ബാലതാരമായി വെള്ളിത്തിരയിലെത്തി സിനിമയിലും മിനിസ്ക്രീനിലും തിളങ്ങി നിന്ന താരമാണ് സജിത ബേട്ടി. നിരവധി സീരിയലുകളില് വില്ലത്തിയായും സഹനടിയായും ഹാസ്യ കഥാപാത്രങ്ങള് അവതരിപ്പിച്ചുമെല്ലാം സജിത പ്രേക്ഷക പ്രശംസ സ്വന്തമാക്കിയിരുന്നു. അതിനൊപ്പം ആല്ബങ്ങളിലും പരസ്യ ചിത്രങ്ങളിലും ടെലിവിഷന് അവതാരകയുടെ വേഷത്തിലുമൊക്കെ സജിത എത്തിയിരുന്നു.
വിവാഹ ശേഷവും സിനിമയില് അഭിനയിച്ചിരുന്നെങ്കിലും കുറച്ച് കാലത്തോളമായി നടിയെ എങ്ങും കാണാനില്ലായിരുന്നു. സജിത ബേട്ടി എവിടെ പോയി എന്ന് അന്വേഷിക്കുന്നവര്ക്ക് മുന്നിലേക്ക് നടി വീണ്ടും എത്തിയിരിക്കുകയാണ്. പ്രമുഖ മാധ്യമത്തിന്നല്കിയ അഭിമുഖത്തില് സിനിമയില് നിന്നും മാറി നില്ക്കാനുണ്ടായ കാരണത്തെ കുറിച്ചും തന്റെ കുടുംബത്തിലെ പുതിയ വിശേഷങ്ങള് സജിത പറഞ്ഞിരിക്കുകയാണ്.
അഭിനയ ജീവിതം ആരംഭിച്ചിട്ട് എത്ര വര്ഷമായെന്ന് കൃത്യമായി ഓര്മയില്ല. പ്രായം പറയാനുള്ള മടി കൊണ്ടല്ല, അങ്ങനെ ചിന്തിച്ചിട്ടില്ല. ബാലതാരമായിട്ടാണ് തുടക്കം. ഇതിനകം അറുപതില് കൂടുതല് സിനിമകള് ചെയ്തു. ദിലീപേട്ടന്റെ ലക്കി ആര്ട്ടിസ്റ്റ് എന്നാണ് അദ്ദേഹം എന്നെ കുറിച്ച് പറയുന്നത്. ദിലീപേട്ടന്റെ ഞാന് അഭിനയിച്ച എല്ലാ സിനിമകളും വലിയ ഹിറ്റാണ്.
മിസ്റ്റര് ആന്ഡ് മിസിസ് എന്ന സിനിമയിലാണ് ഞാന് ആദ്യം അഭിനയിച്ചത്. ടെലിവിഷനില് ടെലി ഫിലിമിലൂടെയാണ് തുടക്കം. ‘തഹസില്ദാര് താമരാഷന്’ എന്ന സിനിമയില് തെസ്നി ഖാന്റെ മകളായി അഭിനയിച്ചു. ചെറുതിലേ, പ്രായത്തില് കവിഞ്ഞ വേഷങ്ങള് ധാരളം ചെയ്തു. അത് കൊണ്ട് തന്നെ കൃത്യമായ ഒരു സെലക്ഷന് ഉണ്ടായിരുന്നില്ല. നായികയായി അഭിനയിക്കാനും സാധിച്ചില്ല. ബാലനടിയായി തുടങ്ങി, ഇത്ര കാലം തുടര്ച്ചയായി അഭിനയിക്കുകയായിരുന്നു.
സീരിയലില് കാവ്യഞ്ജലി, അമ്മക്കിളി, ആലിപ്പഴം, ഒക്കെ വലിയ ഹിറ്റുകളായിരുന്നു. സീരിയലില് എക്കാലവും വലിയ താരപദവി ലഭിച്ചിട്ടുണ്ട്. ഇനിയും അങ്ങനെ ആയിരിക്കുമെന്നാണ് പ്രതീക്ഷ. അഭിനയത്തില് രണ്ടര വര്ഷത്തോളമായി സജീവമല്ലെങ്കിലും എനിക്ക് ഗ്യാപ്പ് ഫീല് ചെയ്യുന്നില്ല. ഗര്ഭിണിയായിരുന്നപ്പോഴാണ് ‘സീത’ ചെയ്തത്. പിന്നീട് മാറി നില്ക്കുകയായിരുന്നു. എങ്കിലും ഉദ്ഘാടനങ്ങള്ക്കും മറ്റ് പരിപാടികള്ക്കുമൊക്കെ പങ്കെടുക്കുന്നുണ്ട്. ഗര്ഭിണിയായിരുന്നപ്പോള് അഞ്ചാം മാസത്തില് ഒരു സിനിമ ചെയ്തിരുന്നു. ഡെലവറി കഴിഞ്ഞാണ് അത് പൂര്ത്തിയാക്കിയത്.
ഷമാസിക്കയ്ക്ക് (ഭര്ത്താവ്) കണ്സ്ട്രക്ഷന് ബിസിനസാണ്. ഞങ്ങള് ഇപ്പോള് വയനാട്ടിലാണ് തമാസിക്കുന്നത്. എല്ലാവരും ചോദിക്കും പ്രണയ വിവാഹമായിരുന്നോ എന്ന്. വീട്ടുകാര് തീരുമാനിച്ച് ഉറപ്പിച്ച വിവാഹമായിരുന്നു എങ്കിലും ഇപ്പോള് ഞങ്ങള് നന്നായി പ്രണയിക്കുന്നുണ്ട്. നല്ല ഭര്ത്താവും നല്ല കുഞ്ഞും നല്ല കുടുംബവും കിട്ടിയതാണ് എന്റെ ജീവിതത്തിലെ ഏറ്റവും വലിയ ഭാഗ്യം. ഇപ്പോള് എന്റെ ലോകം ഭര്ത്താവും മോളും കുടുംബവുമാണ്. മോള്ക്കൊപ്പമാണ് എന്റെ മുഴുവന് സമയവുമെന്നും സജിത പറയുന്നു.
