ഇടുക്കിയിൽ മലവെള്ളപാച്ചിലിൽ സ്ത്രീയുടേതെന്ന് സംശയിക്കുന്ന മൃതദേഹം ഒഴുകി വന്നു. തലയില്ലാത്ത ശരീരമാണ് കണ്ടെത്തിയത്. ഉടലും കൈകളും മാത്രമാണ് മൃതദേഹത്തിലുള്ളത്. കുഞ്ചിത്തണ്ണിയ്ക്ക് സമീപം മുതിരപ്പുഴയാറിൽ എല്ലക്കൽ പാലത്തിന് സമീപമാണ് ഒഴുകി വന്ന മൃതദേഹം നാട്ടുകാരുടെ ശ്രദ്ധയിൽപ്പെടുന്നത്.

കനത്ത മഴയെത്തുടർന്ന് മണ്ണിടിഞ്ഞ് റോഡുകളിൽ ഗതാഗത തടസ്സം തടസപ്പെട്ടിരുന്നു. ഗതാഗതം പുന:സ്ഥാപിക്കാൻ പോയ കുഞ്ചിത്തണ്ണി ടൗണിലെ ഓട്ടോറിക്ഷാ ഡ്രൈവർമാരാണ് വെള്ളപ്പാച്ചിലിൽ മനുഷ്യശരീരം ഒഴുകി വരുന്നത് ശ്രദ്ധയിൽപ്പെട്ടത്. തോട്ടിയും കയറും ഉപയോഗിച്ച് മൃതദേഹം ഒഴുകി പോകാതെ ഇവർ തടഞ്ഞിട്ടു. പിന്നീട് രാജാക്കാട് പോലീസ് സ്റ്റേഷനിൽ വിവരമറിയിക്കുകയായിരുന്നു.
പൊലീസ് സംഘം എത്തിയശേഷമാണ് ശരീരഭാഗങ്ങൾ കരക്കെടുത്തത്. സ്ത്രിയുടേതെന്ന് തോന്നിക്കുന്ന ഉടലും കൈകളുമാണ് കണ്ടെത്തിയത്. ജീർണിച്ചു തുടങ്ങിയ അവസ്ഥയിലാണ് ശരീരഭാഗം. ഇൻക്വസ്റ്റ് തയാറാക്കി ഫോറൻസിക് പരിശോധനയ്ക്കായി ശരീരഭാഗം കോട്ടയം മെഡിക്കൽ കോളേജിലേക്ക് മാറ്റി.
ഇവിടെ നിന്ന് രണ്ടു കിലോമീറ്റർ മുകളിൽ കുഞ്ചിത്തണ്ണി പാലത്തിന് സമീപത്ത് നിന്ന് ഒരു മാസം മുമ്പ് യുവതിയുടെ ഇടതുകാൽ നാട്ടുകാർക്ക് ലഭിച്ചിരുന്നു. ഇതും കോട്ടയം മെഡിക്കൽ കോളേജിൽ കൊണ്ടുപോയി ഫോറൻസിക് പരിശോധന നടത്തിയിരുന്നു. ആറ്റുകാട്ടിൽ നിന്ന് പുഴയിൽ കാണാതായ വിജി എന്ന യുവതിയെയും പത്തനംതിട്ട മുക്കൂട്ടുതറയിൽ നിന്ന് കാണാതായ ജെസനയെയും ബന്ധപ്പെടുത്തി പോലീസ് ഡി.എൻ.എ പരിശോധനയ്ക്ക് അയച്ചിരുന്നു. ഇതിനിടെയാണ് ഉടലും കൈകളും ലഭിച്ചത്.
അരയ്ക്ക് താഴ്പോട്ടും കഴുത്തിന് മുകളിലേക്കുമില്ലാത്ത ശരീരഭാഗം ലഭിച്ചത് കൊലപാതകമാണെന്ന സൂചനയാണ് നൽകുന്നത്. കഴുത്തിലെയും അരയിലെയും മുറിവ് വെട്ടിമുറിച്ചതിന് സമാനമാണെന്ന് ദൃക്സാക്ഷികൾ പറയുന്നു.

അണക്കെട്ടുകൾ തുറന്ന് പുഴയിൽ വെള്ളം നിറഞ്ഞതോടെ ആലുവയിൽ കാഴ്ച കാണാനും സെൽഫിയെടുക്കാനും തിരക്ക്. ഇതോടെ ആലുവ മാര്‍ത്താണ്ഡവർമ്മ പാലത്തിൽ പൊലീസ് കർ‌ട്ടനിട്ടു.

പെരിയാർ നിറഞ്ഞൊഴുകുന്ന കാഴ്ച കാണാൻ ഇതുവഴി പോകുന്ന യാത്രക്കാര്‍ വാഹനങ്ങൾ നിർത്തിയിട്ട് സെൽഫിയെടുക്കാനും ചിത്രങ്ങളെടുക്കാനും തുടങ്ങിയതോടെ ഈ ഭാഗത്ത് വലിയ ഗതാഗതതടയസ്സമുണ്ടായിരുന്നു. ദേശീയ പാതയിൽ ഗതാഗതസ്തംഭനമുണ്ടായതോടെ ആലുവ ട്രാഫിക് എസ്ഐ മുഹമ്മദ് കബീറിന്റെ നേതൃത്വത്തിൽ കർട്ടൻ വലിച്ചുകെട്ടാൻ തീരുമാനിക്കുകയായിരുന്നു.

റോട്ടിൽ നിന്ന് പുഴയിലേക്കുള്ള കാഴ്ചമറയ്ക്കുന്ന തരത്തിൽ പാലത്തിലാണ് കർട്ടൻ വലിച്ചുകെട്ടിയിരിക്കുന്നത്. ഇപ്പോൾ റോഡിൽ നിന്ന് നോക്കിയാൽ പുഴ കാണാൻ സാധിക്കില്ല.

ഇടമലയാറും ഇടുക്കിയും തുറന്നതോടെ പെരിയാർ കരകവിഞ്ഞൊഴുകുന്നു. ഇതോടെ എറണാകുളം ജില്ലയുടെ വിവിധ പ്രദേശങ്ങൾ വെള്ളത്തിനടിയിലായി. പറവൂർ മേഖലയെയാണ് വെള്ളക്കെട്ട് ഏറ്റവുമധികം ബാധിച്ചിരിക്കുന്നത്. ഇവിടെയാണ് ഏറ്റവുമധികം ദുരിതാശ്വാസക്യാംപുകളും തുറന്നിരിക്കുന്നത്.

പെരിയാറിന് കുറുകെയുള്ള ആലുവ, കുന്നത്തുനാട്, കളമശേരി, ചെങ്ങൽ മേഖലകളിലും വെള്ളപ്പൊക്കമുണ്ട്. ആലുവയിൽ രണ്ട് ക്യാംപുകൾ കൂടി തുറന്നു. ആശങ്കപ്പെടേണ്ട സാഹചര്യമില്ലെന്നാണ് അധികൃതർ പറയുന്നത്.

അതേസമയം പെരിയാറിൽ ചെളിയുടെ അളവ് ക്രമാതീതമായി വർധിച്ചതിനെത്തുടർന്ന് കൊച്ചി കോർപറേഷൻ പ്രദേശത്ത് വെള്ളം എത്തിക്കുന്ന രണ്ട് പമ്പ് ഹൗസുകളിൽ ഒന്നിന്റെ പ്രവർത്തനം നിർത്തി. പുഴവെള്ളത്തിൽ ചെളി 400 എൻടിയു (നെഫ്ലോമാറ്റിക് ടർബിഡിറ്റി യൂണിറ്റ്) വരെയുയർന്നു. സമീപകാലചരിത്രത്തില്‍ ആദ്യമായാണിങ്ങനെ.

