മെല്ബണില് കാറപടകത്തെ തുടര്ന്ന് ഗര്ഭസ്ഥ ശിശു മരിക്കാനിടയായ സംഭവത്തില് മലയാളിയായ ഡിംപിള് ഗ്രേസ് തോമസിനെ കോടതി രണ്ടര വര്ഷം തടവിന് ശിക്ഷിച്ചു.
ഓസ്ട്രേലിയന് പെര്മനന്റ് റെസിഡന്റായ ഡിംപിള് ശിക്ഷാ കാലാവധിക്കു ശേഷം ഓസ്ട്രേലിയയില് നിന്ന് നാടുകടത്തപ്പെട്ടേക്കും. 2016 ഓഗസ്റ്റ് എട്ടിന് മെല്ബണിലെ ക്രാന്ബേണിലാണ് കേസിനാസ്പദമായ കാറപകടമുണ്ടായത്. സൗത്ത് ഗിപ്സ്ലാന്റ് ഹൈവേയില് റോഡിലെ സൈന് ബോര്ഡ് തെറ്റിച്ച് വലതുവശത്തേക്ക് തിരിയാന് നോക്കിയപ്പോഴാണ് അപകടകമുണ്ടായത് എന്നാണ് കേസ്.
നിര്ബന്ധമായും ഇടത്തേക്ക് തിരിയണം എന്ന നിബന്ധനയുള്ള ഈ പ്രദേശത്ത്, ഹൈവേയിലെ മൂന്നു ലൈനുകള് കടന്ന് ഡിംപിള് റോഡിന്റെ മധ്യത്തുള്ള മീഡിയനിലേക്ക് എത്തി. ഈ സമയത്ത് എതിര് വശത്തു നിന്ന് വന്ന കാര് ഡിംപിളിന്റെ കാറില് ഇടിക്കുകയായിരുന്നു. 28 ആഴ്ച ഗര്ഭിണിയായ ആഷ്ലി അലനായിരുന്നു ഈ കാര് ഓടിച്ചിരുന്നത്. വയറ്റില് സീറ്റ് ബെല്റ്റ് മുറുകിയ ആഷ്ലിയെ ആശുപത്രിയില് പ്രവേശിപ്പിക്കുകയും, എമര്ജന്സി സിസേറിയനിലൂടെ പെണ്കുഞ്ഞ് പിറക്കുകയും ചെയ്തു. എന്നാല് അപകടത്തിന്റെ ആഘാതം മൂലം രണ്ടു ദിവസത്തിനുള്ളില് കുഞ്ഞ് മരിച്ചു.
മരണകാരണമാകുന്ന രീതിയില് അപകടകരമായി വണ്ടിയോടിച്ചു എന്ന കുറ്റത്തിനാണ് ഡിംപിളിന് മെല്ബണ് കൗണ്ടി കോടതി രണ്ടര വര്ഷം ശിക്ഷ വിധിച്ചിരിക്കുന്നത്. ഈ കുറ്റം ഡിംപിള് നേരത്തേ സമ്മതിച്ചിരുന്നു. 31കാരിയായ ഡിംപിള് തോമസ്, ആരോഗ്യമേഖലയിലാണ് പ്രവര്ത്തിക്കുന്നത്. സംഭവ സമയത്ത് ഗര്ഭിണിയായിരുന്ന ഡിംപിളിന്റെ ഗര്ഭം അപകടത്തിനു ശേഷം അലസുകയും ചെയ്തിരുന്നു. പത്തു വര്ഷം വരെ ശിക്ഷ കിട്ടാവുന്ന കുറ്റമാണെങ്കിലും, ഡിംപിളിന്റെ പേരില് ഇതുവരെ കേസുകളൊന്നും ഇല്ല എന്നതും, കുടുംബത്തിന്റെ സ്ഥിതിയും കൂടി പരിഗണിച്ചാണ് രണ്ടര വര്ഷമാക്കി തടവു കുറച്ചത്. അതില് 15 മാസം മാത്രം ജയിലില് കഴിഞ്ഞാല് മതിയാകും.
