യു.എ.ഇയില് മലയാളി നഴ്സ് ആശുപത്രിക്കെട്ടിടത്തില് നിന്നും ചാടി ആത്മഹത്യ ചെയ്തു. യുവതിയെ ആശുപത്രി കെട്ടിടത്തില് നിന്നും ചാടി മരിച്ച നിലയില് കണ്ടെത്തുകയായിരുന്നു. അല്ഐനിലാണ് സംഭവം നടന്നത്.
സ്വകാര്യ ആശുപത്രിയില് ജോലി ചെയ്യുന്ന സുജാ സിങ്ങ് എന്ന യുവതിയെയാണ് മരിച്ച നിലയില് കണ്ടെത്തിയത്. ആശുപത്രിയില് ഹെഡ് നഴ്സായി ജോലി നോക്കുകയായിരുന്നു സുജ. ജനുവരി മുതലാണ് ഇവര് ഇവിടെ ജോലിയില് പ്രവേശിച്ചതെന്നാണ് അറിയുന്നത്.
ആത്മഹത്യയാണെന്ന് പൊലീസ് പ്രാഥമിക നിഗമനം. ഇവര്ക്ക് ശമ്ബള കുടിശ്ശിക ഉണ്ടായിരുന്നതായി പറയുന്നുണ്ടെങ്കിലും ആശുപത്രി അധികൃതര് അത് നിഷേധിച്ചു. ആശുപത്രി അധികൃതരുടെ വിശദീകരണം ആശുപത്രിയുമായി ബന്ധപ്പെട്ട പ്രശ്നങ്ങളില്ലെന്നാണ്.
എന്നാല്, യുവതിക്ക് കൂടാതെ ജോലില് സമ്മര്ദമുണ്ടായിരുന്നുവെന്നും പൊലീസ് പറഞ്ഞു. ഉത്തരേന്ത്യക്കാരനായ ആളെ വിവാഹം ചെയ്ത ഇവര്ക്ക് രണ്ട് കുട്ടികളുണ്ട്. ഭര്ത്താവുമായി ബന്ധം വേര്പെടുത്തിയാണ് കഴിഞ്ഞിരുന്നത്. അതേസമയം അമ്മയുടെ മൃതദേഹം കാണാന് താല്പ്പര്യമില്ലെന്നാണ് ഇവരുടെ രണ്ട് മക്കളും പറഞ്ഞതെന്ന് ഗള്ഫ് ന്യൂസ് റിപ്പോര്ട്ടു ചെയ്തു.
മലയാളികളടക്കം ധാരാളം ഇന്ത്യക്കാർ ജോലി ചെയ്യുന്ന സ്ഥാപനമാണ് യൂണിവേഴ്സൽ ഹോസ്പിറ്റൽ. അബുദാബിയിലും ഈ ആശുപത്രി പ്രവർത്തിക്കുന്നുണ്ട്. കഴിഞ്ഞ ഡിസംബർ മുതൽ നഴ്സുമാർക്ക് ഇവിടെ ശമ്പളം ലഭിക്കുന്നുണ്ടായിരുന്നില്ല. ജനറൽ നഴ്സിംഗ് വിഭാഗത്തിന് ശരാശരി 4000 ദിർഹവും (ഏകദേശം 70,000 രൂപ) പ്രവൃത്തി പരിചയമുള്ള നഴ്സുമാർക്കും ബിഎസ്സി നേഴ്സുമാർക്കും 5000 മുതൽ 7000 വരെ ദിർഹവും (ഏകദേശം 88,000 മുതൽ 1,23,000 രൂപ വരെ) ശമ്പളം നൽകാമെന്നാണ് ഉറപ്പ് നൽകിയിരുന്നത്. എന്നാൽ ഡിസംബർ മുതൽ ശമ്പളം ലഭിക്കാതായതോടെ ഉപജീവനത്തിനായി മറുകര തേടിയ നല്ലൊരു ശതമാനം മലയാളി നേഴ്സുമാരുടെ ജീവിതം ദുരിതത്തിലായി.
തുടർന്ന് ഫെബ്രുവരി മാസത്തിൽ എല്ലാവർക്കും 1000 ദിർഹം മാത്രം നൽകി ആശുപത്രി അധികൃതർ വാർത്ത പുറത്തറിയിക്കാതെ സൂക്ഷിക്കുകയായിരുന്നു. തങ്ങളുടെ കൺമുമ്പിൽ സഹപ്രവർത്തക ആത്മഹത്യ ചെയ്തതിന്റെ ഞെട്ടലിലാണ് ഇപ്പോൾ ആശുപത്രിയിൽ ഉള്ളവർ. നഴ്സ് ആത്മഹത്യ ചെയ്തതിനെ പുറത്തറിയിക്കാതെ കൈകാര്യം ചെയ്യാനാണ് ആശുപത്രി അധികൃതർ ശ്രമിക്കുന്നത്.
