നിയമസഭാ തിരഞ്ഞെടുപ്പിൽ ബി.ജെ.പി സിറ്റിംഗ് സീറ്റായ നേമം പിടിക്കാൻ കോൺഗ്രസിൽ പുതിയ നീക്കും.
പ്രമുഖരെ മത്സരിപ്പിച്ച് മണ്ഡലം പിടിക്കണമെന്നാണ് ഹൈക്കമാൻഡ് നിർദ്ദേശം.
മുൻ മുഖ്യമന്ത്രി ഉമ്മൻചാണ്ടിയുടെയും കെ. മുരളീധരന്റെയും പേരുകളാണ് പരിഗണനയിലുള്ളത്. നേരത്തെയും ഇവരുടെ പേരുകൾ ഉയർന്നു വന്നിരുന്നു.
എന്നാൽ എന്നോട് ആരും ചോദിച്ചിട്ടുമില്ല, ഞാൻ ആരോടും പറഞ്ഞിട്ടുമില്ലെന്നും മുരളീധരൻ വാർത്തയോട് പ്രതികരിച്ചു.
അതിനെക്കുറിച്ചുള്ള ചോദ്യത്തിന് ഇപ്പോൾ പ്രസക്തിയില്ല. കാരണം, എം.പിമാർ ആരും മത്സരിക്കേണ്ടതില്ല എന്ന തീരുമാനം നിലനിൽക്കുന്നുണ്ടെന്നും അദ്ദേഹം പറഞ്ഞു.
കേരള കോണ്ഗ്രസ് എം സ്ഥാനാര്ഥി പട്ടിക പ്രഖ്യാപിച്ചു. പട്ടികയിൽ കുറ്റ്യാടി ഇല്ല. കേരള കോണ്ഗ്രസിന് സീറ്റ് നല്കിയതിനെതിരെ സിപിഎം പ്രവര്ത്തകര് പരസ്യമായി പ്രതിഷേധിച്ചിരുന്നു. കുറ്റ്യാടിയിലാണ് നൂറുകണക്കിന് പ്രവര്ത്തകര് പ്രകടനം നടത്തിയത്.
കടുത്തുരുത്തിയില് മോന്സ് ജോസഫിനെതിരെ സ്റ്റീഫന് ജോര്ജ് മല്സരിക്കും. റാന്നിയില് അഡ്വ. പ്രമോദ് നാരായണന് സ്ഥാനാര്ഥി. ജോസ് കെ.മാണി (പാലാ), ഡോ.എന്.ജയരാജ് (കാഞ്ഞിരപ്പള്ളി), സെബാസ്റ്റ്യന് കുളത്തുങ്കല് (പൂഞ്ഞാര്), അഡ്വ. ജോബ് മൈക്കിള് (ചങ്ങനാശേരി), പ്രഫ. കെ.ഐ.ആന്റണി (തൊടുപുഴ), റോഷി അഗസ്റ്റിന് (ഇടുക്കി), ബാബു ജോസഫ് (പെരുമ്പാവൂര്), സിന്ധുമോള് ജേക്കബ് (പിറവം), ഡെന്നിസ് കെ.ആന്റണി (ചാലക്കുടി), സജി കുറ്റ്യാനിമറ്റം (ഇരിക്കൂര്) എന്നിങ്ങനെയാണ് സ്ഥാനാര്ഥികള്.
‘നേതാക്കളെ പാര്ട്ടി തിരുത്തും, പാര്ട്ടിയെ ജനംതിരുത്തും’ എന്ന ബാനറുമായി ആയിരുന്നു പ്രകടനം. കുറ്റ്യാടിയുടെ മാനം കാക്കാന് സിപിഎം വരണമെന്നും മുദ്രാവാക്യം. ഇന്ന് രാവിലെയാണ് സിപിഎം ഔദ്യോഗികമായി സ്ഥാനാർഥികളെ പ്രഖ്യാപിച്ചത്.