അച്ഛന്റെ ശ്രാദ്ധദിനത്തില് ബലിയിടാനായി ആലുവ പദ്മസരോവരത്തില് എത്തിയ ദിലീപിന്റെ മടക്കയാത്ര വികാരനിര്ഭരമായിരുന്നു. നടിയെ ആക്രമിച്ച കേസില് ജയിലിലായി 57 ദിവസത്തിന് ശേഷമാണ് ദിലീപ് ജയിലിന് പുറത്തിറങ്ങുന്നതും വീട്ടിലെത്തുന്നതും. രണ്ട് മണിക്കൂറായിരുന്നു ചടങ്ങുകള്ക്കായി കോടതി അനുവദിച്ചത്. ചടങ്ങുകള് പൂര്ത്തിയാക്കി വീട്ടുകാര്ക്കൊപ്പം ഭക്ഷണവും കഴിച്ച ശേഷമാണ് ദിലീപ് വീണ്ടും ആലുവ സബ്ജയിലിലേക്ക് മടങ്ങിയത്. ചടങ്ങുകളില് അമ്മയും മകള് മീനാക്ഷിയും ദിലീപിനൊപ്പമുണ്ടായിരുന്നു.
അച്ഛന്റെ ശ്രാദ്ധദിനത്തില് ബലിയിടാനായി ആലുവ പദ്മസരോവരത്തില് എത്തിയ ദിലീപിന്റെ മടക്കയാത്ര വികാരനിര്ഭരമായിരുന്നു. നടിയെ ആക്രമിച്ച കേസില് ജയിലിലായി 57 ദിവസത്തിന് ശേഷമാണ് ദിലീപ് ജയിലിന് പുറത്തിറങ്ങുന്നതും വീട്ടിലെത്തുന്നതും. രണ്ട് മണിക്കൂറായിരുന്നു ചടങ്ങുകള്ക്കായി കോടതി അനുവദിച്ചത്. ചടങ്ങുകള് പൂര്ത്തിയാക്കി വീട്ടുകാര്ക്കൊപ്പം ഭക്ഷണവും കഴിച്ച ശേഷമാണ് ദിലീപ് വീണ്ടും ആലുവ സബ്ജയിലിലേക്ക് മടങ്ങിയത്. ചടങ്ങുകളില് അമ്മയും മകള് മീനാക്ഷിയും ദിലീപിനൊപ്പമുണ്ടായിരുന്നു.
അച്ഛന്റെ ശ്രാദ്ധകര്മ്മത്തില് പങ്കെടുക്കാന് രണ്ട് മണിക്കൂറാണ് ആലുവ മജിസ്ട്രേറ്റ് കോടതി ദിലീപിന് സമയം അനുവദിച്ചത്. കൃത്യം എട്ട് മണിക്കാണ് ദിലീപ് ജയിലിന് പുറത്തിറങ്ങിയത്. ആലുവ സബ്ജയിലില് ഇറങ്ങിയപ്പോള് ദിലീപ് ശാന്തനായാണ് കാണപ്പെട്ടത്. ജയിലില് നിന്ന് ഇറങ്ങുമ്പോള് വെള്ള ഷര്ട്ടും നീല ജീന്സുമായിരുന്നു വേഷം. താടി വളര്ത്തിയിരുന്നു. കോടതി നിര്ദേശമുള്ളത് കൊണ്ട് തന്നെ മുന്നിലേക്ക് ചാനല് മൈക്കുകളിലേക്ക് നോക്കുക പോലും ചെയ്യാതെ ദിലീപ് വാഹനത്തില് കയറിയിരുന്നു. തുടര്ന്ന് ഒന്നര കിലോമീറ്ററോളം മാത്രം ദൂരമുള്ള കൊട്ടാരക്കടവിലെ പദ്മസരോവരം വീട്ടിലേക്ക്. ജയിലിനും വീടിനും പുറത്തായി വന് ജനാവലി തന്നെ തടിച്ചുകൂടിയിരുന്നു. പൊലീസ് അകമ്പടിയോടെ കര്ശന സുരക്ഷാ ക്രമീകരണങ്ങളാണ് ഒരുക്കിയിരുന്നത്.
കൊച്ചി: നടിയെ ആക്രമിച്ച കേസില് റിമാന്ഡില് കഴിയുന്ന ദിലീപിന് ജയിലില് പ്രത്യേക പരിഗണന ലഭിക്കുന്നതായി പരാതി. ആലുവ സ്വദേശി ടി.ജെ ഗിരീഷ് എന്നയാളാണ് ജയില് ഡിജിപിക്ക് പരാതി നല്കിയത്. അവധി ദിവസങ്ങളില് സന്ദര്ശകരെ അനുവദിക്കില്ലെന്നാണ് ചട്ടമെങ്കിലും കഴിഞ്ഞ ദിവസങ്ങളില് ദിലീപിനെ കാണാന് നിരവധി സന്ദര്ശകരെത്തിയിരുന്നു.
