മലപ്പുറത്ത് മൃതദേഹം മൂന്ന് മാസം സംസ്കരിക്കാതെ വീട്ടില് സൂക്ഷിച്ചു. മലപ്പുറം കുളത്തൂരാണ് വിചിത്രമായ സംഭവം അരങ്ങേറിയത്. ജീവൻ തിരികെ ലഭിക്കുമെന്ന പ്രതീക്ഷയിലാണ് അമ്മയും മക്കളും ചേർന്ന് മൃതദേഹം ചാക്കിൽ കെട്ടി സൂക്ഷിച്ചതെന്നാണ് വിവരം. വാഴങ്ങള് സെയ്ദിന്റെ മൃതദേഹമാണ് ജീവൻ തിരികെ ലഭിക്കുമെന്ന് പ്രതീക്ഷിച്ച് ഭാര്യയും മക്കളും സൂക്ഷിച്ചത്.
ദുര്മന്ത്രവാദത്തിന്റെ ഭാഗമായാണ് മൃതദേഹം സൂക്ഷിച്ചതെന്നാണ് പ്രാഥമിക നിഗമനം. ബന്ധുക്കളും നാട്ടുകാരും ചേര്ന്ന് മൃതദേഹം സൂക്ഷിച്ചതായി സംശയം പ്രകടിപ്പിച്ചതിനെ തുടര്ന്നാണ് പൊലീസിനെ വിവരം അറിയിച്ചത്. പ്രായപൂര്ത്തിയായ രണ്ട് മക്കളും ഭാര്യയും അയല്ക്കാരുമായി ബന്ധമൊന്നും ഉണ്ടായിരുന്നില്ല.
മാസങ്ങളായി സെയ്ദിനെ കുറിച്ച് ഒരു അറിവും ഇല്ലായിരുന്നു. തുടര്ന്നാണ് അയല്ക്കാര് സംശയം പ്രകടിപ്പിച്ചു. തുടര്ന്ന് നടത്തിയ പരിശോധനയിലാണ് അഴുകിയ നിലയില് വീട്ടില് നിന്നും മൃതദേഹം കണ്ടെത്തിയത്. പുറത്തുളള ആര്ക്കെങ്കിലും സംഭവവുമായി ബന്ധമുണ്ടോയെന്ന് പൊലീസ് സംശയിക്കുന്നുണ്ട്.
നടിയെ ആക്രമിച്ച സംഭവത്തിൽ ഹാസ്യതാരം ധർമ്മജനെയും ദിലീപിന്റെ അനുജനെയും
പൊലീസ് വിളിച്ചു വരുത്തി. നടിയെ ആക്രമിച്ച കേസിൽ മൊഴി എടുക്കാനാണ് വിളിച്ചു വരുത്തിയത്. അന്വേഷണ സംഘം വിളിപ്പിച്ചിട്ടാണ് താൻ വന്നത് എന്ന് ധർമ്മജൻ മാധ്യമങ്ങളോട് പറഞ്ഞു. അന്വേഷണ സംഘം ക്യാമ്പ് ചെയ്യുന്ന ആലുവ പൊലീസ് ക്ലബിൽ വച്ചാണ് ധർമ്മജന്റെ മൊഴി എടുത്തത്.
ചോദ്യം ചെയ്യാന് വിളിച്ചതില് അസ്വഭാവികതയൊന്നുമില്ലെന്ന് നടന് ധര്മജന് ബോള്ഗാട്ടി പ്രതികരിച്ചു. പള്സര് സുനിയുടെ ഫോട്ടോ കാണിച്ച് പരിചയമുണ്ടോയെന്ന് ചോദിച്ചുവെന്നും ധര്മജന് പുറത്തിറങ്ങിയ ശേഷം മാധ്യമപ്രവര്ത്തകരോട് പറഞ്ഞു. തനിക്ക് സുനിയെ പരിചയമില്ലെന്നും ഒരുപാട് പേര് തന്നോടൊപ്പം ഷൂട്ടിംഗ് സെറ്റുകളില് നിന്നടക്കം ഫോട്ടോ എടുക്കാറുണ്ടെന്നും ധര്മജന് പറഞ്ഞു. ചില ഫോട്ടോകള് കാണിച്ച് പരിചയമുണ്ടോയെന്നും തന്റെ ഷൂട്ടിംഗ് സെറ്റുകളില് സുനി വന്നിട്ടുണ്ടോയെന്നും ചോദിച്ചതായി ധര്മജന് പറഞ്ഞു.
ദിലീപിന്റെ അനുജനായ അനൂപിനെയും പൊലീസ് വിളിച്ച് വരുത്തിയിട്ടുണ്ട്. കേസിലെ അന്വേഷണ ഉദ്യോഗസ്ഥനായ ബൈജു പൗലോസ് ഇവരിൽ നിന്ന് മൊഴി എടുക്കുന്നുണ്ട്. ഇന്നലെ നടന്ന പൊലീസിന്റെ ഉന്നതതല യോഗത്തിന് ശേഷമാണ് ഇവരെ വിളിച്ച് വരുത്താൻ പൊലീസ് തീരുമാനിച്ചത്.