നാട്ടിലുള്ള ബന്ധുക്കളും മൃതദേഹം ഏറ്റെടുക്കാന് തയ്യാറായിട്ടില്ല. അതുകൊണ്ട് തന്നെ ദുബായില് തന്നെ മൃതദേഹം സംസ്ക്കരിക്കാനുള്ള ഒരുക്കങ്ങളാണ് നടക്കുന്നത്. ആശുപത്രിയില് ജോലിചെയ്തിരുന്നവരില് ആത്മാര്ത്ഥയുള്ള ജീവനക്കാരിയാണ് സുധ സിങ് എന്ന് ആശുപത്രി അധികൃതര് പ്രതികരിച്ചു.
തൃശൂര്: പൊലീസുകാര്ക്കു ചെരിഞ്ഞ തൊപ്പി ഏര്പ്പെടുത്താനുള്ള തീരുമാനത്തിനെതിരെ വാട്സാപ്പ് ഗ്രൂപ്പില് ഡിജിപിയെ അസഭ്യം പറഞ്ഞ സിവില് പൊലീസ് ഓഫിസര്ക്ക് സസ്പെന്ഷന്. തൃശൂര് നഗരാതിര്ത്തിയിലെ പൊലീസ് സ്റ്റേഷനില് ജോലി ചെയ്യുന്ന ജോഫിന് ജോണിയെയാണ് കമ്മിഷണര് രാഹുല് ആര്.നായര് സസ്പെന്ഡ് ചെയ്തത്. ആറു മാസത്തേക്കാണ് സസ്പെന്ഷന്.
തൃശൂര് സായുധസേനാ ക്യാംപിലെ പൊലീസുകാര് ഒന്നടങ്കം അംഗമായ ‘സായുധസേന തൃശൂര്’ എന്ന വാട്സാപ് ഗ്രൂപ്പിലായിരുന്നു അസഭ്യവര്ഷം. സിഐ മുതല് സിവില് പൊലീസ് ഓഫിസര്മാര് വരെയുള്ളവര്ക്കു ചെരിഞ്ഞ തൊപ്പി ഏര്പ്പെടുത്താനുള്ള ഡിജിപി ലോക്നാഥ് ബെഹ്റയുടെ ഉത്തരവിനെക്കുറിച്ചുള്ള പത്രവാര്ത്ത സേനാംഗങ്ങളിലൊരാള് ഗ്രൂപ്പില് ഷെയര് ചെയ്തിരുന്നു. ഈ വാര്ത്തയ്ക്കു കീഴിലാണു ജോഫിന്റെ അസഭ്യവര്ഷം വന്നത്. ഗ്രൂപ്പിലെ മറ്റംഗങ്ങള് ഇതിനെതിരെ രൂക്ഷവിമര്ശനവുമുയര്ത്തുകയും ചെയ്തിരുന്നു
മുഖ്യമന്ത്രിയും ഡിജിപിയും ഉള്പ്പെടെ പൊലീസിന്റെ ഭാഷയും പെരുമാറ്റവും നന്നാക്കണമെന്നു ആവര്ത്തിച്ചു നിര്ദേശിക്കുന്നതിനിടെയായിരുന്നു ഡിജിപിക്കെതിരെ പൊലീസുകാരന്റെ അസഭ്യവര്ഷം.
കൊല്ക്കത്ത : തൃണമൂല് പ്രവര്ത്തകരുടെ അക്രമത്തെ തടഞ്ഞ ബിജെപിക്കൊപ്പം കൂടി സിപിഎം. ഇനിയും ഞങ്ങള്ക്ക് അടികൊള്ളാനാവില്ല എന്ന ന്യായീകരണവുമായാണ് സിപിഎമ്മിന്റെ വരവ്. പഞ്ചായത്ത് തെരഞ്ഞെടുപ്പില് നാമ നിര്ദ്ദേശ പത്രിക പോലും സമര്പ്പിക്കാന് അനുവദിക്കാത്ത തൃണമൂലിനു നേരേ ബിജെപിയുടെ പോരാട്ടം അതിനൊപ്പം കൈകോര്ക്കുകയാണ് സിപിഎം. ബീര്ഭൂമില് പത്രിക സമര്പ്പണം തടഞ്ഞ തൃണമൂല് ഗുണ്ടകളെ ബിജെപി -സിപിഎം പ്രവര്ത്തകര് പ്രതിരോധിച്ച് പത്രിക സമര്പ്പണം നടത്തി.
