ബംഗളുരു : ബംഗളുരുവില്‍ വിദേശിയായ യുവതിയെ ന്ഗ്നയാക്കി മര്‍ദ്ദിച്ച ശേഷം പൊതു നിരത്തിലൂടെ നടത്തിച്ചു. യുവതിയുടെ കാറും കത്തിച്ചു. ടാന്‍സാനിയക്കാരിയായ ബംഗളുരുവിലെ ആചാര്യ കോളേജില്‍ രണ്ടാം വര്‍ഷ ബി.ബി.എ വിദ്യാര്‍ത്ഥിനിയായ 21കാരിയാണ് അക്രമികളുടെ ക്രൂര പീഡനത്തിന് ഇരയായത്. പൊലീസ് നോക്കി നില്‍ക്കെയായിരുന്നു അക്രമം.
ഞായറാഴ്ച രാത്രി ഹെസറഘട്ട സ്വദേശി ടാന്‍സാനിയന്‍ യുവതിയുടെ കാര്‍ ഇടിച്ച് മരിച്ചുവെന്ന് ആരോപിച്ചായിരുന്നു പീഡനം. അതേ സമയം ഇടിച്ച കാര്‍ ആയിരുന്നില്ല യുവതിയുടേത്. സുഡാന്‍ പൗരന്മാര്‍ സഞ്ചരിച്ച കാര്‍ ആയിരുന്നു യുവാവിനെ ഇടിച്ച് വീഴ്ത്തിയത്. സംഭവം നടന്നതിന് അരമണിക്കൂറിന് ശേഷമായിരുന്നു യുവതിയുടെ കാര്‍ എത്തിയത്. ഹാസര്‍ഘട്ട സംഭവവുമായി ഇവര്‍ക്ക് ഒരു ബന്ധവുമുണ്ടായിരുന്നില്ല.

നാല് സുഹൃത്തുക്കളോടൊപ്പം വാഗണ്‍ ആര്‍ കാറില്‍ വരുകയായിരുന്നു യുവതിയെ പെട്ടെന്ന് ആള്‍ക്കൂട്ടം കാര്‍ തടയുകയും യുവതിയെ ബലമായി പുറത്തേയ്ക്ക് വലിച്ചിടുകയും ചെയ്തു. യുവതിയുടെ വസ്ത്രം അഴിച്ചുമാറ്റാന്‍ തുടങ്ങിയപ്പോള്‍ ടി ഷര്‍ട്ട് കൊണ്ട് മറയ്ക്കാന്‍ ശ്രമിച്ച യുവാവിനെയും അക്രമികള്‍ മര്‍ദ്ദിച്ചു. ബസില്‍ കയറി രക്ഷപ്പെടാന്‍ ശ്രമിച്ച യുവതിയെ ബസിലെ യാത്രക്കാര്‍ ആള്‍ക്കൂട്ടത്തിലേയ്ക്ക് തള്ളിയിടുകയും ചെയ്തു.

കാറിലുണ്ടായിരുന്ന പാസ്‌പോര്‍ട്ടുകള്‍, എ.ടി.എം കാര്‍ഡുകള്‍ എന്നിവയും പണവും മറ്റ് രേഖകളും കത്തിനശിച്ചു. ഇവരുടെ ഫോണ്‍ മോഷ്ടിയ്ക്കപ്പെടുകയും ചെയ്തിട്ടുണ്ട്. പണില്ലാത്തതിനാല്‍ ആശുപത്രിയിലും പരിക്കേറ്റ് ഇവര്‍ക്ക് ചികിത്സ നിഷേധിയ്ക്കപ്പെട്ടു. പൊലീസ് സ്റ്റേഷനിലെത്തി പരാതി നല്‍കിയെങ്കിലും കേസെടുക്കാന്‍ പൊലീസ് തയ്യാറായില്ല.

ഹാസര്‍ഘട്ട അപകടത്തിന് ഉത്തരവാദിയായ സുഡാന്‍ സംഘത്തെ കുറിച്ച് വിവരം നല്‍കിയാല്‍ മാത്രമേ എഫ്.ഐ.ആര്‍ രജിസ്റ്റര്‍ ചെയ്യൂ എന്ന നിലപാടിലായിരുന്നു പൊലിസ്. സംഭവത്തില്‍ ന്യൂഡല്‍ഹിയിലെ ടാന്‍സാനിയന്‍ എംബസി നടുക്കവും ആശങ്കയും രേഖപ്പെടുത്തി. വിശദമായ റിപ്പോര്‍ട്ട് ടാന്‍സാനിയ ഇന്ത്യയോട് ആവശ്യപ്പെട്ടതായി ഓള്‍ ആഫ്രിക്കന്‍ സ്റ്റുഡന്റ്‌സ് യൂണിയന്റെ നിയമ ഉപദേഷ്ടാവായ ബോസ്‌കോ കവീസി പറഞ്ഞു.

നോബേല്‍ സമ്മാന ജേതാവ് മലാല യൂസഫ്‌സായി പഠിക്കുന്ന സ്‌കൂള്‍ ഉള്‍പ്പെടെ യു കെയിലെ എട്ട് സ്‌കൂളുകള്‍ക്ക് നേരെ ബോംബ് ഭീഷണി. ഭീഷണിയെ തുടര്‍ന്ന് അധികൃതര്‍ അന്വേഷണത്തിന് ഉത്തരവിട്ടു. വെസ്റ്റ് മിഡ്‌ലാന്റ് പോലീസ് ആണ് ഭീഷണിയെ കുറിച്ച് അന്വേഷിക്കുന്നത്.