മറ്റ് പ്രതികള്ക്ക് ലഭിക്കാത്ത ഇത്തരം പരിഗണനകള് പീഡനക്കേസിലെ പ്രതിയായ നടന് എങ്ങനെ ലഭിച്ചുവെന്ന് അന്വേഷിക്കണമെന്നും കുറ്റക്കാരായ ഉദ്യോഗസ്ഥര്ക്കെതിരെ നടപടി എടുക്കണമെന്നും പരാതിയില് പറയുന്നു. ജയിലില് ദിലീപിനെ കാണാന് എത്തിയവരില് പലരും കേസുമായി നേരിട്ട് ബന്ധമുളളവരും പ്രതികളെ സഹായിക്കുന്ന നിലപാട് സ്വീകരിച്ചവരുമാണെന്ന് പരാതിക്കാരന് ആരോപിക്കുന്നു.
ദിലീപും മുഖ്യപ്രതി പള്സര് സുനിയും ഒരേ ലൊക്കേഷനില് ഉണ്ടായിരുന്നതായി പൊലീസ് പറയുന്ന സിനിമയുടെ നിര്മ്മാതാക്കള്ക്കും സന്ദര്ശാനാനുമതി നല്കിയിരുന്നു. അതേസമയം ആരോപണങ്ങളെല്ലാം തെറ്റാണെന്ന് ജയില് സൂപ്രണ്ട് പ്രതികരിച്ചു. തടവുകാരെ കാണാന് ഒരു ദിവസം രണ്ടോ മൂന്നോ പേരില് കൂടുതല് ആളെ അനുവദിക്കാറില്ല. എന്നാല് ദിലീപിന്റെ പ്രത്യേക സാഹചര്യവും സന്ദര്ശകരുടെ പ്രാധാന്യവും കണക്കിലെടുത്താണ് കൂടുതല് പേര്ക്ക് അനുമതി നല്കിയതെന്നാണ് വിശദീകരണം.
അമേരിക്ക സദ്ദാം ഹുസൈനെ തൂക്കിലേറ്റിയിട്ട് 11 വര്ഷമാകുന്ന വേളയില് അദ്ദേഹത്തിന്റെ പക്കല് നിന്നും അപഹരിച്ച ചെസ്സ് ബോര്ഡ് അമേരിക്ക തിരിച്ചു നല്കി. സദ്ദാമിനെ പിടികൂടിയ അമേരിക്ക അദ്ദേഹത്തിന്റെ പ്രിയപ്പെട്ടവ പലതും അപഹരിക്കുകയായിരുന്നു. അത്തരത്തില് അമേരിക്ക കൈക്കലാക്കിയ ഒന്നാണ് സദ്ദാമിന്റെ വിശേഷപ്പെട്ട ചെസ് ബോര്ഡ്.
സദ്ദാം ഹുസൈന്റെ ഏറ്റവും പ്രിയപ്പെട്ട വിനോദമായിരുന്നു ചതുരംഗം കളിയെന്നത് ലോകമറിയുന്ന വസ്തുതയാണ്. അതുകൊണ്ട് തന്നെ വളരെ വിശേഷമായ ലോഹത്തില് തീര്ത്തതും സ്വര്ണം പൂശിയതുമായ ചെസ് ബോര്ഡിലാണ് സദ്ദാം അങ്കം വെട്ടിയിരുന്നത്.
ലോക പോലീസ് ആയ അമേരിക്ക 2003ലാണ് സദ്ദാമിന്റെ ചെസ് ബോര്ഡ് അപഹരിച്ചത്. വര്ഷങ്ങള് കഴിയുമ്പോള്, സമ്മാനം നല്കുന്ന ഭാവത്തിലാണ് ബാഗ്ദാദിലെ യുഎസ് എംബസിയില് വെച്ച് ശനിയാഴ്ച അമേരിക്ക അത് മടക്കി നല്കിയത്.
അടിച്ചുമാറ്റിയ സാധനം മടക്കി നല്കിയെങ്കിലും എങ്ങനെ ഇത് അമേരിക്കയുടെ കൈയിലെത്തിയെന്ന് വിശദീകരിക്കാന് അവര് തയാറായില്ല. 2003 ലെ അമേരിക്കന് അധിനിവേശ കാലത്ത് ആയിരക്കണക്കിന് പുരാവസ്തുകളാണ് ഇറാഖില് നിന്ന് കടത്തിയത്.