ഇപ്പോഴും ധാരാളം ഓഫറുകള് വരുന്നുണ്ട്. എന്നാല് മനസിനിണങ്ങിയ ഒരു കഥാപാത്രത്തിന് വേണ്ടിയാണ് ഞാന് കാത്തിരിക്കുന്നത്. അഭിനയം ഒരിക്കലും നിര്ത്തില്ല. ഷമാസിക്ക സ്റ്റോപ്പ് എന്ന് പറയുന്ന ദിവസം വരെ ഞാന് അഭിനയിക്കും. അദ്ദേഹത്തിന്റെ പിന്തുണയാണ് എന്റെ വലിയ സന്തോഷം. തല്കാലം സാഹചര്യം കൊണ്ട് മോള്ക്ക് വേണ്ടി മാറി നിന്നതാണ്. മോളുടെ വളര്ച്ച അടുത്ത് നിന്ന് കാണണമെന്നും നടി പറയുന്നു.
നിര്മാതാവ് ജോബി ജോര്ജിനെതിരെ സാമ്പത്തിക തട്ടിപ്പ് കേസ്. ഷെയ്ന് നിഗത്തിനെ പൂട്ടാന് ശ്രമിച്ച ജോബിക്ക് കുരുക്കുവീഴുന്നു. സാമ്പത്തിക തട്ടിപ്പ് കേസില് കുറ്റപത്രം നല്കാനൊരുങ്ങിയിരിക്കുകയാണ് ക്രൈംബ്രാഞ്ച്.
2012 ലായിരുന്നു നിര്മാതാവ് ജോബി ജോര്ജ് സാമ്പത്തിക തട്ടിപ്പ് കേസില് പ്രതിയായത്. ബ്രിട്ടണിലെ ന്യൂ കാസില് യൂണിവേഴ്സിറ്റിയില് എംബിബിഎസിന് അഡ്മിഷന് തരപ്പെടുത്തി നല്കാമെന്ന് പറഞ്ഞ് 30 പേരില് നിന്നായി 11 കോടി 50 ലക്ഷം രൂപ തട്ടിയെടുത്തെന്നായിരുന്നു പരാതി. മൂവാറ്റുപുഴ പൊലീസാണ് അന്ന് കേസ് രജിസ്റ്റര് ചെയ്തത്. പിന്നീട് കേസ് ക്രൈംബ്രാഞ്ചിന് കൈമാറി.
എന്നാല്, വര്ഷങ്ങളോളം കേസിന്റെ അന്വേഷണം മരവിച്ചിരുന്നു. എന്നാല്, ചലച്ചിത്രമേഖലയില് വിവാദങ്ങള് കൊഴുക്കുമ്പോഴാണ് ക്രൈംബ്രാഞ്ച് അന്വേഷണം പൂര്ത്തിയാക്കി കുറ്റപത്രം നല്കാന് ഒരുങ്ങുന്നത്. സിഐ ബൈജു പൗലോസാണ് കേസന്വേഷിച്ച് കുറ്റപത്രം കോടതിയില് സമര്പ്പിക്കുക.
മൂവാറ്റുപുഴ മുടവൂര് സ്വദേശി ബാബു ജോര്ജാണ് കേസിലെ പ്രധാന പരാതിക്കാരന്. ബാബു ജോര്ജിന്റെ മകന് എംബിബിഎസ് അഡ്മിഷന് ശരിയാക്കി നല്കാമെന്ന് വാഗ്ദാനം ചെയ്ത് 2 കോടി 47 ലക്ഷം രൂപ തട്ടിയെടുത്തെന്നായിരുന്നു പരാതി.
ലോകത്ത് ഏറ്റവും കൂടുതല് കുടുംബകലഹങ്ങളുണ്ടാകുന്ന നാട് ഒരുപക്ഷേ അമേരിക്കയായിരിക്കും. ഇതില് മാനസികമായി മാത്രമല്ല, ശാരീരികമായും പരിക്കേല്ക്കുന്നത് മഹാഭൂരിപക്ഷവും സ്ത്രീകള്ക്കാണ്. കണക്കുകള് അനുസരിച്ച് അമേരിക്കയില് ശരാശരി 40 ലക്ഷം സ്ത്രീകള്ക്കാണ് വര്ഷത്തില് വീട്ടിലെ പുരുഷന്മാരില്നിന്നും പരിക്കേല്ക്കുന്നത്. പതിനഞ്ചു വയസ്സിനും നാല്പ്പത്തിനാല് വയസ്സിനും മധ്യേയുള്ളവരാണ് ഇതിന്റെ ഇരകള്.
സ്ത്രീക്കും പുരുഷനും തുല്യപ്രാധാന്യവും പദവിയും എന്നൊക്കെയാണ് പറച്ചിലെങ്കിലും സ്ത്രീക്ക് എന്നും രണ്ടാംകിട സ്ഥാനമേ ലഭിക്കാറുളളൂ എന്നത് ഖേദകരമായ യാഥാര്ത്ഥ്യം. നമ്മുടെ ഈ കൊച്ചു കേരളത്തിലും സ്ത്രീകളുടെ സ്ഥിതി ഇതൊക്കെതന്നെയാണല്ലോ.
പുരുഷനുമായുള്ള സ്ത്രീയുടെ ഇടപഴകല് എല്ലാ അര്ത്ഥത്തിലും അവളുടെ ആയുസ്സുകുറയ്ക്കുമെന്നാണ് ഇപ്പോള് അമേരിക്കയില് നടത്തിയ പഠനങ്ങള് തെളിയിക്കുന്നത്. സ്ത്രീകളുടെ ആയുസ്സ് വര്ദ്ധിപ്പിക്കാന് പുരുഷന്മാരെ ആകാവുന്നതും അകറ്റി നിര്ത്തണമെന്ന് പഠനഫലങ്ങള് ഉപദേശിക്കുന്നു. പകരം സ്ത്രീകള് തമ്മിലുള്ള ഗാഢസൗഹൃദം ദീര്ഘായുസുവര്ദ്ധിപ്പിക്കുക മാത്രമല്ല സുന്ദരികളുമാക്കുമത്രെ!
കാലിഫോര്ണിയ യൂണിവേഴ്സിറ്റിയിലെ നരവംശ- സാമൂഹിക- ശാസ്ത്ര സംഘമാണ് സ്ത്രീകള്ക്ക് സ്ത്രീകള്തന്നെ കൂട്ടായാല് ആയുസ്സ് വര്ദ്ധിക്കുമെന്ന കണ്ടെത്താലുമായി രംഗത്തെത്തിയിരിക്കുന്നത്. പതിനാറു പേരടങ്ങുന്ന ഗവേഷകസംഘത്തില് പതിമൂന്നു പേരും പുരുഷന്മാരായിരുന്നുവെന്നതും ഓര്ക്കണം. എന്തായാലും പഠനഫലങ്ങള് പുരുഷന്മാര്ക്ക് അത്ര പിടിച്ചിട്ടില്ലെന്നാണ് ഉടന് വന്ന പ്രതികരണങ്ങളില്നിന്ന് വ്യക്തമാകുന്നത്.