കരിയറിലെ ഏറ്റവും മികച്ച ബാറ്റിംഗ് ഫോമിലാണ് വിരാട് കോലി. കരുത്തരായ ഓസ്‌ട്രേലിയയെ അവരുടെ നാട്ടില്‍ നേരിട്ട് കോലി തിരിച്ചുവരുന്നത് മോഹിപ്പിക്കുന്ന നേട്ടങ്ങളുമായാണ്. എന്നാല്‍ പുതിയ വര്‍ഷം കോലിയുടെ സ്വകാര്യ ജീവിതത്തില്‍ അത്ര നല്ല വാര്‍ത്തകളല്ല കേള്‍ക്കുന്നത്. ബോളിവുഡ് നടി അനുഷ്‌ക ശര്‍മയും ക്രിക്കറ്റലി ലെ ഗ്ലാമര്‍ താരമായ വിരാട് കോലിയും പിരിഞ്ഞു എന്നാണ് മുംബൈ റിപ്പോര്‍ട്ടുകള്‍ പറയുന്നത്. താരങ്ങളുമായി അടുത്ത വൃത്തങ്ങള്‍ തന്നെയാണ് ഇക്കാര്യം സ്ഥിരീകരിച്ചിരിക്കുന്നത്. കരിയറില്‍ ശ്രദ്ധ കേന്ദ്രീകരിക്കാനാണത്രെ അനുഷ്‌ക ശര്‍മയുടെ തീരുമാനം. നടി, നിര്‍മാതാവ് എന്ന നിലകളില്‍ സിനിമയില്‍ കൂടുതല്‍ ഇടപെടണം. 2017 വരെയെങ്കിലും വിവാഹത്തെക്കുറിച്ച് ചിന്തിക്കാനാവില്ല എന്നാണ് അനുഷ്ക പറഞ്ഞുവച്ചത്.
അനുഷ്‌ക ശര്‍മയുടെ ഈ പ്രോപ്പോസല്‍ വിരാട് കോലിക്ക് തീരെ ഇഷ്ടമായില്ല എന്നാണ് അറിയുന്നത്. ഇതേത്തുടര്‍ന്ന് ഇരുവരും തമ്മില്‍ വഴക്കുണ്ടാകുകയും ചെയ്തു. ഇതുകൊണ്ടും കഴിഞ്ഞില്ല, ഇരുവരും തമ്മില്‍ ഇപ്പോള്‍ സംസാരിക്കാറില്ല എന്നും റൂമറുകളുണ്ട്. ഇന്‍സ്റ്റഗ്രാമില്‍ കോലി അനുഷ്‌കയെ ഫോളോ ചെയ്യുന്നതും നിര്‍ത്തിയിരുന്നു. സെലിബ്രിറ്റികളായ തങ്ങളുടെ പ്രണയം ഗോസിപ്പ് കോളങ്ങളില്‍ വാര്‍ത്തയാകും എന്ന കാര്യം അനുഷ്‌കയ്ക്ക് അറിയാം. പക്ഷേ താന്‍ ഇത്തരം വാര്‍ത്തകള്‍ ആസ്വദിക്കുന്ന കൂട്ടത്തിലല്ല എന്ന് അനുഷ്‌ക നേരത്തെ പറഞ്ഞിരുന്നു.

വിരാട് കോലിയുമായി അടുത്തുതന്നെ വിവാഹമുണ്ടാകുമെന്ന വാര്‍ത്ത ബോളിവുഡ് നടി അനുഷ്‌ക ശര്‍മ നിഷേധിച്ചിരുന്നു. ഇരുവരുടെയും വിവാഹകത്ത് വരെ സോഷ്യല്‍ മീഡിയയില്‍ പ്രചരിച്ചപ്പോഴാണ് അനുഷ്‌ക ഈ വിശദീകരണവുമായി രംഗത്ത് വന്നത്. വിവാഹത്തിനുള്ള തയ്യാറെടുപ്പിലല്ല ഇപ്പോള്‍ താന്‍. സിനിമകളുമായി ബന്ധപ്പെട്ട ജോലിത്തിരക്കിലാണെന്നും താന്‍ അവിടെ സന്തോഷത്തിലാണെന്നും അനുഷ്‌ക പറഞ്ഞു. വിവാഹം ഉണ്ടാകുമെങ്കില്‍ തീര്‍ച്ചയായും അത് പരസ്യമാക്കുമെന്നും അനുഷ്‌ക പറഞ്ഞിരുന്നു.

അനുഷ്‌കയും കോലിയും വിദേശങ്ങളില്‍ ഉള്‍പ്പെടെ ചുറ്റിയടിക്കുന്ന ഒരുപാട് ചിത്രങ്ങള്‍ പുറത്തുവന്നിരുന്നു. ഗോസിപ്പ് കോളങ്ങളില്‍ സ്ഥിരം സാന്നിധ്യമായ ശേഷമാണ് താരജോഡികള്‍ ഇക്കാര്യം തുറന്നുസമ്മതിച്ചത്.