സിക്കിം അതിർത്തിയിലെ ദോക്ലാമിൽ നിന്ന് ഇന്ത്യൻ സൈന്യം പിന്മാറിയില്ലെങ്കിൽ ശക്തമായ സൈനിക നടപടിയുമായി ചൈന മുന്നോട്ട് പോകുമെന്ന് ഗ്ലോബൽ ടൈംസ് റിപ്പോർട്ട്. ചൈനയുടെ ദേശീയ മാധ്യമമായ ഗ്ലോബൽ ടൈംസ് ഇന്ത്യയെ ഏറ്റവും കയ്പേറിയ പാഠം പഠിപ്പിക്കണമെന്നും തങ്ങളുടെ എഡിറ്റോറിയലിൽ പറഞ്ഞിട്ടുണ്ട്.
സൈനിക നടപടിയുമായി ചൈന മുന്നോട്ട് പോയാൽ 1962 ലേതിനേക്കാൾ കനത്ത നഷ്ടം ഇന്ത്യയ്ക്കുണ്ടാകും. ഇത് ഒഴിവാക്കണമെങ്കിൽ ഇന്ത്യ അതിർത്തിയിൽ നിന്ന് പിന്മാറണമെന്നാണ് ചൈനയുടെ ആവശ്യം.
ഇന്ത്യ അതിർത്തി കടന്ന് നടത്തുന്ന അധിനിവേശത്തിൽ ചൈനയിലെ ജനങ്ങൾ രോഷാകുലരാണെന്ന് മാധ്യമങ്ങൾ വ്യക്തമാക്കുന്നുണ്ട്. “ചൈനയുടെ അതിർത്തിക്കകത്ത് നിന്ന് ഇന്ത്യൻ സൈന്യത്തെ പുറത്താക്കാൻ ചൈനീസ് സേനയ്ക്ക് കരുത്തുണ്ട്. മാന്യതയോടെ ഇന്ത്യൻ സൈന്യം ചൈനയിൽ നിന്ന് പിന്മാറണം. അല്ലെങ്കിൽ ചൈന അടിച്ച് പുറത്താക്കും” ഗ്ലോബൽ ടൈംസിന്റെ എഡിറ്റോറിയൽ പറയുന്നു.
“ഇന്ത്യയെ നേരിടുന്ന കാര്യത്തിൽ സൈന്യത്തിന് പൂർണ്ണ അധികാരം നൽകണം. ചൈനീസ് സമൂഹം ഈ വിഷയത്തിൽ ഒറ്റക്കെട്ടായി നിൽക്കണം. രാജ്യം ഒറ്റക്കെട്ടായി നിന്നാൽ അത് സൈന്യത്തിന് കൂടുതൽ ശക്തമായി ആക്രമിക്കാനുള്ള മനക്കരുത്ത് നൽകും. ഇത്തവണ ന്യൂഡൽഹിയ്ക്ക് ഏറ്റവും കയ്പേറിയ പാഠമായിരിക്കണം ചൈന നൽകേണ്ടത്” എഡിറ്റോറിയൽ വിശദീകരിച്ചു.
ഇന്ത്യ എത്ര ശക്തമായ യുദ്ധത്തിനും സജ്ജരാണ് എന്ന സൈനിക മേധാവി ബിപിൻ റാവത്തിന്റെ പ്രസ്താവനയാണ് ഗ്ലോബൽ ടൈംസിന്റെ മറുപടിക്ക് പിന്നിൽ. നേരത്തേ ഇന്ത്യ ചരിത്രത്തിൽ നിന്ന് പാഠം ഉൾക്കൊള്ളണമെന്ന പ്രകോപനപരമായ പ്രസ്താവനയ്ക്ക് കേന്ദ്ര ധനകാര്യ മന്ത്രി അരുൺ ജയ്റ്റ്ലി ശക്തമായ മറുപടി നൽകിയിരുന്നു.
ജൂൺ ആറിന് സിക്കിമിൽ ശക്തമായ തർക്കം ആരംഭിച്ചപ്പോൾ മുതൽ ചൈനീസ് മാധ്യമങ്ങൾ പ്രകോപനപരമായ പ്രസ്താവനകളും ലേഖനങ്ങളും പ്രസിദ്ധീകരിക്കുന്നുണ്ട്. ഭൂട്ടാൻ-ചൈന അതിർത്തിയിലെ ചൈനീസ് കടന്നുകയറ്റത്തെ ചെറുക്കാൻ ഇന്ത്യയാണ് ഭൂട്ടാന് സൈനിക സഹായം നൽകുന്നത്.