ചെളി കുറഞ്ഞില്ലെങ്കിൽ രണ്ട് പമ്പ് ഹൗസുകളുടെ പ്രവർത്തനവും നിർത്തേണ്ടിവരും. അല്ലെങ്കിൽ വാട്ടർ ബെഡുകളും മോട്ടോറുകളും തകരാറിലാകും.

ഇടുക്കി: സംസ്ഥാനത്ത് അതിശക്തമായ മഴ തുടരുന്നു. മധ്യകേരളത്തിലും വടക്കന്‍ ജില്ലകളിലും മഴ 48 മണിക്കൂര്‍ തുടരുമെന്നാണ് കാലാവസ്ഥ നിരീക്ഷണ കേന്ദ്രം നല്‍കുന്ന മുന്നറിയിപ്പ്. കഴിഞ്ഞ 48 മണിക്കൂറായി തുടരുന്ന കാലവര്‍ഷക്കെടുതിയില്‍ ഇതുവരെ 25 പേര്‍ക്കാണ് ജീവന്‍ നഷ്ടപ്പെട്ടിരിക്കുന്നത്. രാക്ഷാപ്രവര്‍ത്തനങ്ങള്‍ക്കായി സൈന്യം രംഗത്തിറങ്ങിയിട്ടുണ്ട്. ഇടുക്കി, വയനാട് തുടങ്ങിയ മലയോര മേഖലകളിലാണ് ഏറ്റവും കൂടുതല്‍ നാശനഷ്ടങ്ങള്‍ റിപ്പോര്‍ട്ട് ചെയ്തിരിക്കുന്നത്.

രക്ഷാപ്രവര്‍ത്തനങ്ങള്‍ക്കായി കേന്ദ്രസംഘം വിവിധ ജില്ലകളിലെത്തിയിട്ടുണ്ട്. ദേശീയ ദുരന്ത പ്രതികരണ സേനയുടെ പതിനഞ്ചംഗ സംഘത്തെ ഹെലികോപ്റ്റര്‍ മുഖേന വയനാട്ടില്‍ എത്തിച്ചിട്ടുണ്ട്. 48 പേരടങ്ങുന്ന മറ്റൊരു സംഘം രാവിലെയോടെ കല്‍പ്പറ്റയിലെത്തിച്ചേര്‍ന്നിട്ടുണ്ട്. 28 പേരടങ്ങുന്ന ഒരു സംഘം മലപ്പുറത്തും 28 പേരടങ്ങുന്ന മറ്റൊരു സംഘം കോഴിക്കോടും രക്ഷാപ്രവര്‍ത്തനങ്ങളുടെ ഭാഗമാണ്. ഇടുക്കി, പാലക്കാട് ജില്ലകളിലേക്കും പ്രത്യേക സംഘത്തെ നിയോഗിച്ചിട്ടുണ്ട്.

മലപ്പുറത്ത് അതിശക്തമായ മഴ തുടര്‍ന്നതോടെ നിലമ്പൂര്‍, കാളികാവ്, കരുവാരകുണ്ട് ഭാഗങ്ങളിലായി പത്തു ദുരിതാശ്വാസ ക്യാംപുകള്‍ ആരംഭിച്ചിട്ടുണ്ട്. പാലക്കാട് ജില്ലയിലെ പല പ്രദേശങ്ങളും വെള്ളത്തിനടിയിലാണ്. മലമ്പുഴയില്‍ നിന്ന് ജില്ലയിലേക്ക് കുടിവെള്ളം എത്തിക്കുന്ന പ്രധാന പൈപ്പ് ലൈന്‍ തകര്‍ന്നതോടെ നഗരങ്ങളില്‍ കുടിവെള്ളമില്ലാതായിരിക്കുകയാണ്. വയനാട്ടിലെ ബാണാസുരാസാഗര്‍ അണക്കെട്ട് തുറന്നതോടെ വെണ്ണിയോട്, പടിഞ്ഞാറത്തറയിലെ ചില പ്രദേശങ്ങള്‍ എന്നിവ വെള്ളത്തിനടിയിലാണ്. കല്‍പ്പറ്റയിലെ താഴ്ന്ന പ്രദേശങ്ങളും വെള്ളത്തിനടിയിലായിട്ടുണ്ട്. ബാണാസുരയില്‍ നിന്നുള്ള വെള്ളം ഒഴുക്കി വിടാനായി കബനി ഡാമിന്റെ ഷട്ടറുകള്‍ തുറക്കുമെന്ന് കര്‍ണാടക വ്യക്തമാക്കിയിട്ടുണ്ട്.

ഇടുക്കി പദ്ധതിയുടെ ഭാഗമായ ചെറുതോണി അണക്കെട്ടിന്റെ രണ്ടു ഷട്ടറുകള്‍ കൂടി തുറന്നു. ഇതോടെ മൂന്നു ഷട്ടറുകളാണ് തുറന്നിരിക്കുന്നത്. 2, 3, 4 ഷട്ടറുകളാണ് തുറന്നിരിക്കുന്നത്. ആലുവ ഉള്‍പ്പടെയുള്ള നഗരങ്ങള്‍ ഇതോടെ വെള്ളത്തിനടയിലാകുമെന്നാണ് കരുതുന്നത്. പെരിയാര്‍ കരകവിഞ്ഞ് ഒഴുകുകയാണ്. അര്‍ധരാത്രിക്ക് 2400.38 അടിയായിരുന്നു ഡാമിലെ ജലനിരപ്പ്. ഇന്ന് രാവിലെ ഏഴിന് ജലനിരപ്പ് 2401 അടി പിന്നിട്ടു. ഡാമിലെ വെള്ളം പോകുന്ന പ്രദേശങ്ങളില്‍ നിന്ന് ആളുകളെ ഒഴിപ്പിച്ചിട്ടുണ്ട്.

അലന്‍സിയറിനെയാണ് ഈ പകലില്‍ കേരളം തേടിയത്. ചലച്ചിത്ര പുരസ്കാര ചടങ്ങിൽ മോഹൻലാലിനെതിരെ അലൻസിയർ ‘വെടിയുതിർത്തത്’ എന്തിനാണ്..?

ആ ചോദ്യത്തിന്‍റെ ഉത്തരം തേടി പലരും അലഞ്ഞു. ഫോണിലും അലന്‍സിയറിനെ പലര്‍ക്കും കിട്ടിയില്ല.

മോഹൻലാൽ പറയുന്നതെല്ലാം കള്ളമായതുകൊണ്ടാണ് അലൻസിയർ പ്രതീകാത്മകമായി വെടിയുതിർത്തത് എന്നായിരുന്നു വാർത്തകൾ. എന്നാൽ ഒടുവില്‍ വാസ്തവം പറഞ്ഞ് അലന്‍സിയര്‍  പ്രമുഖ മാധ്യമത്തിന് നൽകിയ അഭിമുഖത്തിൽ പറഞ്ഞു.

‘ഞാൻ‌ മോഹൻലാലിനെ പിന്തുണയ്ക്കുകയാണ് ചെയ്തത്, അല്ലാതെ പ്രതിരോധിക്കുകയായിരുന്നില്ല. കൈകൊണ്ട് കാട്ടിയ ഒരു ആംഗ്യം ഇത്രമേയറെ പൊല്ലാപ്പാകുമെന്നും കരുതിയില്ല. മോഹൻലാലിനെ എല്ലാവരും വേട്ടയാടുകയാണ്. അതുകൊണ്ടാണ് അദ്ദേഹം പ്രസംഗിച്ചപ്പോൾ അങ്ങനെ കാട്ടിയത്. അത് ഞാൻ നടന്നുപോകുന്നതിനിടയിൽ കാണിച്ചതാണ്…’ അലന്‍സിയര്‍ പറയുന്നു.