ദുബായ്: കേരളത്തില്‍ നിന്ന് യുവതികളെഗള്‍ഫിലെത്തിച്ച് വാണിഭം നടത്തുന്ന മാഫിയയെ ഈയിടെയാണ് ക്രൈംബ്രാഞ്ച് കുരുക്കിയത്. ഇത്തരം സംഘങ്ങളെ പുറത്തുകൊണ്ടുവരാന്‍ പോലീസ് കഠിനാധ്വാനം ചെയ്തു കൊണ്ടിരിക്കുകയാണ്. എന്നാല്‍, ഇതൊന്നും പ്രശ്‌നമാക്കുന്നില്ല എന്ന മട്ടില്‍ ദുബായില്‍ നിന്ന് ഒരു മലയാളി യുവതിയുടെ വീഡിയോ പുറത്തുവന്നു. ഇടപാടുകാരെ ആകര്‍ഷിക്കാനെന്നവണ്ണം വാട്‌സ് ആപ്പിലൂടെ പ്രചാരണം നടത്തുന്ന സ്ത്രീയുടെ വീഡിയോയാണു പുറത്തുവന്നത്. സംഗതി വൈറലായതോടെ മാപ്പുപറഞ്ഞ് കരയുന്ന മറ്റൊരു വീഡിയോയും പുറത്തുവന്നിട്ടുണ്ട്.
വാട്‌സ് ആപ്പില്‍ വാണിഭ നടത്തിപ്പുകാരിയാണ് താനെന്ന് തുറന്ന് പറഞ്ഞ് നടത്തിയ പരസ്യ പ്രചാരണമാണ് സോഷ്യല്‍ മീഡിയയില്‍ വൈറലായത്. ഇതോടെ പൊലീസും ഈ യുവതിക്കായി അന്വേഷണം തുടങ്ങി. ഇതിനു പിന്നാലെയാണു പുതിയ വാദവുമായി യുവതി വീണ്ടുമെത്തിയത്. ഗള്‍ഫ് മേഖലയിലെ എല്ലാ പൊലീസിനും ഈ വിഡിയോയുടെ കാര്യം ക്രൈംബ്രാഞ്ച് കൈമാറിയതോടെയാണ് പുതിയ വീഡിയോ എത്തിയത്.

ദുബായില്‍ സ്വന്തമായൊരു ഓഫീസുണ്ടെന്നാണ് വാട്‌സ് ആപ്പിലെ ആദ്യ വിഡിയോ സന്ദേശത്തില്‍ പറയുന്നത്. തുടര്‍ന്ന് ഒരാളുടെ ചോദ്യത്തിന് സ്ഥാപനത്തിന്റെ പേരും പറയുന്നു. 43 സെക്കന്റ് വീഡിയോയില്‍ സ്ഥാപനത്തിന്റെ പ്രത്യേകതകള്‍ അതിവേഗം വിവരിക്കുന്നുണ്ട്. ‘ദുബായിലെ എല്ലാ ബോയ്‌സിനും തന്റെ സ്ഥാപനത്തിലേക്ക് സ്വാഗതം. രാവിലെ പത്ത് മണിമുതല്‍ രാത്രി പത്തരവരെ സ്ഥാപനം തുറന്നിരിക്കും. അതു കഴിഞ്ഞാല്‍ ക്ലോസ്ഡ്. വരുമ്പോള്‍ ടിഷ്യൂ പേപ്പര്‍ കൈയില്‍ ഉള്ളവര്‍ കരുതണം. ഇല്ലെങ്കിലും കുഴപ്പമില്ല. 20 വയസ്സ് മുതല്‍ 35 വയസ്സുവരെയുള്ള സ്ത്രീകള്‍ ഇവിടെയുണ്ടെ’ന്നും ഈ സ്ത്രീ വിശദീകരിക്കുന്നു. പരസ്യത്തില്‍ ദേരയില്‍ ഓഫീസ് നടത്തുന്ന റസിയ എന്ന് പേരും പറയുന്നു.

കേരളാ പൊലീസ് ഈ വീഡിയോയെ ഗൗരവമായെടുത്തു. വാട്‌സ് ആപ്പിലൂടെയാണ് ഈ വീഡിയോ പ്രചരിപ്പിച്ചത്. അതുകൊണ്ട് തന്നെ ഉറവിടം കണ്ടെത്താന്‍ കുറച്ച് ബുദ്ധിമുട്ടുണ്ടാകുമെന്ന് പൊലീസിന് അറിയാം. മലയാളത്തിലാണ് സന്ദേശം നല്‍കിയിരിക്കുന്നത്. അതിനാല്‍ സൈബര്‍ പൊലീസ് അന്വേഷണം ശക്തമാക്കി. ഇതിനിടെയാണ് പുതിയ വീഡിയോ വാട്‌സ് ആപ്പിലെത്തിയത്. താന്‍ റസിയ അല്ലെന്നും ഹിന്ദു പെണ്ണാണെന്നും മുസ്ലീമാണെന്നും പറയുന്നു. യഥാര്‍ത്ഥ പേര് തല്‍കാലം വെളിപ്പെടുത്തുന്നില്ലെന്നും പറയുന്നു. ഒടുവില്‍ പടച്ചോനാണെ സത്യം ഇതെല്ലാം ഞാനൊന്നും ചെയ്തതല്ലെന്നും മറ്റും രണ്ടാമത്തെ വീഡിയോയില്‍ യുവതി പറയുന്നുണ്ട്. എന്നാല്‍, എല്ലാം തമ്മില്‍ പൊരുത്തക്കേടുകളുണ്ടെന്നാണു വിലയിരുത്തല്‍.

‘സലൂണിലാണ് ജോലി ചെയ്തിരുന്നത്. ആദ്യ വീഡിയോ വന്നതിനെ തുടര്‍ന്ന് ആ ജോലി പോയി. സീരിയലിലെല്ലാം പരസ്യം കാണാറുണ്ട്. അതു പോലെ ചെയ്തതാണ്. എനിക്കും പെണ്‍കുട്ടിയുണ്ട്. അതുകൊണ്ട് ഇത്തരം പ്രവര്‍ത്തികള്‍ക്ക് കൂട്ടു നില്‍ക്കില്ല. ക്ഷമിക്കണം’ എന്നെല്ലാം രണ്ടാം വീഡിയോയില്‍ പറയുന്നുണ്ട്. നേരത്തെ ചില പരസ്യത്തിന്റെ വീഡിയോ ചെയ്തിട്ടുണ്ടെന്നും അതുപോലെയാണ് ഇതൊക്കെ വിശ്വസിച്ച് ചിലര്‍ക്ക് കൊടുത്തതെന്നും യുവതി പറയുന്നു. അവര്‍ ചതിച്ചുവെന്നാണ് വിശദീകരണം. ഒരു സ്ത്രീയേയും അങ്ങനെ കണ്ടിട്ടില്ലെന്ന് പടച്ചോനേയും കുട്ടികളേയും പിടിച്ച് സത്യം ചെയ്യുന്നു. എന്നാല്‍ വിശദീകരണത്തിലെ പ്രശ്‌നങ്ങള്‍ പുതിയ ചര്‍ച്ചകളാണ് തുടക്കമിടുന്നത്. കോഴിക്കോട് എരഞ്ഞിപ്പാലം സ്വദേശിയാണ് താനെന്നാണു യുവതി വീഡിയോയില്‍ പറയുന്നത്.

