എന്നാല് സയന്റെ ഭാര്യയുടെയും മകളുടെയും കഴുത്തില് കണ്ട മുറിവുകളെ പറ്റി പൊലീസ് വിശദീകരണം നല്കുന്നില്ല. പോസ്റ്റ്മോര്ട്ടം റിപ്പോര്ട്ട് പുറത്ത് വന്നാല് മാത്രമേ ഇക്കാര്യത്തില് വ്യക്തത ഉണ്ടാവുകയുള്ളൂ. മരണത്തില് ദൂരുഹതയുണ്ടെന്നായിരുന്നു പാലക്കാട് പൊലീസിന്റെ നിലപാട്.
കോടനാട് എസ്റ്റേറ്റിലെ കൊലപാതകത്തില് ഉള്പ്പെട്ട ഒന്നും രണ്ടും പ്രതികള് അടുത്തടുത്ത ദിവസങ്ങളിലായി അപകടത്തില്പ്പെടുകയായിരുന്നു. വെള്ളിയാഴ്ച രാത്രി സേലത്തിനടുത്ത് ആത്തൂരില് നടന്ന ബൈക്ക് അപകടത്തില് ഒന്നാം പ്രതി കനകരാജ് മരിക്കുകയും, ശനിയാഴ്ച പുലര്ച്ചെ കണ്ണാടിയില് നടന്ന അപകടത്തില് രണ്ടാം പ്രതി സയന് ഗുരുതരമായി പരിക്കേല്ക്കുകയും ചെയ്തിരുന്നു. ഇതാണ് ദുരൂഹതയുണ്ടെന്ന റിപ്പോര്ട്ടുകള്ക്കിടയാക്കിയത്.