ഇറാഖില് നിന്ന് കടത്തിക്കൊണ്ട് പോയ പുരാവസ്തുകള് തിരിച്ചു നല്കണമെന്ന് അടിയന്തര അറിയിപ്പ് നല്കിയിരുന്നു. ഇതേ തുടര്ന്ന് 2015ല്, യുഎസ്, ഇറ്റലി, ജോര്ദ്ദാന് എന്നീ രാജ്യങ്ങളില് നിന്ന് ചിലത് തിരിച്ചെത്തി. ഇതില് പ്രസിഡന്റിന്റെ കൊട്ടാരത്തില് നിന്ന് നഷ്ടപ്പെട്ട 200 വസ്തുക്കളും ഉള്പ്പെടുന്നു.
57 ദിവസത്തിന് ശേഷം നടന് ദിലീപ് ആലുവയിലെ വീട്ടില്. അച്ഛന് ശ്രാദ്ധമൂട്ടാന് കോടതി അനുവദിച്ചത് രണ്ട് മണിക്കൂര് സമയമായിരുന്നു. കൃത്യം എട്ട് മണിക്ക് തന്നെ ദിലീപ് ജയിലിന് പുറത്തിറങ്ങി. ആലുവ സബ്ജയിലില് ഇറങ്ങിയ ദിലീപ് ശാന്തനായാണ് കാണപ്പെട്ടത്. വെള്ള ഷര്ട്ടും നീല ജീന്സുമായിരുന്നു വേഷം. താടി വളര്ത്തിയിരുന്നു. കോടതി നിര്ദേശമുള്ളത് കൊണ്ട് തന്നെ മുന്നിലേക്ക് ചാനല് മൈക്കുകളിലേക്ക് നോക്കുക പോലും ചെയ്യാതെ ദിലീപ് വാഹനത്തില് കയറിയിരുന്നു
. തുടര്ന്ന് ഒന്നര കിലോമീറ്ററോളം മാത്രം ദൂരമുള്ള കൊട്ടാരക്കടവിലെ പദ്മസരോവരം വീട്ടിലേക്ക്. ജയിലിനും വീടിനും പുറത്തായി വന് ജനാവലി തന്നെ തടിച്ചുകൂടിയിരുന്നു. പൊലീസ് അകമ്പടിയോടെ കര്ശന സുരക്ഷാ ക്രമീകരണങ്ങളാണ് ഒരുക്കിയിരുന്നത്. മഫ്തിയിലായിരുന്നു വീട്ടില് പൊലീസുകാര്. വീട്ടിലേക്ക് നടന്നുകയറിയ ദിലീപിനെ സ്വീകരിക്കാന് പൂമുഖത്ത് ബന്ധുക്കള് നിന്നിരുന്നു.
വീടിനകത്തേക്ക് കയറിപ്പോയ ദിലീപ് അല്പ്പസമയത്തിന് ശേഷം കുളിച്ച് ഈറനണിഞ്ഞ് ശ്രാദ്ധകര്മ്മങ്ങള്ക്കായി സഹോദരനും സഹോദരിക്കും ഒപ്പം വീടിന് പുറത്തേക്ക് വന്നു.ദിലീപിന്റെ അമ്മയുടെ കൈ പിടിച്ച് മകള് മീനാക്ഷിയും ചടങ്ങുകള് കാണാന് ദിലീപിനൊപ്പം വീട്ടുമുറ്റത്തേക്ക് നടന്നുനീങ്ങി. കാവ്യാ മാധവനും മറ്റ് ബന്ധുക്കളും വീടിനകത്തുണ്ടായിരുന്നു. തുടര്ന്ന് ബലികാക്കയെ കൈകൊട്ടി വിളിക്കുന്ന ചടങ്ങടക്കം പൂര്ത്തിയായി തിരികെ വീട്ടിലേക്ക് നടന്നു. 10 മണി വരെ സമയമുള്ളതിനാല് ബാക്കിയുള്ള സമയം വീട്ടുകാര്ക്കൊപ്പം ചിലവഴിച്ച ശേഷം ജയിലിലേക്ക് മടങ്ങും.