ദുബായ് കേന്ദ്രീകരിച്ചാണോ ഈ സ്ത്രീയുടെ പ്രവര്‍ത്തനം എന്നും പൊലീസ് സ്ഥിരീകരിക്കാന്‍ ശ്രമമുണ്ട്. വാട്‌സ് ആപ്പ് ദൃശ്യം പ്രചരിക്കപ്പെടുന്നതിനാല്‍ വൈകാതെ തന്നെ ഇവരെ കുറിച്ചുള്ള വിവരം ലഭ്യമാകുമെന്നും കരുതുന്നു. ഏത് സാഹചര്യത്തിലാണ് ഇത്തരമൊരു പരസ്യ പ്രചരണത്തിന് സ്ത്രീ തയ്യാറായതെന്നതും പൊലീസിനെ അല്‍ഭുതപ്പെടുത്തുന്നുണ്ട്. എന്തായാലും ഇതെക്കുറിച്ച് ദുബായ് പൊലീസ് അന്വേഷണം ആരംഭിച്ചുവെന്നാണു സൂചന.

ദുബായ് ഉള്‍പ്പെടെയുള്ള ഗള്‍ഫ് മേഖലയില്‍ പെണ്‍വാണിഭം വലിയ കുറ്റമാണ്. കനത്ത ശിക്ഷ തന്നെ ലഭിക്കും. അതുകൊണ്ട് തന്നെ മറയില്ലാതെ പ്രതികരണവുമായി എത്തിയത് പൊലീസിനെ ഞെട്ടിക്കുന്നു. വിഡിയോയുടെ പശ്ചാത്തലത്തില്‍ മലയാളം പാട്ടും കേള്‍ക്കുന്നുണ്ട്. വിശദമായ അന്വേഷണം പൊലീസ് നടത്തുന്നതായാണ് സൂചന. പെണ്‍വാണിഭ ഓണ്‍ലൈന്‍ തട്ടിപ്പുകളെ കുറിച്ച് ക്രൈംബ്രാഞ്ചാണ് ഞെട്ടിക്കുന്ന വിവരങ്ങള്‍ പുറത്തുകൊണ്ടുവന്നത്. ഈ അന്വേഷണമാണ് ഗള്‍ഫിലെ വാണിഭ സംഘത്തിലേക്ക് അന്വേഷണം എത്തിയത്. മലയാളികളെ ചതിക്കുഴിയില്‍ വീഴ്ത്തി ഗള്‍ഫിലെത്തിച്ച് വാണിഭത്തിന് നിര്‍ബന്ധിതമാക്കുന്നുവെന്നാണ് അന്വേഷണത്തില്‍ തെളിഞ്ഞത്.

ഈ സംഘത്തിന്റെ ഭാഗമാണോ വാട്‌സ് ആപ്പ് വീഡിയോയില്‍ റസിയ എന്ന പേരില്‍ പ്രത്യക്ഷപ്പെട്ട സ്ത്രീയെന്നും പൊലീസ് അന്വേഷിക്കും. കസ്റ്റഡിയിലുള്ളവരോട് ഇതേ കുറിച്ച് ചോദിച്ച് മനസ്സിലാക്കാനാണ് ശ്രമം.

Related News

വാട്ട്സ് ആപ്പില്‍ വീഡിയോ ഇട്ടത് തമാശയ്ക്ക്, എല്ലാവരും എന്നോട് ക്ഷമിക്കണം, കരഞ്ഞുകൊണ്ട്‌ റസിയ വീണ്ടും – വീഡിയോ കാണാം 

കോട്ടയം: ഏറ്റുമാനൂരില്‍ അമേരിക്കന്‍ മലയാളിയുടെ ഉടമസ്ഥതയിലുള്ള ലോഡജില്‍ നിന്നു പിടിയിലായ പെണ്‍വാണിഭ സംഘത്തില്‍ പ്രതിശ്രുത വരനും വധുവുമുണ്ടായിരുന്നതായി പൊലീസ് റിപ്പോര്‍ട്ട്. കോട്ടയം പാറമ്പുഴ സ്വദേശിയായ പെണ്‍കുട്ടിയും കുറവിലങ്ങാട് സ്വദേശിയുമായ യുവാവുമാണ് വിവാഹത്തിനു മുന്‍പ് ലോജ്ജിലെത്തിയത്. മെയ് പത്തിനായിരുന്നു ഇരുവരുടെയും വിവാഹം നിശ്ചയിച്ചിരിക്കുന്നത്.
നഗരത്തിലെ സ്വകാര്യ സ്ഥാപനത്തിലെ ജീവനക്കാരിയായ പെണ്‍കുട്ടിയും, വിദേശത്തു ജോലി ചെയ്യുന്ന യുവാവും തമ്മിലുള്ള വിവാഹം ഒരു വര്‍ഷം മുന്‍പാണ് നിശ്ചയിച്ചിരുന്നത്. വിസാ പുതുക്കുന്നതിനായി ഒരാഴ്ച മുന്‍പാണ് യുവാവ് നാട്ടിലെത്തിയത്. ഇതിനിടെ ഇന്നലെ പെണ്‍കുട്ടിയെ കാണാന്‍ ആവശ്യപ്പെടുകയായിരുന്നു. ഇതനുസരിച്ച് ഇരുവരും ഏറ്റുമാനൂരിലെത്തി. തുടര്‍ന്നു ഭക്ഷണം കഴിച്ച ശേഷം ലോഡ്ജില്‍ മുറിയെടുക്കുകയായിരുന്നു. ഇതിനിടെയാണ് ലോഡ്ജില്‍ പൊലീസ് റെയ്ഡ് നടത്തിയത്. തുടര്‍ന്നു ഇരുവരെയും അറസ്റ്റ് ചെയ്യുകയായിരുന്നു.