പി.സി.ചാക്കോ കോണ്ഗ്രസ് വിട്ടു. രാജിക്കത്ത് സോണിയയ്ക്കും രാഹുലിനും നല്കി . കേരളത്തില് കോണ്ഗ്രസ് പാര്ട്ടിക്ക് അപചയം അവഗണിച്ചെന്ന് പരാതി. കോണ്ഗ്രസില് സീറ്റ് വിഭജനം ഗ്രൂപ്പുകളുടെ വീതംവയ്പ്പെന്നും പി.സി. ചാക്കോ ആരോപിച്ചു. കെപിസിസി നേതൃത്വത്തിന് വിമര്ശനം. പാര്ട്ടിസ്ഥാനങ്ങള് എയും ഐയും വീതംവച്ചു. കേരളത്തിലെ കോണ്ഗ്രസില് ഗ്രൂപ്പില്ലാതെ പ്രവര്ത്തിക്കാനാകില്ല. കോണ്ഗ്രസിന് ദേശീയതലത്തിലും വളര്ച്ചയില്ലെന്നും പിസി. ചാക്കോ ആരോപിച്ചു.
കോണ്ഗ്രസില് നിന്ന് രാജിവച്ചതിന് പിന്നാലെ ഭാവി നീക്കത്തെപ്പറ്റി ഉദ്വേഗം. ഇടതുപക്ഷവും കോണ്ഗ്രസും ഒരുമിച്ച് പ്രവര്ത്തിക്കേണ്ടവരാണെന്ന് ചാക്കോ പറഞ്ഞു. തന്നെ ഒരിക്കലും ബിജെപിയ്ക്കൊപ്പം കാണാന് കഴിയില്ലെന്ന് പി.സി.ചാക്കോ കൂട്ടിച്ചേര്ക്കുന്നു.
രാജിക്ക് കാരണം കേരളത്തിലെ കോണ്ഗ്രസിന്റെ അപചയമെന്ന് പി.സി.ചാക്കോ കുറ്റപ്പെടുത്തി. കേരളത്തിലെ കോണ്ഗ്രസ് തീര്ത്തും ജനാധിപത്യവിരുദ്ധസംഘടനയാണ്. ഗ്രൂപ്പിനതീതരായി നില്ക്കുന്ന ആര്ക്കും കേരളത്തിലെ സംഘടനയില് നിലനില്പ്പില്ല.
ഗ്രൂപ്പില്ലാത്ത നേതാക്കളെ സംരക്ഷിക്കാന് ഹൈക്കമാന്ഡ് തയാറാകുന്നില്ലെന്നും പി.സി.ചാക്കോ പറഞ്ഞു. ദേശീയനേതൃത്വം സജീവമല്ല, കോണ്ഗ്രസ് ഓരോദിവസവും ദുര്ബലമാകുന്നു. ഗുലാംനബി ആസാദ് അടക്കമുള്ള വിമത നേതാക്കളുടെ നിലപാടാണ് ശരിയെന്നും ചാക്കോ പറഞ്ഞു.
ന്യൂഡൽഹി: സ്ഥാനാര്ഥി നിര്ണയത്തെ സംബന്ധിച്ച് കോണ്ഗ്രസില് അതൃപ്തി പുകയുന്നതിനിടയില് കോണ്ഗ്രസിന്റെ സ്ഥാനാര്ഥി പ്രഖ്യാപനം നാളെ ഉണ്ടാകുമെന്ന് എ.ഐ.സി.സി. ജനറല് സെക്രട്ടറി താരിഖ് അന്വര് അറിയിച്ചു. ആദ്യഘട്ട സ്ഥാനാര്ഥി പട്ടിക ഇന്ന് പുറത്തിറങ്ങിയേക്കും.