യഥാർത്തിൽ വാഷ്റൂമിൽ പോകുകയായിരുന്നു ഞാൻ. ആവഴിയാണ് ആംഗ്യം കാട്ടിയത്. ഞാൻ സ്റ്റേജിൽ കയറാൻ ശ്രമിച്ചിട്ടില്ല, സ്റ്റേേജിന് പിന്നിൽകൂടി വാഷ്‌‌റൂമില്‍ പോകുകയായിരുന്നു. എന്നെ ആരും പിടിച്ചു മാറ്റിയിട്ടുമില്ല. ഞാനൊരാൾ വെടിയുതിർത്താൽ തകർന്നുപോകുന്നയാളാണോ അദ്ദേഹം..? അതെന്താണ് ആരും മനസിലാക്കാത്തത്. അങ്ങനെയെങ്കതിൽ മുഖ്യമന്ത്രിക്കു നേരെ വെടിയുതിർത്തു എന്നും വ്യാഖ്യാനിക്കേണ്ടതല്ലേ.? മുഖ്യമന്ത്രി അതിലെ പരിഹാസം മനസിലാക്കിയതുകൊണ്ടാണ് ചിരിച്ചു കളഞ്ഞത്– അദ്ദേഹം പറഞ്ഞു.

സർക്കാസ്റ്റിക്കായി കാണിച്ചതാണ് ദുർവ്യാഖ്യാനം ചെയ്യപ്പെട്ടത്. ഇതിൽ ഏറെ വിഷമമുണ്ട്. രാവിലെ ലാൽ സാറിനെ വിളിച്ചിരുന്നു. അദ്ദേഹം കാര്യങ്ങൾ കേട്ടു മനസിലാക്കി. ഞാൻ അദ്ദേഹത്തിനെതിരെ വ്യാജ ഒപ്പിട്ടില്ല, അദ്ദേഹത്തിന്‍റെ വീടിനുമുമ്പിൽ റീത്തും വച്ചിട്ടില്ല. വളരെ തെറ്റായ വാർത്തകളാണ് ഇപ്പോൾ പ്രചരിപ്പിക്കപ്പെടുന്നത്. ഇത് ശരിക്കും വിഷമമുണ്ടാക്കുന്നു– അലൻസിയർ പറയുന്നു

ഇന്നലെ തിരുവനന്തപുരത്ത് സംസ്ഥാന ചലച്ചിത്ര പുരസ്കാര ചടങ്ങിനിടെ മോഹൻലാൽ പ്രസംഗിച്ചു കൊണ്ടിരിക്കുമ്പോഴാണ് അലൻസിയർ എഴുന്നേറ്റ് നിന്ന് വെടിയുതിർക്കുന്നതു പോലുള്ള ആംഗ്യം കാട്ടിയത്. ഇത് പിന്നീട് വലിയ ചർച്ചയാകുകയായിരുന്നു.

പത്തുവയസുകാരനെ ക്രൂരമായി പീഡിപ്പിച്ച് കൊലപ്പെടുത്തിയ മൂന്നുപേരെ യെമനിൽ പൊതുനിരത്തിൽ വച്ച് വെടിവച്ചു കൊന്ന് പരസ്യമായി കെട്ടിത്തൂക്കി. ജനകൂട്ടത്തിന് നടുവിൽ പ്രതികളെ മുട്ടുകാലില്‍ ഇരുത്തി അധികൃതർ വെടിവച്ച് കൊല്ലുകയായിരുന്നു. പിന്നീട് പ്രതികളുടെ മൃതദേഹങ്ങൾ സനയിലെ ആള്‍ത്തിരക്കുളള സ്ക്വയറില്‍ ക്രെയിനില്‍ കെട്ടിത്തൂക്കി. ഇതിന്റെ ചിത്രങ്ങളും വീഡിയോയും സമൂഹമാധ്യമങ്ങളിൽ പ്രചരിക്കുകയാണ്.

പത്തുവയസ് മാത്രമുള്ള ആൺകുട്ടിയെയാണ് പ്രതികൾ മൃഗീയമായി പീഡിപ്പിച്ച് കൊലപ്പെടുത്തിയത്. കുട്ടിയെ പീഡിപ്പിച്ചതിന് ശേഷം കഴുത്ത് ഞെരിച്ച് കൊല്ലുകയായിരുന്നു. കഴിഞ്ഞ ഒക്ടോബറിലാണ് കേസിന് ആസ്പദമായ സംഭവം. മുത്തശ്ശിയുടെ വീട്ടിലേക്ക് പോയ കുട്ടിയെ തട്ടിക്കൊണ്ടു പോയി ബന്ധിച്ച് ഒരു സ്കൂളില്‍ വച്ചാണ് ഇവര്‍ പീഡിപ്പിച്ചത്. പിന്നീട് മൃതദേഹം ആള്‍താമസമില്ലാത്ത കെട്ടിടത്തിൽ ഒളിപ്പിച്ചു.
പ്രതികളില്‍ രണ്ട് പേര്‍ക്ക് 19 വയസ് മാത്രമാണ് പ്രായം. മൂന്നാമന് 27 വയസ് പ്രായമുണ്ട്. ബലാത്സംഗം, കൊലപാതകം ഉൾ‌പ്പെടെ ഒട്ടേറെ കുറ്റങ്ങൾക്ക് വധശിക്ഷ നൽകാറുണ്ട്. ഫയറിങ് സ്ക്വാഡ് ഉപയോഗിച്ചാണ് ഇൗ വധശിക്ഷ നടപ്പാക്കിയത്.

ലോ​ക​വി​സ്മ​യ​ങ്ങ​ളു​ടെ പ​ട്ടി​ക​യി​ൽ ഇ​ടം​നേ​ടു​ന്ന ജ​ടാ​യു​ശി​ല്പ്പ​മു​ൾ​ക്കൊ​ള​ളു​ന്ന കൊ​ല്ലം ച​ട​യ​മം​ഗ​ല​ത്തെ ജ​ടാ​യു​എ​ർ​ത്ത് സെ​ന്‍റ​റി​ന്‍റെ ര​ണ്ടാം​ഘ​ട്ട ഉ​ദ്ഘാ​ട​നം 17ന് ​മു​ഖ്യ​മ​ന്ത്രി​പി​ണ​റാ​യി വി​ജ​യ​ൻ നി​ർ​വ​ഹി​ക്കും. അ​ന്താ​രാ​ഷ്ട്ര നി​ല​വാ​ര​മു​ള്ള ഒ​രു ടൂ​റി​സം​കേ​ന്ദ്രം എ​ന്ന കേ​ര​ള​ത്തി​ന്‍റെ സ്വ​പ്ന​മാ​ണ് യാ​ഥാ​ർ​ഥ്യ​ത്തി​ലേ​ക്ക് എ​ത്തു​ന്ന​ത്.   ച​ല​ച്ചി​ത്ര​കാ​ര​നും ശി​ല്പ്പി​യു​മാ​യ രാ​ജീ​വ്അ​ഞ്ച​ൽ ഒ​രു​പ​തി​റ്റാ​ണ്ടി​ലേ​റെ ന​ട​ത്തി​യ സ​മ​ർ​പ്പ​ണ​ത്തി​ലൂ​ടെ യാ​ഥാ​ർ​ഥ്യ​മാ​കു​ന്ന ജ​ടാ​യു​ശി​ല്പം ലോ​ക​ത്തെ​ത​ന്നെ ഏ​റ്റ​വും വ​ലി​യ പ​ക്ഷി ശി​ല്പ​മാ​ണ്. സ​മു​ദ്ര​നി​ര​പ്പി​ൽ നി​ന്നും ആ​യി​രം അ​ടി​ഉ​യ​ര​ത്തി​ൽ നി​ല​കൊ​ള​ളു​ന്ന ഈ ​ഭീ​മാ​കാ​ര ശി​ല്പ​ത്തി​ന് സ​മീ​പ​ത്തേ​ക്ക് എ​ത്തി​ച്ചേ​രു​ന്ന​തി​ന് സ​ജ്ജ​മാ​ക്കി​യി​രി​ക്കു​ന്ന​ത് അ​ത്യാ​ധു​നി​ക കേ​ബി​ൾ​കാ​ർ സം​വി​ധാ​ന​മാ​ണ്.   പൂ​ർ​ണ​മാ​യും സ്വി​റ്റ്സ​ർ​ലാ​ന്‍റി​ൽ നി​ർ​മി​ച്ച കേ​ബി​ൾ കാ​ർ സം​വി​ധാ​നം രാ​ജ്യ​ത്ത് ത​ന്നെ ആ​ദ്യ​മാ​യാ​ണ് ഏ​ർ​പ്പെ​ടു​ത്തു​ന്ന​തെ​ന്ന പ്ര​ത്യേ​ക​ത​യു​മു​ണ്ട്. ആ​യി​രം അ​ടി​യോ​ളം ഉ​യ​ര​ത്തി​ലേ​ക്ക് കേ​ബി​ൾ കാ​റി​ൽ സ​ഞ്ച​രി​ക്കു​ന്ന​തു​ത​ന്നെ ടൂ​റി​സ്റ്റു​ക​ൾ​ക്ക് വി​സ്മ​യ​ക​ര​മാ​യ അ​നു​ഭ​വം സ​മ്മാ​നി​ക്കും.