ദിലീപിന്റെ ആരാധകരാരും തന്നെജയിലിന്റെ പരിസരത്തോ വീടിന്റെ പരിസരത്തോ എത്തിയിരുന്നില്ല. ഫാൻസ് അസോസിയേഷനുകളുടെ പ്രകടനങ്ങളോ മുദ്രാവാക്യങ്ങളോ അനുവദിക്കരുതെന്ന നിർദേശവും പൊലീസിന് ലഭിച്ചിരുന്നെന്നാണ് വിവരം .ദിലീപ് ജയിലിന് പുറത്തിറങ്ങുന്നതും കാത്ത് വന് ജനാവലിയും മാധ്യമപടയുമാണ് പുറത്തുണ്ടായിരുന്നത്.
ആലുവ ശിവക്ഷേത്രത്തിൽ കർമങ്ങൾ ചെയ്യണമെന്നാണ് ദിലീപ് കോടതിയെ അറിയിച്ചിരുന്നത്. എന്നാൽ, ആലുവ പാലസിന് സമീപത്തെ വീട്ടിലെ ചടങ്ങുകളിൽ പങ്കെടുക്കാൻ മാത്രമെ അനുമതി ലഭിച്ചുള്ളൂ. അങ്കമാലി ജുഡീഷ്യല് മജിസ്ട്രേറ്റ് ലീന റിയാസാണ് ദിലീപിന് ശ്രാദ്ധ ചടങ്ങില് പങ്കെടുക്കാന് അനുമതി നല്കിയത്. രാവിലെ ഏഴുമുതല് ഉച്ചക്ക് 11വരെ സമയം നല്കണമെന്നാണ് ദിലീപ് ആവശ്യപ്പെട്ടതെങ്കിലും രാവിലെ രണ്ടുമണിക്കൂർ വീട്ടിൽ നടക്കുന്ന ചടങ്ങിൽ പങ്കെടുക്കാനാണ് മജിസ്ട്രേറ്റ് കോടതി അനുമതി നൽകിയത്. രഹസ്യസംഭാഷണങ്ങളും മാധ്യമപ്രവര്ത്തകരെ കാണുന്നതും കോടതി വിലക്കിയിരുന്നു. സുരക്ഷ കണക്കിലെടുത്ത് പുഴയില് മുങ്ങുന്നതും വിലക്കിയിട്ടുണ്ട്.
ആലുവ സബ്ജയിലില് നിന്നും ദിലീപ് വാതില് വഴി ഇറങ്ങുന്ന ഇന്ട്രോ ഒപ്പിയെടുക്കാന് എത്തിയത് ചാനുലുകളുടേതടക്കം 50ാഓളം ക്യാമറകള്. അച്ഛന്റെ ശ്രാദ്ധത്തില് പങ്കെടുക്കാന് അങ്കമാലി മജിസ്ട്രേറ്റ് കോടതി അനുമതി നല്കിയതോടെ ഈ ദിവസത്തിനായി ആരാധകരും കാത്തിരിക്കുകയായിരുന്നു.
ജയില് വേഷത്തില് തന്നെയാണ് ദിലീപ് പുറത്തിറങ്ങിയത്. തന്റെ സ്വതസിദ്ധമായുള്ള ചിരി ഇത്തവണയും ദിലീപിന്റെ മുഖത്തുണ്ടായിരുന്നു. അതേസമയം, കണ്ണുകളില് ക്ഷീണം പ്രകടമായിരുന്നു. തങ്ങളുടെ പ്രിയതാരത്തെ കാണാന് ആരാധകര് തടിച്ചുകൂടിയിരുന്നു. പുലര്ച്ചെ ആറിനു തന്നെ ചാനലുകളില് ആലുവ സബ്ജയിലിനു പുറത്തുനിന്നും ലൈവ് തുടങ്ങിയിരുന്നു.
ഇതിനിടയില് താരത്തിന്റെ സുരക്ഷ കണക്കുകൂട്ടി ദിലീപിന്റെ പദ്മസരോവരം വീടിന്റെ പരിസരത്തേക്കു ആരാധകര്ക്കു പ്രവേശിക്കാന് സാധിച്ചില്ല. 58 ദിവസത്തിനു ശേഷമാണ് ദിലീപ് ജയിലിനു പുറത്തിറങ്ങുന്നത്. പുറത്തിറങ്ങുന്ന സമയത്ത് മൊബൈല് ഫോണ് ഉപയോഗിക്കാനോ, മാധ്യമങ്ങളോടു പ്രതികരിക്കാനോ പാടില്ലെന്ന് ദിലീപിനു കര്ശന നിര്ദേശം ലഭിച്ചിട്ടുണ്ട്.