സ്നേഹിതകള് തമ്മിലുള്ള അടുപ്പം മാനസികസമ്മര്ദ്ദം കുറയ്ക്കുമെന്നതാണ് ആയുസ്സുവര്ധിക്കാന് കാരണമാകുന്നതെന്ന് പഠനത്തില് പറയുന്നു. സ്ത്രീകള് പരസ്പരം സൗഹൃദം ദൃഢമാക്കുമ്പോള് മനസ്സില് താരതമ്യേന ശാന്തത വര്ദ്ധിക്കുമെന്ന് ശാസ്ത്ര സംഘത്തിലുണ്ടായിരുന്ന ഡോ. പീറ്റര് സണ്മെര്ക്ക് ചൂണ്ടിക്കാട്ടുന്നു. ഇത് രക്തസമ്മര്ദ്ദത്തേയും മറ്റ് പാര്ശ്വ ദുര്ഫലങ്ങളേയും ഒഴിവാക്കും. സ്ത്രീകള് തമ്മിലുള്ള ദൃഢസൗഹൃദം ഇവരില് ഓക്സിറ്റോസിന് എന്ന ഹോര്മോണ് ഉല്പ്പാദിപ്പിക്കാന് സഹായകരമാണ്.
ഇത് മാനസിക സംഘര്ഷങ്ങള് കുറയ്ക്കുന്നതാണ്. കൂടുതല് ശാന്തമായ മാനസികാവസ്ഥ കൈവരിക്കാന് ഇതുമൂലം കഴിയുന്നു.ഓക്സിറ്റോസിന് ഉല്പാദനത്തിന്റെ വര്ദ്ധനവ് അനുസരിച്ച് കൂടുതല് സ്നേഹിതകളുമായി കൂട്ടുകൂടാനുള്ള ഒരു ത്വരയുണ്ടാകുമെന്നാണ് ഗവേഷകര് പറയുന്നത്. ഇത് ചിലപ്പോള് ലെസ്ബിയനിസത്തിലേക്ക് (സ്വവര്ഗരതി പ്രേമത്തിലേക്ക്) നയിച്ചേക്കാനുള്ള സാധ്യതയും അവര് തള്ളിക്കളയുന്നില്ല. സ്വന്തം ലിംഗത്തിലുള്ളവരുമായി സൗഹൃദം സ്ഥാപിക്കാന് ഇത്തരക്കാര്ക്ക് താല്പര്യം കൂടുമെന്നാണ് നിരീക്ഷണങ്ങളില്നിന്നും ശാസ്ത്രസംഘത്തിന് മനസ്സിലായത്.
എന്നാല് ഈ പഠനറിപ്പോര്ട്ടിലൂടെ സ്ത്രീകളെ വഴിതെറ്റിക്കാനാണ് ഗവേഷകര് ശ്രമിക്കുന്നതെന്ന വാദവുമായി അമേരിക്കയില് പുരുഷകേസരികള് ഇളകിക്കഴിഞ്ഞു. പുരുഷന് സ്ത്രീക്ക് താങ്ങും തണലുമായി നില്ക്കണമെന്നും അതുവഴി വംശവര്ധനയും നിലനില്പും ഉണ്ടാവണമെന്നും പഠിപ്പിക്കുന്ന മതമേലാളരും യാഥാസ്ഥിതിക ചിന്തകരും പ്രതിഷേധവുമായി രംഗത്തെത്തിയിട്ടുണ്ട്.
പക്ഷേ എതിരഭിപ്രായവും പ്രതിക്ഷേധവുമായി എത്തുന്നവരോട് തല്ക്കാലം ഒന്നും മിണ്ടേണ്ടതില്ല എന്താണ് ഗവേഷണസംഘത്തിന്റെ തീരുമാനം. കാരണം ഇവര് ഇതേക്കുറിച്ചുള്ള കൂടുതല് പഠനങ്ങളില് മുഴുകിയിരിക്കയാണ്. ഇനിയും പുറത്തുവരാനിരിക്കുന്ന ഫലങ്ങള് പുരുഷന്മാര്ക്ക് ഇതിനേക്കാള് കനത്ത പ്രഹരമായിരിക്കുമെന്നും സുചനയുണ്ട്.
ലോകം ആരംഭം മുതലേ പുരുഷന്റെ കൈപ്പിടിക്കുള്ളിലാണെന്നാണ് ഭാവം. അത് അമേരിക്കയിലായാലും ഏഷ്യയിലായാലും വലിയ പുരോഗമനം പ്രസംഗിക്കുന്നവര്ക്കിടയിലായാലും ഒരുപോലെതന്നെ. ലോകത്തെവിടെയും സ്ത്രീകള് ആക്രമിക്കപ്പെടുന്നത് പുരുഷനാലാണ്. സ്ത്രീയുടെ ഭൂരിഭാഗം ദുരന്തങ്ങള്ക്കു പിന്നിലും പുരുഷന്റെ പങ്കുണ്ട്. ശാസ്ത്രസംഘത്തിന്റെ പുതിയ കണ്ടെത്തലില് അതിശയോക്തിയൊന്നുമില്ലെന്നും ലോകാരംഭം മുതല് ഈ പ്രശ്നങ്ങള് ഇവിടെ നിലനില്ക്കുന്നതാണെന്നും കാണാന് കഴിഞ്ഞാല് പ്രശ്നങ്ങള്ക്ക് ഇടമില്ലെന്നാണ് സ്വതന്ത്ര ചിന്തകള് പറയുന്നത്.
ഗവേഷണസംഘത്തില് ഭൂരിപക്ഷവും പുരുഷന്മാരായിരുന്നിട്ടും, ഗവേഷണത്തിലെ സത്യസന്ധമായ വിവരങ്ങള് ലോകത്തിനുമുന്നില് അവതരിപ്പിക്കാനുള്ള ആര്ജ്ജവം കാണിച്ചതില് സ്ത്രീ സംഘടനകള് പുരുഷസംഘാംഗങ്ങളെ അഭിനന്ദനങ്ങള്കൊണ്ട് മൂടുകയാണ്.