കൊച്ചിയില് പ്രമുഖ നടിയാക്രമിക്കപ്പെട്ട കേസില് നടന് ധര്മ്മജനേയും ദിലീപിന്റെ അനിയന് അനുപിനേയും ചോദ്യം ചെയ്യുന്നതിനായി ആലുവ പോലീസ് ക്ലബ്ബിലേയ്ക്കു വിളിപ്പിച്ചു. കേസില് 48 മണിക്കൂറിനുള്ളില് അറസ്റ്റ് ഉണ്ടായേക്കും എന്ന അഭ്യൂഹങ്ങള് പ്രചരിക്കുന്നതിനിടയിലാണ് പോലീസിന്റെ ഈ പുതിയ നീക്കം. ഈ നടപടി കേസ് നിര്ണ്ണായക ഘട്ടത്തിലേയ്ക്കാണു പോകുന്നത് എന്നതിന്റെ സൂചനയാണെന്നും പറയുന്നു. ധര്മ്മജനും പള്സര് സുനിയും ഒരുമിച്ചിരിക്കുന്ന ദൃശ്യങ്ങളും പുറത്തു വന്നിട്ടുണ്ട്.
കേസിലെ തുടര്നടപടികള് ചര്ച്ച ചെയ്യാന് അന്വേഷണ സംഘത്തിന്റെ നേതൃത്വത്തില് ഇന്നലെ യോഗം ചേര്ന്നിരുന്നു. ഇതിന് പിന്നാലെയാണ് നടന് ധര്മ്മജനെ പൊലീസ് വിളിപ്പിച്ചിരിക്കുന്നത്. ആരെയും അറസ്റ്റ് ചെയ്യാനുളള സമയമായിട്ടില്ലെന്നും അതിനുളള തെളിവുകള് ലഭിച്ചിട്ടില്ലെന്നും പൊലീസ് ഇന്ന് അറിയിച്ചിരുന്നു. അന്വേഷണം ശരിയായ ദിശയിലാണ് പോകുന്നത്. കൂടുതല് ഊഹാപോഹങ്ങള് ഇത് സംബന്ധിച്ച് പ്രചരിപ്പിക്കരുതെന്നും റൂറല് എസ്പി എ.വി ജോര്ജ് അറിയിച്ചിരുന്നു. ദിലീപിനെയും നാദിര്ഷായെയും വീണ്ടും ചോദ്യം ചെയ്യുമെന്നാണ് പൊലീസ് വൃത്തങ്ങള് സൂചിപ്പിക്കുന്നതും. ഇതിനായി നൂറിലേറെ പേജ് വരുന്ന പുതിയ ചോദ്യാവലി പൊലീസ് തയ്യാറാക്കി. ഫോണ്കോളുകളുടെ വിശദാംശങ്ങളുടെ അടിസ്ഥാനത്തിലും ചോദ്യങ്ങളുണ്ടെന്നാണ് അറിയുന്നത്.
സിനിമയില് അവസരങ്ങള്ക്കുവേണ്ടി കിടക്കപങ്കിടാന് ആവശ്യപ്പെടാറുണ്ടെന്ന ചില നടിമാരുടെ ആരോപണങ്ങള്ക്കെതിരെ ഇന്നസെന്റ്. തന്നോട് ആരും ഇതുസംബന്ധിച്ച് പരാതി പറഞ്ഞിട്ടില്ലെന്നു പറഞ്ഞ ഇന്നസെന്റ് നടിമാര് മോശമാണെങ്കില് ചിലപ്പോള് കിടക്ക പങ്കിടേണ്ടിവരുമെന്നും പറഞ്ഞു. താരസംഘടനയായ അമ്മയ്ക്കെതിരെ ഉയര്ന്ന വിമര്ശനങ്ങളുടെ പശ്ചാത്തലത്തില് തൃശൂരിലെ വീട്ടില് വിളിച്ചുചേര്ത്ത വാര്ത്താസമ്മേളനത്തില് മാധ്യമ പ്രവര്ത്തകരുടെ ചോദ്യത്തിന് മറുപടിയായാണ് ഇന്നസെന്റിന്റെ പരാമര്ശം.
സിനിമാ മേഖലയില് ചിലരുടെ ഭാഗത്തുനിന്നും മോശമായ പെരുമാറ്റങ്ങള് ഉണ്ടായിട്ടുള്ളതായി യോഗങ്ങളില് പരാതിപ്പെട്ടിട്ടുണ്ടോയെന്ന ചോദ്യത്തോട് പ്രതികരിക്കുകയായിരുന്നു അദ്ദേഹം. അങ്ങനെയുള്ള പരാതികളൊന്നും ലഭിച്ചിട്ടില്ല എന്നായിരുന്നു ഇന്നസെന്റിന്റെ മറുപടി. തുടര്ന്ന് അടുത്തിടെ ഒരു അഭിമുഖത്തില് നടി പാര്വ്വതി ഉന്നയിച്ച ആരോപണം മാധ്യമപ്രവര്ത്തക ഇന്നസെന്റിന്റെ ശ്രദ്ധയില്പ്പെടുത്തുകയായിരുന്നു. സിനിമയില് അവസരങ്ങള്ക്കുവേണ്ടി കിടക്ക പങ്കിടാന് ആവശ്യപ്പെട്ടെന്ന് പാര്വ്വതി ഒരു അഭിമുഖത്തില് പറഞ്ഞിരുന്നു. ഇതിനോടു പ്രതികരിച്ചായിരുന്നു ഇന്നസെന്റ് നടിമാരെ അധിക്ഷേപിച്ചു സംസാരിച്ചത്.
