ സെക്രട്ടറി ശ്രീ കുര്യൻ ജോർജ്ജ് മുഖ്യാതിഥിയായി പങ്കെടുത്തുകൊണ്ട് ആഘോഷങ്ങൾ ഉദ്ഘാടനം നിർവ്വഹിച്ചു .

വിപുലമായ ആഘോഷങ്ങളോടെയാണ് ഇക്കുറി എസ് എം എ ഈസ്റ്റർ വിഷു ആഘോഷങ്ങൾ സംഘടിപ്പിച്ചിരുന്നത്. സാലിസ്ബറി ഡിന്റണിലെ വില്ലേജ് ഹാളിൽ അരങ്ങേറുന്ന ആഘോഷപരിപാടികൾ രാവിലെ പത്ത് മണിയോടെയാണ് ആരംഭിച്ചത്. എസ് എം എ പ്രസിഡന്റ് റ്റിജി മമ്മുവിന്റെ അദ്ധ്യക്ഷതയിൽ ആരംഭിക്കുന്ന ചടങ്ങിൽ മുഖ്യാതിഥിയായ ശ്രീ കുര്യൻ ജോർജ്ജ് ഈസ്റ്റർ വിഷു ആഘോഷം ഉദ്‌ഘാടനം ചെയ്തു.

കുട്ടികൾക്കായി ഒരുക്കുന്ന വിഷു കൈനീട്ടവും മുതിർന്നവരും കുട്ടികളും ചേർന്നൊരുക്കുന്ന വിവിധ കലാപരിപാടികളും ആസ്വാദകർക്ക് ഹൃദ്യമായ അനുഭവമാകും സമ്മാനിക്കുകയെന്ന് പ്രോഗ്രാം കോർഡിനേറ്റർ പിങ്കി ജെയ്ൻ അറിയിച്ചു. എക്സിക്യൂട്ടീവ് കമ്മിറ്റിയംഗം പ്രശാന്ത് ബാലകൃഷ്ണന്റെ മേൽനോട്ടത്തിൽ എസ് എം എ അംഗങ്ങൾ ഒരുക്കുന്ന വിഭവസമൃദ്ധമായ ഈസ്റ്റർ വിഷു വിരുന്നാകും ആഘോഷത്തിലെ മറ്റൊരാകർഷണം. രാവിലെ പത്ത് മണി മുതൽ വൈകുന്നേരം അഞ്ചു മണിവരെ നീളുന്ന ആഘോഷങ്ങളുടെ ഒരുക്കങ്ങൾ പൂർത്തിയായതായി സെക്രട്ടറി സിൽവി ജോസ്, ട്രഷറർ ജയ്‌വിൻ ജോർജ്ജ് തുടങ്ങിയവർ അറിയിച്ചു.