ബീര്ഭൂം ബ്ളോക്ക് ഡെവലപ്പ്മെന്റ് ഓഫീസിലാണ് പഞ്ചായത്ത് തിരഞ്ഞെടുപ്പിനുള്ള സ്ഥാനാര്ത്ഥികള് പത്രിക സമര്പ്പിക്കേണ്ടത് . എന്നാല് പ്രതിപക്ഷ കക്ഷി സ്ഥാനാര്ത്ഥികളെ പത്രിക നല്കാന് അനുവദിക്കാതെ തൃണമൂല് കോണ്ഗ്രസ് പ്രവര്ത്തകര് ഓഫീസ് വളഞ്ഞിരുന്നു . പത്രിക സമര്പ്പിക്കാനെത്തിയ ബിജെപി സിപിഎം സ്ഥാനാര്ത്ഥികളെ ഇവര് തടഞ്ഞു.
പിന്നീട് സ്ത്രീകള് അടക്കമുള്ള ബിജെപി പ്രവര്ത്തകര് അഞ്ച് കിലോമീറ്റര് ദൂരം നടന്ന് സംഭവ സ്ഥലത്ത് എത്തുകയും തൃണമൂല് പ്രവര്ത്തകരെ തടഞ്ഞ്് പത്രിക സമര്പ്പണം നടത്തുകയുമായിരുന്നു. തൃണമൂല് ഗുണ്ടകള്ക്കൊപ്പം പോലീസും ചേര്ന്നെങ്കിലും മൂവായിരത്തോളം വരുന്ന ജനക്കൂട്ടത്തെ തടയാനായില്ല.സിപിഎം അംഗങ്ങളും ഇവര്ക്കൊപ്പം ചേര്ന്നു. സിപിഎം 56 ഇടത്തും ബിജെപി 80 ഇടത്തും പത്രിക സമര്പ്പിച്ചു.
എത്രനാളാണ് ഞങ്ങള് അടികൊള്ളുന്നത് . അതുകൊണ്ട് ഞങ്ങള് ശത്രുവിന്റെ ശത്രുവിനൊപ്പം ചേരാന് തീരുമാനിച്ചുവെന്ന് സിപിഎമ്മിന്റെ പ്രാദേശിക നേതാവ് മാദ്ധ്യമങ്ങളോട് പറഞ്ഞു. . പഞ്ചായത്ത് തെരഞ്ഞെടുപ്പിനോടനുബന്ധിച്ച് തൃണമൂല് കോണ്ഗ്രസ് വ്യാപക അക്രമമാണ് ബംഗാളില് നടത്തി വരുന്നത് . സിപിഎമ്മിന്റെ മുതിര്ന്ന നേതാവും ഒന്പതു പ്രാവശ്യം എം.പിയുമായിരുന്ന ബസുദേവ് ആചാര്യയെ തൃണമൂല് പ്രവര്ത്തകര് ആക്രമിച്ച് പരിക്കേല്പ്പിച്ചിരുന്നു. അക്രമത്തില് ഒരു ബിജെപി പ്രവര്ത്തകനും കൊല്ലപ്പെട്ടിരുന്നു.
നേരത്തെ ജനാധിപത്യത്തെ കശാപ്പ് ചെയ്യുന്ന തൃണമൂലിനെതിരെ പോരാടാന് ബിജെപിയെ സ്വാഗതം ചെയ്യുന്നതായി സിപിഎം സംസ്ഥാന സെക്രട്ടറി സൂര്യകാന്ത് മിശ്ര പറഞ്ഞിരുന്നു . തൃണമൂലിനെതിരെ പോരാടുന്ന കാര്യത്തില് സിപിഎമ്മിനെയും സ്വാഗതം ചെയ്യുന്നുവെന്ന് ബിജെപി നേതാവ് മുകുള് റോയിയും വ്യക്തമാക്കിയിരുന്നു
ധര്മ്മശാല: ഹിമാചല് പ്രദേശില് 45 വിദ്യാര്ത്ഥികളുമായി സ്കൂള് ബസ് കൊക്കയിലേക്ക് മറിഞ്ഞ് 26 വിദ്യാര്ത്ഥികള് മരിച്ചു. രണ്ട് അധ്യാപകരും ഡ്രൈവറുമുള്പ്പെടെ ആകെ 29 പേര് മരിച്ചെന്നാണ് റിപ്പോര്ട്ടുകള്.
നുര്പുര് മേഖലയില് തിങ്കളാഴ്ച വൈകിട്ടാണ് അപകടം. മല മുകളിലെ പാതയിലൂടെ പോകുകയായിരുന്ന ബസ് തെന്നിനീങ്ങി താഴേക്കു പതിക്കുകയായിരുന്നെന്ന് എഎന്ഐ റിപ്പോര്ട്ട് ചെയ്യുന്നു.