പ്രതിപക്ഷ നേതാവ് രമേശ് ചെന്നിത്തല, കെ.പി.സി.സി.അധ്യക്ഷന് മുല്ലപ്പള്ളി രാമചന്ദ്രന്, ഉമ്മന് ചാണ്ടി എന്നിവര് ഡല്ഹിയില് എംപിമാരുമായി ചര്ച്ച നടത്തുകയാണ്. ഗ്രൂപ്പ് വീതംവെപ്പില് പ്രതിഷേധിച്ച് കെ.സുധാകരനും കെ.മുരളീധരനും ചര്ച്ചയില് പങ്കെടുക്കുന്നില്ല. ഇവരെ ഫോണില് ബന്ധപ്പെടാന് ശ്രമിച്ചെങ്കിലും ലഭിച്ചില്ലെന്നാണ് വിവരം. നിലവിലെ സീറ്റ് നിര്ണയ ചര്ച്ചകള് ഗ്രൂപ്പ് വീതം വെപ്പായി മാറുന്നു എന്നാണ് ഇരുവരുടേയും ആരോപണം. പല മുതിര്ന്ന നേതാക്കള് പോലും ഇഷ്ടക്കാരെ സ്ഥാനാര്ഥികള് ആക്കാനുളള തിരക്കിലാണെന്നും ഇവര് കുറ്റപ്പെടുത്തി. കഴിഞ്ഞ ദിവസം സ്ക്രീനിങ് കമ്മിറ്റി മുമ്പാകെ ഓരോ എംപിമാരും തങ്ങളുടെ നിര്ദേശം മുന്നോട്ടുവെച്ചെങ്കിലും കെ.മുരളീധരന് ആ ഘട്ടത്തിലും വന്നിരുന്നില്ല.
ഇതിനിടയിലാണ് സ്ഥാനാര്ഥി പട്ടിക സംബന്ധിച്ച പ്രഖ്യാപനം താരിഖ് അന്വര് നടത്തിയത്. നാളെത്തന്നെ കോണ്ഗ്രസിന്റെ സ്ഥാനാര്ഥി പട്ടിക പ്രഖ്യാപിക്കാന് കഴിഞ്ഞേക്കുമെന്ന് അദ്ദേഹം ശുഭാപ്തി വിശ്വാസം പ്രകടിപ്പിച്ചു.
സിറ്റിങ് എംഎല്എമാരുടെ പട്ടികയാണ് ആദ്യം ഇറങ്ങുക. നേമം, വട്ടിയൂര്ക്കാവ്, കഴക്കൂട്ടം എന്നിവിടങ്ങളില് ശക്തരായ സ്ഥാനാര്ഥിയെ കണ്ടെത്തുന്നതില് ആശയക്കുഴപ്പം ഉണ്ട്. നേമത്ത് പി.സി.വിഷ്ണുനാഥും വട്ടിയൂര്ക്കാവില് ജ്യോതി വിജയകുമാറുമാണ് പരിഗണനയിൽ ഉളളത്.
ടി.സിദ്ദിഖിനെ കല്പറ്റയില് മത്സരിപ്പിക്കണമെന്ന് എ ഗ്രൂപ്പ് ആവശ്യപ്പെട്ടതായാണ് വിവരം. കെ.സി.ജോസഫിന്റെ സാധ്യത മങ്ങിയിട്ടുണ്ട്, കെ.സി.ജോസഫിനെതിരേ എംപിമാരും രംഗത്ത് വന്നിട്ടുണ്ട്. രാഹുല് ഗാന്ധിക്ക് ഇതുസംബന്ധിച്ച് പരാതി നല്കുകയും ചെയ്തിട്ടുണ്ട്. ഉമ്മന്ചാണ്ടി കെ.സി.ജോസഫിന് വേണ്ടി ശക്തമായി തന്നെ രംഗത്തുണ്ടെങ്കിലും ഹൈക്കമാന്ഡ് അദ്ദേഹത്തിന്റെ പേര് വെട്ടാനാണ് സാധ്യത. എതിര്പ്പുകള് കണ്ടില്ലെന്ന് നടിക്കനാവില്ലെന്നാണ് ഹൈക്കമാന്ഡിന്റെ അഭിപ്രായം.