പ്രവാസ ജീവിതത്തിൽ മലയാളികൾ എന്നും മുന്നിലാണ്. ലോകത്തിൻറെ ഏതു മൂലയിൽ ചെന്നാലും ഒരു മലയാളിയുടെ സാന്നിധ്യം നമ്മെ അത്ഭുതപ്പെടുത്തുന്നു. കാലാകാലങ്ങളിൽ അതിനായി പല രാജ്യങ്ങളും അവർ തെരഞ്ഞെടുക്കുന്നു. ഗൾഫ് രാജ്യങ്ങളിലേക്കുള്ള പ്രവാസത്തിനുശേഷം ഏതാണ്ട് രണ്ടായിരത്തിനുശേഷം വലിയ തോതിലുള്ള ഒരു പ്രവാഹമാണ് യുകെയിലേക്കുണ്ടായിട്ടുള്ളത്. ഒരു പാശ്ചാത്യരാജ്യത്തെ നിയമ സംവിധാനങ്ങളെ കുറിച്ചുള്ള അറിവില്ലായ്മയും, പെട്ടെന്നുള്ള കാലാവസ്ഥാമാറ്റവും, വ്യത്യസ്തമായ ജോലി, ജീവിത സാഹചര്യങ്ങളും തുടങ്ങി പല പ്രതിസന്ധിയും കുടുംബങ്ങളിൽ പ്രശ്‌നങ്ങൾ സൃഷ്ടിക്കുന്നു. ഇതിനു പല കാരണങ്ങളുണ്ടാകാം, പക്ഷേ ഇതൊക്കെ ആരോട് തുറന്നു പറയും? ആരു സഹായിക്കും?. എല്ലാം ഉള്ളിലൊതുക്കി ജീവിതം മുന്നോട്ടു പോവുന്നതിനിടയിൽ കുടുംബങ്ങളുടെ താളം തെറ്റലിനു തന്നെ കാരണമാവുന്നു. ഇത്തരം സാഹചര്യങ്ങളിൽ പിടിച്ചു നിൽക്കാനാവാതെ കൊലപാതകങ്ങളിലേക്കും ആത്‌മഹത്യകളിലേക്കും പരിഹാരം തേടിപ്പോവുന്ന പല കുടുംബങ്ങളെയും നാം സമീപകാലത്തായി കണ്ടുകഴിഞ്ഞു. ഏതു സമയവും പൊട്ടിവമിക്കാവുന്ന അഗ്നി പർവ്വതം പോലെ പുകഞ്ഞുകൊണ്ടിരിക്കുന്ന എത്രയോ കുടുംബങ്ങൾ നമ്മുടെ ഇടയിലുണ്ടെന്നതും വളരെ യാഥാർഥ്യമാണ്…

കെറ്ററിംഗിൽ 35 വയസുകാരിയായ അഞ്ജു അശോകിനെയും അവരുടെ പിഞ്ചോമനകളായ ജീവൻ, ജാൻവി എന്നിവരുടെയും ഞെട്ടിക്കുന്ന കൊലപാതക വാർത്ത 2022 ഡിസംബർ മാസം 18 ന് നാം മലയാളികൾ വളരെ ഞെട്ടലോടെയാണ് കേട്ടത്. ഇതുപോലുള്ള വാർത്തകൾ പലതും കേട്ടിട്ടുണ്ടെങ്കിലും മനുഷ്യ മനസ്സാക്ഷിയെ പിടിച്ചു കുലുക്കിയ ഈ സംഭവം മനഃസാക്ഷിയുള്ളവർക്കു സഹിക്കാവുന്നതിലും അപ്പുറമാണ്. തങ്ങൾക്കെന്നും തുണയും, ആശ്രയവും, തണലുമാകേണ്ട ഒരു കുടുബനാഥനിൽ നിന്നും ഇത്തരം ഒരനുഭവം !!! ആർക്കും അവിശ്വസനീയമാണ്.

ഈ ഒരു വേദനയിൽ നിന്നും ഉടലെടുത്ത ആശയമാണ് ഈ ട്രസ്റ്റിന്റെ തുടക്കം. കുടുംബങ്ങളിൽ നടക്കുന്ന അതിരുവിട്ട സംസാരങ്ങൾ വലിയ വാഗ്‌വാദങ്ങളിലേക്കും, ആർക്കും പരിഹരിക്കാൻ പറ്റാത്ത കുടുംബ വഴക്കിലേക്കും ചെന്നെത്തുന്നു. ഈ ഡൊമസ്റ്റിക് വയലൻസ് തടയുന്നതിന് മലയാളി കുടുംബങ്ങളെ സഹായിക്കാനായി അഞ്ജുവിൻറെ വത്സല മക്കൾ “ജീവൻ & ജാൻവി” എന്ന പിഞ്ചു കുഞ്ഞുങ്ങളുടെ ഓർമ്മയ്ക്കായി ഞങ്ങൾ “ജീവൻ ട്രസ്റ്റ് യുകെ” എന്ന ചാരിറ്റി പ്രസ്ഥാനത്തിന് രൂപം നൽകി.