ദേശീയ ദുരന്തനിവാരണ സേനയുടെ പ്രത്യേകസംഘം പ്രദേശത്തെത്തി രക്ഷാപ്രവര്ത്തനം തുടങ്ങി. കുറച്ചു കുട്ടികള് ഇപ്പോഴും ബസില് കുടുങ്ങിക്കിടക്കുയാണെന്നാണ് റിപ്പോര്ട്ടുകള്. സീര് റാം സിങ് പതാനിയ സ്മാരക പബ്ലിക് സ്കൂളിലെ അഞ്ചാം ക്ലാസ് മുതല് താഴേക്കുള്ള വിദ്യാര്ഥികളായിരുന്നു ബസിലുണ്ടായിരുന്നത്. അതേസമയം ഇതേവരെ ആളപായം സ്ഥിരീകരിക്കാന് കഴിഞ്ഞിട്ടില്ലെന്ന് ജില്ല പൊലീസ് മേധാവി അറിയിച്ചു.
100 മീറ്ററിലധികം താഴ്ചയുള്ള കൊക്കയിലാണ് ബസ് കിടക്കുന്നത്. ദേശീയ ദുരന്തനിവാരണ സേനയുടെ പ്രത്യേകസംഘം പ്രദേശത്തെത്തി രക്ഷാപ്രവര്ത്തനം തുടരുകയാണ്. പൊലീസും ഡോക്ടര്മാരുടെ സംഘവും സ്ഥലത്ത് എത്തിയിട്ടുണ്ട്. പ്രദേശവാസികളുടെയും ദുരന്ത നിവാരണസേനയുടെയും നേതൃത്വത്തിലാണ് രക്ഷാപ്രവര്ത്തനം പുരോഗമിക്കുന്നത്.
ഒന്പതു പേര് മാത്രമാണ് കൊല്ലപ്പെട്ടതെന്നു ഹിമാചല് മുഖ്യമന്ത്രി ജയ്റാം താക്കൂര് പറഞ്ഞു.സംഭവത്തില് ജുഡീഷ്യല് അന്വേഷണവും പ്രഖ്യാപിച്ചിട്ടുണ്ടെന്ന് അദ്ദേഹം പറഞ്ഞു.
കോടികൾ ബാങ്കിൽനിന്നു വായ്പയെടുത്തശേഷം തിരിച്ചടയ്ക്കാതെ രാജ്യംവിട്ട വജ്രവ്യാപാരി നീരവ് മോദിയെ പിടികൂടാൻ ഇന്ത്യ ഹോങ്കോംഗുമായി നേരിട്ട് ഇടപെടണമെന്ന് ചൈന. കോടികൾ തട്ടിച്ചു മുങ്ങിയ നീരവ് മോദി ഹോങ്കോംഗിലുണ്ടെന്നാണു കരുതപ്പെടുന്നത്.
ചൈനയുടെ നിയന്ത്രണത്തിലുള്ള ഹോങ്കോംഗിന് സ്വന്തമായ ഭരണ-നിയമവ്യവസ്ഥകളുണ്ടെന്നും അതിനാൽതന്നെ ഹോങ്കോംഗുമായി നേരിട്ട് ഇടപാടുകൾ നടത്താമെന്നും ചൈനീസ് വിദേശകാര്യ വക്താവ് വ്യക്തമാക്കി. ഇന്ത്യ ഹോങ്കോംഗിനോട് അഭ്യർഥന നടത്തിയാൽ നടപടികളിൽ പൂർണ അധികാരം ഹോങ്കോംഗിനു കൈമാറുമെന്നും ചൈനീസ് വക്താവ് അറിയിച്ചു. കുറ്റവാളികളെ കൈമാറുന്നതു സംബന്ധിച്ച് ഇന്ത്യയും ഹോങ്കോംഗും തമ്മിൽ കരാർ നിലവിലുണ്ട്. എന്നാൽ ചൈനയുമായി ഇത്തരത്തിൽ കരാറുകളില്ല.