ലോ​കോ​ത്ത​ര നി​ല​വാ​ര​ത്തി​ലു​ള്ള സാ​ഹ​സി​ക വി​നോ​ദ​വും, പാ​റ​ക്കെ​ട്ടു​ക​ളു​ടെ സ്വാ​ഭാ​വി​ക​ത​യും സം​യോ​ജി​പ്പി​ക്കു​ന്ന ജ​ടാ​യു​അ​ഡ്വ​ഞ്ച​ർ പാ​ർ​ക്ക് ലോ​ക​മെ​ങ്ങു​മു​ള്ള സാ​ഹ​സി​ക​പ്രേ​മി​ക​ളെ ആ​ക​ർ​ഷി​ക്കു​ന്ന​താ​ണ്.  65 ഏ​ക്ക​ർ വി​സ്തൃ​തി​യി​ലു​ള്ള ജ​ടാ​യു എ​ർ​ത്ത് സെ​ന്‍റ​ർ സം​സ്ഥാ​ന​ടൂ​റി​സം രം​ഗ​ത്തെ ആ​ദ്യ ബി​ഒ​ടി സം​രം​ഭ​മാ​ണ്. കേ​ര​ള ടൂ​റി​സം​വ​കു​പ്പി​നും, കേ​ര​ള​ത്തി​നു​മാ​കെ അ​ഭി​മാ​നം ന​ൽ​കു​ന്ന പ​ദ്ധ​തി​യാ​ണ് ഇ​ത്.  ടൂ​റി​സം രം​ഗ​ത്തെ നി​ക്ഷേ​പ സാ​ധ്യ​ത​ക​ൾ​ക്ക് വ​ഴി​തു​റ​ക്കു​ന്ന സം​രം​ഭ​ത്തി​ൽ പ​ങ്കാ​ളി​ക​ളാ​യി​രി​ക്കു​ന്ന രാ​ജീ​വ് അ​ഞ്ച​ലി​ന്‍റെ ഗു​രു ച​ന്ദ്രി​ക ബി​ൽ​ഡേ​ഴ്സ് ആ​ന്‍റ് പ്രോ​പ്പ​ർ​ട്ടീ​സ് പ്രൈ​വ​റ്റ് ലി​മി​റ്റ​ഡും നൂ​റി​ലേ​റെ വി​ദേ​ശ മ​ല​യാ​ളി​ക​ളു​മാ​ണ്.  ജ​ടാ​യു​എ​ർ​ത്ത് സെ​ന്‍റ​റി​ന്‍റെ ഉ​ദ്ഘാ​ട​ന​ച​ട​ങ്ങി​ൽ മു​ഖ്യ​മ​ന്ത്രി​യെ കൂ​ടാ​തെ മ​റ്റ് മ​ന്ത്രി​മാ​രും, ജ​ന​പ്ര​തി​നി​ധി​ക​ളും, സാ​മൂ​ഹി​ക സാ​ഹി​ത്യ–​സാം​സ്കാ​രി​ക​രം​ഗ​ത്തെ പ്ര​മു​ഖ​രും പ​ങ്കെ​ടു​ക്കും. ച​ട​യ​മം​ഗ​ലം എ​ന്ന​ഗ്രാ​മ​വും പൗ​രാ​ണി​ക പ്രാ​ധാ​ന്യ​മു​ള്ള ജ​ടാ​യു​പ്പാ​റ​യും ഇ​നി ലോ​ക​ടൂ​റി​സം ഭൂ​പ​ട​ത്തി​ൽ കേ​ര​ള​ത്തി​ന്‍റെ തി​ല​ക​ക്കു​റി​യാ​യി ഇ​ടം​നേ​ടും.  സ്ത്രീ ​സം​ര​ക്ഷ​ണ​ത്തി​ന്‍റെ പ്ര​തീ​ക​മാ​യ ജ​ടാ​യു​വെ​ന്ന ഭീ​മ​ൻ പ​ക്ഷി​യു​ടെ ശി​ല്പ​മു​ൾ​ക്കൊ​ള്ളു​ന്ന ഈ ​ടൂ​റി​സം പ​ദ്ധ​തി ആ​ധു​നി​ക സാ​ങ്കേ​തി​ക സം​വി​ധാ​ന​ങ്ങ​ളോ​ടെ വി​നോ​ദ സ​ഞ്ചാ​രി​ക​ൾ​ക്ക് സ​ന്പൂ​ർ​ണ സു​ര​ക്ഷി​ത​ത്വം ഉ​റ​പ്പ് വ​രു​ത്തു​ന്ന പ​ദ്ധ​തി​യാ​ണെ​ന്ന പ്ര​ത്യേ​ക​ത​യു​മു​ണ്ട്.

രാ​മാ​യ​ണ​ത്തി​ലെ സീ​താ​ദേ​വി​യെ ല​ങ്കാ​ധി​പ​നാ​യ രാ​വ​ണ​ൻ പു​ഷ്പ​ക​വി​മാ​ന​ത്തി​ൽ ത​ട്ടി​ക്കൊ​ണ്ടു​പോ​ക​വെ ശ്രീ​രാ​മ ഭ​ക്ത​നാ​യ ജ​ടാ​യു ഇ​വി​ടെ വ​ച്ചാ​ണ് ത​ട​യാ​ൻ ശ്ര​മി​ച്ച​തെ​ന്നാ​ണ് ഐ​തീ​ഹ്യം. ഇ​വ​ർ ത​മ്മി​ൽ ന​ട​ന്ന പോ​രാ​ട്ട​ത്തി​നി​ടെ രാ​വ​ണ​ൻ പ​ക്ഷി​ശ്രേ​ഷ്ഠ​നാ​യ ജ​ടാ​യു​വി​ന്‍റെ ചി​റ​ക് അ​രി​ഞ്ഞു വീ​ഴ്ത്തി സീ​ത​യു​മാ​യി ല​ങ്ക​യി​ലേ​ക്കു ക​ട​ക്കു​ക​യാ​യി​രു​ന്നു​വെ​ത്രെ. രാ​വ​ണ​ന്‍റെ വെ​ട്ടേ​റ്റു ജ​ടാ​യു ഈ ​പ്ര​കൃ​തി സു​ന്ദ​ര​മാ​യ പാ​റ​യു​ടെ മു​ക​ളി​ൽ വീ​ണ​തു​കൊ​ണ്ടാ​ണ് ഇ​തി​ന് ജ​ടാ​യു​പാ​റ എ​ന്ന പേ​ര് ഉ​ണ്ടാ​യ​തെ​ന്നും പ​റ​യ​പ്പെ​ടു​ന്നു.   ശ്രീ​രാ​മ​ന്‍റെ കാ​ൽ​പാ​ദം പ​തി​ഞ്ഞെ​ന്ന് വി​ശ്വ​സി​ക്ക​പ്പെ​ടു​ന്ന അ​ട​യാ​ള​വും പാ​റ​യു​ടെ മു​ക​ളി​ലു​ണ്ട്. ഇ​തി​ന​ടു​ത്ത് നി​ന്നാ​യി ഏ​തു​സ​മ​യ​ത്തും കാ​ണ​പ്പെ​ടു​ന്ന നീ​രു​റ​വ​യും കാ​ണാം. തൊ​ട്ട​ടു​ത്ത് ചെ​റി​യ ക്ഷേ​ത്ര​വും ഉ​ണ്ട്.