യുകെയുടെ വിവിധ കോണുകളിൽ താമസിക്കുന്ന തികച്ചും പ്രൊഫഷണലുകളാണ് ഈ ഉദ്യമത്തിൽ നിങ്ങളോടൊപ്പം സൗജന്യ സഹായത്തിനായി ഉള്ളത്. അവയവദാനം കൊണ്ട് മലയാളികളുടെ ശ്രദ്ധ പിടിച്ചുപറ്റിയവരും, നേഴ്‌സിംഗ് മേഖലയിൽ നിസ്വാർത്ഥ സേവനം ചെയ്തു കൊണ്ടിരിക്കുന്നവരുമായ പലരും ഇതിൽ പങ്കാളികളാണെന്നത് തികച്ചും അഭിമാനത്തോടെ അറിയിക്കട്ടെ, മൂന്നു മാസത്തോളമായി പല മലയാളി കുടുംബങ്ങളെയും സഹായിക്കുവാനും അവരുടെ പ്രശ്നങ്ങളിലേക്ക് ഓടിച്ചെല്ലുവാനും ഞങ്ങൾക്ക് കഴിഞ്ഞിട്ടുണ്ട് എന്നത് ഞങ്ങൾക്ക് കൂടുതൽ ഉത്തരവാദിത്വ ബോധം നൽകുന്നു.

വിദ്യാഭ്യാസപരമായി നാമൊക്കെ വളരെ ഉന്നതിയിലാണെങ്കിലും ഇവിടെ നിന്നും ലഭ്യമാകുന്ന സൗകര്യങ്ങളെ കുറിച്ചുള്ള അറിവില്ലായ്മക്ക് ഒരു പരിഹാരമായി മലയാളി സമൂഹത്തെ സഹായിക്കാൻ ഒരു പരിധിവരെ നമ്മുടെ ജീവൻ ട്രസ്റ്റ് യുകെയ്ക്ക് കഴിയും എന്ന് ഞങ്ങൾ ഉറച്ചു വിശ്വസിക്കുന്നു. അതിന് സന്നദ്ധരായി ജനറൽ പ്രാക്റ്റീഷണേഴ്‌സ് (GP) ഡോക്‌ടേഴ്‌സ്, സോഷ്യൽ വർക്കേഴ്‌സ്, നേഴ്സിംഗ് പ്രൊഫഷണൽസ്, കൗൺസിലേഴ്‌സ്, സോളിസിറ്റർസ് കൂടാതെ വിവിധ രംഗങ്ങളിൽ പ്രശസ്തരായിട്ടുള്ള സാമൂഹിക പ്രവർത്തകർ മുതലായവരാണ് ഈ ജീവൻ ട്രസ്റ്റിൽ നെടുംതൂണായിട്ടുള്ളത്.

ഇതിന്റെ ഔദ്യാഗിക ഉദ്‌ഘാടനവും വെബ്സൈറ്റ് പ്രകാശനവും ഏപ്രിൽ 22 ശനിയാഴ്ച വൈകുന്നേരം വൈകിട്ട് 6 മണിക്ക് കേംബ്രിഡ്ജിൽ വച്ച് കേംബ്രിഡ്ജ് മലയാളി അസോസിയേഷൻ (CMA) നടത്തുന്ന ഈസ്റ്റർ വിഷു ആഘോഷ പരിപാടിയിൽ വച്ച് റോയ്‌സ്റ്റൺ മേയർ കൗൺസിലർ കൗൺസിലർ മേരി ആൻറണി നിർവഹിക്കുന്നതാണ്.

യുകെയുടെ അക്ഷര നഗരിയായ കേംബ്രിഡ്ജിൽ വച്ച് ഈ ചാരിറ്റി സംഘടനയുടെ ഉത്‌ഘാടനം നടത്തുവാൻ സാധിക്കുക എന്നത് മലയാളികളെ സംബന്ധിച്ചിടത്തോളം വളരെ അഭിമാനകരമായ ഒന്നായി ഞങ്ങൾ കാണുന്നു. ഓണം, ക്രിസ്തുമസ്, ഈസ്റ്റർ, വിഷു, ആഘോഷങ്ങൾ മാത്രം നടത്താനുള്ള ഒരു സംഘടന മാത്രമായി തുടരുന്നതിനു പകരം തികച്ചും ഒരു സാമൂഹിക പ്രതിബദ്ധതയുള്ള ഒരു പ്രസ്ഥാനമാണ് കേംബ്രിഡ്ജ് മലയാളീ അസോസിയേഷൻ എന്നത് ഒരിക്കൽ കൂടി തെളിയിച്ചിരിക്കുകയാണ്.