കോടികളുടെ തട്ടിപ്പു നടത്തി രാജ്യംവിട്ട നീരവ് മോദിക്കും മെഹുൽ ചോക്സിക്കുമെതിരേ ഇന്ത്യയിൽ ജാമ്യമില്ലാ അറസ്റ്റ് വാറന്റ് പുറപ്പെടുവിച്ചിരുന്നു. സിബിഐയുടെ അഭ്യർഥനപ്രകാരം മുംബൈ കോടതിയാണ് ഇരുവർക്കുമെതിരേ വാറന്റ് പുറപ്പെടുവിച്ചത്. നീരവ് മോദിയെ അറസ്റ്റ് ചെയ്യണമെന്ന് ഇന്ത്യ ഹോങ്കോംഗിനോട് ആവശ്യപ്പെട്ടതിനു പിന്നാലെയാണ് ജാമ്യമില്ലാ അറസ്റ്റ് വാറന്റും പുറപ്പെടുവിക്കുന്നത്. ഇരുവരുടെയും പാസ്പോർട്ടുകൾ സിബിഐ കേസ് രജിസ്റ്റർ ചെയ്തതിനു പിന്നാലെ ഇന്ത്യ മരവിപ്പിച്ചിരുന്നു.
തട്ടിപ്പു നടത്തി നേടിയ കോടിക്കണക്കിനു രൂപ നീരവ് മോദി വിദേശരാജ്യങ്ങളിലെവിടെയോ നിക്ഷേപിച്ചിരിക്കുകയാണെന്നാണ് എൻഫോഴ്സ്മെന്റ് ഡയറക്ടറേറ്റിന്റെ അന്വേഷണത്തിൽ തെളിഞ്ഞത്. നീരവ് മോദി പഞ്ചാബ് നാഷണൽ ബാങ്കിൽ നിന്ന് 13,578 കോടിയുടെ തട്ടിപ്പു നടത്തിയാണ് മുങ്ങിയത്. നീരവിന്റെ ഇന്ത്യയിലെ സ്ഥാപനങ്ങളിലും വസതികളിലും നടന്ന റെയ്ഡിൽ കോടികളുടെ സ്വത്ത് കണ്ടെത്തിയിരുന്നു.
നേരത്തെ ബെൽജിയത്തിലെ നീരവ് മോദിയുടെ ബാങ്ക് അക്കൗണ്ടുകൾ മരവിപ്പിച്ചിരുന്നു. രണ്ട് അക്കൗണ്ടുകളാണ് എൻഫോഴ്സ്മെന്റ് ഡയറക്ടറേറ്റിന്റെ നിർദേശപ്രകാരം ബെൽജിയം സർക്കാർ മരവിപ്പിച്ചത്. ഫെബ്രുവരി 14നാണു നീരവ് മോദിയുടെ തട്ടിപ്പു സംബന്ധിച്ച ആദ്യ റിപ്പോർട്ടുകൾ പുറത്തുവന്നത്.
ദോശ കഴിച്ച് വണ്ണം കുറച്ചതിനെക്കുറിച്ചതിന്റെ രഹസ്യം വെളിപ്പെടുത്തി നടന് ജഗതി ശ്രീകുമാറിന്റെ മകള് ശ്രീലക്ഷ്മി ശ്രീകുമാര്. തന്റെ ഇന്സ്റ്റാഗ്രാം പോസ്റ്റ് വഴിയാണ് ശ്രീലക്ഷ്മി സ്വന്തമായി തയ്യാറാക്കിയ ഡയറ്റ് വഴി 15 കിലോ കുറച്ച കാര്യം പറഞ്ഞത്. ദുബായിയില് എത്തിയ സമയത്ത് എപ്പോഴും പുറത്ത് നിന്നായിരുന്നു ഭക്ഷണം. ഐസ്ക്രീം വലിയ ഇഷ്ടമാണ്.
ഒരുമാസം 22 കിലോ ഐസ്ക്രീം വരെ കഴിക്കും. ശരീര ഭാരം കൂടുന്നതിനെ കുറിച്ച് ഒട്ടും ബോധവതിയായിരുന്നില്ല. എന്നാല് ഒരിക്കല് ദുബായില് ഒരു ഷോ ചെയ്യാന് പോയപ്പോള് തന്നോട് മിക്കവാറും പേര് പറഞ്ഞു തടിച്ചല്ലോ എന്ന്. സാരിയുടുത്താണ് അന്ന് ഷോയ്ക്ക് പോയത്. ഷോയുടെ ഫോട്ടോ വന്നപ്പോള് ആകെ തകര്ന്നുപോയി. എനിക്ക് തന്നെ ബോറായി തോന്നി എന്റെ ശരീരം.
അപ്പോഴേക്കും പഴയ ഡ്രസ്സൊന്നും ഇടാന് പറ്റാതെയായിരുന്നു. അപ്പോള് ശരിക്കും ചങ്കിടിപ്പ് കൂടി. ഡയറ്റീഷ്യന്റെ സഹായം ഇല്ലാതെയാണ് ഡയറ്റ് തുടങ്ങിയത്. ജോഗിംഗ് മാത്രമാണ് ചെയ്ത വ്യായാമം. ചൂട് കൂടിയ സമയത്ത് ജിമ്മില് പോയി. അവിടെയും ട്രഡ്മില്ല് മാത്രമാണ് ഉപയോഗിച്ചത്. ഭക്ഷണത്തില് വലിയ നിയന്ത്രണങ്ങള് കൊണ്ടുവന്നു. ഹോട്ടല് ഭക്ഷണം പൂര്ണ്ണമായും ഉപേക്ഷിച്ചു.