തൃപ്പൂണിത്തുറയില് കെ.ബാബുവിന് വേണ്ടിയും ഉമ്മന്ചാണ്ടി ശക്തമായി രംഗത്ത് വന്നിരുന്നു. എന്നാല് ബാബുവിനെതിരേയും എം.പിമാരുടെ പരാതിയുണ്ട്. എം.എം.ഹസനും ഇത്തവണ മത്സരിക്കില്ലെന്ന കാര്യത്തില് തീരുമാനമായിട്ടുണ്ട്. കൊല്ലത്ത് ബിന്ദു കൃഷ്ണ, ആറന്മുളയില് ശിവദാസന് നായര് എന്നിവരാണ് സാധ്യതാ പട്ടികയിലുളളത്. കഴക്കൂട്ടത്ത് എസ്.എസ്.ലാല് പട്ടികയില് ഇടം പിടിച്ചിട്ടുണ്ട്, കോന്നിയില് റോബിന് പീറ്ററും സ്ഥാനാർഥിത്വം ഉറപ്പിച്ചു.
മൂന്നര മാസം പ്രായമുള്ള പെൺകുഞ്ഞിനെ ബക്കറ്റിലെ വെള്ളത്തിൽ മരിച്ച നിലയിൽ കണ്ടെത്തിയ സംഭവത്തിൽ അമ്മ പൊലീസ് കസ്റ്റഡിയിൽ. കുഞ്ഞിനെ കൊലപ്പെടുത്തിയ കാഞ്ഞിരകോട് മായംകോട് നന്ദാവനത്തിൽ ദിവ്യ(24)യെയാണ് കുണ്ടറ പൊലീസ് കസ്റ്റഡിയിലെടുത്തത്.
ചിറ്റുമലയിൽ ആയുർവേദ ക്ലിനിക് നടത്തുന്ന ഭർത്താവ് ഉച്ചയ്ക്കു വീട്ടിലെത്തി ഭക്ഷണം കഴിച്ച ശേഷം മടങ്ങി പോയിരുന്നു. തുടർന്ന് കുഞ്ഞ് കരഞ്ഞപ്പോൾ ബക്കറ്റിലെ വെള്ളത്തിൽ താഴ്ത്തി യുവതി കൊലപ്പെടുത്തുകയായിരുന്നുവെന്ന് പൊലീസ് വ്യക്തമാക്കി.ഇന്നലെ വൈകിട്ട് അഞ്ചു മണിയോടെയായിരുന്നു സംഭവം.
പ്രസവത്തെ തുടർന്ന് ദിവ്യയ്ക്കു മാനസിക അസ്വസ്ഥത ഉണ്ടായിരുന്നു. നേരത്തെ ഒരു തവണ കൈ ഞരമ്പ് മുറിച്ച് ദിവ്യാ ആത്മഹത്യയ്ക്കു ശ്രമിച്ചതായും ബന്ധുക്കൾ പറഞ്ഞു.കുഞ്ഞിന്റെ മൃതദേഹം കൊല്ലം മെഡിക്കൽ കോളജ് ആശുപത്രിയിലേക്കു മാറ്റിയിരിക്കുകയാണ്.
ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ ഫോട്ടോ വെച്ച് മരണാനന്തര പൂജ നടത്തിയ യുവാവിനെ പൊലീസ് അറസ്റ്റ് ചെയ്തതു. ചൊവ്വാഴ്ച ഗംഗാ നദീതീരത്ത് വെച്ചാണ് ഹിന്ദു ആചാര പ്രകാരമുള്ള മരണാനന്തര പൂജകൾ യുവാവ് നടത്തിയത്.