അ​ത്യാ​ധു​നി​ക സാ​ങ്കേ​തി​ക വി​ദ്യ​യി​ൽ നി​ർ​മ്മി​ച്ചി​രി​ക്കു​ന്ന 16 കേ​ബി​ൾ കാ​റു​ക​ളാ​ണ് സ്വി​റ്റ്സ​ർ​ലാ​ന്‍റി​ൽ നി​ന്നും ഇ​റ​ക്കു​മ​തി ചെ​യ്തി​രി​ക്കു​ന്ന​ത്. കേ​ബി​ൾ കാ​റി​ന്‍റെ ഘ​ട​ക​ങ്ങ​ൾ ക​പ്പ​ൽ മാ​ർ​ഗ​മാ​ണ് സ്വി​റ്റ്സ​ർ​ലാ​ൻ​റി​ൽ നി​ന്നും കൊ​ച്ചി​യി​ൽ എ​ത്തി​ച്ച​ത്. ഒ​ന്ന​ര​മാ​സ​മാ​ണ് ഇ​തി​ന് വേ​ണ്ടി​വ​ന്ന​ത്. കേ​ബി​ൾ കാ​റു​ക​ളും അ​നു​ബ​ന്ധ സാ​മ​ഗ്രി​ക​ളും കൂ​റ്റ​ൻ ട്രെ​യി​ല​റു​ക​ളി​ലാ​ണ് കൊ​ച്ചി​യി​ൽ​നി​ന്നും ച​ട​യ​മം​ഗ​ല​ത്തേ​ക്ക് റോ​ഡ്മാ​ർ​ഗം കൊ​ണ്ടു​വ​ന്ന​ത്. 220 പേ​രാ​ണ് കേ​ബി​ൾ​കാ​ർ സം​വി​ധാ​നം സ്ഥാ​പി​ക്കു​ന്ന​തി​ന്‍റെ വി​വി​ധ​ഘ​ട്ട​ങ്ങ​ളി​ൽ നേ​രി​ട്ട് പ​ങ്കാ​ളി​ക​ളാ​യ​ത്.  പൂ​ർ​ണ​മാ​യും സ്വി​റ്റ്സ​ർ​ലാ​ന്‍റി​ൽ നി​ർ​മ്മി​ച്ച കേ​ബി​ൾ​കാ​ർ സം​വി​ധാ​നം രാ​ജ്യ​ത്തെ ഒ​രു ടൂ​റി​സം​കേ​ന്ദ്ര​ത്തി​ൽ സ്ഥാ​പി​ക്കു​ന്ന​ത് ഇ​താ​ദ്യ​മാ​യാ​ണ്. കേ​ബി​ൾ​കാ​റു​ക​ൾ​ക്ക് വേ​ണ്ടി 40 കോ​ടി​യോ​ളം രൂ​പ​യാ​ണ് മു​ത​ൽ മു​ട​ക്കി​യി​രി​ക്കു​ന്ന​ത്. എ​ന്നാ​ൽ ഇ​തി​ൽ യാ​ത്ര ചെ​യ്യാ​ൻ വ​ൻ​തു​ക ചാ​ർ​ജ് ന​ൽ​ക​ണ​മെ​ന്ന ആ​ശ​ങ്ക വേ​ണ്ട. വെ​റും 250 രൂ​പ മാ​ത്ര​മാ​ണ് ജ​ടാ​യു​പാ​റ​യു​ടെ മു​ക​ളി​ലേ​ക്കും​താ​ഴേ​ക്കും സ​ഞ്ച​രി​ക്കു​ന്ന​തി​ന് ഈ​ടാ​ക്കു​ക​യു​ള്ളൂ​വെ​ന്ന് ജ​ടാ​യു​എ​ർ​ത്ത് സെ​ന്‍റ​ർ സി​എം​ഡി രാ​ജീ​വ് അ​ഞ്ച​ൽ വ്യ​ക്ത​മാ​ക്കി.

പാ​റ​ക്കെ​ട്ടു​ക​ൾ നി​റ​ഞ്ഞ ജ​ടാ​യു​പ്പാ​റ​യി​ലെ കു​ത്ത​നെ​യു​ള്ള ഭൂ​പ്ര​കൃ​തി​യി​ൽ സാ​ധാ​ര​ണ റോ​പ്പ് വേ ​അ​പ​ക​ട​ക​ര​മാ​കു​മെ​ന്ന രാ​ജീ​വ്അ​ഞ്ച​ലി​ന്‍റെ ചി​ന്ത​യാ​ണ് അ​ത്യാ​ധു​നി​ക കേ​ബി​ൾ​കാ​ർ സം​വി​ധാ​നം ത​ന്നെ ഇ​റ​ക്കു​മ​തി ചെ​യ്യു​ന്ന​തി​ൽ എ​ത്തി​ചേ​ർ​ന്ന​ത്. കീ​ഴ്ക്കാം​തൂ​ക്കാ​യ പാ​റ​ക്കെ​ട്ടു​ക​ൾ​ക്കി​ട​യി​ൽ കേ​ബി​ൾ​കാ​റി​ന്‍റെ റോ​പ്പു​ക​ൾ ഘ​ടി​പ്പി​ക്കാ​നു​ള്ള ട​വ​റു​ക​ൾ സ്ഥാ​പി​ച്ച​ത് ദീ​ർ​ഘ​കാ​ല​ത്തെ സു​ര​ക്ഷാ പ​രി​ശോ​ധ​ന​ക​ൾ​ക്ക് ശേ​ഷ​മാ​ണ്. യൂ​റോ​പ്യ​ൻ സാ​ങ്കേ​തി​ക​വി​ദ്യ​യി​ൽ നി​ർ​മ്മി​ച്ചി​രി​ക്കു​ന്ന കേ​ബി​ൾ​കാ​ർ തി​ക​ച്ചും സു​ര​ക്ഷി​ത​മാ​യ യാ​ത്ര​യാ​ണ് ഉ​റ​പ്പ്ന​ൽ​കു​ന്ന​ത്. പ​രി​സ്ഥി​തി​മ​ലി​നീ​ക​ര​ണ​മി​ല്ലെ​ന്ന പ്ര​ത്യേ​ക​ത​യും ഈ ​കേ​ബി​ൾ കാ​റു​ക​ൾ​ക്കു​ണ്ട്. ഉ​ത്ത​രേ​ന്ത്യ​ൻ ക​ന്പ​നി​യാ​യ ഉ​ഷാ ബ്രേ​ക്കോ​യ്ക്കാ​ണ് കേ​ബി​ൾ​കാ​ർ സം​വി​ധാ​ന​ത്തി​ന്‍റെ നി​ർ​വ​ഹ​ണ ചു​മ​ത​ല.