ദോശ തിന്നാണ് ഞാന് ഇങ്ങനെ മെലിഞ്ഞത്. വയറ് നിറച്ച് ഭക്ഷണം കഴിക്കണം എന്ന് തോന്നുമ്പോഴൊക്കെ ദോശയും സാമ്പാറും അല്ലെങ്കില് ഇഡലിയും ചമ്മന്തിയും ഉണ്ടാക്കി കഴിച്ചു. വെള്ളിയാഴ്ചകളില് ഇഷ്ടപ്പെട്ട ഭക്ഷണം കഴിക്കും. കൊതി വരുമ്പോള് ചിക്കന് കറിയുണ്ടാക്കി അതിലെ കഷണങ്ങള് മാത്രം കഴിച്ചു. ഗ്രേവി പൂര്ണ്ണമായും ഒഴിവാക്കി.
എണ്ണയില്ലാതെയാണ് ദോശ ഉണ്ടാക്കാറ്. രണ്ട് ദോശ കഴിക്കും. അല്ലെങ്കില് പുട്ട്. മുളക്പൊടി മല്ലിപ്പൊടി എന്നിവ പൂര്ണ്ണമായും ഒഴിവാക്കി. ഒരുമാസം കഴിഞ്ഞേ ഇനി വെയ്റ്റ് നോക്കൂ ശ്രീലക്ഷ്മി പറയുന്നു. വണ്ണം കൂടിയതും കുറഞ്ഞതുമായ തന്റെ രണ്ട് ചിത്രങ്ങള് പങ്കുവച്ചായിരുന്നു ശ്രീലക്ഷ്മിയുടെ പോസ്റ്റ്.
യു.എ.ഇയില് മലയാളി നഴ്സ് ആത്മഹത്യ ചെയ്തു. അല് അയ്ന് യൂണിവേഴ്സല് ആശുപത്രിയില് ജോലി ചെയ്യുന്ന വനിതാ നഴ്സാണ് ആത്മഹത്യ ചെയ്തത്. ശമ്പള കുടിശ്ശികയും ജോലിയുടെ അസ്ഥിരതയുമാണ് ആത്മഹത്യയിലേക്ക് നയിച്ചെതെന്നാണ് പ്രാഥമിക വിവരങ്ങള്. സുജ എന്ന് പേരുള്ള മലയാളി നഴ്സാണ് ആശുപത്രി കെട്ടിടത്തിനു മുകളില് നിന്നും ചാടി ആത്മഹത്യ ചെയ്തത്. ഇവര്ക്ക് മൂന്ന് മക്കളുണ്ട്
മലയാളികളടക്കം ധാരാളം ഇന്ത്യക്കാര് ജോലി ചെയ്യുന്ന സ്ഥാപനമാണ് യൂണിവേഴ്സല് ഹോസ്പിറ്റല്. അബുദാബിയിലും ഈ ആശുപത്രി പ്രവര്ത്തിക്കുന്നുണ്ട്. കഴിഞ്ഞ ഡിസംബര് മുതല് നഴ്സുമാര്ക്ക് ഇവിടെ ശമ്പളം ലഭിക്കുന്നുണ്ടായിരുന്നില്ല. ജനറല് നഴ്സിംഗ് വിഭാഗത്തിന് ശരാശരി 4000 ദിര്ഹവും (ഏകദേശം 70,000 രൂപ) പ്രവൃത്തി പരിചയമുള്ള നഴ്സുമാര്ക്കും ബിഎസ്സി നേഴ്സുമാര്ക്കും 5000 മുതല് 7000 വരെ ദിര്ഹവും (ഏകദേശം 88,000 മുതല് 1,23,000 രൂപ വരെ) ശമ്പളം നല്കാമെന്നാണ് ഉറപ്പ് നല്കിയിരുന്നത്. എന്നാല് ഡിസംബര് മുതല് ശമ്പളം ലഭിക്കാതായതോടെ ഉപജീവനത്തിനായി മറുകര തേടിയ നല്ലൊരു ശതമാനം മലയാളി നേഴ്സുമാരുടെ ജീവിതം ദുരിതത്തിലായി.