കേസും ബഹളവുമായി കാവ്യയും ദിലീപും ഓടുമ്പോള് നീണ്ട ഇടവേളയ്ക്കു ശേഷം കാവ്യയുടെ ആദ്യഭര്ത്താവ് നിശാല് ഫേസ്ബുക്കില് ഭാര്യയ്ക്ക് ഒപ്പമുള്ള ചിത്രം പങ്കുവെച്ചു.
ഭാര്യ രമ്യക്കൊപ്പം സുഹൃത്തിന്റെ വിവാഹ ചടങ്ങിൽ പങ്കെടുക്കുന്ന ചിത്രമാണ് നിശാൽ പങ്കുവച്ചിരിക്കുന്നത്. സോഷ്യൽ മീഡിയയിൽ സജീവമല്ലാത്ത നിശാൽ വിവാഹ ശേഷം അമേരിക്കയിൽ സ്ഥിരതാമസമാണ്. തിരുവനന്തപുരം കുമാരപുരം ജ്യോതിയില് ചന്ദ്രമോഹന്റെയും മണിയുടേയും മകന് നിഷാല് ചന്ദ്ര കുവൈറ്റ് നാഷണല് ബാങ്കിന്റെ ടെക്നിക്കല് അഡ്വൈസറായിരുന്നു.
സോഫ്റ്റ്വെയർ വിദഗ്ധനായ നിശാലിന് അടുത്തിടെ ഗ്രീൻ കാർഡ് ലഭിച്ചിരുന്നു. കാവ്യാ മാധവനുമായുള്ള വിവാഹ മോചനത്തിനു ശേഷമാണ് നിശാൽ കുവൈറ്റിൽ നിന്ന് അമേരിക്കയിലേക്ക് കുടിയേറിയത്. കാവ്യയുമായുള്ള ബന്ധം വേര്പിരിഞ്ഞ ശേഷം ചെങ്ങന്നൂർ ബുധനൂര് എണ്ണക്കാട് തെക്കേമഠത്തില് സുരേന്ദ്രനാഥ സ്വാമിയുടെയും അനില എസ് നാഥിന്റെയും മകള് രമ്യ എസ് നാഥിനെയാണ് നിശാല് വിവാഹം ചെയ്തത്.
ലോകമെങ്ങും പാരിസ്ഥിതിക അവബോധം ശക്തിപ്പെടുകയും പാരിസ്ഥിതിക നിയമങ്ങള് കൂടുതല് കര്ശനമാക്കുകയും ചെയ്യുന്ന സാഹചര്യത്തില് ഇന്ത്യ പോലെ ഒരു കാര്ഷിക രാജ്യത്ത്, അതിനെ തകര്ക്കാനുള്ള ശ്രമങ്ങള് നടത്തുന്ന കേന്ദ്ര സര്ക്കാരിന്റെ നീക്കമാണ് നാഷണല് ഗ്രീന് ട്രിബ്യൂണലിനെ ദുര്ബലപ്പെടുത്തുന്നതില് കാണുന്നെന്ന് ആംആദ്മി പാര്ട്ടി. അതില് നിന്ന് കേന്ദ്ര സര്ക്കാര് പിന്തിരിയണം എന്ന് ആം ആദ്മി പാര്ട്ടി ആവശ്യപ്പെട്ടു. ഇന്ത്യയിലെ പൊതുവിഭവങ്ങള് കൊള്ളയടിക്കാന് കോര്പ്പറേറ്റകളെയും, ചങ്ങാത്ത മുതലാളിത്തത്തെയും സഹായിക്കുന്ന തരത്തില് ഉള്ള ഇടപെടലുകളാണ് ഇപ്പോള് കേന്ദ്രസര്ക്കാര് നടത്തിക്കൊണ്ടിരിക്കുന്നത്.