ഐപിഎല് താരലേലത്തിനുള്ള അന്തിമ പട്ടികയായി.971 താരങ്ങള് ലേലത്തില് പങ്കെടുക്കാനായി രജിസ്റ്റര് ചെയ്തിരുന്നെങ്കിലും ഇവരില് നിന്ന് 332 പേരെയാണ് അന്തിമ ലേലത്തിനായി തെരഞ്ഞെടുത്തിരിക്കുന്നത്. 19ന് കൊല്ക്കത്തയിലാണ് താരലേലം. ലേലത്തില് പരിഗണിക്കുന്ന കളിക്കാരുടെ അന്തിമ പട്ടിക എട്ട് ഫ്രാഞ്ചൈസികള്ക്കും ഐപിഎല് മാനേജ്മെന്റ് കൈമാറി.
ഇന്ത്യന് ദേശീയ ടീമില് കളിച്ച 19 കളിക്കാരും 24 പുതുമുഖങ്ങളും ഉള്പ്പെടുന്നതാണ് അന്തിമ പട്ടിക. 332 പേരില് നിന്നും ആകെ 73 കളിക്കാരെയാണ് ലേലത്തിലൂടെ എട്ട് ടീമുകള് കണ്ടെത്തുക. അതില് 29 വിദേശ താരങ്ങളുണ്ടാവണം. വെസ്റ്റ് ഇന്ഡീസ് പേസര് കെസ്രിക് വില്യംസ്, ബംഗ്ലാദേശ് താരം മുഷ്ഫീഖുര് റഹീം, ഓസീസ് ലെഗ് സ്പിന്നര് ആദം സാംപ, ടി10 ലീഗില് 25 പന്തില് സെഞ്ചുറി അടിച്ച സറേ താരം വില് ജാക്സ് എന്നിവരുള്പ്പെടെ 24 കളിക്കാരുടെ പേരുകളാണ് പുതിയതായി ഉള്പ്പെടുത്തിയത്.
ഇന്ത്യന് താരങ്ങളില് റോബിന് ഉത്തപ്പയ്ക്കാണ് ഉയര്ന്ന അടിസ്ഥാന വില, 1.5 കോടി. കഴിഞ്ഞ രണ്ട് താര ലേലത്തിലും വലിയ തുക ലഭിച്ച പേസര് ജയദേവ് ഉനദ്ഖട്ടിന്റെ അടിസ്ഥാന വില ഈ സീസണില് കുറഞ്ഞു. ഒരു കോടി രൂപയാണ് ഉനദ്ഘട്ടിന്റെ അടിസ്ഥാന വില. കഴിഞ്ഞ വട്ടം 1.5 കോടി രൂപയായിരുന്നു. വിദേശ താരങ്ങളില് ഓസീസ് ഓള് റൗണ്ടര് മാക്സ്വെല്ലിന് കൂറ്റന് തുക ലഭിക്കുമെന്നാണ് റിപോര്ട്ട്.
ഇംഗ്ലണ്ടിലേക്ക് വിസ വാഗ്ദാനം ചെയ്ത് ലക്ഷങ്ങളുടെ തട്ടിപ്പ് നടത്തിയ കുടുംബം പൊലീസ് പിടിയില്. മൈസൂര് കേന്ദ്രമാക്കി കണ്ണൂര്, കാസര്കോട് മേഖലകളിലെ നിരവധി പേരില് നിന്ന് ലക്ഷക്കണക്കിന് രൂപ തട്ടിയെടുത്ത സംഘമാണ് ബേക്കല് പൊലീസിന്റെ പിടിയിലായത്.
ഇംഗ്ലണ്ടിലേക്ക് വിസ തരാമെന്ന് വാഗ്ദാനം നല്കി വിവിധ ആളുകളില് നിന്ന് ഇരുപത് ലക്ഷത്തോളം രൂപ തട്ടിയെടുത്ത സംഘത്തെയാണ് ബേക്കല് പൊലീസ് മൈസൂരുവില് നിന്ന് പിടികൂടിയത്. മൈസൂര് സ്വദേശികളായ ജോണ് ബെന്ഹര് ഭാര്യ വീണ റോഡ്രിഗ്രസ്, ഇവരുടെ സഹോദരന് ഫ്രാന്സിസ് റോഡ്രിഗ്രസ് അചഛന് ഡെന്നിസ് എന്നിവരാണ് പൊലീസ് പിടിയിലായത്. രണ്ടുവര്ഷത്തോളമായി കണ്ണൂര്, കാസര്കോട് ജില്ലകളില് നിന്നായി ഇരുപത് ലക്ഷത്തോളം രൂപയാണ് വിവിധ ആളുകളില് നിന്ന് ഇവര് തട്ടിയെടുത്തത്. ബേക്കല് പൊലീസ് സബ് ഇന്സ്പെക്ടര് അജിത് കുമാറിന്റെ നേതൃത്വത്തിലുളള പൊലീസ് സംഘമാണ് തട്ടിപ്പ് സംഘത്തെ പിടികൂടിയത്.
വിസ വാഗ്ദാനം നല്കി കര്ണാടകയിെല വിവിധ ഭാഗങ്ങളില് ഇവര് തട്ടിപ്പ് നടത്തിയതായി പൊലീസിന് വിവരം ലഭിച്ചിട്ടുണ്ട്. കേരളത്തില് കോഴിക്കോട്, എറണാകുളം ജില്ലകളിലും സമാനമായി ഇവര്ക്കെതിരെ പരാതികള് ലഭിച്ചതായി അന്വേഷണത്തില് കണ്ടെത്തിയിട്ടുണ്ട്. സൈബര് സെല്ലിന്റെ സഹായത്തോടെയാണ് ബേക്കല് പൊലീസ് പ്രതികളെ മൈസൂരവില് നിന്ന് പിടികൂടിയത്. പ്രതികളെ ഹോസ്ദുര്ഗ് ഒന്നാം ക്ലാസ് മജിസ്ട്രേറ്റ് കോടതിയില് ഹാജരാക്കിയതിനുശേഷം റിമാന്ഡ് ചെയ്തു.
അതിബുദ്ധിയും ആത്മവിശ്വാസവുമാണ് വിദ്യ വധക്കേസിൽ ഭർത്താവ് പ്രേംകുമാറിനെ കുടുക്കിയത്. തന്നോടു കലഹിച്ച് ഹൈദരാബാദിലേക്കു തിരികെ പോകാൻ ഒരുങ്ങിയ സുനിതയെ കുടുക്കാൻ ലക്ഷ്യമിട്ടാണ് പ്രേംകുമാർ പൊലീസിനു വാട്സാപ് സന്ദേശം അയച്ചതെന്നാണ് പൊലീസിനു ലഭിക്കുന്ന സൂചന. സുനിതയെ കുടുക്കി തനിക്കു സുരക്ഷിതമായി ബഹ്റൈനിലേക്കു പോകാമെന്നായിരുന്നു പ്രേംകുമാർ കണക്കു കൂട്ടിയത്. അതിനായി കാറും ബൈക്കും എസി അടക്കമുള്ള വീട്ടുപകരണങ്ങളും വിറ്റു. എന്നാൽ ഓർഫനേജിലേക്കുള്ള മകന്റെ അഡ്മിഷൻ വൈകിയതിനാൽ ഇയാളുടെ കണക്കുകൂട്ടൽ തെറ്റുകയായിരുന്നു.