തുടര്ന്ന് ഫെബ്രുവരി മാസത്തില് എല്ലാവര്ക്കും 1000 ദിര്ഹം മാത്രം നല്കി ആശുപത്രി അധികൃതര് വാര്ത്ത പുറത്തറിയിക്കാതെ സൂക്ഷിക്കുകയായിരുന്നു. തങ്ങളുടെ കണ്മുമ്പില് സഹപ്രവര്ത്തക ആത്മഹത്യ ചെയ്തതിന്റെ ഞെട്ടലിലാണ് ഇപ്പോള് ആശുപത്രിയില് ഉള്ളവര്. നഴ്സ് ആത്മഹത്യ ചെയ്തതിനെ പുറത്തറിയിക്കാതെ കൈകാര്യം ചെയ്യാനാണ് ആശുപത്രി അധികൃതര് ശ്രമിക്കുന്നത്.
വാഷിങ്ടണ്: ലൈംഗികാരോപണമുന്നയിച്ച പോണ് താരത്തെ നിശബ്ദയാക്കാന് ശ്രമിച്ച സംഭവത്തില് അമേരിക്കന് പ്രസിഡന്റ് ഡൊണാള്ഡ് ട്രംപിനെതിരെ പരാതി. ആരോപണമുന്നയിച്ച പോണ് താരം സ്റ്റോമി ഡാനിയല്സിന്റെ അഭിഭാഷകനാണ് പരാതി നല്കിയത്. ട്രംപിനെ ചോദ്യം ചെയ്യണമെന്നാവശ്യപ്പെട്ടാണ് ഹര്ജി നല്കിയത്.
2016ലെ തെരഞ്ഞെടുപ്പിനു മുന്പ് സ്റ്റോമിക്ക് ട്രംപ് 1.30 ലക്ഷം ഡോളര് കൊടുത്തെന്ന ആരോപണം നിഷേധിച്ചതിനെത്തുടര്ന്നാണ് ഹര്ജി. ട്രംപിന്റെ സത്യസന്ധത പരിശോധിക്കണമെന്ന് അഭിഭാഷകനായ മൈക്കല് അവനറ്റി ട്വീറ്റ് ചെയ്തിരുന്നു. ഇതിന് പിന്നാലെയാണു ഹര്ജി നല്കിയത്. ട്രംപ് യുഎസ് പ്രസിഡന്റാകും മുന്പ് അദ്ദേഹവുമായി അവിഹിത ബന്ധമുണ്ടായിരുന്നെന്നു ചാനല് അഭിമുഖത്തിലാണു നടി വെളിപ്പെടുത്തിയത്.
ട്രംപുമായുള്ള ബന്ധം രഹസ്യമാക്കി വയ്ക്കാന് തനിക്കു ഭീഷണിയുണ്ടായിരുന്നെന്നും സ്റ്റോമി പറഞ്ഞിരുന്നു. ട്രംപ് പണം നല്കുകയോ ഇതിനെപ്പറ്റി അറിയുകയോ ചെയ്തിട്ടില്ലെന്നാണു പറയുന്നതെങ്കില്, കോടതിക്കു പുറത്തുണ്ടാക്കിയ കരാറിനെപ്പറ്റിയും അറിവുണ്ടായിരിക്കില്ലെന്നു അവനറ്റി പറഞ്ഞു. ബന്ധം രഹസ്യമാക്കി വയ്ക്കാന് ട്രംപിന്റെ അഭിഭാഷകന് കോഹന് 1.3 ലക്ഷം ഡോളര് കൊടുത്തെന്നും കരാറില് ഒപ്പുവയ്പിച്ചെന്നും സ്റ്റോമി വെളിപ്പെടുത്തിയിരുന്നു.
വെളിപ്പെടുത്തലിന്റെ പശ്ചാത്തലത്തില് സ്റ്റോമി കരാര് ലംഘിക്കുകയാണെന്നു ചൂണ്ടിക്കാട്ടിയ ട്രംപിന്റെ അഭിഭാഷകന് രണ്ടു കോടി ഡോളര് നഷ്ടപരിഹാരം ആവശ്യപ്പെട്ടിരുന്നു. അതേസമയം അഭിഭാഷകന് പണം നല്കിയത് എന്തിനാണെന്ന് തനിക്കറിയില്ലെന്നും അക്കാര്യം കോഹനോടു തന്നെ ചോദിക്കാനുമായിരുന്നു ട്രംപ് പറഞ്ഞത്.