അച്ഛന്റെ ശ്രാദ്ധച്ചടങ്ങുകളില് പങ്കെടുക്കാനായി നടന് ദിലീപ് രണ്ടുമാസങ്ങള്ക്ക് ശേഷം ഇന്ന് ജയിലിന് പുറത്തിറങ്ങും. ആലുവ മണപ്പുറത്തും വീട്ടിലുമായി രാവിലെ എട്ടുമുതല് പത്തുവരെ നടക്കുന്ന ചടങ്ങുകളില് പങ്കെടുക്കാനാണ് ദിലീപിന് അങ്കമാലി മജിസ്ട്രേറ്റ് കോടതി അനുമതി നല്കിയത്.
പെരിയാറിനോട് ചേര്ന്നുളള ആലുവ കൊട്ടാരക്കടവിലെ പദ്മസരോവരം എന്ന വീട്ടിലാണ് ചടങ്ങുകള്. മൊബൈല് ഫോണ് ഉപയോഗിക്കരുത്, കോടതിയുടെ അനുമതി ദുരുപയോഗം ചെയ്യരുത്, അന്വേഷണ ഉദ്യോഗസ്ഥന്റെ നിര്ദേശങ്ങള് അനുസരിക്കണം, ചെലവ് സ്വയം വഹിക്കണം എന്നീ ഉപാധികളോടെയാണ് ജാമ്യം ലഭിക്കാതെ തന്നെ ദിലീപ് പുറത്തിറങ്ങുന്നത്. ദിലീപിന് അനുകൂലമായി ഫാന്സ് അസോസിയേഷന് പ്രകടനം നടത്താന് സാധ്യതയുളളതിനാല് കനത്ത സുരക്ഷയാണ് പൊലീസ് ഒരുക്കിയിരിക്കുന്നത്.
ജയിലില് നിന്നു വീട്ടിലെത്തുന്ന താരം ആലുവ മണപ്പുറത്തെ ചടങ്ങുകളില് പങ്കെടുക്കുമോ എന്ന കാര്യം സംശയമാണ്. സുരക്ഷാ കാരണങ്ങളെത്തുടര്ന്ന് താരം വീട്ടില് നടക്കുന്ന ചടങ്ങില് മാത്രമെ പങ്കെടുക്കാന് സാധ്യതയുള്ളുവെന്നാണ് റിപ്പോര്ട്ടുകള്. ദിലീപിന്റെ വീട്ടില് ഇതിനോടകം തന്നെ പൊലീസ് എത്തിക്കഴിഞ്ഞു.
ആലുവ മണപ്പുറത്ത് ദിലീപ് എത്തുകയാണെങ്കില് അവിടെ താരത്തെ കാണുന്നതിനായി നിരവധിയാളുകള് എത്തിച്ചേരാന് സാധ്യതയുണ്ട്. അത് സുരക്ഷയെ ബാധിക്കാം എന്നതിനാലാണ് മണപ്പുറത്തെ ചടങ്ങില് പങ്കെടുക്കുന്നതില് തീരുമാനമാകാത്തത്. നേരത്തെ ദിലീപിനെ കോടതിയില് ഹാജരാക്കിയപ്പോഴും തെളിവെടുപ്പിന് എത്തിച്ചപ്പോഴുമെല്ലാം വലിയ ജനക്കൂട്ടം എത്തിയിരുന്നു.
മിമിക്രിയിലൂടെ സിനിമയിലെത്തി വലിയ നേട്ടങ്ങള് വെട്ടിപ്പിടിച്ച നടനായിരുന്നു കലാഭവന് മണി. ഒടുവില് ജീവിതത്തിന്റെ നല്ലപകുതിയില് ആരോടും പറയാതെ മരണത്തിന്റെ കൈപിടിച്ച് മണി ഏവരെയും ഞെട്ടിച്ചു. പട്ടിണിയില് ജനിച്ച് ഇല്ലായ്മകളോട് പടപൊരുതി, തന്റെ സൗഭാഗ്യങ്ങള് മറ്റുള്ളവരുമായി പങ്കുവച്ച കലാഭവന് മണി എല്ലാവര്ക്കും മണിച്ചേട്ടനായിരുന്നു. മണിയെക്കുറിച്ച് ആരും ഇതുവരെ അറിയാത്തൊരു രഹസ്യം തുറന്നുപറയുകയാണ് കലാഭവന് പ്രജോദ്.