കൊലപാതകം നടന്ന ശേഷം സഹായത്തിനായി വിളിച്ച സുഹൃത്തിനെക്കൂടി പൊലീസിനു പിടികൂടാനുണ്ട്. അതിനുള്ള ശ്രമത്തിലാണ് പൊലീസ്. മൃതദേഹം ഉപേക്ഷിക്കാൻ ഉപയോഗിച്ച കാർ പ്രേംകുമാറിൽ നിന്നു വാങ്ങിയ ആളിൽനിന്നു കണ്ടെടുത്ത് ഉടനെ കോടതിക്കു കൈമാറും. വരും ദിവസങ്ങളിൽ, കൊലപാതകം നടന്ന സ്ഥലത്ത് ഉൾപ്പടെ ശാസ്ത്രീയ പരിശോധനകളും നടത്തുമെന്ന് പൊലീസ് വ്യക്തമാക്കി. കൊലപാതകത്തിന് ഉപയോഗിച്ച കയറും കണ്ടെടുക്കാനുണ്ട്. വിദ്യയുടെ പോസ്റ്റ്മോർട്ടം ഒരു പ്രാവശ്യം നടന്നിരുന്നതിനാൽ ഇനിയും ആവശ്യമുണ്ടോ എന്നു പരിശോധിക്കും. മെഡിക്കൽ കോളജിലെ ഡോക്ടർമാരാണ് പോസ്റ്റ്മോർട്ടം നടത്തിയത്. അതുകൊണ്ടുതന്നെ സാധാരണ നിലയിൽ വീണ്ടും വേണ്ടി വരാൻ സാധ്യതയില്ല.
വിദ്യയുടെ മൃതദേഹം കഷണങ്ങളാക്കി കളയാൻ പ്രതികൾ പദ്ധതിയിട്ടിരുന്നതായി പൊലീസ്. ഇതിനായി രണ്ട് സർജിക്കൽ ബ്ലേഡുകൾ പ്രേംകുമാർ വാങ്ങിയിരുന്നതായി െപാലീസ് അറിയിച്ചു. മൃതദേഹം മുറിച്ചപ്പോൾ രക്തം വന്നതിനാലാണ് പദ്ധതി ഉപേക്ഷിച്ചതെന്ന് അന്വേഷണത്തിൽ വ്യക്തമായി. മൃതദേഹം കാറിൽ ഇരുത്തിയാണ് െകാണ്ടുപോയത്. കൊലപാതക വിവരം അറിഞ്ഞിട്ടും പൊലീസിൽ അറിയിക്കാതെ തെളിവുകൾ നശിപ്പിക്കാൻ നിർദേശം നൽകിയ കൂട്ടുകാരനെയും കേസിൽ പ്രതിചേർത്തേക്കും.
സുനിതയുമായുള്ള ബന്ധം പ്രേംകുമാറിന്റെ ഭാര്യ വിദ്യ അറിഞ്ഞതോടെയാണു ഭാര്യയെ കൊലപ്പെടുത്താൻ പ്രേംകുമാറും സുനിതയും തീരുമാനിച്ചത്. വിദ്യയെ കാണാനില്ല എന്ന പരാതിയിൽ അന്വേഷണം നടക്കുമ്പോഴാണ് പ്രേംകുമാറിന്റെ ഫോണിൽനിന്ന് പൊലീസ് ഉദ്യോഗസ്ഥന്റെ ഫോണിലേക്ക് വാട്സാപ് ഓഡിയോ എത്തുന്നത്. ഉടൻ തന്നെ പൊലീസ് വേണ്ട നടപടികൾ സ്വീകരിച്ചതിനാലും പ്രേംകുമാറിന്റെ മകന്റെ അഡ്മിഷൻ വൈകിയതിനാലുമാണ് കേസ് തെളിയിക്കാനും പ്രതിയെ പിടികൂടാനും പൊലീസിനു സാധിച്ചത്. ഡിസംബർ 6 നാണു വാട്സാപ് ഓഡിയോ എത്തുന്നത്. തുടർന്നു നടന്ന സംഭവങ്ങൾ….
പൊലീസ് ഉദ്യോഗസ്ഥർക്കെതിരെ പരാതി നൽകിയപ്പോൾത്തന്നെ പ്രേംകുമാർ ആയിരിക്കാം പ്രതി എന്നുള്ള സംശയത്തിലേക്കു പൊലീസ് എത്തിയിരുന്നു. എന്നാൽ വാദിയായ പ്രേംകുമാറിനെ കസ്റ്റഡിയിൽ എടുക്കാൻ തക്ക തെളിവുകൾ കിട്ടിയിരുന്നില്ല. ഇതിനിടെയാണ് പൊലീസ് ഉദ്യോഗസ്ഥൻ ജോസിന്റെ ഫോണിലേക്ക് 6 ന് ഉച്ചയോടെ ‘എനിക്ക് അവളെ കൊല്ലേണ്ടി വന്നു’ എന്നുള്ള വാട്സാപ് ഓഡിയോ അയയ്ക്കുന്നത്. ഈ സമയം പ്രേംകുമാർ ബഹ്റൈനിൽ പോകാൻ ടിക്കറ്റ് അടക്കം തയാറാക്കി വച്ചിരുന്നു. തുടർന്ന് വൈകിട്ടു തിരുവനന്തപുരത്തുനിന്നു തന്നെ വിമാനം കയറാനാണ് ഉദ്ദേശിച്ചിരുന്നത്. എന്നാൽ മകന്റെ ഓർഫനേജിലേക്കുള്ള അഡ്മിഷൻ സാങ്കേതിക തടസം മൂലം വൈകിയതിനാൽ യാത്ര റദ്ദാക്കുകയായിരുന്നു.