ബ്രിജേഷ് യാദവ് എന്ന യുവാവിനെതിരെ പരാതി ലഭിക്കുകയായിരുന്നു എന്ന് ബാലിയ അഡീഷണൽ പൊലീസ് സൂപ്രണ്ട് സഞ്ജയ് യാദവ് അറിയിച്ചു.
രേവതി പൊലീസ് സ്റ്റേഷന് കീഴിലുള്ള ദൽചപ്ര ഗ്രാമത്തിലെ സുധാകർ മിശ്രയടക്കം അഞ്ച് ബ്രാഹ്മണരാണ് യുവാവിനെതിരെ പരാതി നൽകിയത്. ഗംഗാ നദിയിലെ പരുഖിയ ഘട്ടിൽ വച്ച് തങ്ങളെകൊണ്ട് തെറ്റിദ്ധരിപ്പിച്ച് പൂജ ചെയ്യിക്കുകയായിരുന്നു എന്ന് പരാതിയിൽ പറയുന്നു.
ഗംഗാ പൂജ നടത്താനാണെന്ന് പുരോഹിതരെ തെറ്റിദ്ധരിപ്പിക്കുകയും തുടർന്ന് ആദിത്യനാഥിന്റെ ഫോട്ടോ വെച്ച് മരണാനന്തര പൂജ നടത്തുകയുമായിരുന്നു എന്നാണ് പരാതിയിൽ പറയുന്നത്. ക്രമസമാധാന ലംഘനത്തിനാണ് യുവാവിനെതിരെ കേസെടുത്തിരിക്കുന്നതെന്ന് ദേശീയ മാധ്യമങ്ങൾ റിപ്പോർട്ട് ചെയ്തു.
കോണ്ഗ്രസ് ആദ്യഘട്ട സ്ഥാനാര്ഥി പട്ടിക ഇന്ന് പ്രഖ്യാപിക്കാനിരിക്കെ നിയമസഭാ തിരഞ്ഞെടുപ്പില് ഒരു അവസരം കൂടി നല്കണമെന്ന് ആവശ്യപ്പെട്ട് മുതിര്ന്ന നേതാക്കള് ഹൈക്കമാന്ഡിന് മുന്നില്. കെ.വി. തോമസ്, കെ.സി. ജോസഫ്, എം.എം. ഹസന്, പാലോളി രവി, തമ്പാനൂര് രവി, ശരത്ചന്ദ്ര പ്രസാദ്, കെ.ബാബു, കെ.സി. റോസക്കുട്ടി തുടങ്ങിയ നേതാക്കളാണ് സ്ക്രീനിംഗ് കമ്മിറ്റിയെ സമീപിച്ചത്.
യുവാക്കളും സ്ത്രീകളും ദുർബലവിഭാഗക്കാരും ഉൾപ്പെടുന്ന ജയസാധ്യതയുള്ള അമ്പതു ശതമാനത്തോളം പുതുമുഖങ്ങൾക്ക് പ്രഥമപരിഗണന നൽകണമെന്ന മുൻ കോൺഗ്രസ് അധ്യക്ഷൻ രാഹുൽ ഗാന്ധിയുടെ നിർദേശം പാലിക്കുന്നതിന്റെ ഭാഗമായാണ് തീരുമാനമെന്നും ഇക്കാര്യം ഏറക്കുറെ അന്തിമമാണെന്നും ഉന്നത കോൺഗ്രസ് വൃത്തങ്ങൾ അറിയിക്കുന്നതിനിടയിലാണ് മുതിർന്ന നേതാക്കൾ ഹൈക്കമാന്ഡിനെ കാണുന്നത്.