1986 -ലെ പാരിസ്ഥിതിക സംരക്ഷണ നിയമവും, അതിനു ശേഷം ഉണ്ടായ നിരവധി മറ്റു നിയമങ്ങളും, കോടതി വിധികളും പാലിക്കുന്നുണ്ടോ എന്നുറപ്പ് വരുത്താന് മുഖ്യധാരാ കോടതികള്ക്ക് കഴിയാതെ വന്നപ്പോള് അതിനു വേണ്ട വൈദഗ്ദ്ധ്യം തങ്ങള്ക്കില്ല എന്ന് കോടതികള് തന്നെ സമ്മതിച്ചപ്പോളാണ്, 2010ലെ ദേശീയ ഹരിത ട്രിബ്യൂണല് നിയമം ഉണ്ടായത്. അതിനനുസരിച്ച് സ്ഥാപിക്കപ്പെട്ട ഹരിത ട്രിബ്യൂണലുകളെ, ദുര്ബലപ്പെടുത്താനും, ഇല്ലാതാക്കാനും ആണ് ഇപ്പോള് ശ്രമിക്കുന്നത്. സ്വതന്ത്ര ജുഡീഷ്യറി എന്നത് ഇന്ത്യന് ഭരണഘടനയുടെ പ്രത്യേകതയാണ്. ആ അടിസ്ഥാനത്തില് തന്നെ പാരിസ്ഥിതികമായ കേസുകള് കൈകാര്യം ചെയ്യുന്നതിന്, ഹൈക്കോടതിയുടെ അധികാരം ഉള്ള ഗ്രീന് ട്രിബ്യൂണലുകളെ സൃഷ്ടിച്ചത് ഈ ലക്ഷ്യം വച്ച് കൊണ്ട് തന്നെ ആണ്. നിരവധി പാരിസ്ഥിതിക വിഷയങ്ങളിലുണ്ടായ തര്ക്കങ്ങള് പരിഹരിക്കാന് ട്രിബ്യൂണലിനു കഴിഞ്ഞിട്ടുണ്ട്. മറ്റു കോടതികളില് നിന്ന് വ്യത്യസ്തമായി, പാരിസ്ഥിതിക വൈദഗ്ദ്ധ്യം ഉപയോഗിച്ച് പ്രശ്നങ്ങളെ വിലയിരുത്താനും അതില് തീര്പ്പ് കല്പ്പിക്കാനും, ശേഷിയുള്ള ഹരിത ട്രിബ്യൂണലുകളെ പൂര്ണ്ണമായും ഇല്ലാതാക്കുന്ന നടപടിയാണ്, ഇപ്പോള് കേന്ദ്ര സര്ക്കാര് സ്വീകരിച്ചിരിക്കുന്നത്.
ഹരിത ട്രിബ്യൂണലിലെ ജഡ്ജിമാര് ഇനിമേല് മുന്ഹൈക്കോടതി ജഡ്ജിമാര് ആകണമെന്നില്ല. കേവലം 10 വര്ഷം ഏതെങ്കിലും നിയമ മേഖലയില് പ്രവര്ത്തിച്ചാല് മതി. പാരിസ്ഥിതികമായി യാതൊരു ധാരണയും ഉണ്ടാവണം എന്നില്ല. തന്നെയുമല്ല സ്വതന്ത്ര നീതിന്യായ സംവിധാനം എന്ന ഭരണഘടനാ തത്വം ലംഘിക്കപ്പെടുന്നു. അവിടത്തെ ജഡ്ജി നിയമനങ്ങള്ക്ക് സുപ്രീംകോടതി ജഡ്ജിയുടെ അംഗീകാരം വേണം എന്നുണ്ടായിരുന്നു. അതും ഇല്ലാതാക്കി. മറിച്ച് കേന്ദ്ര സര്ക്കാരിന് കീഴിലുള്ള വനം പരിസ്ഥിതി മന്ത്രാലയത്തിലെ, സെക്രട്ടറിക്ക് കീഴില് പ്രവത്തിക്കുന്ന, ഒരു ഉപ വകുപ്പായി ഹരിത ട്രിബ്യൂണലിനെ മാറ്റാനാണ് ഇപ്പോള് ശ്രമിക്കുന്നത്. അതിലെ ജഡ്ജിമാര്ക്ക് ജഡ്ജിമാരുടെ അവകാശങ്ങള് ഇല്ല. മറിച്ച് ഐ.എ.എസ്. ഓഫീസര്മാരുടെ അവകാശങ്ങള് മാത്രമാണുള്ളത്.
ഇത് ജുഡിഷ്യറിയെ വികലപ്പെടുത്തുന്ന ഒരു തീരുമാനം ആണ്. ഇന്ത്യയിലെ വിഭവ ചൂഷകര്ക്ക് വേണ്ടി, കേന്ദ്ര സര്ക്കാര് നടത്തുന്ന ഈ പ്രവര്ത്തനം വരും തലമുറയോടുള്ള വെല്ലുവിളിയാണ്. അതുകൊണ്ട് തന്നെ ഇതില് നിന്ന് പിന്തിരിയാന് കേന്ദ്ര സര്ക്കാര് തയ്യാറാകണമെന്നും, അത്തരത്തിലുള്ള പ്രവര്ത്തനങ്ങളിലേക്ക് വേണ്ടി ജനങ്ങളെ സംഘടിപ്പിക്കാനും, പ്രക്ഷോഭം നടത്താനും ആം ആദ്മി പാര്ട്ടി തയ്യാറാകും എന്ന് ഇതിനാല് മുന്നറിയിപ്പ് നല്കുന്നു.
അതുപോലെതന്നെ ആറന്മുള വിമാനത്താവളം പോലുള്ള വിഷയങ്ങളില് ഹരിത ട്രിബ്യൂണലിന്റെ ഇടപെടല് എത്രത്തോളം ഗുണകരമായിരുന്നു എന്ന് നന്നായി അറിയാവുന്ന ഇടതുപക്ഷ സര്ക്കാര് ഇക്കാര്യത്തില് അടിയന്തരമായി ഇടപെടണം എന്ന് ആം ആദ്മി പാര്ട്ടി ആവശ്യപ്പെടുന്നു.