ഏഴാംതീയതി വീണ്ടും ചെന്ന് അഡ്മിഷൻ എടുത്ത ശേഷം ബെംഗളൂരുവിൽനിന്ന് 10 നു ബഹ്റൈനിലേക്ക് പോകാനായിരുന്നു പ്രേംകുമാർ ലക്ഷ്യമിട്ടത്. എന്നാൽ അഡ്മിഷൻ എടുക്കാൻ നിൽക്കുമ്പോൾ പൊലീസ് എത്തിയതോടെ പദ്ധതികൾ പൊളിഞ്ഞു. പൊലീസ് ഉടൻ ഇയാളെ കസ്റ്റഡിയിൽ എടുത്ത് ഉദയംപേരൂരിൽ കൊണ്ടുവന്നു പ്രാഥമിക ചോദ്യംചെയ്യൽ നടത്തി.
അന്വേഷിക്കുന്ന വനിതാ ഉദ്യോഗസ്ഥർ അടക്കമുള്ള പൊലീസ് സംഘം , പ്രേംകുമാർ നൽകിയ മൊഴിയുടെ അടിസ്ഥാനത്തിൽ 8 നു വൈകിട്ട് തിരുവനന്തപുരത്തേക്ക് കേസ് അന്വേഷണത്തിനായി തിരിച്ചു. വാടകയ്ക്ക് എടുത്ത കാറിൽ ആയിരുന്നു യാത്ര. സിഐ കെ. ബാലൻ മാത്രമാണ് പൊലീസ് യൂണിഫോമിൽ ഉണ്ടായിരുന്നത്.
9 നു രാവിലെ തിരുനൽവേലിയിൽ പോയി മൃതദേഹം കിടന്ന സ്ഥലം പ്രേംകുമാർ പൊലീസിന് കാണിച്ചു കൊടുത്തു. ഉടൻ തന്നെ സമീപത്തെ പൊലീസ് സ്റ്റേഷനുമായി ബന്ധപ്പട്ടു. പ്രേംകുമാർ പറഞ്ഞ സ്ഥലത്തുനിന്ന് മൃതദേഹം ലഭിച്ചിരുന്നോ എന്നാണ് ആദ്യം പൊലീസ് ആരാഞ്ഞത്. ഒരു സ്ത്രീയുടെ അജ്ഞാത ശരീരം ലഭിച്ചിരുന്നുവെന്നും തിരിച്ചറിയാനാവാത്തതിനാൽ മറവു ചെയ്തുവെന്നുമാണ് തിരുനൽവേലി വള്ളിയൂർ പൊലീസ് സിഐ തിരുപ്പതി നൽകിയ വിശദീകരണം. മൃതദേഹത്തിന്റെ ഫോട്ടോയും കൈമാറി. ഉടൻ ഉദയംപേരൂർ പൊലീസ് സ്റ്റേഷനിലേക്ക് അയച്ചു കൊടുത്ത് ബന്ധുക്കളെ കാണിച്ച് മൃതദേഹം വിദ്യയുടേതു തന്നെയെന്ന് ഉറപ്പിച്ചു. ഇതോടെയാണ് കസ്റ്റഡിയിൽ ഉണ്ടായിരുന്ന പ്രേംകുമാറിന്റെ അറസ്റ്റ് രേഖപ്പെടുത്തുന്നത്. തുടർന്ന് വെള്ളറടയിലെ സുഹൃത്തിന്റെ വീട്ടിൽ നിന്നാണ് കൂട്ടുപ്രതി സുനിത ബേബിയെ അറസ്റ്റ് ചെയ്യുന്നത്.
പ്രേംകുമാറിനെയും കൂട്ടുപ്രതി സുനിത ബേബിയെയും 24 വരെ പൊലീസ് കസ്റ്റഡിയിൽ വിട്ടിരുന്നു. ഇന്ന് ഉദയംപേരൂരിലും വരും ദിവസങ്ങളിൽ തിരുവനന്തപുരത്തും തമിഴ്നാട്ടിലെ തിരുനൽവേലി വള്ളിയിരൂരിലും എത്തിച്ചു തെളിവെടുപ്പു നടത്തുമെന്നു പൊലീസ് പറഞ്ഞു. ഇന്നലെ രാത്രിയോടെ ഇവരെ അന്വേഷണ സംഘം വീണ്ടും ചോദ്യം ചെയ്തു.
കോടതിയിൽ ഹാജരാക്കാൻ എത്തിച്ചപ്പോൾ ‘കൊലപാതകത്തിനു കാരണക്കാരായ പലരും പുറത്തുണ്ട്’ എന്നു പ്രേംകുമാർ മാധ്യമങ്ങളോടു പറഞ്ഞു. പ്രേംകുമാറിനെ ഉദയംപേരൂർ പൊലീസ് സ്റ്റേഷൻ സെല്ലിലും സുനിതയെ മറ്റൊരു മുറിയിൽ വനിത പൊലീസിന്റെ നിരീക്ഷണത്തിലുമാണ് പാർപ്പിച്ചത്. ഇന്ന് രാവിലെ ഉദയംപേരൂർ നടക്കാവിൽ പ്രേംകുമാറും ഭാര്യ വിദ്യയും താമസിച്ചിരുന്ന വാടക വീട്ടിൽ എത്തിച്ചു തെളിവെടുക്കും. കൊലപാതകത്തിന് ഉപയോഗിച്ച കയർ വാങ്ങിയ തൃപ്പൂണിത്തുറ മാർക്കറ്റിനു സമീപത്തെ കട, മദ്യം വാങ്ങിയ ചൂരക്കാട്ടെ ബവ്റിജസ് കോർപറേഷൻ ഔട്ലെറ്റ് എന്നിവിടങ്ങളിലും എത്തിക്കും.
കേന്ദ്ര സർക്കാരിനെതിരെ കോൺഗ്രസ് പ്രക്ഷോഭം നാളെ ഡൽഹിയിൽ. രാംലീല മൈതാനത്തു നടക്കുന്ന മഹാറാലിക്ക് കോൺഗ്രസ് അധ്യക്ഷ സോണിയ ഗാന്ധി നേതൃത്വം നൽകും.
പൗരത്വ ഭേദഗതി ബിൽ, സാമ്പത്തിക തകർച്ച, തൊഴിലില്ലായ്മാ, സ്ത്രീകൾക്കെതിരെയുള്ള അതിക്രമങ്ങൾ തുടങ്ങിയ വിഷയങ്ങൾ ഉയർത്തികാട്ടിയാണ് കോൺഗ്രസ് പ്രക്ഷോഭം. ഡൽഹിയിൽ ഇത് വരെ സംഘടിപ്പിച്ചിട്ടുള്ളതിൽ വെച്ച് ഏറ്റവും വലിയ റാലിയായിരിക്കുമെന്നാണ് കോൺഗ്രസ് അവകാശവാദം. കോൺഗ്രസ് അധ്യക്ഷ സോണിയ ഗാന്ധി പ്രക്ഷോഭത്തിന് നേതൃത്വം നൽകും. റാലിക്കുള്ള ഒരുക്കങ്ങൾ രാംലീലാ മൈതാനത്ത് പൂർത്തിയായി.