നിര്ണായക പോരാട്ടത്തില് വിജയമുറപ്പിക്കാന് ഇക്കുറി കൂടി മത്സരിക്കാന് തയാറാണെന്ന് നേതാക്കള് സ്ക്രീനിംഗ് കമ്മിറ്റി ചെയര്മാന് എച്ച്.കെ. പാട്ടീലിനെ അറിയിച്ചു. സുപ്രധാന തെരഞ്ഞെടുപ്പായതിനാല് വിജയം മാനദണ്ഡമാകണം. അതിനാല് തങ്ങളുടെ സാന്നിധ്യം ആവശ്യമാണെന്നാണ് മുതിര്ന്ന നേതാക്കള് പറയുന്നത്. എന്നാല് ഹൈക്കമാന്ഡിന്റെ ഭാഗത്തുനിന്നുള്ള തീരുമാനം പുതുമുഖങ്ങള് 50 ശതമാനത്തോളം വേണമെന്നതാണ്. മുതിര്ന്ന നേതാക്കളില് ചിലര്ക്ക് ഗ്രൂപ്പുകളുടെ പിന്തുണയുമുണ്ട്.
ഡല്ഹി കേരളഹൗസില് ഇപ്പോള് നിരവധി പാര്ട്ടി നേതാക്കളാണ് സീറ്റ് മോഹിച്ച് എത്തുന്നത്. പട്ടികയ്ക്ക് അന്തിമ രൂപം ഉണ്ടാകാത്ത സാഹചര്യത്തില് കൂടുതല് നേതാക്കള് അടുത്ത ദിവസം ഡല്ഹിയിലേക്ക് എത്തുമെന്നാണ് വിവരം.
മുല്ലപ്പള്ളി രാമചന്ദ്രനും രമേശ് ചെന്നിത്തലയും ഉമ്മന് ചാണ്ടിയും ചര്ച്ചകള്ക്കായി ഡല്ഹിയില് എത്തും എന്നായിരുന്നു നേരത്തെയുള്ള പ്രഖ്യാപനം. ദേശീയ നേതൃത്വവുമായുള്ള ചര്ച്ചകളില് അവരാണ് പങ്കെടുക്കുന്നതെങ്കിലും അവര്ക്ക് പിന്നാലെ ഇപ്പോള് സ്ഥാനാര്ത്ഥിത്വ മോഹികളായ കെപിസിസി ജനറല് സെക്രട്ടറിമാര് മുതല് ബൂത്ത് കോണ്ഗ്രസ് പ്രവര്ത്തകര് വരെ ഡല്ഹിയില് എത്തിയിട്ടുണ്ട്.
ഹോംസ്റ്റേ നടത്തുന്നതിനിടെ രണ്ടുദിവസത്തിനായി മാത്രം വന്നെത്തിയ ഓസ്ട്രേലിയയിലെ അഡ്ലെയ്ഡ്കാരി സഞ്ചാരി കെറി ബഡ്ഡ് തന്റെ ജീവിതസഖിയായ കഥ പറയുകയാണ് ആലപ്പുഴക്കാരൻ അഞ്ജു അഹം. ലോക്ക്ഡൗണിനും നാല് മാസം മുമ്പ് മാത്രം ആലപ്പുഴയിൽ ആരംഭിച്ച ഹോംസ്റ്റേയാണ് അഞ്ജു അഹം എന്ന 32കാരന്റെ ജീവിതം മാറ്റി മറിച്ചത്. കെറിയുമായി സൗഹൃദത്തിലാവുകയും പിന്നീട് പ്രണയത്തിലാവുകയും ഇപ്പോൾ വിവാഹത്തിലേക്ക് വരെ കാര്യങ്ങൾ എത്തിച്ചേർന്നതും ഒരുപാട് പ്രതിസന്ധികളെ തരണം ചെയ്താണെന്ന് ഈ യുവാവ് പറയുന്നു.
അഞ്ജു അഹം ഫേസ്ബുക്കിൽ കുറിച്ച തന്റെ കഥ വൈറലാവുകയാണ് ഇപ്പോൾ. ഈ ഇന്ത്യൻ പ്രണയകഥ സോഷ്യൽമീഡിയ ഏറ്റെടുത്തുകഴിഞ്ഞു.