ജ​ടാ​യു​പ്പാ​റ​യു​ടെ താ​ഴ് വാ​ര​ത്ത് നി​ർ​മ്മി​ച്ച ബേ​സ് സ്റ്റേ​ഷ​നി​ൽ​നി​ന്നും പാ​റ​മു​ക​ളി​ലെ ശി​ൽ​പ്പ​ത്തി​ന് അ​രി​കി​ലെ​ത്താ​ൻ കേ​ബി​ൾ​കാ​റി​ൽ പ​ത്ത്മി​നു​ട്ടി​ൽ താ​ഴെ സ​മ​യം മ​തി. ഒ​രു​കേ​ബി​ൾ കാ​റി​ൽ ഒ​രേ​സ​മ​യം എ​ട്ടു​പേ​ർ​ക്ക് യാ​ത്ര​ചെ​യ്യാ​നാ​കും. ജ​ടാ​യു​പ്പാ​റ​യു​ടെ ദൃ​ശ്യ​ഭം​ഗി​യും, ഭീ​മാ​കാ​ര​മാ​യ ജ​ടാ​യു​ശി​ൽ​പ്പ​ത്തി​ന്‍റെ സാ​മീ​പ്യ​വും കേ​ബി​ൾ​കാ​ർ​യാ​ത്ര അ​വി​സ്മ​ര​ണീ​യ​മാ​ക്കും. ജ​ടാ​യു ശി​ൽ​പ്പ​ത്തി​ന് അ​രി​കി​ൽ എ​ത്തു​ന്പോ​ൾ പ​ശ്ചി​മ​ഘ​ട്ട​മ​ല​നി​ര​ക​ളു​ടെ ഹ​രി​താ​ഭ ആ​സ്വ​ദി​ക്കാ​നു​മാ​കും. പ​റ​ന്നി​റ​ങ്ങു​ന്ന പ​ക്ഷി​യു​ടെ ക​ണ്ണു​ക​ളി​ലൂ​ടെ കാ​ണു​ന്ന കാ​ഴ്ച്ച​യ്ക്ക് സ​മാ​ന​മാ​ണ് ഉ​യ​ർ​ന്നു​പൊ​ങ്ങു​ന്ന കേ​ബി​ൾ​കാ​റി​ൽ നി​ന്നു​ള്ള ദൃ​ശ്യ​ങ്ങ​ൾ.  വി​സ്മ​യ​ങ്ങ​ളു​ടെ ക​ല​വ​റ​യാ​യ ജ​ടാ​യു​എ​ർ​ത്ത് സെ​ന്‍റ​ർ അ​ന്താ​രാ​ഷ്ട്ര​നി​ല​വാ​ര​മു​ള്ള വി​നോ​ദ​സ​ഞ്ചാ​ര സൗ​ക​ര്യ​ങ്ങ​ളും, സു​ര​ക്ഷ​യു​മാ​ണ് സ​ന്ദ​ർ​ശ​ക​ർ​ക്കാ​യി ഒ​രു​ക്കി​യി​രി​ക്കു​ന്ന​ത്. രാ​മാ​യ​ണ​ത്തി​ലെ ഭീ​മാ​കാ​ര​നാ​യ ജ​ടാ​യു​പ​ക്ഷി​യു​ടെ ശി​ൽ​പ്പ​ത്തി​നൊ​പ്പം വി​ദേ​ശ​നി​ർ​മ്മി​ത കേ​ബി​ൾ​കാ​റും ജ​ടാ​യു എ​ർ​ത്ത് സെ​ന്‍റ​റി​ന്‍റെ ആ​ക​ർ​ഷ​ണ​ഘ​ട​ക​മാ​കു​ക​യാ​ണ്.

തമിഴ്നാട്ടിലെ നാമക്കലിന് സമീപം ബസ് ലോറിക്ക് പിന്നിലിടിച്ച് നാല് മലയാളികള്‍ മരിച്ചു. കൊല്ലം സ്വദേശികളായ മിനി വര്‍ഗീസ് (36) മകന്‍ ഷിബു വ്രഗീസ് (10) റിജോ, സിദ്ധാര്‍ഥ് എന്നിവരാണ് മരിച്ചത്. 15പേര്‍ക്ക് പരിക്കേറ്റു.

നാമക്കല്‍ ജില്ലയിലെ കുമാരപാളയത്തു വെച്ചാണ് സംഭവം.പള്ളക്കപാളയത്തേക്ക് പോയ്ക്കൊണ്ടിരുന്ന ലോറിയുടെ പിന്നില്‍ ബെംഗളുരുവില്‍ നിന്ന് കേരളത്തിലേക്ക് വരികയായിരുന്ന സ്വകാര്യ ബസ് ഇടിക്കുകയായിരുന്നു.

മരിച്ച സിദ്ധാര്‍ഥ് ആയിരുന്നു ബസിന്റെ ഡ്രൈവര്‍. പുലര്‍ച്ചെ നാലുമണിയോടെയാണ് അപകടം. പരിക്കേറ്റവരില്‍ പലരുടേയും നില ഗുരുതരമാണ്. കുമാരപാളയം പോലീസ് സംഭവത്തില്‍ കേസെടുത്ത് അന്വേഷണം ആരംഭിച്ചിട്ടുണ്ട്.

ഇംഗ്ലണ്ടിനെതിരെ ലോഡ്‌സില്‍ രണ്ടാം ടെസ്റ്റ് മത്സരത്തിനിറങ്ങുമ്പോള്‍ ഇന്ത്യയുടെ പ്ലേയിംഗ് ഇലവനെ കുറിച്ച് അടിമുടി അവ്യക്തത. ഒന്നാം ടെസ്റ്റില്‍ നിന്നും വ്യത്യസ്തമായി രണ്ടോളം മാറ്റങ്ങളാണ് ടീം ഇന്ത്യ വരുത്തുകയെന്നാണ് സൂചന.

ഓപ്പണിംഗ് സ്ഥാനത്ത് ശിഖര്‍ ധവാന്‍ പുറത്താകാനുളള സാധ്യത കൂടുതലാണ്. പകരം കെ എല്‍ രാഹുലും മുരളി വിജയ്യും ആകും ഓപ്പണര്‍മാരായി ഇറങ്ങുക. മൂന്നാമനായി പൂജാര ഇന്ത്യന്‍ ടീമില്‍ തിരിച്ചെത്തും. പൂജാരയ്ക്ക് ശേഷം കോഹ്ലിയും രാഹാനയും ഇറങ്ങും.

അതെസമയം ദിനേഷ് കാര്‍ത്തികിന് ഒരവസരം കൂടി ലഭിക്കാന്‍ സാധ്യതയുണ്ട്. പുതുമുഖ താരം റിഷഭ് പന്ത് ഇത്തവണയും പുറത്തിരിക്കും. ഓള്‍റൗണ്ടര്‍മാരുടെ കാര്യത്തില്‍ ഇത്തവണ പുനപരിശോധന ഉണ്ടാകും. രണ്ട് സ്പിന്നര്‍മാരെ ഉള്‍പ്പെടുത്താനാണ് തീരുമാനമെങ്കില്‍ അശ്വിനൊപ്പം കുല്‍ദീപും പ്ലേയിംഗ് ഇലവനില്‍ ഉള്‍പ്പെടും. രവീന്ദ്ര ജഡേജയെയും അശ്വിനൊപ്പം കുല്‍ദീപിന് പകരം പരീക്ഷിച്ചേക്കും. അങ്ങനെയെങ്കില്‍ ഹാര്‍ദ്ദിക്ക് പാണ്ഡ്യ പുറത്തിരിക്കേണ്ടി വരും.

പേസ് ബൗളര്‍മാരില്‍ കാര്യമായ മാറ്റമുണ്ടായേക്കില്ല. മുഹമ്മദ് ഷാമിയും ഇഷാന്ത് ശര്‍മയും ഉമേഷ് യാദവും തന്നെ അന്തിമ ഇലവനില്‍ കളിക്കും.

അതെസമയം രണ്ടാം ടെസ്റ്റില്‍ ഇംഗ്ലണ്ടിന്റെ യുവതാരം അരങ്ങേറ്റം കുറിക്കുമെന്ന് ക്യപ്റ്റന്‍ ജോ റൂട്ട് വ്യക്തമാക്കി. നാലാം നമ്പറില്‍ ഡേവിഡ് മലാന് പകരം ഒല്ലി പോപ് ടീമില്‍ സ്ഥാനം പിടിക്കും. ഇരുപതുക്കാരന്റെ സ്ഥാനം റൂട്ട് ഉറപ്പുവരുത്തി.