തുടര്‍ന്നു രണ്ടു പേരെയും പൊലീസ് സ്റ്റേഷനിലെത്തിച്ചു ജാമ്യം നല്‍കിയ വിട്ടയച്ചു.  ഞായറാഴ്ച ഉച്ചയോടെയാണ് ഏറ്റുമാനൂര്‍ സിഐ റിജോ പി.ജോസഫിന്റെ നേതൃത്വത്തിലുള്ള സംഘം തെള്ളകത്തെ സ്വകാര്യ ലോഡ്ജില്‍ റെയ്ഡ് നടത്തിയത്. തെള്ളകത്തെ രണ്ടു സ്വകാര്യ ആശുപത്രിയുടെ പരിസരത്തുള്ള ലോഡ്ജ് ആയതു കൊണ്ടു തന്നെ പതിവിലധികം തിരക്കാണ് ഇവിടെ ഉണ്ടായിരുന്നത്. ഇതിന്റെ മറവിലായിരുന്നു അമേരിക്കന്‍ മലയാളിയായ ലോഡ്ജ് ഉടമ അനാശാസ്യ പ്രവര്‍ത്തനത്തിനു സൗകര്യം ചെയ്തു നല്‍കിയിരുന്നത്.

ലോഡ്ജിലെത്തുന്നവരില്‍ നിന്നും മണിക്കൂറിനു 5000 രൂപ വരെയാണ് ഇയാള്‍ ഈടാക്കിയിരുന്നത്. പെണ്‍കുട്ടികളെയുമായി എത്തുന്നവര്‍ക്കാണ് 5000 രൂപ ഇയാള്‍ക്കു മുറി നല്‍കിയിരുന്നത്. പെണ്‍കുട്ടികളെയും ഇയാള്‍ ആവശ്യക്കാര്‍ക്കു എത്തിച്ചു നല്‍കിയിരുന്നതായി പൊലീസ് കണ്ടെത്തിയിട്ടുണ്ട്. ഇയാളുടെ ഫ്ലാറ്റിലും പിന്നീട് വീട്ടിലും നടത്തിയ പരിശോധനയില്‍ ലോഡ്ജ് ഉടമയുടെ ലാപ്‌ടോപ്പും പിടിച്ചെടുത്തിട്ടുണ്ട്. ഈ ലാപ്‌ടോപ്പില്‍ നിന്നും, ഇയാളുടെ മൊബൈല്‍ ഫോണില്‍ നിന്നും അഞ്ഞൂറിലേറെ പെണ്‍കുട്ടികളുടെ ഇടപാടുകളും കണ്ടെത്തിയിട്ടുണ്ട്. ഈ ഫോണ്‍ നനമ്പരുകളുടെ അടിസ്ഥാനത്തില്‍ പൊലീസ് വിശദമായ അന്വേഷണം ആരംഭിച്ചിട്ടുണ്ട്.

തിരുവനന്തപുരം: നദിയില്‍ ചാടിയെ പെണ്‍കുട്ടിയെ രക്ഷിക്കാന്‍ സാഹസികമായി നദിയിലേക്ക് ചാടിയ എസ്‌ഐയെ പ്രശംസിച്ച് ഡിജിപിയുടെ ഫെയ്‌സ്ബുക്ക് പോസ്റ്റ്. ഇതാണു കേരള പൊലീസിന്റെ യഥാര്‍ഥ മുഖം എന്ന തലക്കെട്ടോടെയാണ് സംസ്ഥാന പൊലീസ് മേധാവിയുടെ ഫെയ്‌സ്ബുക്ക് പോസ്റ്റ്. ഗ്രേഡ് അസി.സബ് ഇന്‍സ്‌പെക്ടര്‍ സജീഷ് കുമാര്‍ ആണ് ഇപ്പോള്‍ താരമായിരിക്കുന്നത്.
ഞായറാഴ്ച വൈകീട്ട് പെണ്‍കുട്ടിയെ കാണാനില്ലെന്ന് പരാതി കിട്ടിയിരുന്നു. പിന്നീട് ഈ പെണ്‍കുട്ടി കരമന പാലത്തിനു സമീപത്ത് ഉണ്ടെന്ന് വിവരത്തെ തുടര്‍ന്ന് പൊലീസ് സ്ഥലത്തെത്തി. പക്ഷേ, പെണ്‍കുട്ടി നദിയിലേക്ക് ചാടുകയായിരുന്നു. തുടര്‍ന്ന് സജീഷ് കുമാറും നദിയില്‍ ചാടി പെണ്‍കുട്ടിയെ രക്ഷിച്ച് പൊലീസ് വാഹനത്തില്‍ തന്നെ ആശുപത്രിയില്‍ എത്തിക്കുകയും ചെയ്തു.