ബിഗ് ബോസ് മലയാളത്തിന്റെ മൂന്നാം സീസണില് നിന്നും പുറത്തായതിനു ശേഷം ബിഗ് ബോസ് വിശേഷങ്ങളും കുടുംബ വിശേഷങ്ങളുമൊക്കെ ആരാധകരുമായി പങ്കുവെക്കുകയാണ് ലക്ഷ്മി ജയന്. ഭര്ത്താവുമായി വേര്പിരിഞ്ഞതിനുള്ള കാരണത്തെ കുറിച്ചും ലക്ഷ്മി സംസാരിച്ചു. ബിഗ് ബോസ് മലയാളത്തിന്റെ മൂന്നാം സീസണില് നിന്നും ആദ്യം പുറത്തായ മത്സരാര്ഥിയായിരുന്നു ലക്ഷ്മി ജയന്.
ലക്ഷ്മിയുടെ വാക്കുകള്:
അച്ഛനോടൊപ്പം, ഭര്ത്താവിനോടൊപ്പം, മകനോടൊപ്പം, മൂന്ന് കാലഘട്ടവും ഞാന് നന്നായി സന്തോഷിച്ചിട്ടുള്ളതാണ്. എന്റെ മോന്റെ കൂടെയുള്ള ജീവിതം വളരെ മനോഹരമാണ്. ഭര്ത്താവിന്റെ കൂടെയായിരുന്നപ്പോള് നല്ല ഒരുപാട് നിമിഷങ്ങളുണ്ട്. അച്ഛന് നല്ല അടിയൊക്കെ തന്നിട്ടുണ്ടെങ്കിലും മികവുറ്റ സമയങ്ങളാണ് അതൊക്കെ. മൂന്ന് പേര്ക്കൊപ്പവും ഞാന് ഏറെ വിഷമിച്ച സമയങ്ങളും ഉണ്ടായിട്ടുണ്ട്. മോന്റെ കാര്യത്തില് അവനെ കാണാതെ ഇരിക്കുമ്പോഴുള്ള വിഷമമേ ഉണ്ടായിട്ടുള്ളു.
പിന്നെ അവന്റെ അച്ഛനും അമ്മയും ഒരുമിച്ച് നില്ക്കാന് പറ്റുന്നില്ലല്ലോ എന്ന സങ്കടമേ ഉള്ളു. എന്റെ ജീവിതത്തില് സങ്കടങ്ങളാണെങ്കിലും സന്തോഷമാണെങ്കിലും ഞാനത് നന്നായി ആസ്വദിക്കും. ഭര്ത്താവുമായിട്ടുള്ള ജീവിതത്തില് പാകപിഴ എന്നൊന്നും പറയാന് പറ്റില്ല. ചില ബന്ധങ്ങള് സുഹൃത്തുക്കളായി ഇരിക്കുമ്പോള് നല്ലതാണ്. ആ സുഹൃദ് ബന്ധം കാമുകി കാമുകന്മാരാവുമ്പോള് വിള്ളല് വരും. അത് വിവാഹത്തിലെത്തുമ്പോള് ചിലപ്പോള് നന്നായി വരികയും ചെയ്യും. ഓരോ ബന്ധങ്ങള്ക്കും ഓരോന്ന് പറഞ്ഞിട്ടുണ്ട്. ഞങ്ങള് ഭാര്യയും ഭര്ത്താവും ആയിരുന്നപ്പോള് അത്രയും ഓക്കെ അല്ലായിരുന്നു. സുഹൃത്തുക്കള് ആയിരുന്നപ്പോള് കുഴപ്പമില്ലായിരുന്നു. പാകപിഴ നോക്കുകയാണെങ്കില് അങ്ങോട്ടും ഇങ്ങോട്ടും കുറ്റങ്ങള് കാണും.