തിരുവനന്തപുരം: മലയാള സിനിമാ താരം സുധീര് കരമനയുടെ പക്കല് നിന്നും അന്യായമായി നോക്ക് കൂലി വാങ്ങിയ തൊളിലാളികള് പണം തിരികെ നല്കി മാപ്പ് പറഞ്ഞു. തൊഴിലാളികള് വാങ്ങിയ 25000 രൂപ തിരികെ നല്കി തൊഴിലാളികള് മാപ്പു പറഞ്ഞതായി സുധീര് അറിയിച്ചു. വിവിധ രാഷ്ട്രീയ പാര്ട്ടികളിലെ നേതാക്കള് ഉള്പ്പെടെയുള്ളവര് വിഷയത്തില് ഇടപെട്ട് സുധീറിന് പിന്തുണ പ്രഖ്യാപിച്ചിരുന്നു.
തിരുവനന്തപുരം ചാക്ക ബൈപ്പാസില് നിര്മ്മാണത്തിലിരിക്കുന്ന സുധീറിന്റെ വീട്ടിലേക്ക് സാധനങ്ങളുമായെത്തിയ വാഹനം തടഞ്ഞിട്ട തൊഴിലാളികള് നോക്കുകൂലി ആവശ്യപ്പെടുകയായിരുന്നു. ലോഡിറക്കാന് ആദ്യം ഒരു ലക്ഷം രൂപ ആവശ്യപ്പെട്ട യൂണിയന്കാര് പിന്നീട് 30000 രൂപ മതിയെന്ന തീരുമാനത്തിലെത്തി. എന്നാല് അത്രയും തുക നല്കാന് തയ്യാറാവാതിരുന്ന സുധീര് അവസാനം 25000 രൂപ നല്കുകയായിരുന്നു.
അന്യായമായി നോക്കുകൂലി വാങ്ങിയ നടപടിയെ തുടര്ന്ന് സി ഐ ടി യു അരശുംമൂട് യൂണിറ്റിലെ 14 തൊഴിലാളികളെ സിഐടിയു ജില്ലാ സെക്രട്ടറി സസ്പെന്ഡ് ചെയ്തിരുന്നു. കര്ശന പാര്ട്ടി നിര്ദേശങ്ങള് വകവെക്കാതെ പല സ്ഥലങ്ങളിലും ഇപ്പോഴും നോക്കുകൂലി വാങ്ങുന്നുണ്ട്.
ഹൈദരാബാദ്: വാഹന പരിശോധനയ്ക്കെത്തിയ പോലീസ് സംഘത്തിന് നേരെ മദ്യപിച്ചെത്തിയ യുവതിയുടെ ആക്രമണം. ഹൈദരാബാദിലാണ് സംഭവം. അക്രമം നടത്തിയ യുവതിയേയും സുഹൃത്തിനെയും പോലീസ് അറസ്റ്റ് ചെയ്തിട്ടുണ്ട്. ഇന്നലെ പുലര്ച്ചെ ഒരു മണിയോടെ സുഹൃത്തായ യുവതിയോടൊപ്പം കാറില് സഞ്ചരിക്കുകയായിരുന്ന ഇവര് അമിതമായി മദ്യപിച്ചിരുന്നതായി പോലീസ് പറയുന്നു.
വണ്ടിയോടിച്ചിരുന്ന സ്ത്രീ ഉള്പ്പെടെ രണ്ടു പേരും അമിതമായി മദ്യപിച്ചതായി കണ്ടെത്തിയ പോലീസ് ഇവരെ അറസ്റ്റ് ചെയ്യാന് ശ്രമിക്കുന്നതിനിടെയാണ് നാടകീയ സംഭവങ്ങള് അരങ്ങേറിയത്. വാഹന പരിശോധന ചിത്രീകരിച്ചുകൊണ്ടിരുന്ന മാധ്യമ പ്രവര്ത്തകരെയും യുവതി അക്രമിക്കാന് ശ്രമിക്കുന്നത് വീഡിയോ ദൃശ്യങ്ങളില് വ്യക്തമായി കാണാം. എഎന്ഐ പുറത്ത് വിട്ട വീഡിയോ സമൂഹ മാധ്യമങ്ങളില് വൈറലായിട്ടുണ്ട്.
മദ്യപിച്ച് വാഹനമോടിക്കുന്നവരെ പിടികൂടാന് നടത്തിയ പരിശോധനയില് നിരവധി പേരാണ് ഇന്നലെ കുടുങ്ങിയത്. സംഭവത്തില് രണ്ട് യുവതികള്ക്കെതിരെയും കേസ് രജിസ്റ്റര് ചെയ്തിട്ടുണ്ട്.
വീഡിയോ കാണാം.
#WATCH Hyderabad: A woman created ruckus & pelted stones at media personnel after her friend was booked for drunken driving by traffic police in Jubliee Hills area last night. pic.twitter.com/K1AthMih70
— ANI (@ANI) April 8, 2018