ഓള്‍ റൗണ്ടര്‍ ബെന്‍ സ്റ്റോക്സിന് പകരം ക്രിസ് വോക്സ്, മൊയീന്‍ അലി എന്നിവരില്‍ ആരെങ്കിലും ഒരാള്‍ ടീമിലെത്തും. 13 അംഗ സ്‌ക്വാഡില്‍ നിന്ന് പേസര്‍ ജാമി പോര്‍ട്ടറാണ് പുറത്തായത്.

ജോ റൂട്ട് (ക്യാപ്റ്റന്‍), മൊയീന്‍ അലി, ജയിംസ് ആന്‍ഡേഴ്സണ്‍, ജോണി ബെയര്‍സ്റ്റോ, സ്റ്റുവര്‍ട്ട് ബ്രോഡ്, ജോസ് ബട്ലര്‍, അലിസ്റ്റര്‍ കുക്ക്, സാം കുറന്‍, കീറ്റണ്‍ ജെന്നിങ്സ്, ഒല്ലി പോപ്, ആദില്‍ റഷീദ്, ക്രിസ് വോക്സ്.

പ്രകൃതി കരുതിവെച്ച ദൃശ്യവിസ്മയമാണത്. രണ്ട് മലകള്‍ക്കിടയില്‍ പ്രകൃതി ഒളിപ്പിച്ചു വെച്ച മനോഹാരിത. കുറവന്‍, കുറത്തി മലകള്‍ക്കിടയിലാണ് ഇന്ത്യയിലെ തന്നെ ഏറ്റവും വലിയ ഇടുക്കി അണക്കെട്ട് നിര്‍മ്മിച്ചിരിക്കുന്നത്. ഈ ഇടുക്ക് എന്ന വാക്കില്‍ നിന്നാണ് ഇടുക്കി എന്ന പേരുണ്ടായത്. സമുദ്ര നിരപ്പില്‍ നിന്ന് 925 മീറ്റര്‍ ഉയരത്തില്‍ കുറത്തി മലയും 839 മീറ്റര്‍ ഉയരത്തില്‍ കുറവന്‍ മലയും സ്ഥിതി ചെയ്യുന്നു. കാമാനാകൃതിയോളം പ്രകൃതിയോട് യോജിച്ച മറ്റൊന്നില്ല. ഭാരം താങ്ങുവാന്‍ ആര്‍ച്ചിന് കൂടുതല്‍ ശേഷിയുണ്ട് എന്നത് ഒരു ശാസ്ത്രീയ വസ്തുതയാണ്. അതിനാല്‍ തന്നെയാണ് ഇടുക്കി അണക്കെട്ടിന് കമാനാകൃതി തന്നെ തിരഞ്ഞെടുത്തത്.

ഇടുക്കി ഡാമിന്റെ ജലസംഭരണ ശേഷി 2403 അടിയാണ്. പരാമാവധി 300 വര്‍ഷമാണ് ഇടുക്കി ഡാമിന്റെ ആയുസ്സ്. കുറവന്‍ കുറത്തി മലകള്‍ക്കിടയിലൂടെ വി ആകൃതിയിലാണ് ഇടുക്കി ആര്‍ച്ച് ഡാം പടുത്തുയര്‍ത്തിയിരിക്കുന്നത്. ഇവിടെ കുതിച്ചുതുള്ളി ഒഴുകിയ പെരിയാര്‍ നദിയെ തടഞ്ഞു നിര്‍ത്തിയാണ് സംഭരണി നിര്‍മ്മിച്ചിട്ടുള്ളത്. വൈദ്യുതി ഉല്‍പാദിപ്പിക്കുക എന്ന ലക്ഷ്യം മുന്നില്‍ കണ്ടാണ് ഇടുക്കി ഡാം പണികഴിപ്പിച്ചിട്ടുള്ളത്. മനുഷ്യാദ്ധ്വാനത്തിന്റെ അത്ഭുതങ്ങളിലൊന്നാണ് ഇടുക്കി പദ്ധതി. ഇടുക്കി, ചെറുതോണി, കുളമാവ് ഡാമുകള്‍ ചേര്‍ന്നതാണ് ഇടുക്കി.

ഇടുക്കി ചെറുതോണി അണക്കെട്ടിനെ മറ്റുള്ളവയില്‍ നിന്ന് വ്യത്യസ്തമാക്കുന്നത് ലിഫ്റ്റ് സൗകര്യമാണ്.അണക്കെട്ടില്‍ തന്നെയാണ് ലിഫ്റ്റുള്ളത്. കോണോടുകോണ്‍ നീളമുള്ള വിശാലമായ മൂന്നു ഇടനാഴികള്‍ ഇടുക്കി അണക്കെട്ടിനുള്ളില്‍ മൂന്നു നിലകളായി സ്ഥിതിചെയ്യുന്നു. കുറത്തിമല തുരന്നാണ് ലിഫ്റ്റ് സ്ഥാപിച്ചിരിക്കുന്നത്.

ഇടുക്കി അണക്കെട്ടിന്റെ 2408 അടിയെന്ന ഉയരം സമുദ്രനിരപ്പില്‍ നിന്നുള്ളതാണ്. ശരിക്കുള്ളത് 515 അടി. കൃത്യമായി പറയുകയാണെങ്കില്‍ 51 നില കെട്ടിടത്തിന്റെ ഉയരം. വെള്ളം നിറഞ്ഞ് സമ്മര്‍ദ്ദം ഉയരുമ്പോള്‍ അതിനെ പ്രതിരോധിക്കാന്‍ ഇടുക്കി അണക്കെട്ടിന് 40 മില്ലി മീറ്റര്‍ വരെ പുറത്തേക്ക് തള്ളാന്‍ ശേഷിയുണ്ട് എന്നത് വലിയ പ്രത്യേകതയാണ്.

ഇന്ത്യയിലെ ആദ്യത്തെ ആര്‍ച്ച് ഡാമായ ഇടുക്കി കോണ്‍ക്രീറ്റ് കൊണ്ടാണ് നിര്‍മ്മിച്ചിരിക്കുന്നത്. ഇതിന് 168.9 മീറ്റര്‍ ഉയരമുണ്ട്. മുകളില്‍ 365.85 മീറ്റര്‍ നീളവും 7.62 മീറ്റര്‍ വീതിയുമുണ്ട്. അടിയിലെ വീതി 19.81 മീറ്ററാണ്. ആകെ 4.64 ലക്ഷം ഘനമീറ്റര്‍ കോണ്‍ക്രീറ്റ് ഇതിന്റെ മാത്രം നിര്‍മിതിക്ക് വേണ്ടി വന്നു. ആര്‍ച്ച് ഡാമിന് ഷട്ടറുകളില്ല. നിര്‍മാണത്തിന് 11 കോടി രൂപയാണ് ചെലവായത്.

ഇടുക്കി അണക്കെട്ടിന്റെ ചരിത്രം

1932 ല്‍ മലങ്കര എസ്റ്റേറ്റ് സൂപ്രണ്ടായിരുന്ന ഡബ്ല്യൂ . ജെ . ജോണ്‍ ഇടുക്കിയിലെ ഘോരവനങ്ങളില്‍ നായാട്ടിന് എത്തിയതോടെയാണ് ഇടുക്കിയെ കണ്ടെത്തുന്നത്. നായാട്ടിനിടയില്‍ കൊലുമ്പന്‍ എന്ന ആദിവാസിയെ കണ്ടുമുട്ടി. തുടര്‍ന്നുള്ള യാത്രയ്ക്ക് വഴികാട്ടിയായി കൊലുമ്പനെ കൂട്ടി. കൊലുമ്പന്‍ കുറവന്‍-കുറത്തി മലയിടുക്ക് കാണിച്ചുകൊടുത്തു. മലകള്‍ക്കിടയിലൂടെ ഒഴുകിയ പെരിയാര്‍ ജോണിനെ ആകര്‍ഷിച്ചു. ഇവിടെ അണകെട്ടിയാല്‍ വൈദ്യുതോല്പാദനത്തിനും ജലസേചനത്തിനും പ്രയോജനപ്പെടുമെന്ന് ജോണിനു തോന്നി. പിന്നീട് ജോണ്‍ എന്‍ജിനിയറായ സഹോദരന്റെ സഹായത്തോടെ അണക്കെട്ടിന്റെ സാധ്യതകളെക്കുറിച്ച് തിരുവിതാംകൂര്‍ ഗവണ്‍മെന്റിന് റിപ്പോര്‍ട്ട് സമര്‍പ്പിച്ചു.