സമയോചിതവും, സുധീരവുമായ രക്ഷാപ്രവര്‍ത്തനം നടത്തിയ സജീഷ്‌കുമാറിന് 3000 രൂപ ക്യാഷ് അവാര്‍ഡും ഡിജിപി പ്രഖ്യാപിച്ചു.

ഏറെ കോളിളക്കം സൃഷ്ടിച്ച മലയാളത്തിലെ ആദ്യ നഗ്‌ന ചിത്രമായ ചായം പൂശിയ വീടിന് ഒടുവില്‍ പ്രദര്‍ശനാനുമതി ലഭിച്ചു. നവാഗത സംവിധായകരായ സതീഷ് ബാബുസേനനും സന്തോഷ് ബാബുസേനനും ചേര്‍ന്ന് സംവിധാനം ചെയ്ത ചിത്രത്തിന് ഐ എഫ് എഫ് കെയില്‍ മികച്ച പ്രതികരണമാണ് ലഭിച്ചത്. എന്നാല്‍, ചിത്രത്തിലെ അവിഭാജ്യ ഘടകം എന്ന് പറയപ്പെടുന്ന നായികയുടെ നഗ്‌നതാ പ്രദര്‍ശനം സിനിമയുടെ തീയറ്റര്‍ പ്രദര്‍ശന മോഹങ്ങള്‍ക്ക് വിലങ്ങു തടിയായിരുന്നു.
നായികയെ പൂര്‍ണ്ണ നഗ്‌നയായി കാണിച്ചിരിക്കുന്ന ചില സീനുകള്‍ ചിത്രത്തില്‍ നിന്നും നീക്കം ചെയ്യാതെ ചിത്രത്തിന് അഡല്റ്റ് ഒണ്‍ലി സര്‍ട്ടിഫിക്കറ്റ് പോലും നല്കാനാവില്ലെന്ന നിലപാടിലായിരുന്നു സെന്‍സര്‍ ബോര്‍ഡ്. എന്നാല്‍ ചിത്രത്തില്‍ നിന്നും ഒരു സീന്‍ പോലും ഒഴിവാക്കില്ലെന്ന നിലപാടില്‍ സംവിധായകരും ഉറച്ചു നിന്നു. ഒടുവില്‍ ഹൈക്കോടതി വരെ നീണ്ട നിയമ പോരാട്ടത്തിനു വിരാമമായി. ചിത്രം അഡല്റ്റ് ഒണ്‍ലി സര്‍ട്ടിഫിക്കറ്റൊടെ പ്രദര്‍ശിപ്പിക്കാന്‍ അനുമതി നേടുകയായിരുന്നു. ഈ വിജയം കലാകാരന്മാരുടെ ആവിഷ്‌കാര സ്വാതന്ത്ര്യത്തിന്റെ വിജയമാണെന്ന് ചിത്രത്തിന്റെ സംവിധായകരില്‍ ഒരാളായ സതീഷ് ബാബുസേനന്‍ വ്യക്തമാക്കി.

രണ്ടു പുരുഷന്മാരും ഒരു സ്ത്രീയുമായി ഇതില്‍ പ്രധാനമായും 3 കഥാപാത്രങ്ങളാണ് ഉള്ളത്. ഇതില്‍ നായികാ കഥാപാത്രത്തിന്റെ 3 നഗ്‌ന സീനുകള്‍ ഉണ്ട്. ഇത് സിനിമയുടെ കഥാതന്തുവിനു ആവശ്യമായതിനാലാണ് ചിത്രീകരിച്ചിരിക്കുന്നത്. ഈ സീനുകള്‍ പ്രദര്‍ശിപ്പിക്കാന്‍ അനുവാദമില്ലെന്നും, പ്രസ്തുത സീനുകള്‍ സിനിമയില്‍ നിന്നും നീക്കം ചെയ്യണം എന്നതുമായിരുന്നു സെന്‍സര്‍ ബോര്‍ഡിന്റെ ആവശ്യം

ഗൗതം എന്ന വൃദ്ധനായ ചിത്രകാരന്റെ ജീവിതത്തിലേക്ക് കടന്നു വരുന്ന യുവതിയെയും യുവാവിനെയും കേന്ദ്രീകരിച്ചാണ് ചിത്രത്തിന്റെ കഥ മുന്നോട്ട് പോകുന്നത്. ബോളിവുഡ് നടി നേഹാ മഹാജനാണ് ചിത്രത്തില്‍ അഭിനയിച്ചിരിക്കുന്നത്

Related News

നിങ്ങള്‍ നഗ്നത ശ്രദ്ധിക്കേണ്ട സിനിമ ശ്രദ്ധിക്കൂ, ചായം പൂശിയ വീടിനെ കുറിച്ച് സതീഷ് ബാബു സേനന്‍