ഒരിക്കല് കലാഭവന് മിമിക്രി ട്രൂപ്പില് നിന്ന് പുറത്താക്കപ്പെട്ട കഥയാണ് പ്രജോദ് ഒരു ടിവി ചാനലിനു നല്കിയ അഭിമുഖത്തില് വെളിപ്പെടുത്തിയത്. മണി കലാഭവനില് നിറഞ്ഞുനില്ക്കുന്ന കാലം. അന്ന് സ്റ്റേജ് ഷോകളില് ഏറ്റവുമധികം തിളങ്ങിയിരുന്നത് ഈ ചാലക്കുടിക്കാരനായിരുന്നു. എന്നാല് ഒരു സുപ്രഭാതത്തില് മണി കലാഭവനില് നിന്ന് പുറത്താക്കപ്പെടുന്നു. ആര്ക്കും ഒന്നും മനസിലാകാത്ത അവസ്ഥ. അന്ന് കലാഭാവനില് നിന്നും കരഞ്ഞുകൊണ്ടാണ് മണി ഇറങ്ങിയത്. മണിയെ കലാഭവനില് നിന്നും ഇറക്കി വിടുകയായിരുന്നു. കാരണം, മറ്റൊന്നുമല്ല, മണിയുടെ വളര്ച്ചയില് അസൂയ പൂണ്ട ചിലര് അദേഹത്തിനെതിരേ പാര പണിതു. മണി കലാഭവന്റെ പരിപാടിക്കല്ലാതെ മറ്റു പരിപാടികള്ക്കും പങ്കെടുക്കാറുണ്ടായിരുന്നുവത്രേ.
ഇത് ഡയറക്ടറായ ആബേലച്ചന്റെ മുന്നില് പരാതിയായെത്തി. നിവൃത്തിയില്ലാതെ മണിയെ പറഞ്ഞുവിട്ടു. മണിയോട് പ്രത്യേക വാത്സല്യമുണ്ടായിരുന്ന ആബേലച്ചന് അന്ന് ഇങ്ങനെ പറഞ്ഞു-‘മണി ഇവിടെ നിന്ന് പോകുന്നത് രക്ഷപെടാന് വേണ്ടിയായിരിക്കും’ എന്നായിരുന്നു അദ്ദേഹം പറഞ്ഞത്. ആ വാക്കുകള് അച്ചട്ടായി. ഒരു വര്ഷത്തിന് ശേഷം മണി കലാഭവന്റെ മുറ്റത്ത് തിരികെയെത്തി. അത് പക്ഷെ പഴയ കുപ്പായത്തിലായിരുന്നില്ല. കലാഭവന്റെ 25ാം വാര്ഷികം ആഘോഷിക്കാന് താരമായിട്ടായിരുന്നു. മണിയെന്ന താരം മരണം വരെ തന്നെ താനാക്കിയ കലാഭവന് എന്ന പേര് പരാമര്ശിക്കാതെ ഒരു ഇന്റര്വ്യൂ പോലും പൂര്ത്തിയാക്കിയിട്ടില്ലെന്നതും കൗതുകരമാണ്.
സഹപ്രവർത്തകയായ നടിയെ ആക്രമിച്ച കേസിൽ തടവിൽക്കഴിയുന്ന ദിലീപിന് പിന്തുണയുമായി മലയാള സിനിമയിലെ പ്രമുഖർ കൂട്ടത്തോടെ ജയിലിലേക്കെത്തുന്നു. നല്ലകാലത്ത് ദിലീപിന്റെ ഔദാര്യം പറ്റിയവരെല്ലാം ആപത്തുകാലത്ത് കൈവിടരുതെന്ന് കെ ബി ഗണഷ്കുമാർ എം എൽ എ പറഞ്ഞു. ഇതിനിടെ പിതാവിന്റെ ശ്രാദ്ധച്ചടങ്ങുകൾക്കായി നാളെ രണ്ടുമണിക്കൂർ നേരത്തേക്ക് ദിലീപിനെ ജയിലിൽ നിന്ന് പുറത്തിറക്കും.
കാവ്യാ മാധവനും മകളും വന്നുപോയതിന് പിന്നാലെയാണ് പ്രതിയായ ദിലീപിനെക്കാണാൻ ജയിലിലേക്ക് സിനിമാക്കാരുടെ ഒഴുക്ക് തുടങ്ങിയത്. ഇന്ന് ജയിലിലെത്തിയ കെബി ഗണേഷ്കുമാർ എം എൽഎ നടന് പൂർണ പിന്തുണയും പ്രഖ്യാപിച്ചു.