1937 ല്‍ ഇറ്റലിക്കാരായ അഞ്ജമോഒമേദയോ, ക്‌ളാന്തയോ മാസെലെ എന്നീ എന്‍ജിനീയര്‍മാര്‍ ഇടുക്കിയില്‍ അണക്കെട്ട് നിര്‍മിക്കുന്നതിനനുകൂലമായ പഠന റിപ്പോര്‍ട്ട് സമര്‍പ്പിച്ചെങ്കിലും തിരുവിതാംകൂര്‍ സര്‍ക്കാര്‍ ഇതിന് തയാറായില്ല. 1947 ല്‍ തിരുവിതാംകൂറിലെ ഇലക്ട്രിക്കല്‍ എന്‍ജിനിയറായിരുന്ന പി. ജോസഫ് ജോണിന്റെ റിപ്പോര്‍ട്ടില്‍ പെരിയാറിനെയും ചെറുതോണിപുഴയേയും ബന്ധിപ്പിച്ച് അണക്കെട്ട് നിര്‍മ്മിക്കാനും അറക്കുളത്ത് വൈദ്യുതി നിലയം സ്ഥാപിക്കാനും ശുപാര്‍ശ ചെയ്തു.1963ല്‍ പദ്ധതിക്ക് കേന്ദ്ര ആസൂത്രണ കമ്മീഷന്റെ അംഗീകാരം ലഭിച്ചു.

തുടര്‍ന്ന് ഇടുക്കി പദ്ധതിയുടെ നിര്‍മ്മാണച്ചുമതല സംസ്ഥാന വൈദ്യുതി ബോര്‍ഡ് ഏറ്റെടുത്തു. 1966 78 ലക്ഷം കനേഡിയന്‍ ഡോളറിന്റെ സഹായധനവും 115 ലക്ഷം കനേഡിയന്‍ ഡോളറിന്റെ ദീര്‍ഘകാല വായ്പയും ഇടുക്കി പദ്ധതിക്കായി ലഭിച്ചു. പദ്ധതിയുടെ പ്രധാന അണക്കെട്ട് കുറവന്‍ മലയേയും, കുറത്തി മലയേയും ബന്ധിപ്പിച്ചു കൊണ്ടായിരുന്നു. പെരിയാറില്‍ സംഭരിക്കുന്ന വെള്ളം ചെറുതോണിപ്പുഴയിലൂടെ ഒഴുകി പോകാതിരിക്കാന്‍ ചെറുതോണിയിലും, ഇതിനടുത്തുള്ള കിളിവള്ളിത്തോട്ടിലൂടെ വെള്ളം നഷ്ടപ്പെടാതിരിക്കാന്‍ കുളമാവിലും അണക്കെട്ടുകള്‍ നിര്‍മ്മിച്ചു. 1976 ഫെബ്രുവരി 12ന് അന്നത്തെ ഇന്ത്യന്‍ പ്രധാനമന്ത്രി ഇന്ദിരാഗാന്ധിയാണ് ഈ ജലവൈദ്യുത പദ്ധതി ഉദ്ഘാടനം ചെയ്തത്.

അണക്കെട്ടിന്റെ ചലനമറിയാന്‍ പെന്‍ഡുലം, വിളളലുകളറിയാന്‍ ക്രാക്ക് മീറ്റര്‍, ഊഷ്മാവറിയാന്‍ വാട്ടര്‍ തെര്‍മോമീറ്റര്‍, ഭൂചലനമറിയാന്‍ ആക്‌സലറോ ഗ്രാഫ് തുടങ്ങിയ ഉപകരണങ്ങള്‍ ഇടുക്കി അണക്കെട്ടിനുളളിലുണ്ട്.

കൊച്ചി: ഇടമലയാര്‍, ഇടുക്കി അണക്കെട്ടുകള്‍ തുറന്നുവിട്ട സാഹചര്യത്തില്‍ നെടുമ്പാശേരി വിമാനത്താവളത്തില്‍ നിയന്ത്രണം. വിമാനങ്ങള്‍ ഇറങ്ങുന്നത് ഉച്ചയ്ക്ക് രണ്ടു മണി വരെയാണ് നിരോധനം. എന്നാല്‍ വിമാനങ്ങള്‍ പറന്നുയരുന്നതിന് നിയന്ത്രണമില്ലെന്ന് സിയാല്‍ വാര്‍ത്താകുറിപ്പില്‍ അറിയിച്ചു. രണ്ടു മണിക്ക് സിയാല്‍ അടിയന്തര അവലോകന യോഗം ചേരുന്നുണ്ട്. ഇതിനു ശേഷമായിരിക്കും നിയന്ത്രണം തുടരുന്ന കാര്യത്തില്‍ തീരുമാനമുണ്ടാകുക.

നെടുമ്പാശേരിയില്‍ ഇറങ്ങാതെ വഴിതിരിച്ചുവിടുന്ന വിമാനങ്ങള്‍ എവിടെ ഇറക്കണമെന്ന് അതാത് വിമാന കമ്പനികള്‍ക്ക് തീരുമാനിക്കാമെന്നും സിയാല്‍ വ്യക്തമാക്കിയിട്ടുണ്ട്. 2013ലും ഇടമലയാര്‍ ഡാം തുറന്നുവിട്ടപ്പോള്‍ നെടുമ്പാശേരി വിമാനത്താവളത്തില്‍ വെള്ളം കയറിയിരുന്നു. അന്ന് ചുറ്റുമതില്‍ തകര്‍ന്നതാണ് വെള്ളം കയറാന്‍ കാരണമെന്നാണ് സിയാല്‍ അറിയിച്ചത്. എന്നാല്‍ ഇത്തവണ ഇടുക്കി ഡാം കൂടി ട്രയല്‍ റണ്‍ നടത്തിയതോടെ പെരിയാറിലെ ജലനിരപ്പ് ഉയരുകയും കൂടുതല്‍ വെള്ളം നെടുമ്പാശേരി ഭാഗത്ത് എത്തുമെന്ന സൂചനയുമാണ് മുന്‍കരുതല്‍ എടുക്കാന്‍ സിയാലിനെ പ്രേരിപ്പിച്ചത്.

26 വര്‍ഷത്തിനു ശേഷമാണ് ഇടുക്കി അണക്കെട്ട് ഇന്ന് തുറന്നത്. മൂന്നാമത്തെ ഷട്ടര്‍ 50 സെന്റിമീറ്റര്‍ ഉയര്‍ത്തി നാലു മണിക്കൂര്‍ സമയം ട്രയല്‍ റണ്‍ ആണ് നടത്തുക. സെക്കന്‍ഡില്‍ 50,000 ലിറ്റര്‍ വെള്ളമാണ് പുറത്തേക്ക് വന്നുകൊണ്ടിരിക്കുന്നത്. ഇടുക്കി അണക്കെട്ട് പണിതതിനു ശേഷം ഇത് മൂന്നാം തവണയാണ് ഡാം തുറക്കുന്നത്. 1981ലും 1992ലുമാണ് മുന്‍പ് രണ്ടു തവണ ഡാം തുറന്നത്.