തിരുവനന്തപുരം: പാമ്പാടി നെഹ്റു കോളേജില് വിദ്യാര്ത്ഥിയായിരുന്ന ജിഷ്ണു പ്രണോയിയുടെ മരണം സിബിഐ അന്വേഷിക്കും. അഡീഷണല് ചീഫ് സെക്രട്ടറി സുബ്രത ബിശ്വാസ് ഇതി സംബന്ധിച്ച് വിജ്ഞാപനം ഇറക്കി. സിബിഐ അന്വേഷണത്തിന് തയ്യാറാണെന്ന് സര്ക്കാര് നേരത്തേ വ്യക്തമാക്കിയിരുന്നു. അതിനു പിന്നാലെയാണ് അന്വേഷണത്തിനു ശുപാര്ശ ചെയ്തുകൊണ്ട് വിജ്ഞാപനം ഇറക്കിയിരിക്കുന്നത്.
ജിഷ്ണുവിന്റെ കുടുംബത്തിന്റെ ആവശ്യത്തെത്തുടര്ന്നാണ് നടപടി. ഇത് സംബന്ധിച്ച സര്ക്കാര് ഉത്തരവിന്റെ പകര്പ്പ് ജിഷ്ണുവിന്റെ വീട്ടില് ലഭിച്ചു. സിബിഐ അന്വേഷണം ആവശ്യപ്പെട്ടുകൊണ്ട് ജിഷ്ണുവിന്റെ പിതാവ് കോഴിക്കോട്ട് വെച്ച് മുഖ്യമന്ത്രിയെ സന്ദര്ശിച്ചിരുന്നു. സിബിഐ അന്വേഷണത്തിന് തടസ്സം ഒന്നുമില്ലെന്നും ഇക്കാര്യം ജിഷ്ണുവിന്റെ അച്ഛനെയും ഡിജിപിയെയും അറിയച്ചിട്ടുണ്ടെന്നും മുഖ്യമന്ത്രി വ്യക്തമാക്കിയിരുന്നു.
സിബിഐ അന്വേഷണം പ്രഖ്യാപിച്ച നടപടിയില് സന്തോഷമുണ്ടെന്ന് ജിഷ്ണുവിന്റെ അമ്മ മഹിജ പറഞ്ഞു. അന്വേഷണം സിബിഐയ്ക്ക് വിട്ടതില് ആശ്വാസമുണ്ട്. ഇതില് സര്ക്കാരിനോട് നന്ദിയുണ്ടെന്നും മഹിജ വ്യക്തമാക്കി.
തോമസ് ടി. ഉമ്മന്
ന്യൂയോര്ക്ക്: മുന് കെ.പി.സി.സി പ്രസിഡന്റ് വി.എം. സുധീരന് ന്യൂയോര്ക്കിലെ ഓവര്സീസ് കോണ്ഗ്രസ് പ്രവര്ത്തകര് ഹൃദ്യമായ സ്വീകരണം നല്കി. ക്വീന്സില് ഡയാന ബാലന്റെ വസതിയില് നടന്ന സ്വീകരണ കൂട്ടായ്മയില് ഐ.എന്.ഒ.സി ചെയര്മാന് ജോര്ജ് എബ്രഹാം, ജനറല് സെക്രട്ടറി ഹര്ഭജന്സിംഗ്, ഐഎന്ഒസി കേരളാ ചെയര്മാന് തോമസ് ടി. ഉമ്മന്, പ്രസിഡന്റ് ജയചന്ദ്രന് രാമകൃഷ്ണന്, ഐ.എന്.ഒ.സി ട്രഷറര് ജോസ് ജോര്ജ്, ന്യൂയോര്ക്ക് ട്രഷറര് ബാലചന്ദ്ര പണിക്കര്, വനിതാഫോറം ചെയര് ലീല മാരേട്ട്, വി എം ചാക്കോ, സി ജി ജനാര്ദ്ദനന്, തമിഴ്നാട് ചാപ്റ്റര് വൈസ് പ്രസിഡന്റ് കോശി ഉമ്മന്, യുവജനവിഭാഗം ജെയ്സണ്, മാധ്യമ പ്രവര്ത്തകരായ മലയാളി ചീഫ് എഡിറ്റര് ജോര്ജ് ജോസഫ്, ഇന്ഡോ അമേരിക്കന് പ്രസ് ക്ലബ്ബ് (ഐപിസി) ഭാരവാഹികളായ ജിന്സ്മോന് സഖറിയ, ജനറല് സെക്രട്ടറി ഈപ്പന് ജോര്ജ്, വൈസ് പ്രസിഡന്റ് തോമസ് മാത്യൂ, ജോയിന്റ് ട്രഷറര് സജി തോമസ്, ഡയറക്ട് ബോര്ഡ് അംഗം ജോര്ജ് കൊട്ടാരത്തില്, കേരള ടൈംസ് ചീഫ് എഡിറ്റര് ബിജു ജോണ്, എസ്എന്എ നേതാക്കളായ കെ.ജി. സഹൃദയന്, സന്തോഷ് ചെമ്പന്, കെ ജി ജനാര്ദനന്, സ്വര്ണകുമാര്, മാധവന് തുടങ്ങിയവര് പങ്കെടുത്തു.