പൗരത്വ ബില്ലിനെതിരെയും സ്ത്രീകൾക്കെതിരെയുള്ള അക്രമങ്ങൾ വർധിക്കുന്നതിനെതിരെയും റാലിയിൽ പ്രതിഷേധമുയരും. കേരളമടക്കമുള്ള സംസ്ഥാനങ്ങളിൽ നിന്നുള്ള നേതാക്കളും സമ്മേളനത്തിനെത്തും. കഴിഞ്ഞ മാസം സംസ്ഥാന, ജില്ലാ തലങ്ങളിൽ നടത്തിയ പ്രതിഷേധ പരിപാടികളുടെ സമാപനമാണ് റാലി.
എന്നാൽ അക്രമാസക്തമായ പ്രക്ഷോഭം തുടരുന്ന അസമില് ചിലമേഖലകളില് കര്ഫ്യൂവില് ഇളവ് പ്രഖ്യാപിച്ചു. .ദിബ്രുഗഡ് നഗരമേഖലയിലും ചന്ദ്രിനാരിയിലുമാണ് അഞ്ചു മണിക്കൂര് ഇളവ്. ഗുവാഹത്തിയിലും ചന്ദ്രിനാരിയിലും സൈന്യം ഫ്ലാഗ് മാര്ച്ച് നടത്തി. പൗരത്വബില്ലിനെതിരായ പ്രതിഷേധം ഏറ്റവും ശക്തമായി പ്രകടമായ മേഖലയാണ് ചന്ദ്രിനാരി. അതേസമയം പ്രക്ഷോഭം തുടരുമെന്ന് ഓള് അസം സ്റ്റുഡന്റ്സ് യൂണിയന് അറിയിച്ചു.
പൗരത്വബില്ലിനെതിരെ കലാ സാഹിത്യ ചലച്ചിത്രമേഖലകളിലെ പ്രമുഖര് പങ്കെടുക്കുന്ന പത്തുമണിക്കൂര് ഉപവാസ സമരം രാവിലെ മുതല് ആരംഭിച്ചു. കര്ഫ്യൂവിനെതുടര്ന്ന് ജനജീവിതം പലേടത്തും സ്തംഭിച്ചു. പത്തു ജില്ലകളില് ഇന്റര്നെറ്റ് സേവനങ്ങള് രണ്ടു ദിവസത്തേക്ക്കൂടി നിര്ത്തിവച്ചു. ഇന്നലെ പൊലീസ് വെടിവയ്പില് രണ്ടുപേരാണ് അസമില് കൊല്ലപ്പെട്ടത്.
അതേസമയം ജപ്പാൻ പ്രധാനമന്ത്രി ഷിന്സോ ആബെ ഇന്ത്യ സന്ദര്ശനം റദ്ദാക്കുമെന്ന് റിപ്പോര്ട്ട്. മോദി – ഷിന്സോ ആബെ കൂടിക്കാഴ്ച നടക്കേണ്ടത് ഞായറാഴ്ച ഗുവാഹത്തിയിലാണ്. ഇന്നലെ ബംഗ്ലദേശ് വിദേശകാര്യമന്ത്രി അബ്ദുല് മോമന് ഇന്ത്യാ സന്ദര്ശനം റദ്ദാക്കിയിരുന്നു. നയതന്ത്ര ഓഫിസിനു നേരെയുണ്ടായ ആക്രമണത്തില് പ്രതിഷേധവുമായി ബംഗ്ലദേശ് രംഗത്തെത്തിയിരുന്നു. ഇന്ത്യന് ഹൈക്കമ്മിഷണറെ വിളിച്ചുവരുത്തി. സുരക്ഷ കൂട്ടണമെന്നും ആവശ്യം.
പാലക്കാട്ട് കുട്ടിയെ ഇടിച്ചിട്ടശേഷം വഴിയില് ഉപേക്ഷിച്ച കാർ കസ്റ്റഡിയിൽ. മലപ്പുറം പുത്തനത്താണി സ്വദേശി അഷറഫിന്റേതാണ് കാറെന്ന് തിരിച്ചറിഞ്ഞിട്ടുണ്ട്. ചിറ്റൂര് നല്ലേപ്പിള്ളി സുദേവന്റെ മകന് സുജിതാണ് മരിച്ചത്. ഇന്നലെ വൈകിട്ട് അഞ്ചിനായിരുന്നു അപകടം. ഇടിച്ച കാറില് തന്നെ ആശുപത്രിയിലേക്കു പോകും വഴി ഈ കാറില് നിന്ന് കുട്ടിയെ ഇറക്കിവിട്ടായിരുന്നു ക്രൂരത. കുട്ടി ഒരു മണിക്കൂറിനകം മരിച്ചു.
റോഡരികിൽ നിൽക്കുകയായിരുന്ന സുജിത്തിനെ കാർ ഇടിച്ചു വീഴ്ത്തുകയായിരുന്നുവെന്നു സ്ഥലത്തുണ്ടായിരുന്നവർ പറഞ്ഞു. റോഡിലേക്കു തെറിച്ചുവീണ കുട്ടിയെ ആശുപത്രിയിലേക്കു കൊണ്ടുപോയെങ്കിലും ഇടയ്ക്കു വച്ചു ടയർ പഞ്ചറായെന്നു പറഞ്ഞു കുട്ടിയെയും തന്നെയും ഇറക്കി കാർ യാത്രക്കാർ സ്ഥലം വിടുകയായിരുന്നെന്നു കൂടെ പോയ പരമൻ എന്നയാൾ പറഞ്ഞു.