എന്റെ ശബ്ദം നിങ്ങള് കേള്ക്കുന്നുണ്ട്. അദ്ദേഹത്തിന്റെ ശബ്ദം കേള്ക്കാത്തത് കൊണ്ട് ഒന്നും പറയുന്നത് ശരിയല്ല. ഇപ്പോഴും അദ്ദേഹത്തെ വിളിക്കാറും സംസാരിക്കാറുമുണ്ട്. സുഹൃത്താണോന്ന് ചോദിച്ചാല് എന്റെ എല്ലാ കാര്യങ്ങളും ഷെയര് ചെയ്യുന്ന വ്യക്തിയൊന്നുമല്ല. ഞാന് വിളിക്കും, അദ്ദേഹം ഫോണും എടുക്കും. സുഖമാണോന്ന് ചോദിക്കും. അത്രയേയുള്ളു. എന്റെ ജീവിതത്തില് എന്തൊക്കെ പ്രശ്നങ്ങള് വന്നിട്ടുണ്ടോ, അതിനൊക്കെ പരിഹാരം ഉണ്ടാവാറുമുണ്ട്. ഞാന് ദൈവവുമായി ഭയങ്കരമായി കണക്ടഡ് ആണെന്ന് എനിക്ക് വിശ്വാസമുണ്ട്. അതുകൊണ്ട് തന്നെ തെറ്റ് ചെയ്യുന്ന അവസരമാണ് എനിക്ക് വലിയ ബുദ്ധിമുട്ടായി തോന്നാറുള്ളത്.
സിപിഐഎം നേതാവും തണ്ണീര്മുക്കം പഞ്ചായത്ത് മുന് പ്രസിഡന്റുമായ അഡ്വ. പി.എസ് ജ്യോതിസ് പാര്ട്ടി വിട്ട് എന്ഡിഎയില്. നിയമസഭാ തെരഞ്ഞെടുപ്പില് ചേര്ത്തല മണ്ഡലത്തില് എന്ഡിഎ സ്വതന്ത്ര സ്ഥാനാര്ത്ഥിയായി ജ്യോതിസ് മത്സരിക്കും.
മരുത്തോര്വട്ടം ലോക്കല് കമ്മറ്റി അംഗമായിരുന്ന ജ്യോതിസ് 25 വര്ഷത്തോളമായി സിപിഐഎമ്മില് പ്രവര്ത്തിക്കുകയായിരുന്നു. തെരഞ്ഞെടുപ്പില് അരൂരിലേക്ക് ജ്യോതിസിനെ ഇടതുസ്ഥാനാര്ത്ഥിയായി പരിഗണിക്കുമെന്ന സൂചനകള് ഉയര്ന്നിരുന്നു. എന്നാല് പിന്നീട് ഒഴിവാക്കിയതോടെ ജ്യോതിസ് പാര്ട്ടി വിടുകയായിരുന്നു.
മുതിര്ന്ന സിപിഐഎം നേതാവും എംഎല്എയുമായിരുന്ന എന്പി തണ്ടാരുടെ മരുമകനാണ് ചേര്ത്തല കോടതിയിലെ അഭിഭാഷകനായ ജ്യോതിസ്. എസ്എന്ഡിപി ചേര്ത്തല യൂണിയന് മുന് സെക്രട്ടറി പരേതനായ പികെ സുരേന്ദ്രന്റെ മകനാണ്.
അതേസമയം, ജ്യോതിസ് അടക്കം ആറു സ്ഥാനാര്ത്ഥികളെ ബിഡിജെഎസ് പ്രഖ്യാപിച്ചു. വര്ക്കലയില് എസ്ആര്എം അജി, കുണ്ടറയില് വനജ വിദ്യാധരന്, റാന്നിയില് കെ പത്മകുമാര്, അരൂരില് അനിയപ്പന്, കായംകുളം പ്രദീപ് ലാല് എന്നിവരാണ് മത്സരിക്കുക.