സ്വീകരണത്തോടൊപ്പം നടത്തപ്പെട്ട സൗഹൃദ ചര്ച്ചയില് രാഷ്ട്രീയം പറയാന് താല്പര്യമില്ലെന്ന് സുധീരന് പറഞ്ഞു. ഇന്ത്യയില് ഇപ്പോള് കോണ്ഗ്രസ് പിന്നോക്കമാണെങ്കിലും ആ സ്ഥിതി തുടരുമെന്ന് കരുതുന്നില്ലെന്നും സുധീരന് അഭിപ്രായപ്പെട്ടു. വലിയ വാഗ്ദാനങ്ങള് നല്കി അധികാരത്തില് വന്ന ബിജെപി പ്രതീക്ഷിച്ച നേട്ടമൊന്നും ഉണ്ടാക്കുന്നില്ല. ബഹുസ്വരതയാണ് ഇന്ത്യയുടെ ശക്തി. അത് തകര്ന്നാല് ദീര്ഘകാലാടിസ്ഥാനത്തില് ദോഷങ്ങളുണ്ടാകും. കമ്മ്യൂണലിസം ജനാധിപത്യത്തിനു ഭീഷണിയാണ്. നോട്ട് പിന്വലിച്ച നടപടി ഇന്ത്യയിലെ ജനങ്ങളെ കടുത്ത ദുരിതത്തിലേക്ക് തള്ളിവിടുകയാണ് ചെയ്തത്. അതിന്റെ ദോഷഫലങ്ങള് തുടരുന്നു. അതിനുശേഷം ഉത്തര്പ്രദേശില് ബിജെപി ജയിച്ചു എന്നതുകൊണ്ട് ജനത്തിന്റെ കഷ്ടപ്പാട് ഇല്ലാതായെന്നോ, ജനം ആ നടപടി ശരിവെച്ചുവെന്നോ അര്ത്ഥമില്ല.
കോണ്ഗ്രസുകാരന് തന്നെയായ സര്ദാര് പട്ടേലിനെ മഹത്വവത്കരിക്കുമ്പോള് തന്നെ രാഷ്ട്രശില്പിയായ നെഹ്റുവിനേയും ഇന്ദിരാഗാന്ധിയേയും ജനമനസ്സില് നിന്ന് നീക്കാനും മോദിയും കൂട്ടരും ശ്രമിക്കുന്നു. നെഹ്റുവിന്റെ പേര് പോലും ഉപയോഗിക്കാതിരിക്കാന് ശ്രമിക്കുന്നു. ആഫ്രിക്കയില് നടന്ന സമ്മേളനത്തില് മോദി, നെഹ്റുവിന്റെ പേര് ഉപയോഗിച്ചില്ല. എന്നാല് സിംബാബ്വെ പ്രസിഡന്റ് റോബര്ട്ട് മുഗാബെയും ദക്ഷിണാഫ്രിക്കന് പ്രസിഡന്റ് സുമോയും കോണ്ഗ്രസും നെഹ്റുവും ആഫ്രിക്കന് സ്വാതന്ത്ര്യ പ്രസ്ഥാനങ്ങള്ക്ക് നല്കിയ പ്രചോദനം ആവര്ത്തിച്ചുപറഞ്ഞു. കലവറയില്ലാതെ ഇരുവരും നെഹ്റുവിനെ പുകഴ്ത്തി. മോദി തലതാഴ്ത്തിപ്പോയി. താന് ആരോഗ്യമന്ത്രിയായിരുന്നപ്പോള് ആകെ നടപടി എടുത്തത് വകുപ്പ് ഡയറക്ടര്ക്കെതിരെ മാത്രമായിരുന്നുവെന്ന് സുധീരന് പറഞ്ഞു. സ്ഥലംമാറ്റത്തിനും മറ്റും അന്ന് കൃത്യമായ മാനദണ്ഡമുണ്ടാക്കി. ഒരാള്ക്കും അതില് ഒഴിവുകഴിവു കിട്ടില്ലെന്നു വന്നപ്പോള് ആദ്യമൊക്കെ എതിര്പ്പ് വന്നു. പക്ഷേ ക്രമേണ എല്ലാവരും ്അത് അംഗീകരിക്കുകയാണ് ചെയ്തത്. അഴിമതിക്കാരനായ ഒരു ഉദ്യോഗസ്ഥനെ വിളിച്ചുവരുത്തി അക്കാര്യം തുറന്നു പറഞ്ഞു. മേലാല് ആവര്ത്തിക്കരുതെന്ന് താക്കീത് നല്കി. താന് സ്ഥാനം വിടുന്നത് വരെ അയാള് ഒരു കുഴപ്പവും കാണിച്ചില്ല. അതുപോലെ തന്നെ പരിസരം വൃത്തിയോടെ സൂക്ഷിക്കാനുള്ള സാമൂഹിക ബോധം നാം കാണിക്കുന്നില്ല. അത് തികച്ചും ഖേദകരമാണ്. അത്യാധുനിക മെട്രോ ട്രെയിനില് ഇതിനകം തന്നെ ഗ്രാഫിറ്റിയും മാലിന്യങ്ങളും മറ്റും കാണാന് തുടങ്ങിയിരിക്കുന്നു. നിയമം ഒരുപോലെയും ശക്തമായും നടപ്പാക്കിയാല് കേരളത്തിലെ പല പ്രശ്നങ്ങളും തീരും. അതുണ്ടാവുന്നില്ല. നിയമം ലംഘിച്ചാല് ശിക്ഷ കിട്ടുമെന്ന ഭീതി ഇല്ല. ഈ സ്ഥിതി മാറണമെന്നും സുധീരന് അഭിപ്രായപ്പെട്ടു.