നിർമാതാവ് ആന്റണി പെരുമ്പാവൂര്, തിരക്കഥാകൃത്ത് ബെന്നി പി നായരമ്പലം, നടൻ സുധീർ, വിതരണക്കാരൻ ഹംസ തുടങ്ങി നിരവധിപ്പേർ ഇന്ന് ജയിലിലെത്തി. ദിലീപിന് ഓണക്കോടിയുമായി ജയറാം കഴിഞ്ഞ ദിവസം ജയിലിലെത്തിയിരുന്നു. എന്നാൽ പ്രതിയായ ദിലീപിനെക്കാണാൻ സിനിമാക്കാർ കൂട്ടത്തോടെ ജയിലിലേക്ക് പോകുന്നതിനെ വിമർശിച്ച് വിനയൻ രംഗത്തെത്തി.
പിതാവിന്റെ ശ്രാദ്ധച്ചടങ്ങിൽ പങ്കെടുക്കാൻ നാളെ രാവിലെ എട്ടുമണിയോടെയാണ് ദിലീപിനെ ജയിലിൽ നിന്ന് ഇറക്കുക. പത്തുമണിക്ക് തിരിച്ചെത്തിക്കണം. ബുധനാഴ്ച രാവിലെ എട്ടു മുതല് 10 വരെ ആലുവ മണപ്പുറത്തും വീട്ടിലും നടക്കുന്ന ചടങ്ങുകളില് ദിലീപിന് പങ്കെടുക്കാം. മൊബൈല് ഫോണ് ഉപയോഗിക്കരുത്, കോടതിയുടെ അനുമതി ദുരുപയോഗം ചെയ്യരുത്, അന്വേഷണ ഉദ്യോഗസ്ഥന്റെ നിര്ദേശങ്ങള് അനുസരിക്കണം, ചെലവ് സ്വയം വഹിക്കണം തുടങ്ങിയ ഉപാധികളോടെയാണ് അനുമതി.. പുറത്തിറക്കുന്ന ദിലീപിന് സുരക്ഷ ശക്തമാക്കണമെന്ന് ജയലധികൃതർ പൊലീസിനോട് ആവശ്യപ്പെട്ടിട്ടുണ്ട്.
നടി ആക്രമിക്കപ്പെട്ട കേസില് അറസ്റ്റിലായി ജയിലില് കഴിയുന്ന നടന് ദിലീപിനെ കാണാന് നിര്മ്മാതാവും മോഹന്ലാലിന്റെ സന്തത സഹചാരിയുമായ ആന്റണി പെരുമ്പാവൂരെത്തി.
ആലുവയിലെ സബ്ജയിലില് ഉച്ചയ്ക്ക് രണ്ടരയ്ക്ക് ശേഷമാണ് ആന്റണി പെരുമ്പാവൂര് ദിലീപിന് പിന്തുണയുമായി എത്തിയത്. നേരത്തെ ജയിലില് എത്തി ദിലീപുമായി കൂടിക്കാഴ്ച നടത്തി പരസ്യപിന്തുണ പ്രഖ്യാപിച്ച ഗണേഷ് കുമാര് എംഎല്എ മടങ്ങിയ ശേഷമാണ് ആന്റണി പെരുമ്പാവൂരിന്റെ സന്ദര്ശനമെന്നതും ശ്രദ്ധേയമാണ്.
സിനിമാ മേഖലയിലുളളവര് ദിലീപിന് പിന്തുണ പ്രഖ്യാപിക്കണമെന്നും ജയിലിനുളളില് ദിലീപുമായി അരമണിക്കൂറിലേറെ കൂടിക്കാഴ്ച നടത്തിയ ഗണേഷ് കുമാര് എംഎല്എ മാധ്യമങ്ങളോട് പറഞ്ഞിരുന്നു. നിര്മ്മാതാവ് ഹംസ, തിരക്കഥാകൃത്ത് ബെന്നി പി നായരമ്പലം, നടന് സുധീര് അടക്കം നിരവധി പേരാണ് ഇന്ന് ജയിലില് എത്തി ദിലീപിനെ കണ്ടത്. തിരുവോണ ദിവസമായ ഇന്നലെ നടന് ജയറാമും ജയിലിലെത്തി ദിലീപിനെ കണ്ട് ഓണക്കോടി നല്കിയിരുന്നു.