ഭോപ്പാല്‍: രാജ്യത്തെ പോലീസ്‌ സംവിധാനത്തിന്‌ നാണക്കേടു സമ്മാനിച്ച്‌ മധ്യപ്രദേശില്‍നിന്നൊരു വാര്‍ത്ത. പോലീസ്‌ മേധാവിയുടെ വീട്ടിലെ എച്ചില്‍ പത്രം കഴുകാന്‍ നിര്‍ബന്ധിതനായതില്‍ പ്രതിഷേധിച്ച്‌ യുവാവ്‌ പോലീസ്‌ കോണ്‍സ്‌റ്റബിള്‍ ജോലി രാജിവച്ചു. യുവാവിന്റെ രാജിക്ക്‌ ശേഷം റിട്ടയേര്‍ട്‌ പോലീസ്‌ ഉദ്യോഗസ്‌ഥരില്‍ ചിലരും സമാന ആരോപണവുമായി രംഗത്തെത്തി.
കോണ്‍സ്‌റ്റബിളായിരുന്ന ഷൈലേന്ദ്ര മിശ്രയാണ്‌ ജോലി ഉപേക്ഷിച്ചത്‌. എസ്‌.പി സുഷാന്ദ്‌ കുമാര്‍ സാക്‌സേനയുടെ ബംഗ്ലാവില്‍ എസ്‌.പിയും കുടുംബവും ആഹാരം കഴിച്ച പാത്രങ്ങള്‍ കഴുകാന്‍ നിര്‍ബന്ധിതനായെന്നാണ്‌ മിശ്ര കുറ്റപ്പെടുത്തുന്നത്‌. ‘എസ്‌.പിയുടെ കുടുംബം ആഹാരം കഴിച്ച പാത്രങ്ങള്‍ കഴുകുന്നതിന്‌ താന്‍ നിര്‍ബന്ധിതനായി. എതിര്‍ത്തപ്പോള്‍ ശിക്ഷാനടപടികള്‍ നേരിടേണ്ടിവന്നു. ദുരവസ്‌ഥ തുടര്‍ന്നപ്പോള്‍ മാനസികമായി ബുദ്ധിമുട്ട്‌ അനുഭവപ്പെട്ടതായും തനിക്ക്‌ ലഭിച്ച 17,000 രൂപ മുതിര്‍ന്ന ഉദ്യോഗസ്‌ഥന്‌ തിരിച്ചുനല്‍കിയശേഷം രാജിക്കത്ത്‌ സമര്‍പ്പിക്കുകയായിരുന്നുവെന്നും’ മിശ്ര പറയുന്നു.

മിശ്രയുടെ വെളിപ്പെടുത്തലിന്‌ പിന്നാലെ റിട്ടയേര്‍ട്‌ സബ്‌ ഇന്‍സ്‌പെക്‌ടറും കുടുംബവും സമാന വെളിപ്പെടുത്തലുമായി രംഗത്തെത്തി. എസ്‌.പിയുടെ ഓഫീസില്‍ പാത്രം കഴുകുകയും അതിഥികള്‍ക്ക്‌ ചായയും പലഹാരങ്ങളും വിളമ്പുന്നതുമടക്കമുള്ള ജോലികള്‍ ചെയ്യേണ്ടിവന്നിരുന്നതായി അദ്ദേഹം വെളിപ്പെടുത്തി.

എന്നാല്‍ വാദങ്ങളെ എസ്‌.പി തള്ളിക്കളഞ്ഞു. മിശ്ര ജോലി രാജിവച്ചത്‌ സ്വന്തം താല്‍പര്യപ്രകാരമാണെന്നും തനിക്ക്‌ പങ്കില്ലെന്നും എസ്‌.പി പറഞ്ഞു.

പോലീസ് ക്യാമ്പുകളിലും മറ്റും ഡിവൈഎസ്പി റാങ്ക് മുതല്‍ മുകളിലെക്കുള്ളവര്‍ക്ക് പേഴ്സണല്‍ സെക്യൂരിറ്റി ഓഫീസര്‍, ഓര്‍ഡര്‍ലി ഓഫീസര്‍ തുടങ്ങിയ ഓമനപ്പേരില്‍ നിയമിതരാവുന്നവര്‍ ഇത്തരം ജോലികള്‍ ചെയ്യാന്‍ നിര്‍ബന്ധിതരാകുന്നു എന്നത് പരസ്യമായ രഹസ്യമാണ്. ചിലര്‍ ഇത്തരം ജോലികളില്‍ നിയോഗിക്കപ്പെടുമ്പോള്‍ മാനസിക സമ്മര്‍ദ്ദം അനുഭവിക്കുമെങ്കില്‍ മറ്റ് ചിലര്‍ സന്തോഷപൂര്‍വ്വം ഇത്തരം ജോലികള്‍ ചോദിച്ച് വാങ്ങുന്നതും സേനയില്‍ പതിവാണ്.

പൂര്‍ണമായി നഗ്നത കാണിക്കുകയും അശ്ലീല പദങ്ങള്‍ ഉപയോഗിക്കുകെയും ചെയ്തുവെന്ന പേരിലാണ് സെന്‍സര്‍ ബോര്‍ഡ് ചായം പൂശിയ വീടിന്റെ പ്രദര്‍ശനാനുമതി നിഷേധിച്ചത്. എന്നാല്‍ ഒരു സീന്‍ പോലും കട്ട് ചെയ്യാതെ എന്ത് ചെയ്തിട്ടാണെങ്കിലും ചിത്രത്തിന് പ്രദര്‍ശനാനുമതി വാങ്ങിയ്ക്കുമെന്ന തീരുമാനത്തിലായിരുന്നു സംവിധായകരായ സതീഷ് ബാബു സേനനും സന്തോഷ് ബാബുസേനനും.
എന്തായാലും ചിത്രത്തിന്റെ ഒരു ചെറിയ ഭാഗം പോലും കട്ട് ചെയ്യാതെ ചിത്രത്തിന് അഡല്‍റ്റ് ഓണ്‍ലി സര്‍ട്ടിഫിക്കറ്റ് നല്‍കിയിരിക്കുന്നു. എന്നാല്‍ സെന്‍സര്‍ ബോര്‍ഡ് ആവശ്യപ്പെട്ട രംഗങ്ങള്‍ നീക്കം ചെയ്താല്‍ ചിത്രത്തിന്റെ കഥ മുന്നോട്ട് പോകില്ല. ബോളിവുഡ് നടി നേഹ മഹാജനാണ് ചിത്രത്തില്‍ നായിക വേഷം ചെയ്യുന്നത്. അവര്‍ ചിത്രത്തിനോട് ഇത്രയും ആത്മാര്‍ത്ഥയോടെ ചിത്രത്തില്‍ അഭിനയിച്ചിട്ട്, അതിലെ പ്രധാന ഭാഗങ്ങള്‍ നീക്കം ചെയ്യുന്നത് ഒട്ടും ശരിയല്ലായിരുന്നു. സംവിധായകന്‍ സതീഷ് ബാബു സേനന്‍ പറയുന്നു.