6 കിലോമീറ്റർ അകലെയുള്ള നാട്ടുകല്ലിലെ സ്വകാര്യ ആശുപത്രിയിലേക്കു പോകാനാണു പറഞ്ഞതെങ്കിലും ചെവിക്കൊള്ളാതെ ഡ്രൈവർ പാലക്കാട് ഭാഗത്തേക്കാണു പോയതെന്നു പരമൻ പറഞ്ഞു. എന്നാൽ, അരകിലോമീറ്റർ മുന്നോട്ടു പോയപ്പോഴാണ് ടയർ പഞ്ചറായെന്നും ഇറങ്ങി മറ്റൊരു വാഹനത്തിൽ ആശുപത്രിയിലെത്തിക്കാനും ഡ്രൈവർ പറഞ്ഞത്. ഇതോടെ, പെട്ടെന്ന് ഇറങ്ങി എതിരെ വന്ന വാൻ കൈകാണിച്ചു നിർത്തി നാട്ടുകല്ലിലെ ആശുപത്രിയിലെത്തിക്കുകയായിരുന്നുവെന്നു പരമൻ പറഞ്ഞു.
പൗരത്വ ഭേദഗതി ബില്ലിനെ ആസാം ജനത ഭയക്കേണ്ടതില്ലെന്ന പ്രധാനമന്ത്രി നരേന്ദ്ര മോദിയുടെ പ്രസ്താവനയ്ക്കെതിരെ കോൺഗ്രസ്. അവിടെ ഇന്റര്നെറ്റ് ഇല്ലെന്നും സന്ദേശം ആര്ക്കും വായിക്കാന് കഴിയില്ലെന്നും പരിഹസിച്ച് കോണ്ഗ്രസ്.
പൗരത്വബില് പാര്ലമെന്റ് പാസാക്കിയതിനെ തുടര്ന്നു വടക്കുകിഴക്കന് സംസ്ഥാനങ്ങളില് ശക്തമായ സംഘര്ഷം കത്തിപ്പടരുന്ന സാഹചര്യത്തില് പ്രധാനമന്ത്രി സമാധാന സന്ദേശം ട്വീറ്റ് ചെയ്തിരുന്നു.
നിങ്ങളുടെ അവകാശങ്ങളും മനോഹരമായ സംസ്കാരവും അസ്തിത്വവും കവര്ന്നെടുക്കാന് ആര്ക്കും കഴിയില്ലെന്ന് ഞാന് ഉറപ്പു തരുന്നു. അതു മേല്ക്കുമേല് വളരുക തന്നെ ചെയ്യും.
– പ്രധാനമന്ത്രി ട്വിറ്ററില് കുറിച്ചു. അസമിലെ സഹോദരീ സഹോരന്മാര്ക്ക് യാതൊരു ആശങ്കയും വേണ്ടെന്നും മോദി വ്യക്തമാക്കി.
തൊട്ടുപിന്നാലെയാണ് മോദിയെ പരിഹസിച്ച് കോണ്ഗ്രസ് രംഗത്തെത്തിയത് അസമിലെ നമ്മുടെ സഹോദരീ, സഹോദരന്മാര്ക്ക് താങ്കളുടെ സമാധാന സന്ദേശം വായിക്കാന് കഴിയില്ല മോദിജീ. താങ്കള് മറന്നെങ്കില് ഓര്മിപ്പിക്കാം, അവിടെ ഇന്റര്നെറ്റ് ബന്ധം വിച്ഛേദിച്ചിരിക്കുകയാണ്.
അസമും കശ്മീര് പോലെ നിന്ന് കത്തുകയാണ്. രാജ്യം കത്തുന്ന സമയത്ത് ഈ ആധുനിക നീറോമാര് വീണവായിക്കുകയാണ്. ഹനുമാന് ലങ്ക മാത്രമായിരുന്നു തീയിട്ടത്. എന്നാല് ഈ ആധുനിക ഹനുമാന് ഇന്ത്യയെ മുഴുവന് തീയിട്ട് ചാമ്പലാക്കുകയാണ്’- മാര്ക്കണ്ഡേയ കട്ജു വ്യക്തമാക്കി.
അതേസമയം പൗരത്വ ഭേദഗതി നിയമം പാര്ലമെന്റ് പാസാക്കിയതിന് പിന്നാലെ അസമില് പ്രതിഷേധം കൂടുതല് കരുത്താര്ജ്ജിച്ചു. അസം മേഖലയിലേക്കുള്ള പത്തിൽ അതികം പാസഞ്ചര് ടെയ്രിന് സര്വ്വീസുകള് റെയില്വേ റദ്ദാക്കി. ത്രിപുരയിലേക്കുള്ള തീവണ്ടികളും ഇപ്പോള് റദ്ദാക്കിയിട്ടുണ്ട്. ത്രിപുരയിൽ അടക്കം മൊബൈല് ഫോണ് – ഇന്റര്നെറ്റ് സേവനങ്ങളും റദ്ദാക്കിയതായാണ് റിപ്പോർട്ട്.
ഗുവാഹത്തിയിലെ രണ്ട് റെയില്വേ സ്റ്റേഷനുകള്ക്ക് ഇന്നലെ തീയിട്ട സാഹചര്യത്തില് 12 കമ്പനി റെയില്വേ സംരക്ഷണസേനയെ വടക്കുകിഴക്കന് സംസ്ഥാനങ്ങളിലേക്ക് അയച്ചിട്ടുണ്ട്. അസമിന്റെ തലസ്ഥാനമായ ഗുവാഹത്തിയില് ഇന്നലെ പ്രഖ്യാപിച്ച കര്ഫ്യൂ അനിശ്ചിതകാലത്തേക്ക് നീട്ടിയിട്ടുണ്ട്. ഇന്നലെ രാത്രി വൈകിയും ജനങ്ങള് റോഡിലിറങ്ങി പ്രതിഷേധിക്കുകയായിരുന്നുവെന്ന് ഗുവാഹത്തിയിലെ പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നുണ്ട്.
വിദ്യാര്ത്ഥി-യുവജന-കര്ഷകസംഘടനകളെല്ലാം തന്നെ സമരരംഗത്ത് സജീവമാണ് എന്നാല് ഒരു സംഘടനയുടേയും നേതൃത്വമില്ലാതെ തന്നെ കൂടുതല് ജനങ്ങള് തെരുവില് പ്രതിഷേധത്തിന് ഇറങ്ങിയത് അധികൃതര്ക്ക് തലവേദനയായിട്ടുണ്ട്. സംഘര്ഷം വ്യാപിച്ചതിനെ തുടര്ന്ന് സൈന്യം ഗുവാഹത്തിയില് ഫ്ളാഗ് മാര്ച്ച് നടത്തി. ബിജെപിയുടേയും അസം ഗണം പരിക്ഷത്തിന്റേയും നേതാക്കളുടെ വീടുകള്ക്ക് നേരെ ആക്രമണമുണ്ടായതിനെ തുടര്ന്ന് പൊലീസ് അതീവജാഗ്രതയിലാണ്.