ലണ്ടന്: വിവാഹത്തിന് യോഗ്യരായ പുരുഷന്മാരുടെ ദൗര്ലഭ്യം മൂലം അണ്ഡങ്ങള് സൂക്ഷിച്ചുവെക്കുന്ന സ്ത്രീകളുടെ എണ്ണത്തില് വര്ദ്ധനയെന്ന് കണക്കുകള്. അണ്ഡങ്ങള് ശീതീകരിച്ച് സൂക്ഷിക്കാന് നല്കുന്ന സ്ത്രീകള്ക്കിടയില് നടത്തിയ പഠനത്തിലാണ് വിവാഹത്തിന് യോഗ്യരായ പുരുഷന്മാരില്ലാത്തതാണ് ഇപ്രകാരം ചെയ്യാന് തങ്ങളെ പ്രേരിപ്പിക്കുന്നതെന്ന് വലിയൊരു ഭൂരിപക്ഷം സ്ത്രീകള് അറിയിച്ചത്. ജനസംഖ്യാപരമായ കാരണങ്ങളാല് വിദ്യാഭ്യാസമുള്ള പുരുഷന്മാരുടെ എണ്ണത്തില് കാര്യമായ കുറവ് ഉണ്ടാകുന്നുണ്ടെന്ന് വിദഗ്ദ്ധര് പറയുന്നു.
ആഗോള തലത്തില് നടത്തിയ പഠനമാണ് ഈ വസ്തുത പുറത്തുകൊണ്ടുവന്നത്. മിക്ക രാജ്യങ്ങളിലും വിദ്യാസമ്പന്നരായ സ്ത്രീകളുടെ എണ്ണം പുരുഷന്മാരേക്കാള് ഏറെയാണ്. വിദ്യാഭ്യാസമുള്ള പുരുഷന്മാരെ ലഭിക്കാത്തതിനാല് വിവാഹത്തിന് സ്ത്രീകള് തയ്യാറാകുന്നില്ലെന്നാണ് വ്യക്തമാകുന്നത്. യേല് യൂണിവേഴ്സിറ്റി നടത്തിയ പഠനത്തില് എട്ട് ക്ലിനിക്കുകളിലായി അണ്ഡങ്ങള് സൂക്ഷിക്കാന് നല്കിയ 150 സ്ത്രീകളുമായി അഭിമുഖങ്ങള് നടത്തിയിരുന്നു. യോഗ്യരായ പുരുഷന്മാരെ ലഭിക്കാത്തതിനാല് വിവാഹത്തിനായി സ്ത്രീകള് കൂടുതല് സമയം ആവശ്യപ്പെടുകയാണെന്ന് പഠനം പറയുന്നു.
തങ്ങളുടെ കരിയറിന് പ്രാമുഖ്യം നല്കുന്ന സ്ത്രീകളാണ് അണ്ഡങ്ങള് സൂക്ഷിച്ചു വെക്കുന്നതെന്ന ദുഷ്പ്രചരണമാണ് ഈ പഠനത്തിന്റെ ഫലം തെളിയിക്കുന്നതെന്ന് വിദഗ്ദ്ധര് പറയുന്നു. കഴിഞ്ഞ ദശാബ്ദങ്ങളില് ബ്രിട്ടീഷ് സര്വകലാശാലകളില് വിദ്യാര്ത്ഥികളുടെ സ്ത്രീ പുരുഷ അനുപാതത്തില് കാര്യമായ മാറ്റം ഉണ്ടായിരുന്നു. 1985ല് 45 ശതമാനം പെണ്കുട്ടികളായിരുന്നു യൂണിവേഴ്സിറ്റികളില് എത്തിയിരുന്നതെങ്കില് 2000ല് അത് 54 ശതമാനമായി ഉയര്ന്നു.