നിങ്ങള്‍ സിനിമയിലെ നഗ്നത ശ്രദ്ധിക്കേണ്ട, സിനിമ കാണുമ്പോള്‍ മനസിലാകും, ആ രംഗത്തിന്റെ പ്രാധന്യം. സതീഷ് ബാബു സേനന്‍ പറയുന്നു. മനോരമ ഓണ്‍ലാന് നല്‍കിയ അഭിമുഖത്തിലാണ് സംവിധായകന്‍ ഇക്കാര്യം പറയുന്നത്. നഗ്നതയ്‌ക്കൊപ്പം തെറി പദങ്ങള്‍ ഉപയോഗിച്ചു എന്നതുകൊണ്ട് ബീപ് സൗണ്ട് വേണമെന്ന് ആവശ്യപ്പെട്ടിരുന്നു. പക്ഷേ സാധരണ സിനിമകളില്‍ ഉപയോഗിക്കുന്ന പദങ്ങള്‍ മാത്രമേ ചിത്രത്തിന് വേണ്ടി ഉപയോഗിച്ചിട്ടുള്ളൂ.

വിലക്ക് കാരണം ചിത്രത്തിന്റെ പ്രിവ്യൂ പോലും പുറത്ത് വിടാന്‍ കഴിഞ്ഞില്ല. ഇനി മറ്റ് പ്രശ്‌നങ്ങളൊന്നുമില്ല. ചിത്രം ഉടന്‍ തിയേറ്ററില്‍ എത്തും.ചിത്രത്തിന് പ്രദര്‍ശനാനുമതി ലഭിക്കാന്‍ വൈകിയതിനാല്‍ മറ്റ് അവസരങ്ങളും നഷ്ടമായി. ഐഎഫ്‌കെയില്‍ നിന്നും ചിത്രത്തിന് മികച്ച പ്രതികരണമായിരുന്നു. അതുകൊണ്ട് തന്നെയാണ് ചിത്രത്തിന്റെ പ്രദര്‍ശനാനുമതിയുമായി ബന്ധപ്പെട്ട് കേസ് മുന്നോട്ട് കൊണ്ട് പോയത്.

ട്രെയിലര്‍ കാണൂ

മസ്‌കത്ത്: ഒമാനിലെ നിസ് വക്കടുത്ത് ബഹ് ലയില്‍ കഴിഞ്ഞ ദിവസമുണ്ടായ ബസപകടത്തില്‍ ഗുരുതര പരിക്കേറ്റ് ചികിത്സയിലായിരുന്ന ഒരു മലയാളി ബാലിക കൂടി മരിച്ചു. നിസ് വ ഇന്ത്യന്‍ സ്‌കൂള്‍ രണ്ടാം ക്‌ളാസ് വിദ്യാര്‍ഥിനി അങ്കമാലി കാച്ചിപ്പള്ളി സ്വദേശി സാബു സാമുവലിന്റെയും രജനിയുടെയും മകള്‍ സിയ ആണ് മരിച്ചത്. ഇതോടെ അപകടത്തില്‍ മരിച്ചവരുടെ എണ്ണം ആറായി.
വ്യാഴാഴ്ച ഉച്ചക്ക് 1.30നാണ് നിസ് വ ഇന്ത്യന്‍ സ്‌കൂളിലെ വിദ്യാര്‍ഥികള്‍ വിനോദയാത്രക്ക് പോയ ബസുകളിലൊന്ന് മീന്‍ ട്രക്കുമായി കൂട്ടിയിടിച്ച് അപകടമുണ്ടായത്. രണ്ട് മലയാളി വിദ്യാര്‍ഥികളും അധ്യാപികയും രണ്ട് ഒമാന്‍ സ്വദേശികളും അന്ന് മരിച്ചിരുന്നു. സിയ അടക്കം മൂന്ന് മലയാളി കുട്ടികളുടെ നില ഗുരുതരമായിരുന്നു. ജൈഡന്‍ ജെയ്‌സന്‍, നന്ദകശ്രീ എന്നിവര്‍ നിസ് വ ആശുപത്രിയിലെ തീവ്രപരിചരണ വിഭാഗത്തില്‍ കഴിയുകയാണ്.

അപകടത്തില്‍ മരിച്ച കാഞ്ഞിരപ്പള്ളി പൂതക്കുഴി കൊന്നേപറമ്പില്‍ സിജാദിന്റെ മകള്‍ റുയ അമന്‍, സ്‌കൂള്‍ അധ്യാപികയും മഹാരാഷ്ട്ര സ്വദേശിയുമായ ദീപാലി സേഥ് എന്നിവരുടെ മൃതദേഹങ്ങള്‍ നടപടിക്രമങ്ങള്‍ പൂര്‍ത്താക്കി ശനിയാഴ്ച സ്വദേശത്തേക്ക് കൊണ്ടുപോയി. കണ്ണൂര്‍ പട്ടാന്നൂര്‍ കൂരാരി സ്വദേശി വളപ്പിനകത്ത് അബ്ദുല്‍ കബീറിന്റെ മകന്‍ മുഹമ്മദ് ഷമ്മാസിന്റെ മൃതദേഹം നിസ് വക്കടുത്ത് ബിസിയയില്‍ വെള്ളിയാഴ്ച ഖബറടക്കി.