ഇവിടെ തെളിയുന്ന ഈ ചെറിയ തിരി ഒരു വലിയ പ്രകാശ ഗോപുരമായി ഈ നാട്ടിലെങ്ങും പ്രശോഭിക്കുവാൻ ജീവൻ ട്രസ്റ്റിന് ഇടയാവട്ടെ എന്ന് പ്രത്യാശിക്കുന്നു. ഉദ്ഘാടന വേളയിലും തുടർന്നും നിങ്ങളുടെ സഹകരണം പ്രതീക്ഷിക്കുന്നു…. നിങ്ങളുടെ പ്രവാസജീവിതത്തിലെ പ്രതിസന്ധിയിൽ ഒരു തുണയായി ഞങ്ങളും നിങ്ങളുടെ കൂടെ ……

ബന്ധപ്പെടേണ്ട നമ്പർ: 07828103000

കൂടുതൽ വിവരങ്ങൾ താഴെ പറയുന്ന വെബ്‌സൈറ്റിൽ ലഭ്യമാണ്.

https://www.jeevantrust.co.uk/

ലീഡ്സ് മലയാളി അസോസിയേഷന്റെ ഈ വർഷത്തെ ഈസ്റ്റർ & വിഷു ആഘോഷം 16-ാം തീയതി ഞായറാഴ്ച ഈസ്റ്റൻഡ് പാർക്കിലെ വൈ എം സി ക്ലബ്ബിൽ ഉച്ചയ്ക്ക് 12 മണി മുതൽ രാത്രി 9 മണി വരെ നടത്തപ്പെട്ടു.
ഉച്ചയ്ക്ക് വിഭവസമൃദ്ധമായ ഭക്ഷണത്തോടു കൂടെ ആരംഭിച്ച പരിപാടി പ്രസിഡന്റ് സാബുഘോഷ് ഭദ്രദീപം കൊളുത്തി ഉദ്ഘാടനം ചെയ്തു. തുടർന്ന് കമ്മറ്റി മെംബേഴ്സ് ദീപം തെളിയിച്ചു. തുടർന്ന് 10 വയസ്സിൽ താഴെയുള്ള 82 കുട്ടികൾക്ക് വിഷുകൈനീട്ടവും ഈസ്റ്റർ എഗ്ഗും വിതരണം ചെയ്തു. അതിനുശേഷം വ്യത്യസ്തയാർന്ന കലാപരിപാടികളാൽ സമ്പുഷ്ടമായിരുന്നു ആഘോഷം. അലൻ ഗ്രുപ്പിന്റെ ഡി ജെയ്ക്ക് ശേഷം രാത്രി ഭക്ഷണത്തോട് കൂടെ 9 മണിയ്ക്ക് ആഘോഷം അവസാനിച്ചു.

ന്യൂസ് ഡെസ്ക്. മലയാളം യുകെ.
ലിവർപൂൾ മലയാളി അസോസിയേഷൻ ലിമയുടെ ഗ്രാൻഡ് ഓണം “ദേ മാവേലി “ആഗസ്ത് മാസം 27 ഞായർ ആഴ്ച ലിവർപൂളിലെ ഏറ്റവും വലിയ ഓഡിറ്റൊറിയങ്ങളിൽ ഒന്നായ നോസിലി ഹാളിൽ വച്ചു നടത്തപ്പെടുന്ന വിവരം സവിനയം ലിമ അറിയിച്ചു കൊള്ളുന്നു.
ഇത്തവണത്തെ ഓണത്തിന് കേരളത്തിന്റെ തനിമ വിളിച്ചോദുന്ന വിവിധ കലാ പരിപാടികൾ ആണ് ലിമ ഒരുക്കിയിരിക്കുന്നത്.